|
5.6.2007 |
MT |
Il-Ġurnal Uffiċjali ta’ l-Unjoni Ewropea |
830 |
DEĊIŻJONI TAL-KUMMISSJONI
ta' l-14 ta' Diċembru 2006
li temenda d-Deċiżjoni 2006/698/KE fir-rigward ta' estensjoni tal-perjodu ta' applikazzjoni tagħha
(innotifikata taħt dokument numru C(2006) 5783)
(Test b'rilevanza għaż-ŻEE)
(2006/931/KE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 178/2002 tal-Parlament Ewropew u tal-Kunsill tat-28 ta' Jannar 2002 li jistipola l-prinċipji u l-ħtiġijiet ġenerali tal-liġi dwar l-ikel, li jistabbilixxi l-Awtorità Ewropea għas-Sigurtà ta' l-Ikel u li jistipola proċeduri fi kwistjonijiet tas-sigurtà ta' l-ikel (1), u b'mod partikolari l-Artikolu 53(1)(b) tiegħu,
Billi:
|
(1) |
Id-Deċiżjoni tal-Kummissjoni 2006/698/KE tas-16 ta' Ottubru 2006 dwar miżuri ta' emerġenza li japplikaw għall-prodotti tal-ħut impurtati mill-Brażil u intenzjonati għall-konsum mill-bniedem (2) tiskadi fil-31 ta' Diċembru 2006, |
|
(2) |
L-awtoritajiet Brażiljani riċentement ħadu miżuri fir-rigward tan-nuqqasijiet iġeniċi fl-immaniġġjar tal-prodotti tal-ħut identifikati mill-Ispetturi tal-Komunità. |
|
(3) |
Madankollu, hemm bżonn ta' aktar spezzjonijiet tal-Komunità fil-Brażil sabiex tiġi vverifikata l-implimentazzjoni ta' dawk il-miżuri. |
|
(4) |
Sabiex tiġi mħarsa s-saħħa tal-konsumaturi huwa meħtieġ li jinżammu l-miżuri provduti bid-Deċiżjoni 2006/698/KE sakemm jiġi kkonfermat li l-miżuri meħuda mill-awtoritajiet Brażiljani eliminaw in-nuqqasijiet misjuba. |
|
(5) |
Id-Deċiżjoni 2006/698/KE għandha għalhekk tiġi emendata skond dan. |
|
(6) |
Il-miżuri previsti f'din id-Deċiżjoni huma fi qbil ma' l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali, |
ADOTTAT DIN ID-DEĊIŻJONI
Artikolu 1
Fl-Artikolu 6 tad-Deċiżjoni 2006/698/KE, id-data “il-31 ta' Diċembru 2006” hija sostitwita bid-data “it-30 ta' Ġunju 2007”.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussel, 14 ta' Diċembru 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 31, 1.2.2002, p. 1. Regolament kif emendat l-aħħar mir-Regolament tal-Kummissjoni (KE) Nru 575/2006 (ĠU L 100, 8.4.2006, p. 3).