(1)

I gcomhréir le hAirteagal 14 de Rialachán (AE) 2026/467, tá an Úcráin le sceideal a tharraingt suas le haghaidh gach gníomhaíochta, gach caiteachais nó gach birt a bhaineann le táirge cosanta nó le táirge eile chun críoch cosanta a bhfuil sé beartaithe aici cúnamh a fháil ina leith, chun tacú lena hacmhainneacht thionsclaíoch i dtaca leis an gcosaint, de bhun Airteagal 8(2), pointe (a)(iii) de Rialachán (AE) 2026/467.

(2)

Leagfar amach sa sceideal sin tuairisc ar an táirge cosanta nó ar tháirge eile chun críoch cosanta agus faisnéis maidir le comhlíonadh na gcoinníollacha incháilitheachta a leagtar amach in Airteagal 13 de Rialachán (AE) 2026/467.

(3)

Le hAirteagal 13(5) de Rialachán (AE) 2026/467 bunaítear maoluithe ar choinníollacha incháilitheachta táirgí cosanta le haghaidh cúnamh airgeadais don Úcráin. Tá an Coimisiún leis na maoluithe sin a fhormheas trí bhíthin gníomhartha cur chun feidhme, agus comhairle, saineolas agus tacaíocht ó Ghrúpa Saineolaithe um Acmhainneacht Thionsclaíoch Cosanta na hÚcráine á gcur san áireamh, má fhaightear tuairim dhearfach ón gCoiste dá dtagraítear in Airteagal 27 den Rialachán sin.

(4)

An 25 Meitheamh 2026, chuir an Úcráin sceideal faoi bhráid an Choimisiúin, a aicmítear ar leibhéal atá coibhéiseach le RESTREINT UE/EU RESTRICTED i gcomhréir le Cinneadh 2015/444 ón gCoimisiún (AE, Euratom) (2), maidir le gníomhaíochtaí, caiteachais nó bearta a bhaineann le táirgí cosanta nó le táirgí eile chun críoch cosanta a bhfuil sé beartaithe ag an Úcráin cúnamh a iarraidh ina leith, i gcomhréir le hAirteagal 14 de Rialachán (AE) 2026/467 (‘an dara sceideal táirgí’).

(5)

I gcás na dtáirgí cosanta atá sa dara sceideal táirgí, d’iarr an Úcráin tairbhe a bhaint as an maolú a leagtar síos in Airteagal 13(5), pointe (a) de Rialachán (AE) 2026/467, i ndáil le costas comhpháirteanna táirgí a bhfuil géarghá ag an Úcráin leo chun freagairt do chogadh foghach na Rúise, nach de thionscnamh an Aontais, Stáit CSTE LEE ná na hÚcráine iad, a leagtar amach in Airteagal 13(4), pointe (g) den Rialachán sin.

(6)

Chun tacú lena hiarraidh, chuir an Úcráin faisnéis ar fáil chun a léiriú nach bhfuil aon táirge coibhéiseach ann a fhreastalaíonn ar a riachtanas práinneach a chomhlíonann na coinníollacha a leagtar amach in Airteagal 13(4), pointe (g), de Rialachán (AE) 2026/467, nó a bheadh ar fáil ar an scála is gá agus a mbeadh an t-aga seachadta ina leith i gcomhréir le práinn an cháis agus le riachtanais oibríochtúla láithreacha na hÚcráine.

(7)

An 2 Iúil 2026, chuaigh an Coimisiún i gcomhairle le Grúpa Saineolaithe um Acmhainneacht Thionsclaíoch Cosanta na hÚcráine, arna bhunú ar bhonn Airteagal 15 de Rialachán (AE) 2026/467, maidir leis an iarraidh ar mhaolú ón Úcráin agus fuair sé comhairle uaidh an dáta céanna.

(8)

Ós rud é gur léiríodh san anailís ar an iarraidh agus sa chomhairle ón nGrúpa Saineolaithe go gcomhlíontar na coinníollacha maidir leis an maolú a leagtar síos in Airteagal 13(5) de Rialachán (AE) 2026/467, ba cheart an maolú a d’iarr an Úcráin an 25 Meitheamh 2026 a fhormheas.

(9)

Tá na bearta dá bhforáiltear sa Chinneadh seo i gcomhréir leis an tuairim ón gcoiste a bunaíodh le hAirteagal 27(1) de Rialachán (AE) 2026/467.

(10)

I bhfianaise a phráinní atá sé don Úcráin na táirgí a iarradh a sholáthar agus chun go bhféadfar an maolú a chur chun feidhme go pras, ba cheart an Cinneadh seo a theacht i bhfeidhm an lá tar éis lá a fhoilsithe san Iris Oifigiúil.