Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2025/2010 |
3.10.2025 |
CINNEADH (CBES) 2025/2010 ÓN gCOISTE POLAITIÚIL AGUS SLÁNDÁLA
an 25 Meán Fómhair 2025
maidir le Ceannasaí Fórsa Mhisean an Aontais Eorpaigh a cheapadh ar Mhisean CBSC an Aontais Eorpaigh le haghaidh Oiliúint Mhíleata i bPoblacht na hAfraice Láir (EUTM RCA) agus lena n-aisghairtear Cinneadh (CBES) 2024/2192 (EUTM RCA/1/2025)
TÁ AN COISTE POLAITIÚIL AGUS SLÁNDÁLA,
Ag féachaint don Chonradh ar an Aontas Eorpach, agus go háirithe Airteagal 38 de,
Ag féachaint do Chinneadh (CBES) 2016/610 ón gComhairle an 19 Aibreán 2016 maidir le Misean CBSC an Aontais Eorpaigh le haghaidh Oiliúint Mhíleata i bPoblacht na hAfraice Láir (EUTM RCA) (1), agus go háirithe Airteagal 5(1) de,
De bharr an mhéid seo a leanas:
|
(1) |
De bhun Airteagal 5(1) de Chinneadh (CBES) 2016/610, tá an Coiste Polaitiúil agus Slándála le rialú polaitiúil agus treoir straitéiseach Mhisean Míleata CBSC an Aontais Eorpaigh i bPoblacht na hAfraice Láir (EUTM RCA) a fheidhmiú, agus údaraítear dó na cinntí ábhartha a dhéanamh i gcomhréir le hAirteagal 38 den Chonradh, lena n-áirítear cinntí maidir le Ceannasaithe Fórsa Mhisean an Aontais Eorpaigh ina dhiaidh sin a cheapadh. |
|
(2) |
An 27 Lúnasa 2024, ghlac an Coiste Polaitiúil agus Slándála Cinneadh (CBES) 2024/2192 (2), lena gceaptar an Briogáidire-Ghinearál Nicolae-Gabriel OROS ina Cheannasaí Fórsa Mhisean an Aontais ar EUTM RCA. |
|
(3) |
An 5 Lúnasa 2025, mhol údaráis mhíleata na Rómáine go gceapfaí an Briogáidire-Ghinearál Claudiu-Mădălin TAMAŞ chun teacht i gcomharbas ar an mBriogáidire-Ghinearál Nicolae-Gabriel OROS mar Cheannasaí Fórsa Mhisean an Aontais Eorpaigh ar EUTM RCA. |
|
(4) |
An 8 Lúnasa 2025, thacaigh Ceannasaí Mhisean an Aontais Eorpaigh leis an togra ó údaráis mhíleata na Rómáine. |
|
(5) |
An 14 Lúnasa 2025, mhol Coiste Míleata an Aontais Eorpaigh go gceapfaí an Briogáidire-Ghinearál Claudiu-Mădălin TAMAŞ mar Cheannasaí Fórsa Mhisean an Aontais Eorpaigh ar EUTM RCA ón 30 Meán Fómhair 2025. |
|
(6) |
Ba cheart cinneadh a dhéanamh maidir leis an mBriogáidire-Ghinearál Claudiu-Mădălin TAMAŞ a cheapadh mar Cheannasaí Fórsa Mhisean an Aontais Eorpaigh ar EUTM RCA agus ba cheart Cinneadh (CBES) 2024/2192 a aisghairm, |
TAR ÉIS AN CINNEADH SEO A GHLACADH:
Airteagal 1
Leis seo, ceaptar an Briogáidire-Ghinearál Claudiu-Mădălin TAMAŞ mar Cheannasaí Fórsa Mhisean an Aontais Eorpaigh ar Mhisean CBSC an Aontais Eorpaigh le haghaidh Oiliúint Mhíleata i bPoblacht na hAfraice Láir (EUTM RCA) ón 30 Meán Fómhair 2025.
Airteagal 2
Leis seo, déantar Cinneadh (CBES) 2024/2192 a aisghairm.
Airteagal 3
Tiocfaidh an Cinneadh seo i bhfeidhm an 30 Meán Fómhair 2025.
Arna dhéanamh sa Bhruiséil, an 25 Meán Fómhair 2025.
Thar ceann an Choiste Pholaitiúil agus Slándála
An Cathaoirleach
D. PRONK
(1) IO L 104, 20.4.2016, lch. 21, ELI: http://data.europa.eu/eli/dec/2016/610/oj.
(2) Cinneadh (CBES) 2024/2192 ón gCoiste Polaitiúil agus Slándála an 27 Lúnasa 2024 maidir le Ceannasaí Fórsa Mhisean an Aontais Eorpaigh a cheapadh ar Mhisean CBSC an Aontais Eorpaigh le haghaidh Oiliúint Mhíleata i bPoblacht na hAfraice Láir (EUTM RCA) agus lena n-aisghairtear Cinneadh (CBES) 2023/2112 (EUTM RCA/1/2024) (IO L, 2024/2192, 7.9.2024, ELI: http://data.europa.eu/eli/dec/2024/2192/oj).
ELI: http://data.europa.eu/eli/dec/2025/2010/oj
ISSN 1977-0839 (electronic edition)