|
5.10.2021 |
GA |
Iris Oifigiúil an Aontais Eorpaigh |
L 352/1 |
RIALACHÁN CUR CHUN FEIDHME (AE) 2021/1754 ÓN gCOIMISIÚN
an 4 Deireadh Fómhair 2021
lena leasaítear Rialachán Cur Chun Feidhme (AE) 2019/1382 lena leasaítear Rialacháin áirithe lena bhforchuirtear bearta frithdhumpála nó frith-fhóirdheontais ar tháirgí áirithe cruach atá faoi réir beart coimirce
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2015/477 ó Pharlaimint na hEorpa agus ón gComhairle an 11 Márta 2015 maidir le bearta a fhéadfaidh an tAontas a dhéanamh i ndáil le héifeacht chomhcheangailte beart frithdhumpála nó frith-fhóirdheontais agus beart cosanta (1),
De bharr an mhéid seo a leanas:
|
(1) |
Le Rialachán Cur Chun Feidhme (AE) 2019/159 ón gCoimisiún (2), d’fhorchuir an Coimisiún beart coimirce maidir le táirgí áirithe cruach ar feadh tréimhse 3 bliana. Tá na bearta sin i bhfoirm cuótaí ráta taraife is infheidhme le haghaidh tréimhsí sonraithe, de réir na mbeart céanna is iníoctha dleacht taraife 25 % os cionn an chuóta i gcás ina bhfuil allmhairí os cionn tairseach shonraithe a chomhfhreagraíonn don mheánleibhéal allmhairí sna blianta 2015 go 2017. Le Rialachán Cur Chun Feidhme (AE) 2021/1029 ón gCoimisiún (3), chuir an Coimisiún síneadh le cur i bhfeidhm an bhirt coimirce ar feadh 3 bliana, go dtí an 30 Meitheamh 2024. |
|
(2) |
Le Rialachán Cur Chun Feidhme (AE) 2019/1382 ón gCoimisiún (4), chuir an Coimisiún sásra ar bun ionas nach ndéanfaí an dleacht taraife sin os cionn an chuóta a chur i bhfeidhm ag an am céanna le bearta frithdhumpála agus/nó frithchúitimh is infheidhme freisin maidir le roinnt de na táirgí cruach. |
|
(3) |
Chun na críche sin, san Iarscríbhinn a ghabhann le Rialachán Cur Chun Feidhme (AE) 2019/1382 liostaíodh na bearta frithdhumpála agus frith-fhóirdheontais uile ar tháirgí atá faoi réir an bhirt coimirce freisin ag an am, agus sonraíodh an dleacht frithdhumpála agus/nó frith-fhóirdheontais ar cheart feidhm a bheith aici a nuair is infheidhme an taraif os cionn an chuóta. |
|
(4) |
An 6 Iúil 2021, le Rialachán Cur Chun Feidhme (AE) 2021/1100 ón gCoimisiún (5) d’fhorchuir an Coimisiún dleacht frithdhumpála chinntitheach ar tháirgí comhréidhe teo-rollta áirithe atá déanta as iarann, cruach neamh-chóimhiotail nó cruach cóimhiotail eile de thionscnamh na Tuirce. |
|
(5) |
An sásra lena gcinntítear nach ndéantar bearta a chur i bhfeidhm ag an am céanna, ba cheart feidhm a bheith aige maidir leis na táirgí seo ós rud é go bhfuil siad sin faoi réir an bhirt coimirce freisin. Ba cheart an iarscríbhinn a ghabhann le Rialachán Cur Chun Feidhme (AE) 2019/1382 a leasú, dá bhrí sin, chun Rialachán Cur Chun Feidhme (AE) 2021/1100 a áireamh inti. |
|
(6) |
Chun trédhearcacht a áirithiú le haghaidh na n-oibreoirí eacnamaíocha, sa todhchaí, le gach Rialachán lena bhforchuirtear frithdhumpáil agus/nó frith-fhóirdheontas maidir le táirgí cruach atá faoi réir an bhirt coimirce freisin, áireofar forálacha sonracha ionas nach gcuirfear i bhfeidhm iad ag an am céanna leis an dleacht taraife choimirce os cionn an chuóta. |
|
(7) |
Tá na bearta dá bhforáiltear sa Rialachán seo i gcomhréir leis an tuairim ón gCoiste um Ionstraimí Cosanta Trádála, |
TAR ÉIS AN RIALACHÁN SEO A GHLACADH:
Airteagal 1
Leasaítear Rialachán Cur Chun Feidhme (AE) 2019/1382 mar a leanas:
|
(1) |
in IARSCRÍBHINN 1.B “Liosta na rialachán lena bhforchuirtear bearta frithdhumpála agus frith-fhóirdheontais ar na táirgí atá faoi réir an bhirt coimirce”, cuirtear an mhír seo a leanas isteach:
|
|
(2) |
in IARSCRÍBHINN 2 “Rátaí dleachtanna frithdhumpála agus/nó frithchúitimh is infheidhme ar choinníoll go bhfuil dleacht choimirce dlite ar an táirge céanna”, cuirtear an IARSCRÍBHINN 2.19 seo a leanas isteach: “IARSCRÍBHINN 2.19 Rialachán Cur Chun Feidhme (AE) 2021/1100 ón gCoimisiún an 5 Iúil 2021 lena bhforchuirtear dleacht frithdhumpála chinntitheach, agus lena mbailítear go cinntitheach an dleacht shealadach a forchuireadh ar tháirgí comhréidhe teo-rollta áirithe atá déanta as iarann, cruach neamh-chóimhiotail nó cruach cóimhiotail eile de thionscnamh na Tuirce (IO L 238, 6.7.2021, lch. 32).
|
Airteagal 2
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 4 Deireadh Fómhair 2021.
Thar ceann an Choimisiúin
An tUachtarán
Ursula VON DER LEYEN
(1) IO L 83, 27.3.2015, lch. 11.
(2) Rialachán Cur Chun Feidhme (AE) 2019/159 ón gCoimisiún an 31 Eanáir 2019 lena bhforchuirtear bearta coimirce chinntitheacha ar allmhairí táirgí áirithe cruach (IO L 31, 1.2.2019, lch. 27).
(3) Rialachán Cur Chun Feidhme (AE) 2021/1029 ón gCoimisiún an 24 Meitheamh 2021 lena leasaítear Rialachán Cur Chun Feidhme (AE) 2019/159 ón gCoimisiún chun fad a chur leis an mbeart coimirce maidir le hallmhairí táirgí áirithe cruach (IO L 225 I, 25.6.2021, lch. 1).
(4) Rialachán Cur Chun Feidhme (AE) 2019/1382 ón gCoimisiún an 2 Meán Fómhair 2019 lena leasaítear Rialacháin áirithe agus lena bhforchuirtear bearta frithdhumpála nó frith-fhóirdheontais ar tháirgí cruach áirithe atá faoi réir bearta coimirce (IO L 227, 3.9.2019. lch. 1).
(5) Rialachán Cur Chun Feidhme (AE) 2021/1100 ón gCoimisiún an 5 Iúil 2021 lena bhforchuirtear dleacht frithdhumpála chinntitheach, agus lena mbailítear go cinntitheach an dleacht shealadach a forchuireadh ar tháirgí comhréidhe teo-rollta áirithe atá déanta as iarann, cruach neamh-chóimhiotail nó cruach cóimhiotail eile de thionscnamh na Tuirce (IO L 238, 6.7.2021, lch. 32).