1.   Leis an gComhaontú seo, rialaítear gach ábhar is gá le haghaidh foirne bainistithe teorainneacha de chuid bhuanchór an Gharda Teorann agus Cósta Eorpaigh a imscaradh chuig an mBoisnia agus an Heirseagaivéin, i gcás inar féidir leis na baill den fhoireann cumhachtaí feidhmiúcháin a fheidhmiú.

2.   Féadfar an t-imscaradh dá dtagraítear i mír 1 a dhéanamh ar chríoch na Boisnia agus an Heirseagaivéin.

Faoi réir oibleagáidí na bPáirtithe faoi dhlí na farraige, Coinbhinsiún na Náisiún Aontaithe maidir le Dlí na Farraige 1982 go háirithe, féadfar gníomhaíochtaí oibríochtúla a dhéanamh freisin i réigiún tadhlach na Boisnia agus an Heirseagaivéin. Gníomhaíochtaí oibríochtúla arna gcur chun feidhme faoin gComhaontú seo, ní dhéanfaidh siad difear d’oibleagáidí cuardaigh agus tarrthála a thagann ó dhlí na farraige, go háirithe ó Choinbhinsiún na Náisiún Aontaithe maidir le Dlí na Farraige 1982, ón gCoinbhinsiún Idirnáisiúnta um Shábháilteacht Anama ar Muir 1974 agus ón gCoinbhinsiún Idirnáisiúnta maidir le Cuardach agus Tarrtháil ar Muir 1979.

3.   An Comhaontú seo ná aon ghníomh a chuirtear i gcrích agus an Comhaontú á chur chun feidhme ag na Páirtithe nó thar a gceann, bunú pleananna oibríochtúla nó rannpháirtíocht in oibríochtaí trasteorann san áireamh, ní dhéanann siad difear ar bhealach ar bith do stádas ná teorainneacha chríocha na mBallstát agus na Boisnia agus an Heirseagaivéin faoi seach faoin dlí idirnáisiúnta.

1.   Seolfar gníomhaíocht oibríochtúil faoin gComhaontú seo trí bhíthin cinneadh i scríbhinn ó stiúrthóir feidhmiúcháin na Gníomhaireachta (‘an stiúrthóir feidhmiúcháin’) ar iarraidh i scríbhinn ó na Póilíní Teorann. Áireofar le hiarraidh den sórt sin tuairisc ar an staid, na haidhmeanna féideartha agus na riachtanais a mbeifear ag dréim leo, agus próifílí na mball foirne a bheidh de dhíth, lena n-áirítear próifílí na mball foirne sin a bhfuil cumhachtaí feidhmiúcháin acu, de réir mar is infheidhme.

2.   Má chinneann an stiúrthóir feidhmiúcháin gur dócha go mbeadh sáruithe tromchúiseacha nó leanúnacha ar chearta bunúsacha nó ar oibleagáidí cosanta idirnáisiúnta ag baint leis an ngníomhaíocht oibríochtúil a iarradh, nó go n-eascródh sáruithe den chineál sin as an ngníomhaíocht chéanna, ní sheolfaidh an stiúrthóir feidhmiúcháin an ghníomhaíocht oibríochtúil.

3.   Má mheasann an stiúrthóir feidhmiúcháin go bhfuil gá le tuilleadh faisnéise chun cinneadh a dhéanamh ar cheart gníomhaíocht oibríochtúil a sheoladh, tar éis iarraidh a fháil faoi mhír 1, féadfaidh sé nó sí faisnéis bhreise a iarraidh nó saineolaithe na Gníomhaireachta a údarú le taisteal go dtí an Bhoisnia agus an Heirseagaivéin chun measúnú a dhéanamh ar an staid ann. Éascóidh an Bhoisnia agus an Heirseagaivéin an taisteal sin agus cuideoidh sí ar shlí eile leis na measúnuithe sin, de réir mar a iarrtar.

4.   Cinnfidh an stiúrthóir feidhmiúcháin gan gníomhaíocht oibríochtúil a sheoladh má mheasann sé nó sí go bhfuil cúis ann, a bhfuil údar léi, í a chur ar fionraí nó a fhoirceannadh de bhun fhorálacha ábhartha Airteagal 18.

1.   Déanfar plean oibríochtúil a chomhaontú idir an Ghníomhaireacht agus na Póilíní Teorann le haghaidh gach gníomhaíochta oibríochtúla i gcomhréir le hAirteagail 38 agus 74 de Rialachán (AE) 2019/1896. Beidh an plean oibríochtúil ina cheangal ar an nGníomhaireacht, ar an mBoisnia agus an Heirseagaivéin agus ar na Ballstáit rannpháirteacha.

2.   Leis an bplean oibríochtúil, leagfar amach go mionsonrach gnéithe eagraíochtúla agus gnéithe nós imeachta na gníomhaíochta oibríochtúla, lena n-áirítear an méid seo a leanas:

3.   Beidh an plean oibríochtúil agus aon leasú air nó aon oiriúnú air faoi réir chomhaontú na Gníomhaireachta, na Boisnia agus an Heirseagaivéin agus na mBallstát atá i gcomharsanacht na Boisnia agus an Heirseagaivéin, tar éis dul i gcomhairle leis na Ballstáit rannpháirteacha. Déanfaidh an Ghníomhaireacht comhordú leis na Ballstáit ábhartha chun a gcomhaontú a dheimhniú.

Sula n-aontóidh na Póilíní Teorann leis an bplean oibríochtúil, maidir le suíomh agus imscaradh na foirne bainistithe teorainneacha agus ball foirne eile, i gcomhréir leis na dúshláin agus na rioscaí slándála ábhartha, cuirfidh siad na húdaráis inniúla forfheidhmithe dlí uile ar ar a gcríoch atá gníomhaíochtaí le déanamh ar an eolas agus iarrfaidh siad a dtuairim, i gcomhréir le hinniúlachtaí bunreachtúla na n-údarás sin.

4.   Déanfar malartú faisnéise agus comhar oibríochtúil chun críocha EUROSUR i gcomhréir leis na rialacha chun pictiúir de dhálaí sonracha a bheidh le leagan amach sa phlean oibríochtúil don ghníomhaíocht oibríochtúil lena mbaineann a shuí agus a roinnt.

5.   An mheastóireacht ar an ngníomhaíocht oibríochtúil i gcomhréir le mír 2 pointe (i), déanfaidh an Bhoisnia agus an Heirseagaivéin agus an Ghníomhaireacht í i gcomhar le chéile.

6.   Na téarmaí comhair le comhlachtaí, oifigí agus gníomhaireachtaí an Aontais i gcomhréir le mír 2, pointe (k), cuirfear i gcrích iad i gcomhréir lena sainorduithe féin agus de réir na n-acmhainní atá ar fáil.

1.   Beidh sásra tuairiscithe ag an nGníomhaireacht agus ag na Póilíní Teorann araon chun gur féidir tuairisciú tráthúil a dhéanamh ar aon teagmhas a thagann chun cinn le linn gníomhaíocht oibríochtúil a dhéantar faoin gComhaontú seo.

2.   Cuideoidh an Ghníomhaireacht agus an Bhoisnia agus an Heirseagaivéin le chéile chun gach fiosrúchán agus imscrúdú riachtanach a dhéanamh maidir le haon teagmhas a thuairisceofar tríd an sásra dá dtagraítear i mír 1, amhail finnéithe a shainaithint agus fianaise a bhailiú agus a sholáthar, lena n-áirítear iarrataí chun nithe a bhaineann le teagmhas tuairiscithe a fháil, agus más iomchuí, a thabhairt ar láimh. Féadfar tabhairt ar láimh aon ní den sórt sin a chur faoi réir a dtabhairt ar ais laistigh de na téarmaí a shonróidh an t-údarás inniúil a sholáthróidh iad.

1.   Féadfaidh an Ghníomhaireacht oifigí allamuigh a bhunú ar chríoch na Boisnia agus an Heirseagaivéin chun comhordú gníomhaíochtaí oibríochtúla a éascú agus a fheabhsú, agus chun a áirithiú go ndéanfar bainistiú éifeachtach ar acmhainní daonna agus teicniúla na Gníomhaireachta. Bunóidh an Ghníomhaireacht suíomh gach oifig allamuigh, agus tuairim na n-údarás ábhartha sa Bhoisnia agus an Heirseagaivéin á cur san áireamh aici.

2.   Bunófar na hoifigí allamuigh i gcomhréir le riachtanais oibríochtúla agus beidh siad oibríochtúil le haghaidh na tréimhse ama is gá le go mbeidh an Ghníomhaireacht in ann gníomhaíochtaí oibríochtúla a dhéanamh sa Bhoisnia agus an Heirseagaivéin. Faoi réir chomhaontú na Boisnia agus an Heirseagaivéin, féadfaidh an Ghníomhaireacht fad a chur leis an tréimhse ama sin.

3.   Beidh gach oifig allamuigh faoi bhainistiú ionadaí de chuid na Gníomhaireachta arna cheapadh ag an stiúrthóir feidhmiúcháin mar cheann na hoifige allamuigh, duine a dhéanfaidh formhaoirseacht ar obair fhoriomlán na hoifige.

4.   I gcás inarb infheidhme, déanfaidh na hoifigí allamuigh an méid seo a leanas:

5.   Áiritheoidh an Ghníomhaireacht agus an Bhoisnia agus an Heirseagaivéin na dálaí is fearr is féidir le haghaidh chomhlíonadh na cúraimí a shanntar don oifig allamuigh.

6.   Tabharfaidh an Bhoisnia agus an Heirseagaivéin cúnamh don Ghníomhaireacht acmhainneacht oibríochtúil na n-oifigí allamuigh a áirithiú.

1.   Gan dochar do ról na n-oifigí allamuigh mar a shainmhínítear in Airteagal 6, ceapfaidh an stiúrthóir feidhmiúcháin saineolaí amháin nó níos mó de na baill foirne reachtúla lena n-imscaradh mar oifigigh chomhordúcháin do gach gníomhaíocht oibríochtúil. Cuirfidh an stiúrthóir feidhmiúcháin an Bhoisnia agus an Heirseagaivéin ar an eolas maidir le ceapachán den sórt sin.

2.   Is é an ról a bheidh ag an oifigeach comhordúcháin na nithe seo a dhéanamh:

3.   I gcomhthéacs gníomhaíochtaí oibríochtúla, féadfaidh an stiúrthóir feidhmiúcháin údarú don oifigeach comhordúcháin cúnamh a thabhairt i dtaca le haon easaontas faoi fhorghníomhú an phlean oibríochtúil agus imscaradh na bhfoirne bainistithe teorainneacha a réiteach.

4.   Is treoracha a chomhlíonann an plean oibríochtúil amháin a eiseoidh na Póilíní Teorann do bhaill den fhoireann. Má mheasann an t-oifigeach comhordúcháin nach bhfuil na treoracha a eisítear do na baill den fhoireann i gcomhréir leis an bplean oibríochtúil ná leis na hoibleagáidí dlíthiúla is infheidhme, cuirfidh sé nó sí é sin in iúl d’oifigigh na Boisnia agus an Heirseagaivéin a dhéanann ról comhordúcháin agus don stiúrthóir feidhmiúcháin. Féadfaidh an stiúrthóir feidhmiúcháin bearta iomchuí a dhéanamh, lena n-áirítear an ghníomhaíocht oibríochtúil a chur ar fionraí nó a fhoirceannadh, i gcomhréir le hAirteagal 18.

1.   Agus a gcuid oibleagáidí faoin gComhaontú á gcomhlíonadh acu, glacann na Páirtithe mar chúram orthu féin gníomhú i gcomhréir le gach ionstraim is infheidhme um chearta an duine, lena n-áirítear Coinbhinsiún Chomhairle na hEorpa 1950 chun Cearta an Duine agus Saoirsí Bunúsacha a Chosaint, Coinbhinsiún na Náisiún Aontaithe 1951 i dtaobh Stádas Dídeanaithe, agus an Prótacal ó 1967 a ghabhann leis, Coinbhinsiún Idirnáisiúnta na Náisiún Aontaithe 1965 maidir le Gach Cineál Idirdhealaithe Chiníoch a Dhíothú, Cúnant Idirnáisiúnta na Náisiún Aontaithe 1966 ar Chearta Sibhialta agus Polaitiúla, Coinbhinsiún na Náisiún Aontaithe 1979 maidir le Gach Cineál Idirdhealaithe in aghaidh na mBan a Dhíothú, Coinbhinsiún na Náisiún Aontaithe 1984 in aghaidh na Céastóireachta agus in aghaidh Íde nó Pionós eile atá Cruálach, Mídhaonna nó Táireach, Coinbhinsiún na Náisiún Aontaithe 1989 um Chearta an Linbh, Coinbhinsiún na Náisiún Aontaithe 2006 ar Chearta Daoine faoi Mhíchumas agus Cairt um Chearta Bunúsacha an Aontais Eorpaigh.

2.   Déanfaidh baill den fhoireann, le linn dóibh a gcúraimí a chomhlíonadh agus a gcumhachtaí a fheidhmiú, cearta bunúsacha a urramú go hiomlán, lena n-áirítear maidir le rochtain ar nósanna imeachta tearmainn agus dínit an duine, agus tabharfaidh siad aird ar leith ar dhaoine leochaileacha. Beidh cibé bearta a ghlacfar i gcomhlíonadh a gcúraimí agus i bhfeidhmiú a gcumhachtaí comhréireach le cuspóirí na mbeart sin. Le linn dóibh a gcúraimí a chomhlíonadh agus a gcumhachtaí a fheidhmiú, ní dhéanfaidh siad idirdhealú i gcoinne daoine ar bhonn aon fhoras amhail gnéas, cine, dath, bunadh eitneach nó sóisialta, airíonna géiniteacha, teanga, reiligiún nó creideamh, tuairim pholaitiúil nó eile, ballraíocht i mionlach náisiúnta, maoin, breith, míchumas, aois nó gnéaschlaonadh, i gcomhréir le hAirteagal 21 de Chairt um Chearta Bunúsacha an Aontais Eorpaigh.

Ní fhéadfar bearta a chuirfidh isteach ar na cearta bunúsacha agus na saoirsí bunúsacha a dhéanamh ach amháin nuair a dhéanfaidh baill den fhoireann iad agus a gcuid cúraimí á ndéanamh nó a gcumhachtaí á bhfeidhmiú acu nuair is gá agus nuair a bheidh sé comhréireach maidir le cuspóirí na mbeart sin agus ní mór meas a bheith acu ar bhunbhrí na gceart bunúsach agus na saoirsí bunúsacha sin i gcomhréir leis an dlí idirnáisiúnta, le dlí an Aontais Eorpaigh agus leis an dlí náisiúnta is infheidhme.

Beidh feidhm mutatis mutandis ag an bhforáil seo maidir le gach ball foirne d’údaráis sa Bhoisnia agus an Heirseagaivéin atá páirteach i ngníomhaíocht oibríochtúil.

3.   Déanfaidh oifigeach na Gníomhaireachta um chearta bunúsacha faireachán ar chomhlíontacht gach gníomhaíochta oibríochtúla maidir le caighdeáin um chearta bunúsacha is infheidhme. Féadfaidh an t-oifigeach um chearta bunúsacha, nó a ionadaí, cuairteanna ar an láthair a thabhairt sa Bhoisnia agus an Heirseagaivéin; tabharfaidh sé tuairimí maidir leis na pleananna oibríochtúla agus cuirfidh sé an stiúrthóir feidhmiúcháin ar an eolas faoi sháruithe féideartha ar chearta bunúsacha i dtaobh gníomhaíocht oibríochtúil. Tacóidh an Bhoisnia agus an Heirseagaivéin le hiarrachtaí faireacháin an oifigigh um chearta bunúsacha, de réir mar a iarrtar uirthi.

4.   Comhaontaíonn an Ghníomhaireacht agus an Bhoisnia agus an Heirseagaivéin rochtain thráthúil éifeachtach ar gach faisnéis a bhaineann le hurraim do chearta bunúsacha maidir le haon ghníomhaíocht oibríochtúil arna déanamh faoin gComhaontú seo a chur ar fáil don fhóram comhairliúcháin, lena n-áirítear cuairteanna ar an láthair sa limistéar oibríochtúil.

5.   Beidh sásra gearáin ag an nGníomhaireacht agus an Bhoisnia agus an Heirseagaivéin araon chun próiseáil a dhéanamh ar líomhaintí ar sháruithe ar chearta bunúsacha, arna ndéanamh ag a mbaill foirne agus a bhfeidhmeanna oifigiúla á bhfeidhmiú acu le linn gníomhaíocht oibríochtúil arna déanamh faoin gComhaontú seo.

1.   Déanfaidh oifigeach um chearta bunúsacha na Gníomhaireachta duine amháin ar a laghad den lucht faireacháin ar chearta bunúsacha a cheapadh i ngach gníomhaíocht oibríochtúil chun, inter alia, cúnamh a thabhairt don oifigeach comhordúcháin agus comhairle a chur air.

2.   Déanfaidh an lucht faireacháin ar chearta bunúsacha faireachán ar chomhlíonadh na gceart bunúsach agus tabharfaidh siad comhairle agus cúnamh maidir le cearta bunúsacha in ullmhú, cur i gcrích agus measúnú na gníomhaíochtaí oibríochtúla ábhartha. Áireofar air sin, go háirithe:

3.   Beidh rochtain ag lucht faireacháin ar chearta bunúsacha ar gach réimse ina dtarlóidh an ghníomhaíocht oibríochtúil agus ar na doiciméid uile a bhaineann le cur chun feidhme na gníomhaíochta sin.

4.   Nuair a bheidh lucht faireacháin ar chearta bunúsacha i láthair sa limistéar oibríochtúil, beidh ionchomharthaí á gcaitheamh acu lenar féidir iad a sainaithint go soiléir mar lucht faireacháin ar chearta bunúsacha.

1.   Beidh an t-údarás ag baill den fhoireann na cúraimí a dtugtar tuairisc orthu sa phlean oibríochtúil a dhéanamh.

2.   Agus na cúraimí sin á gcomhlíonadh agus na cumhachtaí sin á bhfeidhmiú ag na baill den fhoireann, comhlíonfaidh siad na dlíthe agus na rialacháin sna Bhoisnia agus an Heirseagaivéin chomh maith le dlí idirnáisiúnta agus dlí an Aontais Eorpaigh is infheidhme.

3.   Ní fhéadfaidh baill den fhoireann cúraimí a chur i gcrích agus cumhachtaí a fheidhmiú ach amháin sa limistéar teorann agus ag pointí trasnaithe teorann na Boisnia agus an Heirseagaivéin agus faoi threoracha ó na Póilíní Teorann agus i láthair na bPóilíní Teorann. Féadfaidh na Póilíní Teorann baill den fhoireann a údarú le cúraimí sonracha a chur i gcrích agus cumhachtaí sonracha a fheidhmiú sa limistéar teorann nó ag pointí trasnaithe teorann na Boisnia agus an Heirseagaivéin ina éagmais, faoi réir thoiliú na Gníomhaireachta nó an Bhallstáit baile, de réir mar is iomchuí.

4.   Is í éide bhuanchór an Gharda Teorann agus Cósta Eorpaigh a bheidh á caitheamh ag baill den fhoireann ar baill foirne reachtúla iad, le linn dóibh a gcúraimí a chur i gcrích agus a gcumhachtaí a fheidhmiú, mura sonraítear a mhalairt sa phlean oibríochtúil.

Beidh a n-éide náisiúnta féin á gcaitheamh ag baill den fhoireann nach baill foirne reachtúla iad agus a gcúraimí á gcur i gcrích acu agus a gcumhachtaí á bhfeidhmiú acu, mura sonraítear a mhalairt sa phlean oibríochtúil.

Agus iad ar dualgas, ní mór do gach ball den fhoireann comhartha céannachta pearsanta infheicthe agus armbhanda gorm ar a mbeidh ionchomharthaí an Aontais Eorpaigh agus na Gníomhaireachta ar a gcuid éidí.

5.   Údaróidh an Bhoisnia agus an Heirseagaivéin baill ábhartha den fhoireann cúraimí a chur i gcrích le linn gníomhaíocht oibríochtúil a mbeidh gá le húsáid fornirt lena aghaidh, lena n-áirítear airm sheirbhíse, armlón agus modhanna comhéigneacha eile a iompar agus a úsáid, i gcomhréir le forálacha ábhartha an phlean oibríochtúil.

Féadfaidh baill den fhoireann ar baill foirne reachtúla iad airm sheirbhíse, armlón agus modhanna comhéigneacha eile a iompar agus a úsáid faoi réir thoiliú na Gníomhaireachta.

Féadfaidh baill den fhoireann nach baill foirne reachtúla iad airm sheirbhíse, armlón agus modhanna comhéigneacha eile a iompar agus a úsáid faoi réir thoiliú an Bhallstáit baile ábhartha.

6.   Déanfar úsáid fornirt, lena n-áirítear iompar agus úsáid arm seirbhíse, armlóin agus modhanna comhéigneacha eile, a fheidhmiú i gcomhréir leis an dlí sa Bhoisnia agus an Heirseagaivéin agus i láthair údaráis bainistithe teorainneacha sa Bhoisnia agus an Heirseagaivéin. Féadfaidh an Bhoisnia agus an Heirseagaivéin baill den fhoireann a údarú le forneart a úsáid in éagmais údaráis bainistithe teorannacha ábhartha.

Maidir le baill den fhoireann ar baill foirne reachtúla iad, beidh údarú den sórt sin, ar údarú é le forneart a úsáid in éagmais údaráis bainistithe teorainneacha sa Bhoisnia agus an Heirseagaivéin, faoi réir thoiliú na Gníomhaireachta.

Maidir le baill den fhoireann nach baill foirne reachtúla iad, beidh údarú den sórt sin, ar údarú é le forneart a úsáid in éagmais údaráis bainistithe teorainneacha sa Bhoisnia agus an Heirseagaivéin, faoi réir thoiliú an Bhallstáit baile ábhartha.

Ní mór aon úsáid a bhainfidh baill den fhoireann as forneart a bheith riachtanach agus comhréireach agus ní mór an úsáid sin a bheith i gcomhréir leis an dlí sa Bhoisnia agus an Heirseagaivéin chomh maith leis an dlí idirnáisiúnta agus dlí an Aontais Eorpaigh is infheidhme, lena n-áirítear, go háirithe, na ceanglais a leagtar síos in Iarscríbhinn V a ghabhann le Rialachán (AE) 2019/1896.

7.   Sula n-imscarfar na baill den fhoireann, cuirfidh an Ghníomhaireacht an Bhoisnia agus an Heirseagaivéin ar an eolas faoi na hairm sheirbhíse, armlón agus trealamh eile a fhéadfaidh baill den fhoireann a iompar faoi mhír 5, agus tabharfaidh na Póilíní Teorann faisnéis faoi sin do gach údarás póilíneachta inniúil sa Bhoisnia agus an Heirseagaivéin. Féadfaidh an Bhoisnia agus an Heirseagaivéin, áfach, iompar airm sheirbhíse, armlóin agus trealaimh áirithe eile a thoirmeasc, ar choinníoll go gcuirfear an toirmeasc céanna sin i bhfeidhm ar a húdaráis bainistithe teorainneacha féin faoina dlí féin. Sula n-imscarfar na baill den fhoireann, cuirfidh an Bhoisnia agus an Heirseagaivéin an Ghníomhaireacht ar an eolas maidir le hairm sheirbhíse, armlón agus trealamh is incheadaithe agus maidir leis na coinníollacha lena n-úsáid. Cuirfidh an Ghníomhaireacht an fhaisnéis sin ar fáil do Bhallstáit.

Déanfaidh an Bhoisnia agus an Heirseagaivéin na socruithe is gá le haghaidh eisiúint aon cheadúnas arm riachtanach agus éascóidh sé allmhairiú, onnmhairiú, iompar agus stóráil na n-arm, armlóin agus trealaimh eile a bheidh ar fáil do na bhaill den fhoireann, arna iarraidh sin ag an nGníomhaireacht.

8.   Féadfar airm sheirbhíse, armlón agus trealamh a úsáid i bhféinchosaint dhlisteanach, i gcosaint dhlisteanach na mball den fhoireann nó i gcosaint daoine eile, i gcomhréir leis an dlí sa Bhoisnia agus an Heirseagaivéin agus i gcomhréir le prionsabail ábhartha dhlí idirnáisiúnta agus dhlí an Aontais Eorpaigh.

9.   Féadfaidh údaráis inniúla sa Bhoisnia agus an Heirseagaivéin baill den fhoireann a údarú chun sonraí óna mbunachair sonraí faoi seach a cheadú más gá chun aidhmeanna oibríochtúla a bhaint amach i gcomhréir leis an bplean oibríochtúil. Áiritheoidh an Bhoisnia agus an Heirseagaivéin go soláthróidh sí rochtain den sórt sin ar bhunachair shonraí ar shlí éifeachtúil éifeachtach.

Sula n-imscarfar na baill den fhoireann, cuirfidh an Bhoisnia agus an Heirseagaivéin an Ghníomhaireacht ar an eolas faoi na bunachair shonraí náisiúnta a fhéadfar a cheadú.

Ní cheadóidh baill den fhoireann ach na sonraí sin a bhfuil gá leo chun a gcúraimí a chur i gcrích agus a gcumhachtaí a fheidhmiú. Déanfar an ceadú sin i gcomhréir le reachtaíocht cosanta sonraí ábhartha sa Bhoisnia agus an Heirseagaivéin agus i gcomhréir leis an gComhaontú seo.

10.   Chun gníomhaíochtaí oibríochtúla a chur chun feidhme, déanfaidh an Bhoisnia agus an Heirseagaivéin oifigigh ó na Póilíní Teorann a imscaradh, ar oifigigh iad atá ábalta agus toilteanach cumarsáid a dhéanamh i mBéarla chun ról comhordaithe a chomhlíonadh thar ceann na Boisnia agus an Heirseagaivéin.

1.   Beidh aon áitreabh agus foirgnimh de chuid na Gníomhaireachta sa Bhoisnia agus an Heirseagaivéin dosháraithe. Beidh siad díolmhaithe ó chuardach, foréileamh, coigistiú nó díshealbhú.

2.   Maoin agus sócmhainní na Gníomhaireachta, lena n-áirítear modhanna iompair, cumarsáid, cartlanna, comhfhreagras, doiciméid, páipéir aitheantais agus sócmhainní airgeadais, is dosháraithe a bheidh siad.

3.   Áirítear le sócmhainní na Gníomhaireachta sócmhainní atá faoi úinéireacht nó faoi chomhúinéireacht Ballstáit, nó arna gcairtfhostú nó arna léasú ag Ballstát agus arna gcur ar fáil don Ghníomhaireacht. Ar bhordáil d’ionadaí/ionadaithe údaráis inniúla náisiúnta, pléifear leo mar acmhainní i mbun seirbhís rialtais agus déanfar iad a údarú i ndáil leis sin.

4.   Ní fhéadfar aon bheart forghníomhaithe a dhéanamh i leith na Gníomhaireachta. Ní bheidh maoin ná sócmhainní na Gníomhaireachta faoi réir aon bheart comhéigin riaracháin ná dlíthiúil. Ní fhéadfar maoin de chuid na Gníomhaireachta a urghabháil chun breithiúnas, cinneadh ná ord a chomhlíonadh.

5.   Arna iarraidh sin do na húdaráis ábhartha sa Bhoisnia agus an Heirseagaivéin, féadfaidh an stiúrthóir feidhmiúcháin toiliú a thabhairt d’údaráis ábhartha sa Bhoisnia agus an Heirseagaivéin dul isteach in áitribh agus i bhfoirgnimh agus/nó rochtain a fháil ar mhaoin agus ar shócmhainní na Gníomhaireachta i gcás ina bhfuil amhras tromchúiseach ann faoi chionta coiriúla.

Féadfar glacadh le toiliú an stiúrthóra feidhmiúcháin i gcás dóiteáin nó tubaiste eile a dteastaíonn gníomh cosanta pras ina leith.

6.   Ceadóidh an Bhoisnia agus an Heirseagaivéin iontráil agus baint earraí agus trealaimh arna n-imscaradh ag an nGníomhaireacht chuig an mBoisnia agus an Heirseagaivéin chun críocha oibríochtúla.

7.   Beidh an Ghníomhaireacht díolmhaithe ó gach dleacht (lena n-áirítear dleachtanna custaim) agus ó gach cáin chomh maith le haon toirmeasc agus srian ar allmhairí agus ar onnmhairí i ndáil le hearraí atá beartaithe dá húsáid oifigiúil.

1.   Is é is aidhm do na pribhléidí agus na díolúintí a dheonófar do na baill den fhoireann, mar a leagtar síos san Airteagal seo, feidhmiú a bhfeidhmeanna oifigiúla a áirithiú le linn na ngníomhaíochtaí a dhéantar i gcomhréir leis an bplean oibríochta ar chríoch na Boisnia agus an Heirseagaivéin.

2.   Ní bheidh baill den fhoireann faoi réir aon chineál fiosrúcháin ná imeacht dlíthiúil sa Bhoisnia agus an Heirseagaivéin nó ag údaráis na Boisnia agus an Heirseagaivéin, seachas sna cúinsí dá dtagraítear i mír 3.

3.   Beidh díolúine ag baill den fhoireann ó dhlínse choiriúil, shibhialta agus riaracháin sa Bhoisnia agus an Heirseagaivéin i leith gach gnímh arna dhéanamh acu i bhfeidhmiú a bhfeidhmeanna oifigiúla.

I gcás ina bhfuil sé beartaithe ag na húdaráis sa Bhoisnia agus an Heirseagaivéin imeachtaí coiriúla, sibhialta nó riaracháin a thionscnamh i gcoinne ball den fhoireann, cuirfidh na húdaráis inniúla sa Bhoisnia agus an Heirseagaivéin é sin in iúl láithreach don stiúrthóir feidhmiúcháin. Beidh an nós imeachta um fhógra a thabhairt i gcomhréir le cinneadh infheidhme na Gníomhaireachta, cinneadh a leagfar amach sa phlean oibríochtúil.

Tar éis dó fógra den sórt sin a fháil, cuirfidh an stiúrthóir feidhmiúcháin in iúl do na húdaráis ábhartha sa Bhoisnia agus an Heirseagaivéin, gan aon mhoill mhíchuí, cé acu a rinne nó nach ndearna an ball den fhoireann an gníomh i gceist agus a fheidhmeanna oifigiúla á bhfeidhmiú acu. Más rud é gur sonraíodh go ndearnadh an gníomh i bhfeidhmiú feidhmeanna oifigiúla, ní thionscnófar na himeachtaí. Más rud é gur sonraíodh nach ndearnadh an gníomh mar i bhfeidhmiú feidhmeanna oifigiúla, féadfar na himeachtaí a thionscnamh. Beidh cáiliú an stiúrthóra feidhmiúcháin ceangailteach ar an mBoisnia agus an Heirseagaivéin, agus ní chuirfidh sí ina aghaidh.

Go dtí go bhfaighfear an cáiliú sin, staonfaidh an Ghníomhaireacht ó aon bheart a dhéanamh atá beartaithe chun aon ionchúiseamh coiriúil a d’fhéadfadh na húdaráis inniúla sa Bhoisnia agus an Heirseagaivéin a dhéanamh ina dhiaidh sin ar an mball den fhoireann a chur i mbaol, lena n-áirítear éascú a dhéanamh ar imeacht an bhaill den fhoireann lena mbaineann ón mBoisnia agus an Heirseagaivéin.

Ní dhéantar baill den fhoireann a dhíolmhú ó dhlínse an Bhallstáit baile mar gheall ar phribhléidí a dheonaítear dóibh agus díolúine ó dhlínse choiriúil na Boisnia agus an Heirseagaivéin.

4.   Má thionscnaíonn baill den fhoireann imeachtaí, coiscfidh sé sin orthu díolúine a agairt ón dlínse i leith aon fhrithmhaímh a bhainfidh go díreach leis an bpríomh-mhaíomh.

5.   Áitribh, teaghais, modhanna iompair agus cumarsáide agus sealúchais na mball den fhoireann, lena n-áirítear aon chomhfhreagras, doiciméid, páipéir aitheantais agus sócmhainní, beidh siad dosháraithe, ach amháin i gcás bearta forghníomhaithe a cheadaítear de bhun mhír 10.

6.   Beidh an Bhoisnia agus an Heirseagaivéin faoi dhliteanas i leith aon díobháil arna déanamh ag baill den fhoireann ar thríú páirtithe agus a bhfeidhmeanna oifigiúla á bhfeidhmiú.

7.   I gcás díobháil arna déanamh de bharr mórfhaillí nó mí-iompar toiliúil nó arna déanamh ag ball den fhoireann ar ball foirne reachtúil é seachas agus feidhmeanna oifigiúla á bhfeidhmiú, féadfaidh an Bhoisnia agus an Heirseagaivéin a iarraidh, tríd an stiúrthóir feidhmiúcháin, go n-íocfadh an Ghníomhaireacht cúiteamh.

I gcás díobháil arna déanamh de bharr mórfhaillí nó mí-iompar toiliúil nó arna déanamh ag ball den fhoireann nach ball foirne reachtúil é seachas agus feidhmeanna oifigiúla á bhfeidhmiú, féadfaidh an Bhoisnia agus an Heirseagaivéin a iarraidh, tríd an stiúrthóir feidhmiúcháin, go n-íocfadh an Ballstát baile lena mbaineann cúiteamh.

8.   Ní bheidh aon Pháirtí ná aon Bhallstát rannpháirteach ná an Ghníomhaireacht faoi dhliteanas i leith aon díobháil a dhéantar sa Bhoisnia agus an Heirseagaivéin de dheasca theagmhas force majeure nach bhfuil aon neart aige air.

9.   Ní bheidh sé d’oibleagáid ar bhaill den fhoireann fianaise a thabhairt mar fhinnéithe in imeachtaí dlíthiúla sa Bhoisnia agus an Heirseagaivéin. Féadfaidh baill den fhoireann fianaise a thabhairt trí ráiteas a chuirtear isteach i gcomhréir le dlí nós imeachta na Boisnia agus an Heirseagaivéin. Ní dhéanfaidh cur isteach an ráitis sin difear don díolúine dá bhforáiltear faoi mhír 3.

10.   Ní fhéadfar aon bheart forghníomhaithe a dhéanamh i leith baill den fhoireann, ach amháin i gcásanna ina ndéantar imeachtaí coiriúla, sibhialta nó riaracháin a thionscnamh ina n-aghaidh nuair nach mbaineann an t-imeacht sin lena bhfeidhmeanna oifigiúla. Maoin de chuid ball den fhoireann atá deimhnithe ag an stiúrthóir feidhmiúcháin mar ní atá riachtanach chun a bhfeidhmeanna oifigiúla a chomhlíonadh, ní fhéadfar í a urghabháil chun breithiúnas, cinneadh ná ord a chomhlíonadh. In imeachtaí coiriúla, sibhialta nó riaracháin ní bheidh baill den fhoireann faoi réir aon srian ar a saoirse phearsanta ná aon bheart eile comhéigin.

11.   Beidh baill den fhoireann, maidir le seirbhísí a sholáthar don Ghníomhaireacht, díolmhaithe ó fhorálacha um shlándáil shóisialta a d’fhéadfadh bheith i bhfeidhm sa Bhoisnia agus an Heirseagaivéin.

12.   Ní ghearrfar aon cháin, de chineál ar bith, sa Bhoisnia agus an Heirseagaivéin ar thuarastal ná díolaíochtaí a íocann an Ghníomhaireacht agus/nó na Ballstáit bhaile le baill den fhoireann, ná araon ioncam a fhaigheann baill den fhoireann lasmuigh den Bhoisnia agus den Heirseagaivéin.

13.   Ceadóidh an Bhoisnia agus an Heirseagaivéin iontráil earraí d’úsáid phearsanta na mball den fhoireann agus deonóidh siad eisiamh ó gach dleacht chustaim, cáin agus costas gaolmhar seachas costais ar stóráil, iompar agus seirbhísí comhchosúla, i leith earraí den sórt sin. Ceadóidh an Bhoisnia agus an Heirseagaivéin onnmhairiú earraí den sórt sin freisin.

14.   Beidh bagáiste pearsanta na mball d’fhoirne díolmhaithe ó iniúchadh, mura bhfuil cúiseanna tromchúiseacha amhrais ann go bhfuil earraí ann nach d’úsáid phearsanta na mball den fhoireann iad, nó earraí a thoirmeasctar a n-allmhairiú nó a n-onnmhairiú de réir an dlí nó atá faoi réir rialacháin choraintín na Boisnia agus an Heirseagaivéin. Ní iniúchfar bagáiste pearsanta den sórt sin ach amháin i láthair na mball den fhoireann lena mbaineann nó ionadaí údaraithe de chuid na Gníomhaireachta.

15.   Ceapfaidh an Ghníomhaireacht agus an Bhoisnia agus an Heirseagaivéin pointí teagmhála a bheidh ar fáil i gcónaí agus a bheidh freagrach as malartú faisnéise agus bearta láithreacha a bheidh le déanamh maidir le haon ghníomh arna dhéanamh ag ball den fhoireann a d’fhéadfadh a bheith ina shárú ar dhlíthe coiriúla sa Bhoisnia agus an Heirseagaivéin, chomh maith leis an malartú faisnéise agus na gníomhaíochtaí oibríochtúla i ndáil le haon imeacht sibhialta nó riaracháin in aghaidh ball den fhoireann.

Go dtí go mbeidh beart déanta ag údaráis inniúla an Bhallstáit baile, cuideoidh an Ghníomhaireacht agus an Bhoisnia agus an Heirseagaivéin le chéile chun na fiosrúcháin agus imscrúduithe ar fad is gá a dhéanamh maidir le haon chion coiriúil líomhnaithe ina bhfuil leas ag an nGníomhaireacht agus an Bhoisnia agus an Heirseagaivéin, nó iad araon, i leith sainaithint finnéithe agus bailiú agus soláthar fianaise, lena n-áirítear an iarraidh ar nithe a bhaineann leis an gcion coiriúil airbheartaithe a fháil, agus a thabhairt ar láimh, más iomchuí. Féadfar tabhairt ar láimh aon ní den sórt sin a chur faoi réir a dtabhairt ar ais laistigh de na téarmaí a shonróidh an t-údarás inniúil a sholáthróidh iad.

1.   Gan dochar d’Airteagal 12, beidh sé de cheart ag an stiúrthóir feidhmiúcháin cúram a ghlacadh, agus socruithe oiriúnacha a dhéanamh, i leith aisdúichiú aon bhaill den fhoireann atá ghortaithe nó éagtha, chomh maith lena maoin phearsanta.

2.   Ní dhéanfar scrúdú iarbháis ar bhall den fhoireann atá éagtha ach amháin le toiliú sainráite an Bhallstáit baile lena mbaineann agus i láthair ionadaí ón nGníomhaireacht nó ón mBallstát baile lena mbaineann.

3.   Rachaidh an Bhoisnia agus an Heirseagaivéin agus an Ghníomhaireacht i gcomhar a chéile a mhéid is féidir d’fhonn baill den fhoireann atá gortaithe nó éagtha a aisdúichiú go pras.

1.   Eiseoidh an Ghníomhaireacht, i gcomhar leis an mBoisnia agus an Heirseagaivéin, doiciméad sna teangacha atá in úsáid go hoifigiúil sa Bhoisnia agus an Heirseagaivéin agus i mBéarla chuig gach ball den fhoireann chun críocha aitheantais vis-à-vis na húdaráis sa Bhoisnia agus an Heirseagaivéin agus mar chruthúnas ar chearta an tsealbhóra na cúraimí a chomhlíonadh agus na cumhachtaí dá dtagraítear in Airteagal 10 den Chomhaontú seo agus sa phlean oibríochtúil (an ‘doiciméad creidiúnaithe’) a fheidhmiú.

2.   Áireofar an fhaisnéis seo a leanas maidir leis an mball foirne ar an doiciméad creidiúnaithe: ainm agus náisiúntacht, céim nó teideal an phoist, grianghraf digitithe a eisíodh le déanaí agus cúraimí a údaraíodh le déanamh le linn an imscartha.

3.   Chun críoch aitheantais vis-à-vis na húdaráis sa Bhoisnia agus an Heirseagaivéin, beidh ar bhaill den fhoireann an doiciméad creidiúnúcháin a thabhairt leo i gcónaí.

4.   Aithneoidh an Bhoisnia agus an Heirseagaivéin go gceadaíonn an doiciméad creidiúnaithe, in éineacht le doiciméad bailí taistil, iontráil don bhall ábhartha den fhoireann agus go gceadaíonn sé dóibh fanacht sa Bhoisnia agus an Heirseagaivéin gan gá le víosa, réamh-údarú ná aon doiciméad eile suas go dtí lá a éagtha.

5.   Tabharfar an doiciméad creidiúnaithe ar ais don Ghníomhaireacht ag deireadh na tréimhse imscartha. Cuirfear na húdaráis inniúla sa Bhoisnia agus an Heirseagaivéin ar an eolas maidir leis sin.

6.   Nuair a eiseoidh an Ghníomhaireacht doiciméad creidiúnaithe, cuirfidh sí in iúl do na Póilíní Teorann gur eisíodh doiciméad den sórt sin agus maidir leis an bhfaisnéis atá ann.

1.   Ní chuirfear sonraí pearsanta in iúl ach amháin má bhíonn cumarsáid den sórt sin riachtanach le haghaidh chur chun feidhme an Chomhaontaithe seo ag na húdaráis inniúla sa Bhoisnia agus an Heirseagaivéin nó ag an nGníomhaireacht. Beidh próiseáil sonraí pearsanta ag údarás i gcás faoi leith, lena n-áirítear aistriú sonraí pearsanta den sórt sin chuig an bPáirtí eile, faoi réir na rialacha um chosaint sonraí is infheidhme maidir leis an údarás sin. Áiritheoidh na Páirtithe na coimircí íosta seo a leanas mar réamhchoinníoll le haghaidh aistriú sonraí d’aon chineál:

2.   Déanfaidh gach Páirtí athbhreithniú tráthrialta ar a bheartais agus nósanna imeachta féin lena gcuirtear an Airteagal seo chun feidhme. Arna iarraidh sin don Pháirtí eile, déanfaidh an Páirtí a fuair an iarraidh athbhreithniú ar a chuid beartas agus nósanna imeachta a bhaineann le próiseáil sonraí pearsanta chun a fhionnadh agus a dheimhniú go bhfuil na coimircí san Airteagal seo á gcur chun feidhme go héifeachtach. Cuirfear torthaí an athbhreithnithe chuig an bPáirtí a d’iarr an t-athbhreithniú laistigh de thréimhse réasúnta.

3.   Beidh na coimircí um chosaint sonraí faoin gComhaontú seo faoi réir formhaoirseachta ag an Maoirseoir Eorpach ar Chosaint Sonraí agus ag an nGníomhaireacht um Chosaint Sonraí Pearsanta sa Bhoisnia agus an Heirseagaivéin.

4.   Oibreoidh na Páirtithe i gcomhar leis an Maoirseoir Eorpach ar Chosaint Sonraí, mar údarás maoirseachta na Gníomhaireachta.

5.   Déanfaidh an Ghníomhaireacht agus an Bhoisnia agus an Heirseagaivéin tuarascáil chomhpháirteach a chur le céile maidir le cur i bhfeidhm an Airteagail seo ag deireadh gach gníomhaíochta oibríochtúla. Seolfar an tuarascáil sin chuig oifigeach um chearta bunúsacha agus oifigeach cosanta sonraí na Gníomhaireachta chomh maith le chuig an nGníomhaireacht um Chosaint Sonraí Pearsanta sa Bhoisnia agus an Heirseagaivéin.

6.   Déanfaidh an Ghníomhaireacht agus an Bhoisnia agus an Heirseagaivéin rialacha mionsonraithe a leagan amach maidir le sonraí pearsanta a chur in iúl agus a phróiseáil chun críoch gníomhaíochtaí oibríochtúla faoin gComhaontú seo i bhforálacha sonracha de na pleananna oibríochtúla ábhartha. Comhlíonfaidh na forálacha sin ceanglais ábhartha de dhlí an Aontais Eorpaigh agus den dlí sa Bhoisnia agus an Heirseagaivéin. Tabharfar tuairisc iontu, inter alia, ar chuspóir beartaithe na cumarsáide, ar an rialaitheoir nó ar na rialaitheoirí agus ar gach ról agus freagracht, ar na catagóirí sonraí a chuirtear in iúl, ar na tréimhsí sonracha coinneála sonraí agus ar na coimircí íosta go léir. Ar mhaithe leis an trédhearcacht agus an intuarthacht, cuirfear na forálacha sin ar fáil go poiblí i gcomhréir leis an treoraíocht ábhartha ón mBord Eorpach um Chosaint Sonraí.

1.   Aon mhalartú, comhroinnt nó scaipeadh faisnéise rúnaicmithe faoi chuimsiú an Chomhaontaithe seo, cumhdófar é faoi chomhshocrú riaracháin ar leithligh arna thabhairt i gcrích idir an Ghníomhaireacht agus údaráis ábhartha na Boisnia agus an Heirseagaivéin, a bheidh faoi réir fhormheas an Choimisiúin Eorpaigh roimh ré.

2.   Maidir le malartú aon fhaisnéis íogair neamh-rúnaicmithe faoi chuimsiú an Chomhaontaithe seo:

3.   Comhlíonfaidh na Páirtithe cearta maoine intleachtúla is infheidhme a bhaineann le haon sonraí a phróiseáiltear faoi chuimsiú an Chomhaontaithe seo.

1.   Mura gcomhlíontar na coinníollacha chun gníomhaíocht oibríochtúil a dhéanamh a thuilleadh, lena n-áirítear mar a thug na Póilíní Teorann fógra faoi, déanfaidh an stiúrthóir feidhmiúcháin an ghníomhaíocht oibríochtúil sin a fhoirceannadh tar éis dó nó di an Bhoisnia agus an Heirseagaivéin a chur ar an eolas i scríbhinn.

2.   Mura léiríonn an Bhoisnia agus an Heirseagaivéin urraim don Chomhaontú seo ná do phlean oibríochtúil faoi, féadfaidh an stiúrthóir feidhmiúcháin maoiniú na gníomhaíochta oibríochtúla ábhartha a aistarraingt, agus/nó é a chur ar fionraí nó a fhoirceannadh, tar éis dó nó di an Bhoisnia agus an Heirseagaivéin a chur ar an eolas i scríbhinn.

3.   Mura féidir slándáil rannpháirtí i ngníomhaíocht oibríochtúil arna imscaradh sa Bhoisnia agus an Heirseagaivéin a ráthú, féadfaidh an stiúrthóir feidhmiúcháin an ghníomhaíocht oibríochtúil ábhartha nó codanna di a chur ar fionraí nó a fhoirceannadh.

4.   Má mheasann an stiúrthóir feidhmiúcháin gur tharla sáruithe ar chearta bunúsacha nó ar oibleagáidí cosanta idirnáisiúnta, ar sáruithe iad atá tromchúiseach nó ar dócha go leanfaidh siad ar aghaidh nó ar dócha go dtarlóidh siad i ndáil le gníomhaíocht oibríochtúil a dhéantar faoin gComhaontú seo, aistarraingeoidh sé nó sí maoiniú na gníomhaíochta oibríochtúla ábhartha, agus/nó déanfaidh sé nó sí é a chur ar fionraí nó a fhoirceannadh, tar éis dó nó di an Bhoisnia agus an Heirseagaivéin a chur ar an eolas.

5.   Féadfaidh an Bhoisnia agus an Heirseagaivéin a iarraidh ar an stiúrthóir feidhmiúcháin gníomhaíocht oibríochtúil a chur ar fionraí nó a fhoirceannadh má sháraíonn ball den fhoireann an Comhaontú seo nó plean oibríochtúil faoi. Déanfar iarraidh den sórt sin i scríbhinn agus áireofar leis na cúiseanna dó.

6.   Beidh éifeacht ag fionraí, foirceannadh nó aistarraingt maoinithe faoin Airteagal seo ón dáta a thugtar an fógra don Bhoisnia agus an Heirseagaivéin. Ní dhéanfaidh sé difear do chearta ná oibleagáidí a eascróidh as cur i bhfeidhm an Chomhaontaithe seo nó an phlean oibríochtúil roimh fhionraí, foirceannadh nó aistarraingt maoinithe den sórt sin.

7.   Féadfaidh an Bhoisnia agus an Heirseagaivéin a iarraidh go bhfoirceannfaí imscaradh aon bhall den fhoireann, nó aon bhall foirne ábhartha eile, nach léiríonn urraim don Chomhaontú seo ná do phlean oibríochtúil faoin gComhaontú nó a dhéanann sáruithe tromchúiseacha ar an dlí sa Bhoisnia agus an Heirseagaivéin. Is é an stiúrthóir feidhmiúcháin nó an Ballstát baile lena mbaineann de réir mar is iomchuí a dhéanfaidh an cinneadh maidir leis an imscaradh a fhoirceannadh agus tabharfar fógra ina leith do na húdaráis ábhartha sa Bhoisnia agus an Heirseagaivéin.

1.   Tabharfaidh an Bhoisnia agus an Heirseagaivéin fógra don Ghníomhaireacht, Oifig an Ionchúisitheora Phoiblí Eorpaigh agus/nó an Oifig Eorpach Frith-Chalaoise láithreach má fhaigheann sí amach go bhfuil líomhaintí inchreidte calaoise, éillithe nó aon ghníomhaíocht neamhdhleathach eile a d’fhéadfadh difear a dhéanamh do leasanna an Aontais Eorpaigh.

2.   I gcás ina mbaineann líomhaintí den sórt sin le maoiniú ón Aontas Eorpach a eisíoctar i ndáil leis an gComhaontú seo, soláthróidh an Bhoisnia agus an Heirseagaivéin gach cúnamh riachtanach d’Oifig an Ionchúisitheora Phoiblí Eorpaigh agus/nó don Oifig Eorpach Frith-Chalaoise i ndáil le gníomhaíochtaí imscrúdaitheacha ar a críoch, lena n-áirítear agallaimh, seiceálacha agus iniúchtaí ar an láthair a éascú agus rochtain a éascú ar aon fhaisnéis ábhartha a bhaineann le bainistíocht theicniúil agus airgeadais ar chúrsaí arna maoiniú go páirteach nó go hiomlán ag an Aontas Eorpach.

1.   Cuirfidh na Póilíní Teorann an Comhaontú seo chun feidhme thar ceann na Boisnia agus an Heirseagaivéin.

2.   Cuirfidh an Ghníomhaireacht an Comhaontú seo chun feidhme thar ceann an Aontais Eorpaigh.

1.   Déanfaidh ionadaithe ón nGníomhaireacht agus ó údaráis inniúla na Boisnia agus an Heirseagaivéin imscrúdú le chéile ar aon díospóid a eascraíonn as cur i bhfeidhm an Chomhaontaithe seo.

2.   Mura dtiocfar ar aon réiteach, réiteofar díospóidí a bhaineann le léirmhíniú nó cur i bhfeidhm an Chomhaontaithe seo le hidirbheartaíocht idir na Páirtithe.

1.   Beidh an Comhaontú seo faoi réir dhaingniú, ghlacadh nó fhormheas na bPáirtithe i gcomhréir lena nósanna imeachta dlíthiúla inmheánacha féin. Tabharfaidh na Páirtithe fógra dá chéile gur cuireadh na nósanna imeachta is gá chun na críche sin i gcrích.

2.   Tiocfaidh an Comhaontú seo i bhfeidhm an chéad lá den dara mí tar éis an dáta ar a dtabharfaidh na Páirtithe fógra dá chéile gur chuir siad i gcrích na nósanna imeachta dlíthiúla inmheánacha i gcomhréir le mír 1.

3.   Cuirfear an Comhaontú seo i bhfeidhm ar bhonn sealadach ó dháta a shínithe, go dtí go dtiocfaidh sé i bhfeidhm. Foirceannfar cur i bhfeidhm sealadach an Chomhaontaithe seo má thugann Páirtí amháin fógra don Pháirtí eile go bhfuil sé ar intinn aige gan bheith ina pháirtí sa chomhaontú.

4.   Ní fhéadfar an Comhaontú seo a leasú ach amháin i scríbhinn de chomhthoil na bPáirtithe.

5.   Tugtar an Comhaontú seo i gcrích go ceann tréimhse éiginnte. Féadfar é a chur ar fionraí nó a fhoirceannadh le comhaontú i scríbhinn idir na Páirtithe nó go haontaobhach ag ceachtar den dá Pháirtí.

I gcás fionraí nó foirceannadh aontaobhach, an Páirtí ar mian leis an comhaontú a chur ar fionraí nó a fhoirceannadh, déanfaidh sé fógra a thabhairt faoi sin don Pháirtí eile i scríbhinn. Tiocfaidh foirceannadh nó cur ar fionraí aontaobhach an Chomhaontaithe seo i bhfeidhm an chéad lá den dara mí tar éis na míosa inar tugadh an fógra.

6.   Seolfar fógraí a dhéantar i gcomhréir leis an Airteagal seo, i gcás an Aontais Eorpaigh, chuig Ardrúnaíocht Chomhairle an Aontais Eorpaigh agus, i gcás na Boisnia agus an Heirseagaivéin, chuig Aireacht Ghnóthaí Eachtracha na Boisnia agus an Heirseagaivéin.