(1)

Foráiltear le Rialachán (AE) 2015/2283 nach bhféadfar ach bianna núíosacha a údaraítear agus a chuirtear ar liosta an Aontais a chur ar an margadh laistigh den Aontas.

(2)

De bhun Airteagal 8 de Rialachán (AE) 2015/2283, glacadh Rialachán Cur Chun Feidhme (AE) 2017/2470 ón gCoimisiún (2) lena mbunaítear liosta an Aontais de bhianna núíosacha údaraithe.

(3)

Cinneadh Cur Chun Feidhme (AE) 2016/1190 ón gCoimisiún (3) lena n-údaraítear tras-reasvaratról a chur ar mhargadh an Aontais mar chomhábhar bia núíosaigh faoi Rialachán (CE) Uimh. 258/97 ó Pharlaimint na hEorpa agus ón gComhairle (4), lena úsáid i bhforbhianna mar a shainmhínítear i dTreoir 2002/46/CE ó Pharlaimint na hEorpa agus ón gComhairle (5), i bhfoirm capsúil nó i bhfoirm táibléid, le haghaidh daoine fásta.

(4)

An 31 Eanáir 2020, chuir an chuideachta DSM Nutritional Products Europe (“an t-iarratasóir”) iarratas faoi bhráid an Choimisiúin i gcomhréir le hAirteagal 10(1) de Rialachán (AE) 2015/2283 chun coinníollacha úsáide an bhia núíosaigh “tras-reasvaratról” a athrú. D’iarr an t-iarratasóir an modhnú ar na formáidí seachadta le haghaidh forbhianna ina bhfuil an bia núíosach tras-reasvaratról, go háirithe na formáidí seachadta sonracha, foirm capsúil nó táibléid, a bhaint, de dheasca nach liostaítear ach na foirmeacha forbhianna a cheadaítear i liosta an Aontais.

(5)

Measann an t-iarratasóir go bhfuil gá leis na formáidí seachadta le haghaidh forbhianna ina bhfuil tras-reasvaratról a mhodhnú, mar go bhféadfaí tras-reasvaratról a úsáid i bhfoirmeacha forbhia seachas i bhfoirm capsúil nó i bhfoirm táibléid de bharr an mhodhnaithe sin.

(6)

Tá roinnt bianna núíosacha a údaraítear i bhforbhianna faoi láthair agus a liostaítear i liosta bianna núíosacha an Aontais nár sonraíodh na formáidí seachadta ina leith. Dá bhrí sin, trí na formáidí seachadta le haghaidh forbhianna ina bhfuil tras-reasvaratról a mhodhnú, d’áiritheofaí comhsheasmhacht maidir le coinníollacha úsáide na bhforbhianna chomh maith le níos mó roghanna a sholáthar d’oibreoirí gnólachtaí bia chun roghanna tomhaltóirí a leanúint.

(7)

Níor iarr an Coimisiún tuairim ón Údarás Eorpach um Shábháilteacht Bia i gcomhréir le hAirteagal 10(3) mar nach dócha go mbeidh tionchar ag an athrú ar choinníollacha úsáide an bhia núíosaigh “tras-reasvaratról” trí bhaint na bhfhormáidí seachadta sonracha forbhianna ar shláinte an duine. Dá bhrí sin, is iomchuí coinníollacha úsáide an bhia núíosaigh “tras-reasvaratról” a athrú chun a úsáid a údarú in aon fhoirm forbhianna ar an uasleibhéal a údaraíodh roimhe.

(8)

Níl aon athrú tagtha ar uasleibhéal tras-reasvaratról i bhforbhianna a údaraítear i gCinneadh Cur Chun Feidhme (AE) 2016/1190 agus a léirítear i liosta bianna núíosacha an Aontais. Tá na himthosca sábháilteachta lenar tacaíodh le húdarú tras-reasvaratról i bhforbhianna bailí go fóill agus níl aon imní maidir le sábháilteacht i gceist le formáidí seachadta sonracha forbhianna a bhaint.

(9)

Ba cheart, dá bhrí sin, an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir.

(10)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,