Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2025/2398 |
24.11.2025 |
CINNEADH (CBES) 2025/2398 ÓN gCOMHAIRLE
an 24 Samhain 2025
lena leasaítear Cinneadh (CBES) 2016/1693 a bhaineann le bearta sriantacha i gcoinne ISIL (Da’esh) agus Al-Qaeda agus i gcoinne daoine, grúpaí, gnóthais agus eintitis a bhfuil baint acu leo
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagal 29 de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 20 Meán Fómhair 2016, ghlac an Chomhairle Cinneadh (CBES) 2016/1693 (1). |
|
(2) |
I bhfianaise na bagartha leanúnaí ó ISIL (Da’esh) agus ó Al-Qaeda agus ó dhaoine, grúpaí, gnóthais agus eintitis a bhfuil baint acu leo, ba cheart eintiteas amháin a chur le liosta na ndaoine, na ngrúpaí, na ngnóthas agus na n-eintiteas a leagtar amach san Iarscríbhinn a ghabhann le Cinneadh (CBES) 2016/1693. |
|
(3) |
Ós rud é go bhfuil an t-eintiteas le cur leis an liosta faoi réir bearta a leagtar amach i gCinneadh 2010/788/CBES ón gComhairle (2), ba cheart na bearta sriantacha ábhartha faoi Chinneadh (CBES) 2016/1693 a chur ar fionraí don eintiteas sin fad a bheidh feidhm ag na bearta dá bhforáiltear i gCinneadh 2010/788/CBES maidir leis. |
|
(4) |
Ba cheart, dá bhrí sin, Cinneadh (CBES) 2016/1693 a leasú dá réir, |
TAR ÉIS AN CINNEADH SEO A GHLACADH:
Airteagal 1
Leasaítear Cinneadh (CBES) 2016/1693 mar a leanas:
|
(1) |
in Airteagal 6, cuirtear an mhír seo a leanas leis: ‘7. Na bearta dá dtagraítear in Airteagal 3(3) agus (4), a mhéid a bhaineann siad leis an ngrúpa “Allied Democratic Forces” (na Comhfhórsaí Daonlathacha), cuirfear ar fionraí iad fad a bheidh feidhm ag na bearta a leagtar síos in Airteagal 5(1) agus (2) de Chinneadh 2010/788/CBES ón gComhairle (*1) maidir leis an eintiteas sin. (*1) Cinneadh 2010/788/CBES ón gComhairle an 20 Nollaig 2010 a bhaineann le bearta sriantacha i bhfianaise na staide i bPoblacht Dhaonlathach an Chongó (IO L 336, 21.12.2010, lch. 30, ELI: http://data.europa.eu/eli/convention/2010/788/oj).’;" |
|
(2) |
leasaítear an Iarscríbhinn a ghabhann le Cinneadh (CBES) 2016/1693 i gcomhréir leis an Iarscríbhinn a ghabhann leis an gCinneadh seo. |
Airteagal 2
Tiocfaidh an Cinneadh seo i bhfeidhm ar dháta a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, an 24 Samhain 2025.
Thar ceann na Comhairle
An tUachtarán
L. LØKKE RASMUSSEN
(1) Cinneadh (CBES) 2016/1693 ón gComhairle an 20 Meán Fómhair 2016 a bhaineann le bearta sriantacha i gcoinne ISIL (Da’esh) agus Al-Qaeda agus i gcoinne daoine, grúpaí, gnóthais agus eintitis a bhfuil baint acu leo agus lena n-aisghairtear Comhsheasamh 2002/402/CBES (IO L 255, 21.9.2016, lch. 25, ELI: http://data.europa.eu/eli/dec/2016/1693/oj).
(2) Cinneadh 2010/788/CBES ón gComhairle an 20 Nollaig 2010 a bhaineann le bearta sriantacha i bhfianaise na staide i bPoblacht Dhaonlathach an Chongó (IO L 336, 21.12.2010, lch. 30, ELI: http://data.europa.eu/eli/convention/2010/788/oj).
IARSCRÍBHINN
San Iarscríbhinn a ghabhann le Cinneadh (CBES) 2016/1693, cuirtear isteach an iontráil seo a leanas faoin gceannteideal ‘B. Grúpaí, gnóthais agus eintitis dá dtagraítear in Airteagal 3’:|
‘8. |
Allied Democratic Forces (na Comhfhórsaí Daonlathacha).’. |
ELI: http://data.europa.eu/eli/dec/2025/2398/oj
ISSN 1977-0839 (electronic edition)