|
Il-Ġurnal Uffiċjali |
MT Is-serje C |
|
C/2025/4117 |
24.7.2025 |
Pubblikazzjoni tal-komunikazzjoni ta’ emenda standard approvata ta’ speċifikazzjoni tal-prodott ta’ indikazzjoni ġeografika f’konformità mal-Artikolu 5(4) tar-Regolament Delegat tal-Kummissjoni (UE) 2025/27 (1)
(C/2025/4117)
KOMUNIKAZZJONI TAL-APPROVAZZJONI TA’ EMENDA STANDARD
(Artikolu 24 tar-Regolament (UE) 2024/1143)
“Empordà”
PDO-ES-A1548-AM03 — 28.4.2025
1. Isem il-prodott
“Empordà”
2. Tip ta’ indikazzjoni ġeografika
|
☒ |
Denominazzjoni ta’ Oriġini Protetta (DOP) |
|
☐ |
Indikazzjoni Ġeografika Protetta (IĠP) |
|
☐ |
Indikazzjoni ġeografika (IĠ) |
3. Settur
|
☐ |
Prodotti agrikoli |
|
☒ |
Inbejjed |
|
☐ |
Xarbiet spiritużi |
4. Pajjiż li għalih tappartjeni ż-żona ġeografika
Spanja
5. Awtorità tal-Istat Membru li tikkomunika l-emenda standard
Il-Ministeru għall-Agrikoltura, is-Sajd u l-Ikel. Id-Direttorat Ġenerali għall-Ikel. Is-Subdirettorat Ġenerali għall-Kontroll tal-Kwalità tal-Ikel u l-Laboratorji Agroalimentari
6. Kwalifika bħala emenda standard
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
7. Deskrizzjoni tal-emenda/i standard approvata/i
1. L-INTRODUZZJONI TĦASSRET
Deskrizzjoni
Il-formulazzjoni kurrenti (jiġifieri qabel l-emenda) tal-ispeċifikazzjoni tal-prodott tibda b’introduzzjoni maqsuma f’żewġ taqsimiet intitolati “Suġġett” u “Definizzjonijiet”, li tħassru.
Din l-emenda tikkonċerna l-introduzzjoni li tħassret u ma taffettwax id-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni
Din l-introduzzjoni ma hijiex fost l-elementi meħtieġa għall-ispeċifikazzjoni tal-prodott. Barra minn hekk, il-kontenut tagħha diġà huwa inkluż fil-leġiżlazzjoni.
2. KORREZZJONI
Deskrizzjoni
Il-formulazzjoni kurrenti tal-ispeċifikazzjoni tal-prodott tindika li l-isem protett huwa “Empordà” u “EMPORDÀ”. Ir-referenza għall-isem b’ittri kapitali tħassret.
Din l-emenda tikkonċerna l-punt 1 tal-ispeċifikazzjoni tal-prodott u ma taffettwax id-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
Peress li dan huwa l-istess isem u l-protezzjoni stabbilita legalment ta’ kwalunkwe DOP tkopri kwalunkwe mod ta’ kif jinkiteb l-isem inkwistjoni, ma hemmx għalfejn jiġi ppreżentat b’modi differenti, jiġifieri ma hemmx għalfejn jiġi ppreżentat b’ittri kbar, li jistgħu joħolqu konfużjoni.
3. EMENDA TAD-DESKRIZZJONI TAT-TIPI DIFFERENTI TA’ NBEJJED BOJOD
Deskrizzjoni
|
1. |
Id-deskrizzjoni tat-tip “vino blanco” (“inbid abjad”) inbidlet:
|
|
2. |
L-isem tat-tip “vino blanco criado en barrica” (“inbid abjad, imqaddem f’bettija”) inbidel għal “vino blanco fermentado y/o envejecido, total or parcialmente en recipientes de madera” (“inbid abjad, iffermentat u/jew imqaddem kompletament jew parzjalment f’kontenituri tal-injam”) u t-tip “vino blanco fermentado en barrica sobre lías” (“inbid abjad, iffermentat f’bettija fuq in-naqal”) tħassar peress li huwa kopert minn din l-aħħar referenza, u d-deskrizzjoni tiegħu ġiet adattata kif ġej:
|
|
3. |
Tħassret il-qawwa alkoħolika effettiva massima. Ir-referenza speċifika għall-inbejjed “crianza” tħassret. |
|
4. |
Żdied u ġie deskritt it-tip “vino blanco brisado” (“inbid oranġjo”). |
Din l-emenda taffettwa l-punt 2.1 tal-ispeċifikazzjoni tal-prodott u l-punt 4 tad-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
|
1. |
It-test miżjud dwar l-apparenza viżiva tal-inbejjed bojod huwa maħsub biex iqis il-karatteristiċi speċifiċi tal-inbejjed bojod prodotti minn varjetajiet ħomor u minn Garnacha Roja peress li, minħabba l-proporzjon ogħla tagħhom ta’ polifenoli u antoċjanini, l-inbejjed li jirriżultaw jista’ jkollhom kulur aktar qawwi. Min-naħa l-oħra, il-metodu tal-produzzjoni tal-inbejjed li kien jintuża fil-passat, tradizzjonalment, qabel l-introduzzjoni ta’ prodotti tal-vinifikazzjoni bħad-diossidu tal-kubrit jew iż-żieda ta’ ħmira mnixxfa magħżula, ma huwiex xi xejra ġdida, iżda pjuttost qatt ma ntilef jew waqaf jintuża. Din il-produzzjoni tradizzjonali tista’ tirriżulta fi nbejjed b’kuluri aktar qawwija. Id-deskrizzjoni “ta’ frott” kienet tidher b’referenza għat-togħma, iżda nqisu li huwa aktar xieraq li tiġi inkluża fir-referenza għall-aroma minħabba li hija familja ta’ aromi u mhux karatteristika tat-togħma. L-attribut “ta’ fjuri” żdied għax huwa familja ta’ aromi komuni u apprezzata ħafna f’dan it-tip ta’ nbid. Il-kategorija “vino blanco fermentado en barrica sobre lías” tħassret minħabba li dan it-tip ta’ nbid huwa kopert mill-kategorija l-ġdida: “Vino blanco fermentado y/o envejecido, total o parcialmente en recipientes de madera”. Il-bidla fid-deskrizzjoni ta’ dan it-tip hija dovuta għal definizzjoni aħjar, li issa tkopri l-inbejjed bojod kollha li kienu f’kontenituri tal-injam għal parti mill-produzzjoni tagħhom, mhux biss dawk li kienu ffermentati fl-injam. Wieħed għandu jżomm f’moħħu li, f’ħafna każijiet, mhux il-fermentazzjoni kollha iżda biss parti minnha ssir f’kontenituri tal-injam. Ir-rekwiżiti għall-apparenza viżiva ġew issimplifikati, bit-tħassir ta’ “mingħajr ma jilħqu sfumatura dehbija”, peress li l-inbejjed ta’ dan it-tip jistgħu, minħabba l-iżvilupp ta’ karattru ossidattiv f’kontenituri tal-injam, jieħdu sfumaturi dehbin u peress li tali sfumaturi dehbin bl-ebda mod ma huma difett, dment li l-kwalitajiet organolettiċi l-oħrajn tal-aroma u t-togħma jkunu preżenti. It-test miżjud dwar il-kulur huwa l-istess bħat-test introdott taħt it-tip “Vino blancos” (“Inbejjed bojod”), u żdied għar-raġunijiet mogħtija hawn fuq. L-attribut “ta’ fjuri” żdied għall-istess raġunijiet bħal dawk mogħtija hawn fuq. L-iżball li l-aromi miksubin mit-tqaddim tal-inbid fl-injam kienu msejħa sekondarji ġie kkoreġut billi tħassret il-kelma “sekondarja”. It-tħassir tal-kelma “mħawwar” sar sabiex jikkoreġi żball li rriżulta minn traduzzjoni ħażina tal-Katalan għall-Ispanjol. |
|
2. |
L-analiżijiet imwettqa matul l-aħħar 10 snin mid-Dipartiment Tekniku tal-Bord Regolatorju tagħna juru li l-konċentrazzjoni taz-zokkor qed tiżdied meta mqabbla ma’ snin preċedenti, probabbilment minħabba t-tibdil fil-klima. Hemm diversi raġunijiet għal dan: żieda fit-temperatura, aktar jiem b’temperaturi għoljin, perjodi ta’ stress idriku, eċċ. F’dan ir-rigward, il-kantini tal-inbid jipprijoritizzaw il-kwalità tal-prodott, u jagħżlu li jagħmlu l-ħsad filwaqt li jżommu bilanċ bejn il-maturazzjoni fenolika u l-qawwa alkoħolika probabbli, li dejjem aktar tfisser gradi ta’ probabbiltà ogħla ta’ qawwa alkoħolika. Għalhekk ġie deċiż li ma jiġix stabbilit limitu massimu, peress li ma hemm l-ebda rabta diretta bejn il-gradi tal-qawwa alkoħolika u l-kwalità. Iż-żieda fil-qawwa għall-inbejjed “crianza” tħassret (1 % vol. aktar mill-minimu stabbilit għall-inbejjed l-oħrajn) peress li ma kien hemm l-ebda raġuni teknika li tiġġustifika ż-żamma tagħha. |
|
3. |
L-inbejjed oranġjo ilhom jiġu prodotti fir-reġjun minn żmien il-qedem, iżda l-produzzjoni tagħhom kienet twaqqfet. Din reġgħet bdiet matul l-aħħar 10 snin, u qed toffri nbejjed b’kulur karatteristiku u struttura karatteristika, apprezzati ħafna għall-valur gastronomiku tagħhom. Dawn l-inbejjed huma marbuta mat-territorju, u l-inbejjed ta’ varjetà waħda jesprimu karattru varjetali qawwi. |
4. EMENDA TAD-DESKRIZZJONI TAT-TIPI DIFFERENTI TA’ NBEJJED ROŻÈ
Deskrizzjoni
|
1. |
Id-deskrizzjoni tat-tip “Inbid rożè” nbidlet fl-aspetti kollha, biż-żieda li ġejja fil-fażi viżiva: Meta jiġu prodotti mingħajr sulfiti (≤ 10 mg/l SO2 totali), jista’ jkollhom sfumaturi oranġjo aktar qawwija.” |
|
2. |
It-tip “Vino rosado fermentado en barrica” (“Inbid rożè, iffermentat f’bettija”) tħassar u l-isem “Vino rosado criado en barrica” (“Inbid rożè, imqaddem f’bettija”) inbidel għal “Vino rosado fermentado y/o envejecido, total o parcialmente en recipientes de madera” (“Inbid rożè, iffermentat u/jew imqaddem kompletament jew parzjalment f’kontenituri tal-injam”), u d-deskrizzjoni tiegħu ġiet adattata. |
|
3. |
Il-qawwa alkoħolika effettiva minima tnaqqset minn 11,5 għal 11 % vol. u tħassar il-limitu massimu. Ir-referenza speċifika għall-inbejjed “crianza” tħassret. |
Din l-emenda taffettwa l-punt 2.1 tal-ispeċifikazzjoni tal-prodott u l-punt 4 tad-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
|
1. |
B’referenza għall-apparenza viżiva, il-kelma “lixx” ġiet sostitwita bil-kelma “pallidu” minħabba li din tal-aħħar hija aktar xierqa bħala aġġettiv tal-kulur. Kien ikkunsidrat ukoll li l-isfumaturi vjola għandhom ikunu permessi minħabba li ħafna nbejjed rożè mhux imqaddmin għandhom dawn l-isfumaturi minħabba l-preżenza ta’ antoċjanini mill-varjetajiet użati u wkoll minħabba li huma tipiċi tal-inbejjed mhux imqaddmin. Barra minn hekk, ġie deċiż li għandu jiġi inkluż il-kulur “qoxra tal-basal”, sabiex ma jiġux esklużi l-inbejjed rożè magħmulin minn Garnacha Roja. Min-naħa l-oħra, il-metodu tal-produzzjoni tal-inbejjed li kien jintuża fil-passat, tradizzjonalment, qabel l-introduzzjoni ta’ prodotti tal-vinifikazzjoni bħad-diossidu tal-kubrit jew iż-żieda ta’ ħmira mnixxfa magħżula, ma huwiex xi xejra ġdida, iżda pjuttost qatt ma ntilef jew waqaf jintuża. Din it-tip ta’ produzzjoni tradizzjonali tista’ tirriżulta fi nbejjed b’kulur oranġjo jew bi sfumaturi oranġjo. Fir-rigward tal-aromi, il-kelma “primarja” tħassret minħabba li hija żejda, peress li ġew speċifikati l-familji tal-aromi “ta’ fjuri” u “ta’ frott”. Biex tiġi kkoreġuta traduzzjoni ħażina mill-Katalan għall-Ispanjol, “ċara” ġiet sostitwita b’“nadifa”. Fir-rigward tat-togħma, l-attribut “ta’ frott” tħassar minħabba li huwa aktar xieraq fir-rigward tal-aroma, peress li huwa familja ta’ aromi u mhux karatteristika tat-togħma. |
|
2. |
Il-kategorija “Vino rosado fermentado en barrica” tħassret minħabba li dan it-tip ta’ nbid huwa kopert minn dak ġdid “Vino rosado fermentado y/o envejecido, total o parcialmente en recipientes de madera”. Il-bidla fid-deskrizzjoni ta’ dan it-tip il-ġdid hija dovuta għal definizzjoni aħjar, li issa tkopri l-inbejjed rożè kollha li kienu f’kontenituri tal-injam għal parti mill-produzzjoni u l-fermentazzjoni tagħhom. Wieħed għandu jżomm f’moħħu li, f’ħafna każijiet, mhux il-fermentazzjoni kollha ssir f’kontenituri tal-injam, iżda pjuttost biss parti mill-fermentazzjoni, jew it-tqaddim biss jew parti minnu. Għalhekk ġie speċifikat li “Għall-inbejjed imqaddmin parzjalment f’kontenituri tal-injam, mill-inqas 25 % tat-tqaddim irid isir f’kontenituri tal-injam”. Fir-rigward tal-apparenza viżiva, it-terminu “ċiras ċar” tħassar minħabba li l-iskala tal-kulur tvarja minn kulur ċar (roża ċar) għal wieħed aktar qawwi (lewn iċ-ċirasa) u dan ma kienx deskritt tajjeb. It-test “li jieħu sfumatura aktar oranġjo, mingħajr ma jitlef l-isfumaturi ħomor” żdied minħabba li l-inbejjed f’din il-kategorija jkunu ġew iffermentati u/jew imqaddmin kompletament jew parzjalment f’kontenituri tal-injam, u dan it-tqaddim jista’ jagħti lill-inbejjed kulur aktar żviluppat mill-inbejjed li ma humiex imqaddmin. Fir-rigward tal-aroma, l-attribut “ta’ fjuri” żdied għax huwa familja ta’ aromi komuni u apprezzata f’dan it-tip ta’ nbejjed. Ġie deċiż li jitħassar l-obbligu li jkun hemm aromi li jfakkru fil-frott aħmar u li jiżdiedu aromi miksuba mit-tqaddim fl-injam, peress li dan it-tip ta’ nbid għandu jkollu aromi karatterizzanti bħal dawn (aromi tal-injam) u mhux dejjem ikollu aromi ta’ frott aħmar. Fir-rigward tat-togħma, l-attribut “ta’ frott” tħassar minħabba li huwa aktar xieraq fir-rigward tal-aroma, peress li huwa familja ta’ aromi u mhux karatteristika tat-togħma. L-attribut “frisk” tħassar minħabba li huwa kwalità aktar milli karatteristika tal-inbejjed mhux imqaddmin u ma hemm l-ebda raġuni għaliex dan għandu jkun essenzjali fl-inbejjed rożè, iffermentati u/jew imqaddmin kompletament jew parzjalment f’kontenituri tal-injam. L-attribut “imlaħħam” tħassar, peress li huwa diffiċli jew impossibbli li jiġi kkwantifikat. Kien meqjus xieraq ukoll li dan it-tip ta’ nbid ikun meħtieġ li jdum fil-palat, peress li dan huwa attribut miksub mill-kuntatt mal-injam. |
|
3. |
Tħalla barra limitu massimu għall-qawwa alkoħolika effettiva, għall-istess raġunijiet bħal dawk diġà ddikjarati għall-inbejjed bojod. Bl-istess mod, ma hemm l-ebda impediment tekniku jew ta’ kwalità għat-tnaqqis tal-minimu minn 11,5 % għal 11 % vol. Iż-żieda fil-qawwa għall-inbejjed crianza tħassret (1 % vol. meta mqabbla mal-minimu stabbilit) peress li ma kien hemm l-ebda raġuni teknika li tiġġustifika ż-żamma tagħha. |
5. EMENDA TAD-DESKRIZZJONI TAT-TIPI DIFFERENTI TA’ NBEJJED ĦOMOR
Deskrizzjoni
|
1. |
L-aspetti kollha tad-deskrizzjoni tat-tip “Inbejjed ħomor” inbidlu. |
|
2. |
It-tip “Vino tinto fermentado en barrica” (“Inbid aħmar, iffermentat f’bettija”) tħassar u l-isem “Vino tinto criado en barrica” (“Inbid aħmar, imqaddem f’ bettija”) inbidel għal “Vino tinto fermentado y/o envejecido, total o parcialmente en recipientes de madera” (“Inbid aħmar, iffermentat u/jew imqaddem kompletament jew parzjalment f’kontenituri tal-injam”), u d-deskrizzjoni tiegħu ġiet adattata. |
|
3. |
“L-inbejjed ħomor għandhom qawwa alkoħolika proprja minima ta’ 11,5 % vol.” ġiet sostitwita bil-kliem “L-inbejjed ħomor għandhom qawwa alkoħolika effettiva minima ta’ 12 % vol.”. U tħassret speċifiċità għall-inbejjed “crianza”. |
Din l-emenda taffettwa l-punt 2.1 tal-ispeċifikazzjoni tal-prodott u l-punt 4 tad-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
|
1. |
Fir-rigward tal-apparenza viżiva, it-terminu “aħmar fil-vjola” ġie ssostitwit b’“aħmar u/jew aħmar fil-vjola” sabiex jippermetti l-possibbiltà taż-żewġ kuluri, kemm wieħed jew l-ieħor kif ukoll flimkien, minħabba li dan jagħti rappreżentazzjoni aħjar tal-firxa tal-isfumaturi possibbli ta’ nbid aħmar karatteristiku tad-DOP Empordà. Fir-rigward tal-aroma, l-attribut “pjaċevoli” tħassar, peress li huwa diffiċli jew impossibbli li jiġi kkwantifikat. L-attribut “ta’ frott” kien innotat bħala togħma, iżda nqisu li huwa aktar xieraq li jiġi inkluż bħala aroma minħabba li hija familja ta’ aromi u mhux karatteristika tat-togħma. L-attribut “tanniku” tħassar minħabba li ma jitqiesx essenzjali għal dan it-tip ta’ nbid. Tabilħaqq, skont il-qawwa, jista’ jitqies bħala difett. “Twila” tħassret ukoll minħabba li ma kinitx meħtieġa. |
|
2. |
Il-kategorija “Vino tinto fermentado en barrica” (“Inbid aħmar, iffermentat f’bettija”) tħassret minħabba li dan it-tip ta’ nbid huwa kopert minn dak ġdid “Vino tinto fermentado y/o envejecido, total o parcialmente en recipientes de madera” (“Inbid aħmar, iffermentat u/jew imqaddem kompletament jew parzjalment f’kontenituri tal-injam”). Il-bidla fid-deskrizzjoni tat-tip hija dovuta għal definizzjoni aħjar, li issa tkopri l-inbejjed ħomor li kienu f’kontenituri tal-injam għal parti mill-produzzjoni tagħhom, u mhux biss waqt il-fermentazzjoni. Wieħed għandu jżomm f’moħħu li, f’ħafna każijiet, mhux il-fermentazzjoni kollha iżda parti minnha biss issir f’kontenituri tal-injam jew biss it-tqaddim jew parti minnu. Għalhekk ġie speċifikat li “Għall-inbejjed imqaddmin parzjalment f’kontenituri tal-injam, mill-inqas 25 % tat-tqaddim irid isir f’kontenituri tal-injam”. Fid-deskrizzjoni tal-apparenza viżiva tat-tip il-ġdid, it-terminu “aħmar fil-vjola” ġie ssostitwit b’“aħmar u/jew aħmar fil-vjola” għar-raġunijiet mogħtija hawn fuq. Barra minn hekk, tqies li kellhom jitqiesu l-isfumaturi addizzjonali possibbli lewn it-terrakotta, fid-dawl tal-iżvilupp naturali tal-antoċjanini u t-tannini f’dan it-tip ta’ nbid. Fir-rigward tal-aroma, il-kliem “aromi balsamiċi u pikkanti karatteristiċi tat-tqaddim” inbidel għal “aromi mit-tqaddim fl-injam”) minħabba li l-aromi mogħtija miż-żmien imqatta’ fl-injam ivarjaw u jiddependu mill-injam, mid-daqs tal-bettija, mix-xiwi, miż-żmien tat-tqaddim, eċċ. Fir-rigward tat-togħma, il-kelma “nadifa” tħassret minħabba li jekk nifhmu li l-kelma Spanjola “franco” (“ċara”) tiddeskrivi nbid mhux imbagħbas li huwa ħieles mill-imperfezzjonijiet, allura “nadifa” tkun żejda. Il-frażi “aromi li jfakkru fil-frott misjur” tħassret minħabba li ma huwiex korrett li nitkellmu dwar familja ta’ aromi b’referenza għat-togħma. Il-kelma “lixx” tħassret minħabba li ma titqiesx bħala deskrittur li huwa faċli biex jiġi kkwantifikat u ma titqiesx xierqa fil-każ ta’ nbejjed li huma ffermentati u/jew imqaddmin kompletament jew parzjalment f’kontenituri tal-injam. Tabilħaqq, l-inbejjed ta’ dan it-tip huma aktar strutturati minħabba l-estrazzjoni tat-tannini mill-injam, u l-konċentrazzjoni tat-tannini u l-kulur finali tal-inbejjed, li jirriżultaw mill-perjodi ta’ maċerazzjoni medji sa twal użati biex jinkisbu nbejjed ibbilanċjati fi tmiem il-proċess ta’ tqaddim. Aħna għażilna li ninkorporaw it-terminu “li jdum fil-palat” minħabba li l-inbejjed ta’ dan it-tip idumu aktar fil-palat mill-inbejjed mhux imqaddmin. Il-ħin twil fil-palat huwa r-riżultat tal-estrazzjoni tat-tannini mill-injam u l-konċentrazzjoni tat-tannini u l-kulur finali tal-inbejjed, li jirriżultaw mill-perjodi ta’ maċerazzjoni medji sa twal użati biex jinkisbu nbejjed ibbilanċjati fi tmiem il-proċess ta’ tqaddim. |
|
3. |
Il-kelma “quiere” ġiet sostitwita b’“vol”, biex jiġi kkoreġut l-iżball ortografiku fl-Ispanjol oriġinali. Ma hemm l-ebda impediment tekniku jew ta’ kwalità għaż-żieda fil-qawwa minima minn 11,5 % għal 12 % vol. Iż-żieda fil-qawwa għall-inbejjed “crianza” tħassret (1 % vol. aktar mill-minimu stabbilit għall-inbejjed l-oħrajn) peress li ma kien hemm l-ebda raġuni teknika li tiġġustifika ż-żamma tagħha. |
6. ĠEW INTRODOTTI NBEJJED RANCIO FIL-KATEGORIJA 1
Deskrizzjoni
Ġie introdott tip ġdid fil-kategorija 1 għall-inbejjed “rancio”, minħabba l-metodu ta’ tqaddim tagħhom. Il-karatteristiċi organolettiċi tagħhom huma deskritti u ġiet stabbilita qawwa alkoħolika effettiva minima.
Din l-emenda taffettwa l-punt 2.1 tal-ispeċifikazzjoni tal-prodott u l-punt 4 tad-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi. Ma ġiet introdotta l-ebda kategorija ġdida, iżda biss tip ġdid fil-kategorija 1, li diġà jeżisti fl-ispeċifikazzjoni tal-prodott.
Raġuni:
Ġiet proposta l-inklużjoni tat-tip ta’ nbid “rancio” l-ġdid. Dan għaliex “rancio” sa issa kien terminu li seta’ jintuża biss għall-inbejjed u għall-inbejjed likuri li kienu kisbu t-togħma deskritta bħala “rancio” minħabba l-kundizzjonijiet partikolari tat-tqaddim tagħhom.
7. BIDLIET FID-DESKRIZZJONI TAL-INBEJJED SEMIFRIZZANTI
Deskrizzjoni
Id-deskrizzjoni organolettika ta’ dawn l-inbejjed ittejbet. Il-limitu l-aktar baxx għall-qawwa alkoħolika effettiva żdied minn 9,5 għal 10,5 % vol. Fejn l-ispeċifikazzjoni tgħid “inbid miksub minn varjetajiet ta’ dwieli”, dan ġie sostitwit bi’“nbid miksub minn varjetajiet ta’ għeneb”.
Din l-emenda taffettwa l-punt 2.2 tal-ispeċifikazzjoni tal-prodott u l-punt 4 tad-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
B’referenza għal-apparenza viżiva, l-attribut “ħafif” tħassar minħabba li ma jitqiesx xieraq għad-dehra. L-attribut “ċara” żdied biex jiddistingwi l-inbejjed li huma mdardra, u “roża ċar jew kemxejn qawwi” ġie ssostitwit b’“roża” u “aħmar fil-vjola” ġie ssostitwit b’“aħmar jew aħmar fil-vjola” minħabba li dawn huma sfumaturi li jiddeskrivu aħjar l-inbejjed semifrizzanti Empordà. Żdiedet is-sentenza li ġejja: “Inbejjed semifrizzanti bojod prodotti minn Garnacha Roja u/jew minn varjetajiet ħomor jista’ jkollhom kulur isfar aktar qawwi, xi kultant bi sfumaturi roża fl-aħmar u/jew griżi”, biex iqisu l-ispeċifiċitajiet tal-inbejjed semifrizzanti bojod magħmulin minn varjetajiet ħomor, u minn Garnacha Roja, peress li dawn jistgħu jkunu aktar qawwija fil-kulur minħabba l-proporzjon ogħla ta’ polifenoli u antoċjanini.
Fir-rigward tal-aroma, żdied l-attribut “ta’ fjuri” għaliex huwa familja ta’ aromi komuni u apprezzata f’dan it-tip ta’ nbid. L-attributi “ċara” u “nadifa” ġew miżjuda minħabba li huwa meqjus essenzjali li l-inbejjed ta’ dan it-tip ma jkollhomx difetti. Il-frażi “b’aromi speċifiċi għal kull varjetà użata għall-produzzjoni ta’ dan l-inbid” tħassret peress li huwa diffiċli jew impossibbli li l-aromi speċifiċi għall-varjetajiet kollha jiġu assoċjati b’mod preċiż.
L-attribut “ta’ frott” kien innotat b’referenza għat-togħma, iżda nqisu li huwa aktar xieraq li jiġi inkluż b’referenza għall-aroma minħabba li hija familja ta’ aromi u mhux karatteristika tat-togħma.
Ma hemm l-ebda impediment tekniku jew ta’ kwalità għaż-żieda fil-qawwa minima minn 9,5 % għal 10,5 % vol.
Il-kelma “dwieli” ġiet sostitwita b’“għeneb” peress li dan huwa aktar korrett.
8. EMENDI TAD-DESKRIZZJONI TAL-INBEJJED SPUMANTI TA’ KWALITÀ
Deskrizzjoni
Id-deskrizzjoni organolettika ta’ dawn l-inbejjed ittejbet. Il-limitu massimu għall-qawwa alkoħolika effettiva żdied minn 12,5 għal 13,5 % vol. Il-kliem dwar il-metodu ta’ produzzjoni ttejjeb ukoll.
Din l-emenda taffettwa l-punt 2.3 tal-ispeċifikazzjoni tal-prodott u l-punt 4 tad-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
Fir-rigward tal-apparenza viżiva, l-attribut “ċara” żdied biex issir distinzjoni mill-inbejjed imdardra. Il-firxa tal-kulur ġiet estiża għal “isfar qawwi” sabiex tkopri nbejjed spumanti ta’ kwalità mqaddmin li, minħabba l-età tagħhom, jistgħu jkunu tilfu l-isfumaturi ħodor favur sfumaturi aktar sofor. Żdiedet is-sentenza li ġejja: “Inbejjed spumanti ta’ kwalità prodotti minn Garnacha Roja u/jew minn varjetajiet ta’ għeneb ħomor jista’ jkollhom kulur isfar aktar qawwi, xi kultant bi sfumaturi roża fl-aħmar u/jew griżi”, biex iqisu l-ispeċifiċitajiet tal-inbejjed spumanti magħmulin minn varjetajiet ħomor, u minn Garnacha Roja, peress li dawn jistgħu jkunu aktar qawwija fil-kulur minħabba l-proporzjon ogħla ta’ polifenoli u antoċjanini.
Fir-rigward tal-aromi, il-kelma “crianza” ġiet sostitwita b’“envejecer” [kelma aktar ġenerali għal “tqaddim”] minħabba li t-terminu “envejecer” huwa aktar rappreżentattiv tat-tipi differenti ta’ nbejjed li għalihom issir referenza u t-terminu “crianza” huwa assoċjat biss ma’ xi nbejjed imqaddmin imsemmija fl-ispeċifikazzjoni tal-prodott innifisha, u huwa soġġett għal-leġiżlazzjoni tal-UE.
Fir-rigward tat-togħma, l-espressjoni “b’bilanċ tajjeb bejn l-aċidità u z-zokkrijiet” ġiet sostitwita bi“bbilanċjata” minħabba li l-bilanċ jista’ jiddependi fuq fatturi oħra għajr sempliċement ir-relazzjoni bejn iz-zokkrijiet u l-aċidità. L-attributi “ċara” u “nadifa” żdiedu minħabba li n-nuqqas ta’ difetti huwa meqjus essenzjali.
L-analiżijiet imwettqa matul l-aħħar 10 snin mid-Dipartiment Tekniku tal-Bord Regolatorju tagħna juru li l-konċentrazzjoni taz-zokkor qed tiżdied, probabbilment minħabba t-tibdil fil-klima. Hemm diversi raġunijiet għal dan: żieda fit-temperatura, aktar jiem b’temperaturi għoljin, perjodi ta’ stress idriku, eċċ. F’dan ir-rigward, il-kantini tal-inbid jipprijoritizzaw il-kwalità tal-prodott, u jagħżlu li jagħmlu l-ħsad filwaqt li jżommu bilanċ bejn il-maturazzjoni fenolika u l-qawwa alkoħolika probabbli, li dejjem aktar tfisser gradi ta’ probabbiltà ogħla ta’ qawwa alkoħolika.
Il-formulazzjoni mtejba kienet tinvolvi t-tħassir tal-informazzjoni dwar il-qawwa proprja, il-varjetajiet jew iż-żona ta’ produzzjoni, l-ibbottiljar u t-tqaddim, it-tikkettar jew l-għeluq, minħabba li din l-informazzjoni diġà hija stabbilita f’partijiet oħra tal-ispeċifikazzjoni tal-prodott, għalhekk tkun żejda hawnhekk.
9. EMENDA TAD-DESKRIZZJONI TAL-INBEJJED LIKURI MISTELA BOJOD EMPORDÀ
Deskrizzjoni
Id-deskrizzjoni organolettika ta’ dawn l-inbejjed ittejbet. Il-formulazzjoni dwar il-metodu tal-produzzjoni ttejbet ukoll.
Din l-emenda taffettwa l-punt 2.4 tal-ispeċifikazzjoni tal-prodott u l-punt 4 tad-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
Fir-rigward tal-apparenza, l-attribut “ċara” żdied biex issir distinzjoni mill-inbejjed imdardra, u “sa sfumatura ta’ kulur dehbi ċar” ġiet sostitwita b’“sa ambra” sabiex tippermetti l-inklużjoni ta’ nbejjed li għaddew minn tqaddim itwal u li żammew livell għoli ta’ kwalità.
Fir-rigward tal-aromi, “ċara” ġiet sostitwita b’“nadifa” biex tiġi kkoreġuta traduzzjoni ħażina mill-Katalan. Biex tingħata deskrizzjoni aħjar, żdiedet “u/jew tal-ġewż”. Għażilna li nħassru “speċifika għall-varjetà” minħabba li l-mistela tista’ tiġi prodotta bl-użu tal-varjetajiet awtorizzati differenti u l-prodott ma għandux jiġi definit bħala monovarjetali.
L-attribut “ta’ frott” kien innotat b’referenza għat-togħma, iżda nqisu li huwa aktar xieraq li jiġi inkluż biss b’referenza għall-aroma minħabba li hija familja ta’ aromi u mhux karatteristika tat-togħma. Ġie deċiż li jitħassar it-terminu “togħma tajba li tibqa’ fil-ħalq” minħabba li huwa terminu soġġettiv iżżejjed u mhux attribut li jista’ jitkejjel u/jew jiġi kkwantifikat għall-panel tad-dewqan. It-termini “ċara” u “nadifa” żdiedu għal deskrizzjoni aħjar.
Il-frażi “l-inbid huwa ffiltrat” tħassret minħabba li, fil-prattika, il-produtturi mhux dejjem jużaw din il-prattika enoloġika, peress li ma taffettwax il-kwalità jew it-tip. Il-frażi “Ħawwad darba kuljum għal ġimgħa” tħassret minħabba li issa jeżistu metodi oħra ta’ omoġenizzazzjoni.
10. EMENDA TAD-DESKRIZZJONI TAL-INBEJJED LIKURI MISTELA ĦOMOR EMPORDÀ
Deskrizzjoni
Id-deskrizzjoni organolettika ta’ dawn l-inbejjed ittejbet. Il-formulazzjoni dwar il-metodu tal-produzzjoni ttejbet ukoll.
Din l-emenda taffettwa l-punt 2.4 tal-ispeċifikazzjoni tal-prodott u l-punt 4 tad-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
Fir-rigward tal-apparenza viżiva, żdied l-attribut “ċara” biex issir distinzjoni mill-inbejjed imdardra. Il-frażi “sfumaturi ħomor u vjola” ġiet sostitwita bi “sfumaturi ħomor u/jew ħomor fil-vjola” biex il-kulur jiġi ċċarat ulterjorment.
Fir-rigward tal-aromi, “ċara” ġiet sostitwita b’“nadifa” minħabba traduzzjoni ħażina mill-Katalan għall-Ispanjol, u “li tfakkar fil-frott aħmar” ġiet sostitwita b’“ta’ frott” minħabba li l-aromi f’din il-kategorija ta’ nbejjed ma għandhomx ikunu ffukati biss fuq il-frott aħmar jew fuq kwalunkwe tip ieħor ta’ frott.
L-attribut “ta’ frott” kien innotat b’referenza għat-togħma, iżda nqisu li huwa aktar xieraq li jiġi inkluż b’referenza għall-aroma minħabba li hija familja ta’ aromi u mhux karatteristika tat-togħma. Il-kelma “bellusija” tħassret minħabba li hija terminu soġġettiv iżżejjed u mhux attribut li jista’ jitkejjel u/jew jiġi kkwantifikat għall-panel tad-dewqan. L-attributi “ċara” u “nadifa” żdiedu minħabba li n-nuqqas ta’ difetti huwa meqjus essenzjali.
Il-ħtieġa speċifika li l-għeneb jitgħaffeġ qabel il-maċerazzjoni tħassret, kif tħassret ukoll il-ħtieġa li jitneħħa z-zokk minn qabel, peress li dawn huma prattiki enoloġiċi li ma jiddeterminawx it-tip ta’ nbid u li ma għandhomx għalfejn jiġu speċifikati. Il-ħtieġa ta’ arjazzjoni tal-most biex titneħħa l-ħmira tħassret, peress li ntwera b’mod wiesa’ li s-sempliċi żieda u blending tal-alkoħol ’il fuq minn 15 % vol. huwa biżżejjed biex jiġu inattivati. Ir-referenza għall-użu tal-“pressa” għas-separazzjoni tas-solidi tħassret minħabba li jintużaw tekniki oħrajn għal dak il-għan f’din it-tip ta’ produzzjoni, bħal saignée (skular), b’riżultati ta’ kwalità simili jew saħansitra aħjar.
11. EMENDI TAD-DESKRIZZJONI TAL-INBEJJED LIKURI GARNACHA EMPORDÀ
Deskrizzjoni
Id-deskrizzjoni organolettika ta’ dawn l-inbejjed ittejbet. Il-formulazzjoni dwar il-metodu tal-produzzjoni ttejbet ukoll.
Din l-emenda taffettwa l-punt 2.4 tal-ispeċifikazzjoni tal-prodott u l-punt 4 tad-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
Fir-rigward tal-apparenza viżiva, żdied l-attribut “ċara” biex issir distinzjoni mill-inbejjed imdardra. Ġie deċiż li jitħassar il-kliem “ambra” u “lewn ir-rubin” mid-deskrizzjoni viżiva minħabba li huma regolati bħala termini skont il-varjetà użata u jistgħu jwasslu għal żbalji jew konfużjoni. Għalhekk huwa preferibbli li dan it-tip ta’ nbid jiġi deskritt skont il-firxa ta’ sfumaturi tal-kulur tiegħu.
Fir-rigward tal-aromi, żdied il-kliem “u/jew imqadded u aromi mit-tqaddim” minħabba li jitqies li dawn l-aromi jippredominaw f’din il-kategorija ta’ nbejjed, li fiha l-għeneb jinħasad tard ħafna u t-tqaddim ossidattiv huwa obbligatorju.
L-attribut “bit-togħma ta’ frott misjur jew imqadded” kien innotat b’referenza għat-togħma, iżda nqisu li huwa aktar xieraq li jiġi inkluż biss għall-aroma minħabba li hija familja ta’ aromi u mhux karatteristika tat-togħma. L-attributi “ċara” u “nadifa” żdiedu minħabba li n-nuqqas ta’ difetti huwa meqjus essenzjali. Il-kelma “kumpless” ukoll żdiedet biex tittejjeb id-deskrizzjoni tiegħu.
L-aġġettiv “misjur iżżejjed” ġie ssostitwit b’“misjur”, peress li l-għeneb ma għandux għalfejn isir iżżejjed sabiex jinkisbu l-karatteristiċi li jiddefinixxu dan il-prodott.
Id-deskrizzjoni tagħti dettalji tal-varjetajiet ta’ Garnacha (Blanca, Roja, Negra jew Peluda) sabiex jiġi ċċarat li kwalunkwe waħda minnhom tista’ tintuża.
Dan li ġej tħassar: “wara t-tneħħija taz-zokk u t-tgħaffiġ, il-fermenti tal-polpa” kif ukoll “isiru l-iskular, l-ippressar, il-filtrazzjoni u t-tisħiħ”) minħabba li, teknikament, il-prattiki enoloġiċi deskritti u mħassra għal dan it-tip ta’ nbid jistgħu jitwettqu fi stadji differenti tal-produzzjoni b’riżultati ottimali.
Fir-rigward tal-metodu għall-konċentrazzjoni tal-most, “jiġi mgħolli” ġiet sostitwita b’“applikazzjoni diretta tas-sħana”, peress li din hija l-espressjoni aktar korretta.
L-eċċezzjoni mir-rekwiżit ta’ sentejn ta’ tqaddim jew maturazzjoni fejn mill-inqas 90 % jiġi minn Garnacha Tinta jew Peluda tneħħiet, minħabba li l-esperjenza wriet li ma hemm l-ebda raġuni għal din id-differenza u li biex ikun hemm il-karatteristiċi sensorji tipiċi ta’ din il-kategorija, it-tqaddim huwa essenzjali għall-varjetajiet kollha ta’ Garnacha bl-istess mod.
12. EMENDI TAD-DESKRIZZJONI TAL-INBEJJED LIKURI MOSCATEL EMPORDÀ
Deskrizzjoni
Id-deskrizzjoni organolettika ta’ dawn l-inbejjed ittejbet. Il-formulazzjoni dwar il-metodu tal-produzzjoni ttejbet ukoll.
Din l-emenda taffettwa l-punt 2.4 tal-ispeċifikazzjoni tal-prodott u l-punt 4 tad-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
Fir-rigward tal-apparenza viżiva, żdied l-attribut “ċara” biex issir distinzjoni mill-inbejjed imdardra. It-terminu “isfar qawwi” ġie sostitwit b’“ambra” minħabba li tqies li n-nuqqas ta’ inklużjoni ta’ sfumaturi intensi daqs l-ambra kien jeskludi nbejjed soġġetti għal aktar tqaddim minn din il-kategorija, filwaqt li dawn l-inbejjed jistgħu jżommu l-kwalitajiet organolettiċi u saħansitra joffru kumplessità akbar.
Fir-rigward tal-aromi, “ċara” ġiet ikkoreġuta għal “nadifa” minħabba li tal-ewwel kienet traduzzjoni ħażina mill-Katalan, u l-attribut “iddum” tħassar minħabba li ma jitqiesx li huwa speċifiku għall-aromi iżda pjuttost għat-togħma, it-taqsima li ċċaqlaq għaliha.
Fir-rigward tat-togħma, l-attributi “ċara” u “nadifa” ġew miżjuda minħabba li kien meqjus essenzjali li l-inbejjed ta’ dan it-tip ma jkollhomx difetti. It-terminu “bellusija” tħassar minħabba li huwa terminu soġġettiv iżżejjed u mhux attribut li jista’ jitkejjel u/jew jiġi kkwantifikat għall-panel tad-dewqan.
Ġie ċċarat li ż-żewġ varjetajiet, Moscatel de Alejandría u Moscatel de Grano Menudo, jistgħu jintużaw flimkien jew separatament, mingħajr distinzjoni.
13. EMENDI TAD-DESKRIZZJONI TAL-INBEJJED LIKURI ĦELWIN EMPORDÀ
Deskrizzjoni
Id-deskrizzjoni organolettika ta’ dawn l-inbejjed ittejbet. Il-qawwa alkoħolika effettiva massima żdiedet minn 20 % għal 22 % vol.
Din l-emenda taffettwa l-punt 2.4 tal-ispeċifikazzjoni tal-prodott u l-punt 4 tad-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
Fir-rigward tal-apparenza viżiva, żdied l-attribut “ċara” biex issir distinzjoni mill-inbejjed imdardra.
Fir-rigward tal-aroma, “ċara” ġiet ikkoreġuta għal “nadifa” minħabba li tal-ewwel kienet traduzzjoni ħażina mill-Katalan, u żdiedet “u/jew imqadded” minħabba li hija familja ta’ aromi li tinsab f’dan it-tip ta’ nbid. Il-frażi “sħuna u lixxa” tħassret minħabba li din titqies li hi attribut tat-togħma, u mhux tal-aromi.
B’referenza għat-togħma, żdiedu l-attributi “ċara, nadifa” u “bbilanċjata” minħabba li kien meqjus essenzjali li l-inbejjed ta’ dan it-tip ma jkollhomx difetti. Il-kliem “ta’ frott” u “li jfakkar fil-frott misjur” tħassar minħabba li dawn l-attributi ma humiex karatteristiċi tat-togħma, iżda huma attributi pjuttost aromatiċi. L-attribut “imlaħħam” tħassar peress li huwa diffiċli jew impossibbli li jitkejjel jew li jiġi kkwantifikat. It-terminu “intensità twila tat-togħma” ġie ssostitwit b’“persistenti” bħala terminu aktar xieraq.
Ġie deċiż li l-qawwa alkoħolika effettiva massima stabbilita f’din il-kategorija tal-inbid likur tiżdied minn 20 għal 22 minħabba li hija l-aktar kategorija ġenerika u l-intenzjoni ma kinitx li din il-kategorija tiġi limitata daqstant fuq dan l-aspett sabiex tkun aktar inklużiva.
14. ĠEW INTRODOTTI NBEJJED RANCIO EMPORDÀ FIL-KATEGORIJA 3
Deskrizzjoni
Ġie introdott tip ġdid fil-kategorija 3: l-inbejjed “Rancios del Empordà”, minħabba l-metodu ta’ tqaddim tagħhom. Il-karatteristiċi organolettiċi tagħhom ġew deskritti u ġiet stabbilita l-qawwa alkoħolika proprja minima tagħhom.
Din l-emenda taffettwa l-punt 2.4 tal-ispeċifikazzjoni tal-prodott u l-punt 4 tad-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi. Ma ġiet introdotta l-ebda kategorija ġdida, iżda biss tip ġdid fil-kategorija 1, li diġà jeżisti fl-ispeċifikazzjoni tal-prodott.
Raġuni:
Ġiet proposta l-inklużjoni tat-tip ta’ nbid il-ġdid “Vino rancio del Empordà” (“Inbid rancio Empordà”). Sa issa, “rancio” kienet referenza li setgħet tintuża biss għall-inbejjed u l-inbejjed likuri li kienu kisbu t-togħma “rancio” minħabba l-kundizzjonijiet partikolari tat-tqaddim tagħhom.
15. EMENDA TAD-DESKRIZZJONI TAL-INBID MINN GĦENEB MISJUR IŻŻEJJED
Deskrizzjoni
Id-deskrizzjoni organolettika ta’ dawn l-inbejjed ittejbet. Il-limiti fuq il-qawwa alkoħolika effettiva nbidlu wkoll.
Din l-emenda taffettwa l-punt 2.5 tal-ispeċifikazzjoni tal-prodott u l-punt 4 tad-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
Fir-rigward tal-aromi, “frott misjur u mnixxef” ġiet issostitwita bi “frott misjur u/jew deidrat”, peress li dan huwa aġġettiv aktar xieraq u sabiex jitqiesu l-inbejjed li għandhom biss wieħed miż-żewġ attributi.
Fir-rigward tat-togħma, żdiedu l-attributi “ċara” u “nadifa” minħabba li kien meqjus essenzjali li l-inbejjed ta’ dan it-tip ma jkollhomx difetti. L-attribut “strutturat” tħassar peress li huwa diffiċli jew impossibbli li jitkejjel jew li jiġi kkwantifikat, u l-attributi “żejtni” u “kumpless” żdiedu għal deskrizzjoni aħjar. It-terminu “li jfakkar fil-ġulepp tal-għeneb” tħassar minħabba li dan l-attribut ma huwiex speċifiku għall-fażi tat-togħma, iżda pjuttost huwa attribut aromatiku.
Il-qawwa alkoħolika effettiva minima ta’ 15 % vol. inbidlet għal 12 % vol. minħabba li din kienet limitazzjoni bla bżonn u ma kinitx tirrifletti r-realtà tal-produzzjoni ta’ dawn il-prodotti, peress li l-fermentazzjoni tista’ tieqaf aktar kmieni fil-maġġoranza tal-inbejjed prodotti, skont il-kundizzjonijiet fis-sena inkwistjoni. Il-limitu massimu tħassar minħabba li ma kienx meħtieġ.
16. BIDLIET FIL-LIMITI TAL-QAWWA ALKOĦOLIKA
Deskrizzjoni
Saru emendi fiż-żewġ tabelli li jiġbru fil-qosor il-limiti tal-qawwa alkoħolika proprja u totali tat-tipi differenti ta’nbid, inklużi t-tipi l-ġodda li diġà ssemmew.
Il-punti 2.6 u 2.7 tal-ispeċifikazzjoni tal-prodott u l-punt 4 tad-dokument uniku ġew emendati skont dan.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
Fir-rigward tal-qawwa alkoħolika effettiva, il-bidliet li saru u r-raġuni għalihom diġà ġew indikati għal kull tip.
Il-qawwa alkoħolika totali ġiet adattata għall-qawwiet proprji l-ġodda u tħassar il-limitu massimu minħabba li ma kienx meħtieġ.
17. BIDLIET FIL-LIMITI TAL-AĊIDITÀ TOTALI
Deskrizzjoni
Għall-inbejjed tal-kategorija 1, il-limitu minimu ta’ 4,5 g/l espress bħala aċidu tartariku tnaqqas għal 4 g/l.
Għall-inbejjed spumanti ta’ kwalità u l-inbejjed semifrizzanti, l-aċidità minima ġiet stabbilita għal 5,0 g/l espressa bħala aċidu tartariku.
Din l-emenda taffettwa l-punt 2.9 tal-ispeċifikazzjoni tal-prodott u l-punt 4 tad-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
L-analiżijiet imwettqa matul l-aħħar 10 snin mid-Dipartiment Tekniku tal-Bord Regolatorju tagħna juru li, probabbilment minħabba t-tibdil fil-klima, il-konċentrazzjoni taz-zokkor fil-most hija ogħla milli fi snin preċedenti, għad-detriment tal-aċidità totali. Hemm diversi raġunijiet għal dan: żieda fit-temperatura, aktar jiem b’temperaturi għoljin, perjodi ta’ stress idriku, eċċ. F’dan ir-rigward, il-kantini tal-inbid jipprijoritizzaw il-kwalità tal-prodott, u jagħżlu li jagħmlu l-ħsad filwaqt li jżommu bilanċ bejn il-maturazzjoni fenolika u l-qawwa alkoħolika probabbli, li dejjem aktar tfisser gradi ta’ probabbiltà ogħla ta’ qawwa alkoħolika u livelli aktar stretti ta’ aċidità totali.
L-aċidità żdiedet għall-kategoriji tal-inbid spumanti ta’ kwalità u tal-inbid semifrizzanti peress li ma kinux koperti.
18. BIDLIET FIL-LIMITI TAL-AĊIDITÀ VOLATILI
Deskrizzjoni
Il-limitu massimu żdied minn 0,6 għal 0,8 g/l espressi bħala aċidu aċetiku f’inbejjed ta’ inqas minn sena. F’inbejjed ħomor imqaddmin, il-limitu huwa ta’ 1,10 g/l, li niżel mill-1,20 g/l ta’ qabel. Barra minn hekk, ġie introdott limitu speċifiku ta’ 2,10 g/l għall-inbejjed likuri, għall-inbejjed minn għeneb misjur iżżejjed u għall-inbid rancio.
Din l-emenda taffettwa l-punt 2.10 tal-ispeċifikazzjoni tal-prodott u l-punt 4 tad-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
L-analiżijiet imwettqa matul l-aħħar 10 snin mid-Dipartiment Tekniku tal-Bord Regolatorju tagħna juru li, probabbilment minħabba t-tibdil fil-klima, il-konċentrazzjoni taz-zokkor fil-most hija ogħla milli fi snin preċedenti. Konsegwentement, l-aċidità volatili tista’ tkun ogħla wkoll. Hemm diversi raġunijiet għal dan: żieda fit-temperatura, aktar jiem b’temperaturi għoljin, perjodi ta’ stress idriku fil-pjanta li min-naħa tagħhom jistgħu jikkawżaw stress fil-ħmira matul il-proċess tal-fermentazzjoni, li jirriżulta f’żieda fl-aċidità volatili.
Barra minn hekk, l-introduzzjoni tal-inbejjed rancio u tal-inbejjed oranġjo fl-ispeċifikazzjoni tal-prodott tista’, minħabba l-metodu ta’ produzzjoni, tirriżulta f’żieda fl-aċidità volatili mingħajr tnaqqis fil-kwalità.
19. IL-LIMITI MASSIMI GĦAT-TOTAL TAD-DIOSSIDU TAL-KUBRIT ĠEW IKKOMPLETATI
Deskrizzjoni
Il-limitu massimu tad-diossidu tal-kubrit ġie speċifikat għall-inbejjed rancio fil-kategorija 1, l-inbejjed semifrizzanti u l-inbejjed minn għeneb misjur iżżejjed.
Din l-emenda taffettwa l-punt 2.11 tal-ispeċifikazzjoni tal-prodott u l-punt 4 tad-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
biex jiġi speċifikat dan il-limitu għal dawn it-tipi ta’ nbejjed.
20. BIDLA FIL-POŻIZZJONI TAT-TAQSIMA DWAR IT-TERMINI U/JEW L-INDIKAZZJONIJIET
Deskrizzjoni
It-taqsima “Termini u/jew indikazzjonijiet” tmexxiet mill-punt 2 għall-punt 8. 2. Il-preżentazzjoni u t-tikkettar tal-prodotti.
Din l-emenda taffettwa l-punt 2 tal-ispeċifikazzjoni tal-prodott u l-punt 9 tad-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
Dan il-kontenut irid ikun fil-parti tal-ispeċifikazzjoni tal-prodott li tittratta t-tikkettar.
21. BIDLIET FIL-PRATTIKI TAL-KULTIVAZZJONI
Deskrizzjoni
Il-limiti tad-densità tat-tħawwil u l-limitu fuq l-għejun għal kull ettaru tħassru, u l-kliem dwar l-awtorizzazzjoni tal-irrigazzjoni ttejjeb. U l-qawwa alkoħolika naturali skont il-volum tal-għeneb inbidlet minn 10 % vol. jew ogħla għal dan li ġej, differenzjat skont il-kulur: 11,5 % vol. għall-għeneb maħsub għall-produzzjoni tal-inbid aħmar; 10,5 % vol. għall-għeneb maħsub għall-produzzjoni tal-inbid abjad u rożè; u 9,5 % vol. meta l-għeneb ikun maħsub għall-produzzjoni ta’ nbejjed semifrizzanti jew inbejjed spumanti ta’ kwalità.
Il-punti 3.1 u 3.2 tal-ispeċifikazzjoni tal-prodott u l-punt 5 tad-dokument uniku ġew emendati skont dan.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
L-impożizzjoni ta’ massimu jew minimu fuq id-dwieli għal kull ettaru ma hijiex xierqa għar-realtà tar-reġjun, li għandu żoni li huma aktar produttivi, vinji żgħar u żoni inqas fertili b’vinji li ilhom hemm sekli.
Il-limitazzjoni tan-numru ta’ għejun ftit li xejn tagħmel sens minħabba li l-kwantità ta’ għejun tiddependi mill-varjetà, li tista’ tkun aktar jew inqas produttiva, iż-żona, l-użu maħsub tal-għeneb, l-inbid li għandu jiġi prodott u t-tip ta’ żbir.
Il-prattika tal-irrigazzjoni ma hijiex komuni fir-reġjun tagħna. Il-paragrafu ġie emendat biex jiddikjara li x-xogħol fil-vinji huwa r-responsabbiltà tal-vitikultur u li dan irid jissodisfa l-objettiv li jipproduċi għeneb ta’ kwalità.
Indikajna qawwa alkoħolika skont il-volum għal kull waħda mill-kategoriji ewlenin tal-inbid, li tiżdied b’nofs grad għall-inbejjed bojod, rożè, semifrizzanti u spumanti ta’ kwalità, u bi grad wieħed għall-inbejjed ħomor, biex b’hekk il-qawwa minima tiġi adattata għar-realtà tal-prodott peress li t-tibdil fil-klima jfisser li l-għeneb ma jinħasadx taħt dak il-livell ta’ qawwa sabiex tinkiseb maturazzjoni f’termini ta’ zokkrijiet kif ukoll ta’ maturazzjoni fenolika.
22. BIDLIET FIL-PRATTIKI ENOLOĠIĊI
Deskrizzjoni
Tħassret is-sentenza li ġejja: “Fil-produzzjoni tal-most iridu jiġu segwiti prattiki tradizzjonali, bl-użu ta’ teknoloġija mmirata lejn l-ottimizzazzjoni tal-kwalità tal-inbejjed”.
Ir-rendiment mill-estrazzjoni żdied minn 70 għal 74 litru ta’ most jew inbid għal kull 100 kg ta’ għeneb maħsud, filwaqt li ġie speċifikat li n-naqal tagħhom huwa inkluż.
Il-punt 3.3 tal-ispeċifikazzjoni tal-prodott u l-punt 5 tad-dokument uniku ġew emendati.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
Il-frażi mħassra hija żejda minħabba li l-kantini tal-inbid issa huma mgħammra bit-teknoloġija xierqa biex jiksbu most ta’ kwalità.
L-estrazzjoni tal-most tirreferi għal proċess ta’ produzzjoni għall-inbejjed bojod li fih l-estrazzjoni sseħħ qabel il-fermentazzjoni. Ir-referenza għall-estrazzjoni tal-inbid tqis il-fatt li l-proċess tal-estrazzjoni jseħħ wara l-fermentazzjoni. Meta wieħed iżomm f’moħħu li l-faċilitajiet għall-vinifikazzjoni ta’ nbid ta’ kwalità qegħdin jużaw makkinarju dejjem aktar sofistikat u mill-aktar avvanzat, il-proċess tal-estrazzjoni tjieb, u b’hekk sar aktar sensittiv għall-ħajja tal-ħżin tal-prodott u għall-kwalità tal-prodott, anke bl-applikazzjoni ta’ pressjoni akbar.
23. TITJIB FIL-FORMULAZZJONI DWAR IR-RENDIMENT GĦAL KULL ETTARU
Deskrizzjoni
Il-produzzjoni f’hl/ha ġiet speċifikata għall-inbid lest. Żdiedu żewġ punti deċimali mal-valuri korrispondenti.
Din l-emenda tikkonċerna l-punt 5 tal-ispeċifikazzjoni tal-prodott u ma taffettwax id-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
L-akkuratezza tat-test ittejbet.
24. BIDLIET FIL-VARJETAJIET
Deskrizzjoni
Fil-varjetajiet bojod rakkomandati: is-sinonimu Carignan Blanc żdied ma’ Cariñena Blanca; Lledoner Blanc, bħala sinonimu ta’ Garnacha Blanca, inbidel għall-forma korretta tiegħu, jiġifieri Lladoner Blanco; Garnacha Roja ġiet inkluż fil-varjetajiet ħomor rakkomandati.
Fil-varjetajiet bojod awtorizzati: “Moscatel de grano pequeño” ġie ssostitwit bl-isem korrett tiegħu, “Moscatel de grano menudo”;
Żdied sinonimu ieħor ma’ Samsó jew Cariñena taħt il-varjetajiet ħomor rakkomandati: Mazuela; Lladoner żdied bħala sinonimu għal Garnacha Tinta; Cariñena Gris żdied bħala varjetà ġdida.
Fil-varjetajiet ħomor awtorizzati: it-Tempranillo żdied bħala sinonimu tal-Ull de Llebre; u l-Lledoner Pelut bħala sinonimu ta’ Garnacha Peluda.
Il-punt 6 tal-ispeċifikazzjoni tal-prodott u l-punt 7 tad-dokument uniku ġew emendati.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
Id-dettall tal-ismijiet tal-varjetajiet ittejjeb.
25. TITJIB FIL-FORMULAZZJONI TAR-RABTA
Deskrizzjoni
Il-formulazzjoni tar-rabta ttejbet.
Il-punt 7 tal-ispeċifikazzjoni tal-prodott u l-punt 8 tad-dokument uniku ġew emendati.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi. B’mod partikolari, ma tinvolvi l-ebda bidla fir-rabta iżda biss titjib fil-formulazzjoni tagħha.
Raġuni:
Ittieħdet din l-opportunità biex jittejjeb it-test.
26. TERMINI U/JEW INDIKAZZJONIJIET
Deskrizzjoni
Minbarra li din it-taqsima tat-termini u l-indikazzjonijiet tmexxiet mill-punt 2 għall-punt 8 tal-ispeċifikazzjoni tal-prodott, kif diġà ssemma, saru diversi bidliet fil-formulazzjoni.
Il-punt 8 tal-ispeċifikazzjoni tal-prodott u l-punt 9 tad-dokument uniku ġew emendati.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi. B’mod partikolari, ma tinvolvi l-ebda bidla fir-rabta iżda biss titjib fil-formulazzjoni tagħha.
Raġuni:
|
— |
għall-inbejjed “joven” (“mhux imqaddmin”), ir-rekwiżit li “jridu jiġu bbottiljati matul is-sena tal-istaġun tal-ħsad u/jew mill-20 ta’ Diċembru tas-sena li fiha nqata’ l-għeneb, kif miftiehem” ġie ssostitwit bi “jridu jiġu bbottiljati matul is-sena li fiha nqata’ l-għeneb” biex tiġi evitata kwalunkwe konfużjoni bil-fehim li l-ibbottiljar huwa limitat għal perjodu matul is-sena tal-ħsad, peress li l-formulazzjoni preċedenti setgħet tiġi interpretata bħala li tippermetti l-ibbottiljar mill-20 ta’ Diċembru, mingħajr skadenza. |
|
— |
għall-“vino de guarda” (“inbid bi kwalitajiet li jżommu”), ġie introdott l-obbligu li l-btieti tal-ballut ikunu jesgħu mhux aktar minn 330 litru. Fi kliem ieħor, il-kapaċità tal-btieti ġiet speċifikata. |
|
— |
għall-inbejjed “crianza”, “reserva” u “gran reserva”, it-test ġie adattat għall-kundizzjonijiet diġà stabbiliti fir-regolamenti li jirregolaw dawn it-termini tradizzjonali, fl-aspetti kollha, inklużi l-ħinijiet fil-btieti u kemm jesgħu l-btieti. |
|
— |
għal “reserva”, żdied dan li ġej: fl-inbejjed spumanti ta’ kwalità, it-tul ta’ dan il-proċess miż-żmien tat-tirage sal-isbokkament ma jridx ikun inqas minn 15-il xahar sabiex tkun tista’ tintuża din l-espressjoni għal dawn l-inbejjed. |
|
— |
għat-tqaddim tal-inbid likur Garnacha de Empordà, ir-rekwiżit li l-kontenituri jkunu magħmulin mill-ballut tneħħa, minħabba li filwaqt li tradizzjonalment huma l-aktar użati, ma humiex l-uniku tip ta’ kontenitur li jista’ jintuża. Ġie introdott ukoll ir-rekwiżit li l-kontenitur ma jkunx jesa’ aktar minn 330 litru. |
|
— |
fil-każ tal-inbejjed rancio, meta ssir referenza għall-perjodu ta’ tqaddim, iż-żmien irid jiġi kkalkulat bħala l-medja tal-komponenti kollha tiegħu. |
|
— |
għat-termini “barrica” (“bettija”) u “roble” (“ballut”), il-kapaċità massima tal-kontenitur żdiedet minn 330 għal 600 litru, kif meħtieġ mil-leġiżlazzjoni nazzjonali. Ma hemm l-ebda ġustifikazzjoni biex din tkun aktar restrittiva. |
|
— |
għall-inbejjed likuri Garnacha de Empordà u Moscatel de Empordà, il-limitu taz-zokkor għal inbid li għandu jiġi ddeżinjat bl-użu tat-terminu “vino dulce natural” (“inbid ħelu naturali”) inbidel minn 270 għal 252 g/l. Il-bidla hija maħsuba biex tkun adattament għall-metodi aktar tradizzjonali użati fiż-żona tal-produzzjoni. |
|
— |
Il-frażi “Inbejjed u nbejjed likuri li għandhom jiġu ddeżinjati bl-użu tat-terminu ‘rancio’ meta jkunu kisbu t-togħma ta’ ‘rancio’ minħabba l-kundizzjonijiet partikolari tat-tqaddim tagħhom” tħassret minħabba li ma hijiex meħtieġa peress li dawn it-tipi ta’ nbid diġà ġew deskritti b’mod perfett. |
|
— |
għall-inbid likur Garnacha de Empordà, it-termini “ambar” u “rubí” saru fakultattivi minħabba li l-prodott huwa magħruf b’dawn it-termini skont il-varjetajiet użati biex jiġi prodott. |
|
— |
it-terminu “rancio dulce” żdied għall-inbejjed rancio b’konċentrazzjoni taz-zokkor ta’ aktar minn 45 g/l. |
|
— |
għall-inbejjed spumanti ta’ kwalità, l-isem tad-DOP irid jidher fuq l-għeluq. Peress li huwa prodott minoritarju, il-produtturi tal-inbid spumanti nfushom jixtiequ jiddifferenzjaw l-għeluq billi jindikaw l-isem tad-denominazzjoni ta’ oriġini. |
|
— |
it-termini obbligatorji ġew isseparati mit-termini fakultattivi għal aktar ċarezza. |
|
— |
neħħejna r-rekwiżit li jekk jiġu inklużi aktar minn tliet varjetajiet, ir-referenza għalihom għandha tkun barra mill-kamp viżiv għall-informazzjoni obbligatorja. Dan imur lil hinn mir-rekwiżiti leġiżlattivi u ma huwiex ġustifikat. |
|
— |
ir-regoli dwar kif jissemma l-isem tal-vitikultur jew tal-azjenda ġew sostitwiti b’“embotellado en la propiedad” (“ibbottiljat fl-azjenda”). Din ir-referenza żdiedet biex jiġu distinti dawk il-produtturi li jissodisfaw ir-rekwiżiti. |
|
— |
ġiet introdotta r-rakkomandazzjoni dwar l-użu tat-terminu Lladoner, Lladoner Blanco u Lledoner Pelut fuq it-tikketta tal-inbejjed kollha li fihom dan, peress li dawn huma sinonimi lokali. |
|
— |
żdiedu t-termini tradizzjonali “rancio” u “vino dulce natural”. L-ommissjoni tagħhom kienet żball li issa ġie kkoreġut. |
27. BIDLIET RELATATI MAL-ISPEZZJONI
Deskrizzjoni
Id-dettalji ta’ kuntatt tal-korp delegat ġew aġġornati. It-terminu “crianza” ġie sostitwit b’“envejecimiento” biex jirreferi għal dak l-istadju fil-vinifikazzjoni. Tħassret il-preferenza li l-laboratorju li janalizza l-inbejjed ikun dak tal-Instituto Catalán de la Viña y del Vino.
Din l-emenda tikkonċerna l-punt 9 tal-ispeċifikazzjoni tal-prodott u ma taffettwax id-dokument uniku.
Din hija emenda standard peress li ma tinvolvi l-ebda waħda mill-bidliet stabbiliti fl-Artikolu 24(3) tar-Regolament (UE) 2024/1143 tal-Parlament Ewropew u tal-Kunsill dwar l-indikazzjonijiet ġeografiċi.
Raġuni:
biex jiġu aġġornati d-dettalji ta’ kuntatt tal-entità taċ-ċertifikazzjoni.
It-terminu “envejecimiento” (“tqaddim”) huwa aktar korrett minħabba li “crianza” tista’ tiġi konfuża mat-terminu tradizzjonali.
Irid ikun possibbli li jintgħażel kwalunkwe laboratorju fuq il-bażi tal-kwalità tas-servizz u l-kostijiet, dment li l-laboratorju jkollu l-akkreditazzjoni meħtieġa.
DOKUMENT UNIKU
1. Isem/Ismijiet
Empordà
2. Tip ta’ indikazzjoni ġeografika:
DOP — Denominazzjoni ta’ Oriġini Protetta
3. Kategoriji ta’ prodotti tad-dwieli
|
1. |
Inbid |
|
3. |
Inbid likur |
|
5. |
Inbid spumanti ta’ kwalità |
|
8. |
Inbid semifrizzanti |
|
16. |
Inbid minn għeneb misjur iżżejjed |
3.1. Kodiċi tan-Nomenklatura Magħquda
|
— |
22 — XARBIET, SPIRTI U ĦALL 2204 — Inbid tal-għeneb frisk, inkluż l-inbejjed imqawwija; most tal-għeneb għajr dak tal-intestatura 2009 |
4. Deskrizzjoni tal-inbid jew tal-inbejjed
1. Inbid abjad, inbid abjad iffermentat u/jew imqaddem kompletament jew parzjalment f’kontenituri tal-injam u inbid oranġjo.
DESKRIZZJONI QASIRA
Inbid abjad:
Apparenza viżiva: ċara, bi sfumatura safra ċar u possibbilment b’laqtiet jagħtu fl-aħdar. Meta jiġu prodotti mill-Garnacha Roja u/jew minn varjetajiet ħomor, jista’ jkollhom kulur isfar aktar qawwi, xi kultant bi sfumaturi roża fl-aħmar u/jew griżi. Meta jsiru mingħajr sulfiti (≤ 10 mg/l SO2 totali), jista’ jkollhom kulur isfar aktar qawwi, xi kultant bi sfumaturi dehbin. Aroma: ċara, b’aromi ta’ frott u/jew ta’ fjuri ta’ intensità tajba. Togħma: Robusta, nadifa, friska b’bilanċ tajjeb ta’ aċidità.
Inbid abjad iffermentat u/jew imqaddem kompletament jew parzjalment f’kontenituri tal-injam:
Apparenza viżiva: ċara, bi sfumaturi sofor. Jekk ġew prodotti mill-Garnacha Roja u/jew minn varjetajiet suwed, jista’ jkollhom kulur isfar aktar qawwi, xi kultant bi sfumaturi roża fl-aħmar u/jew griżi. Meta jsiru mingħajr sulfiti (≤ 10 mg/l SO2 totali), jista’ jkollhom kulur isfar aktar qawwi, xi kultant bi sfumaturi dehbin. Aroma: nadifa, ta’ frott u/jew ta’ fjuri, b’aromi mit-tqaddim fl-injam. Togħma: robusta, nadifa, ibbilanċjata sew u li ddum fil-palat.
Inbid oranġjo:
Apparenza viżiva: ċara, bi sfumaturi li jvarjaw minn isfar qawwi għal oranġjo-ambra. Aroma: nadifa b’aromi ta’ frott u/jew ta’ fjuri, jista’ jkollha noti veġetali jew erbaċej. Togħma: ċara, nadifa, b’bilanċ tajjeb ta’ aċidità, jista’ jkollha noti kemxejn morri u/jew tanniċi.
|
* |
Ammont massimu ta’ diossidu tal-kubrit: 200 milligramma għal kull litru jekk il-kontenut taz-zokkor ikun anqas minn 5 grammi għal kull litru u 250 milligramma għal kull litru meta jkun 5 grammi għal kull litru jew aktar. |
|
* |
Meta l-limiti ma jkunux ġew speċifikati, irid ikun hemm konformità mal-leġiżlazzjoni tal-UE fis-seħħ. |
Karatteristiċi analitiċi ġenerali
|
— |
Qawwa alkoħolika totali massima (f’% tal-volum): — |
|
— |
Qawwa alkoħolika effettiva minima (f’% tal-volum): 11 |
|
— |
Aċidità totali minima: 4 grammi għal kull litru espress bħala aċidu tartariku |
|
— |
Aċidità volatili massima (f’milliekwivalenti għal kull litru): 13,33 |
|
— |
Total massimu ta’ diossidu tal-kubrit (f’milligrammi għal kull litru): — |
2. Inbid rożè u nbid rożè ffermentat u/jew imqaddem kompletament jew parzjalment f’kontenituri tal-injam
DESKRIZZJONI QASIRA
Rożè:
Apparenza viżiva: ċara, bi sfumaturi li jvarjaw minn roża ċara għal lewn iċ-ċirasa. Tippermetti kuluri vjola qawwija kif ukoll kulur il-qoxra tal-basal. Meta jiġu prodotti mingħajr sulfiti (≤ 10 mg/l SO2 totali), jista’ jkollhom sfumaturi oranġjo aktar qawwija. Aroma: nadifa, bil-preżenza ta’ aromi ta’ fjuri u/jew ta’ frott. Togħma: ċara, nadifa, friska, b’bilanċ tajjeb ta’ aċidità.
Inbid rożè, iffermentat u/jew imqaddem kompletament jew parzjalment f’kontenituri tal-injam:
Apparenza viżiva: ċara, sfumaturi li jvarjaw minn roża ċar għal lewn iċ-ċirasa, li jippermettu kuluri vjola qawwija u jaċċettaw sfumatura aktar oranġjo mingħajr ma jintilfu l-isfumaturi ħomor. Aroma: nadifa, ta’ frott u/jew ta’ fjuri, b’aromi mit-tqaddim fl-injam. Togħma: ċara, nadifa, ibbilanċjata sew u li ddum fil-palat.
|
* |
Ammont massimu ta’ diossidu tal-kubrit: 200 milligramma għal kull litru jekk il-kontenut ta’ zokkor ikun anqas minn 5 grammi għal kull litru u 250 milligramma għal kull litru meta l-kontenut ta’ zokkor ikun 5 grammi għal kull litru jew aktar. |
|
* |
Meta l-limiti ma jkunux ġew speċifikati, irid ikun hemm konformità mal-leġiżlazzjoni tal-UE fis-seħħ. |
Karatteristiċi analitiċi ġenerali
|
— |
Qawwa alkoħolika totali massima (f’% tal-volum): — |
|
— |
Qawwa alkoħolika effettiva minima (f’% tal-volum): 11 |
|
— |
Aċidità totali minima: 4 grammi għal kull litru espress bħala aċidu tartariku |
|
— |
Aċidità volatili massima (f’milliekwivalenti għal kull litru): 13,33 |
|
— |
Total massimu ta’ diossidu tal-kubrit (f’milligrammi għal kull litru): — |
3. Inbid aħmar u nbid aħmar iffermentat u/jew imqaddem kompletament jew parzjalment f’kontenituri tal-injam.
DESKRIZZJONI QASIRA
Aħmar:
Apparenza viżiva: ċara, sfumaturi ħomor u jew aħmar fil-vjola sa vjola qawwija. Aroma: nadifa, ta’ frott u b’intensità tajba. Togħma: ċara, nadifa u bbilanċjata.
Inbid aħmar iffermentat u/jew imqaddem kompletament jew parzjalment f’kontenituri tal-injam:
Apparenza viżiva: ċara, sfumatura ħamra u/jew aħmar fil-vjola jew possibbilment b’laqtiet lewn it-terrakotta. Aroma: nadifa, qawwija, b’noti ta’ frott u aromi mit-tqaddim fl-injam. Togħma: ċara, nadifa, bi struttura tajba, ibbilanċjata u li ddum fil-palat, mimlija togħma, tannika u intensa.
|
* |
Għall-inbejjed ħomor imqaddmin, dan il-valur ta’ 0,80 g/l (13,33 mEq/l) jista’ jinqabeż b’0,06 g/l għal kull grad ogħla minn 12 u għal kull sena ta’ tqaddim, sa massimu ta’ 1,10 g/l (18,33 mEq/l). |
|
* |
Ammont massimu ta’ diossidu tal-kubrit: 150 milligramma għal kull litru jekk il-kontenut ta’ zokkor ikun anqas minn 5 grammi għal kull litru u 200 milligramma għal kull litru meta l-kontenut ta’ zokkor ikun 5 grammi għal kull litru jew aktar. |
|
* |
Meta l-limiti ma jkunux ġew speċifikati, irid ikun hemm konformità mal-leġiżlazzjoni tal-UE fis-seħħ. |
Karatteristiċi analitiċi ġenerali
|
— |
Qawwa alkoħolika totali massima (f’% tal-volum): — |
|
— |
Qawwa alkoħolika effettiva minima (f’% tal-volum): 12 |
|
— |
Aċidità totali minima: 4 grammi għal kull litru espress bħala aċidu tartariku |
|
— |
Aċidità volatili massima (f’milliekwivalenti għal kull litru): 13,33 |
|
— |
Total massimu ta’ diossidu tal-kubrit (f’milligrammi għal kull litru): — |
4. Inbid rancio tal-kategorija 1
DESKRIZZJONI QASIRA
Apparenza viżiva: sfumaturi li jvarjaw minn isfar għal kawba, ta’ intensità li tvarja skont il-grad ta’ tqaddim. Aroma: noti ossidattivi u aromi ta’ għasel u/jew ħwawar u/jew frott inkaljat. Togħma: qawwija, kumplessa, xi ftit jew wisq ħelwa skont il-kontenut taz-zokkor.
|
* |
Ammont massimu ta’ diossidu tal-kubrit: 150 milligramma għal kull litru jekk il-kontenut ta’ zokkor ikun anqas minn 5 grammi għal kull litru u 200 milligramma għal kull litru meta l-kontenut ta’ zokkor ikun 5 grammi għal kull litru jew aktar. |
|
* |
Meta l-limiti ma jkunux ġew speċifikati, irid ikun hemm konformità mal-leġiżlazzjoni tal-UE fis-seħħ. |
Karatteristiċi analitiċi ġenerali
|
— |
Qawwa alkoħolika totali massima (f’% tal-volum): — |
|
— |
Qawwa alkoħolika effettiva minima (f’% tal-volum): 12 |
|
— |
Aċidità totali minima: 4 grammi għal kull litru espress bħala aċidu tartariku |
|
— |
Aċidità volatili massima (f’milliekwivalenti għal kull litru): 35 |
|
— |
Total massimu ta’ diossidu tal-kubrit (f’milligrammi għal kull litru): — |
5. Inbid semifrizzanti abjad, rożè u aħmar
DESKRIZZJONI QASIRA
Apparenza viżiva: ċara, rilaxx ħafif ta’ bżieżaq żgħar, ta’ lewn isfar ċar b’laqtiet jagħtu fl-aħdar għall-inbejjed bojod; roża għar-rożè, u aħmar jew aħmar fil-vjola għall-inbejjed ħomor. L-inbejjed bojod semifrizzanti, meta jiġu prodotti minn Garnacha Roja u/jew varjetajiet ħomor, jista’ jkollhom kulur isfar aktar qawwi, xi kultant bi sfumaturi roża fl-aħmar u/jew griżi. Aroma: ta’ frott u/jew ta’ fjuri, nadifa, robusta u ta’ intensità tajba. Togħma: robusta, nadifa, friska, ibbilanċjata, bi bżieżaq stabbli u konsistenti.
|
* |
Ammont massimu ta’ diossidu tal-kubrit: 200 mg/l għall-inbejjed bojod u rożè, u 150 mg/l għall-inbejjed ħomor jekk il-kontenut taz-zokkor ikun < 5 g/l, 250 mg/l għall-inbejjed bojod u rożè, u 200 mg/l għall-inbejjed ħomor meta jkun mill-inqas 5 g/l. |
Karatteristiċi analitiċi ġenerali
|
— |
Qawwa alkoħolika totali massima (f’% tal-volum): — |
|
— |
Qawwa alkoħolika effettiva minima (f’% tal-volum): 10,5 |
|
— |
Aċidità totali minima: 5 grammi għal kull litru espress bħala aċidu tartariku |
|
— |
Aċidità volatili massima (f’milliekwivalenti għal kull litru): 13,33 |
|
— |
Total massimu ta’ diossidu tal-kubrit (f’milligrammi għal kull litru): — |
6. Inbid spumanti ta’ kwalità
DESKRIZZJONI QASIRA
Apparenza viżiva: ċara, rilaxx stabbli u persistenti ta’ bżieżaq żgħar, ta’ lewn isfar ċar bi sfumaturi jagħtu fl-aħdar sa isfar qawwi u roża għall-inbejjed spumanti rożè. L-inbejjed spumanti ta’ kwalità, meta jiġu prodotti minn Garnacha Roja u/jew varjetajiet suwed, jista’ jkollhom kulur isfar qawwi, xi kultant bi sfumaturi roża fl-aħmar u/jew griżi. Aroma: nadifa, ta’ frott u/jew ta’ fjuri, b’intensità tajba u aromi mit-tqaddim fil-fliexken. Togħma: robusta, nadifa, ibbilanċjata u b’rilaxx stabbli u konsistenti ta’ bżieżaq.
|
* |
Meta l-limiti ma jkunux ġew speċifikati, irid ikun hemm konformità mal-leġiżlazzjoni tal-UE fis-seħħ. |
Karatteristiċi analitiċi ġenerali
|
— |
Qawwa alkoħolika totali massima (f’% tal-volum): — |
|
— |
Qawwa alkoħolika effettiva minima (f’% tal-volum): 10,5 |
|
— |
Aċidità totali minima: 5 grammi għal kull litru espress bħala aċidu tartariku |
|
— |
Aċidità volatili massima (f’milliekwivalenti għal kull litru): 13,33 |
|
— |
Total massimu ta’ diossidu tal-kubrit (f’milligrammi għal kull litru): 185 |
7. Inbid likur (Mistela Blanca del Empordà, Mistela Negra del Empordà, Garnacha del Empordà, Moscatel del Empordà, Vino dulce del Empordà u Vino Rancio del Empordà)
DESKRIZZJONI QASIRA
Vino Mistela Blanca del Empordà:
Apparenza viżiva: ċara, sfumaturi li jvarjaw minn isfar ċar għal ambra. Aroma: nadifa b’intensità tajba, aromi ta’ fjuri u/jew ta’ frott u/jew ta’ ġewż Togħma: ċara, nadifa, ħelwa u bbilanċjata.
Vino Mistela Negra del Empordà:
Apparenza viżiva: ċara, sfumaturi ħomor u /jew ħomor fil-vjola ta’ intensità tajba Aroma: nadifa, b’intensità tajba u ta’ frott. Togħma: ċara, ħelwa u bbilanċjata.
Vino Garnacha del Empordà:
Apparenza viżiva: ċara, sfumaturi ambra xi ftit jew wisq qawwija skont il-grad ta’ tqaddim u jekk jiġix minn varjetajiet bojod. Jista’ jkollu sfumaturi lewn ir-rubin sa kawba, jew sfumaturi lewn it-terrakotta jekk jiġi prodott minn varjetajiet suwed. Aroma: nadifa, qawwija, ta’ frott misjur u/jew imqadded u aromi mit-tqaddim. Togħma: ċara, nadifa, ħelwa, kumplessa, ibbilanċjata u persistenti.
Vino Moscatel del Empordà:
Apparenza viżiva: ċara, sfumaturi li jvarjaw minn isfar ċar b’laqtiet possibbli jagħtu fl-aħdar għal ambra. Aroma: nadifa, intensità għolja u aromi speċifiċi għall-varjetà. Togħma: ċara, nadifa, ħelwa, bellusija, togħma qawwija u persistenti, li tikkorrispondi għall-varjetà li minnha jkun ġie prodott.
Vino Dulce del Empordà:
Apparenza viżiva: ċara, kulur konsistenti mal-varjetajiet ta’ għeneb li minnhom ikun ġie prodott, li jvarjaw minn abjad dehbi għal kawba ħamranija. Aroma: nadifa, b’aromi ta’ frott misjur u/jew imqadded. Togħma: ċara, nadifa, ħelwa, ibbilanċjata u persistenti.
Vino Rancio del Empordà:
Apparenza viżiva: ċara, sfumaturi li jvarjaw minn deheb qadim għal kawba, ta’ intensità li tvarja skont il-grad ta’ tqaddim. Aroma: noti ossidattivi u aromi ta’ għasel u/jew ħwawar u/jew frott inkaljat. Togħma: qawwija, kumplessa, xi ftit jew wisq ħelwa skont il-kontenut taz-zokkor.
|
* |
Ammont massimu ta’ diossidu tal-kubrit: 150 milligramma għal kull litru jekk il-kontenut taz-zokkor ikun anqas minn 5 grammi għal kull litru u 200 milligramma għal kull litru meta jkun 5 grammi għal kull litru jew aktar. |
|
* |
Meta l-limiti ma jkunux ġew speċifikati, għandha tapplika l-leġiżlazzjoni tal-UE fis-seħħ. |
Karatteristiċi analitiċi ġenerali
|
— |
Qawwa alkoħolika totali massima (f’% tal-volum): — |
|
— |
Qawwa alkoħolika effettiva minima (f’% tal-volum): 15 |
|
— |
Aċidità totali minima: f’milliekwivalenti għal kull litru |
|
— |
Aċidità volatili massima (f’milliekwivalenti għal kull litru): 35 |
|
— |
Total massimu ta’ diossidu tal-kubrit (f’milligrammi għal kull litru): — |
8. Inbid minn għeneb misjur iżżejjed
DESKRIZZJONI QASIRA
Apparenza viżiva: sfumaturi li jvarjaw minn isfar għal ambra. Aroma: intensità aromatika għolja, li tfakkar fi frott misjur u/jew deidrat u ġewż. Togħma: ċar, nadif, ħelu, ta’ sawra rikka u kumpless u li jdum fil-palat.
|
* |
Ammont massimu ta’ diossidu tal-kubrit: 150 milligramma għal kull litru jekk il-kontenut ta’ zokkor ikun anqas minn 5 grammi għal kull litru u 200 milligramma għal kull litru meta l-kontenut ta’ zokkor ikun 5 grammi għal kull litru jew aktar. |
|
* |
Meta l-limiti ma jkunux ġew speċifikati, għandha tapplika l-leġiżlazzjoni tal-UE fis-seħħ. |
Karatteristiċi analitiċi ġenerali
|
— |
Qawwa alkoħolika totali massima (f’% tal-volum): — |
|
— |
Qawwa alkoħolika effettiva minima (f’% tal-volum): 12 |
|
— |
Aċidità totali minima: fi grammi għal kull litru espressi bħala aċidu tartariku |
|
— |
Aċidità volatili massima (f’milliekwivalenti għal kull litru): 35 |
|
— |
Total massimu ta’ diossidu tal-kubrit (f’milligrammi għal kull litru): — |
5. Prattiki tal-produzzjoni tal-inbid
5.1. Prattiki enoloġiċi speċifiċi
Prattika enoloġika speċifika
L-għeneb f’saħħtu bil-grad ta’ maturazzjoni meħtieġ biex jinkisbu nbejjed b’qawwa alkoħolika naturali skont il-volum ta’ mhux inqas minn 11,5 % vol. se jintuża għall-għeneb maħsub għall-produzzjoni tal-inbid aħmar, 10,5 % vol. għall-għeneb maħsub għall-produzzjoni tal-inbid abjad u rożè, u 9,5 % vol. meta l-għeneb ikun maħsub għall-produzzjoni tal-inbejjed semifrizzanti jew spumanti ta’ kwalità.
Tiġi applikata pressjoni xierqa sabiex jiġi estratt il-most jew l-inbid u dan jiġi separat mill-qxur tal-għeneb, li jiżgura li ma jkunx hemm rendiment ta’ aktar minn 74 litru ta’ most jew inbid bin-naqal minn kull 100 kg ta’ għeneb maħsud.
5.2. Rendimenti massimi
|
1. |
Varjetajiet ta’ għeneb abjad 12 000 kilogramma ta’ għeneb għal kull ettaru 88,8 ettolitru għal kull ettaru |
|
2. |
Varjetajiet ta’ għeneb aħmar 10 000 kilogramma ta’ għeneb għal kull ettaru 74 ettolitru għal kull ettaru |
6. Żona ġeografika definita
Alt Empordà:
Agullana, Avinyonet del Puigventós, Biure, Boadella and the Escaules, Cabanes, Cadaqués, Cantallops, Capmany, Cistella, Colera, Darnius, Espolla, Figueres, Garriguella, La Jonquera, Llançà, Llers, Masarac, Mollet de Peralada, Palau-saverdera, Pau, Pedret i Marzà, Peralada, Pont de Molins, Portbou, Port de la Selva, Rabós, Roses, Sant Climent Sescebes, Selva de Mar, Terrades, Vilafant, Vilajuïga, Vilamaniscle, Vilanant.
Baix Empordà:
Begur, Bellcaire d’Empordà, Calonge, Castell-Platja d’Aro, Corçà, Cruïlles, Monells and Sant, Sadurní de l’Heura, Forallac, La Bisbal d’Empordà, Mont-ras, Palafrugell, Palamós, Palau-sator, Pals, Regencós, Sant Feliu de Guíxols, Santa Cristina d’Aro, Torrent, Torroella de Montgrí, Ullà, Vall-llobrega.
7. Varjetà jew varjetajiet ta’ għeneb tal-inbid
Cabernet Franc
Cabernet Sauvignon
Cariñena Blanca — Carignan Blanc
Cariñena Gris
Chardonnay
Garnacha Blanca — Lladoner Blanco
Garnacha Peluda — Lledoner Pelut
Garnacha Roja — Garnacha Gris
Garnacha Tinta — Lladoner
Gewürztraminer
Macebo – Viura
Malvasia Aromática – Malvasía Sitges
Mazuela — Cariñena
Mazuela — Samsó
Merlot
Monastrell
Moscatel de Alejandría
Mocastel de Grano Menudo
Picapoll Blanco
Sauvignon Blanc
Syrah
Tempranillo — Ull de Llebre
Xarello
8. Deskrizzjoni tar-rabta jew tar-rabtiet
8.1. Inbid
Dawn l-artijiet ċatti jipproduċu nbejjed bla gass, l-inbejjed bażi għall-inbejjed spumanti ta’ kwalità jew semifrizzanti, li huma eħfef. Inbejjed bojod, rożè u ħomor mhux imqaddmin eċċellenti jiġu prodotti b’aċidità u bilanċ tajbin. Għandhom togħma ta’ frott u huma friski. Il-produtturi fiż-żona, li huma esperti fil-karatteristiċi ta’ kull tip ta’ art, tgħallmu jikkomplementaw l-inbejjed prodotti mill-għeneb imkabbar fi rqajja’ art li jinsabu fuq tipi differenti ta’ ħamrija. Dawn l-inbejjed arrikkew il-gastronomija taż-żona minħabba li jaqblu perfettament mal-kċina Mediterranja.
8.2. Inbejjed likuri u nbid minn għeneb misjur iżżejjed
L-inbejjed likuri huma kkaratterizzati mill-firxa tagħhom. L-inbejjed Garnacha u Moscatel del Empordà ilhom sa minn żmien żemżem magħrufa fit-territorju kollu. Jiġu prodotti minn varjetajiet lokali, li huma adattati perfettament għall-art u l-klima. L-inbejjed Garnacha de Empordà huma l-inbejjed l-aktar rappreżentattivi, billi hemm dokumenti li jmorru lura għal żminijiet medjevali li jirreferu għalihom. Dawn huma magħmula minn għeneb minn dwieli qodma b’rendiment baxx, li jitħalla fuq id-dielja sal-punt li jsir misjur iżżejjed. L-inbid normalment jitqaddem bl-użu tas-sistema solera.
8.3. Inbejjed spumanti ta’ kwalità
Il-biċċa l-kbira tad-dwieli jinsabu fuq ħamrija fqira, ħafifa, li tippermetti skular tajjeb u li hija aċiduża jew newtrali. Il-ħamrija hija minn blat sedimentarju oħxon, konglomerati u ġebel tar-ramel. Il-ħamrija tiġi minn blat li jmur lura għal tmiem il-perjodu Terzjarju (Neoġene), iżda f’dan il-każ jikkonsisti minn materjal ta’ partikoli kbar: konglomerati u ġebel tar-ramel, b’livelli fini bejniethom.
Dawn jiġu miċ-ċentru tal-baċir ta’ Empordà, b’terren ġentili u b’livelli ta’ alterazzjoni f’xi postijiet. Dawn l-artijiet ċatti jipproduċu nbejjed bla gass, l-inbejjed bażi għall-inbejjed spumanti ta’ kwalità jew semifrizzanti, li huma eħfef.
8.4. Inbid semifrizzanti
Ħamrija hija minn blat sedimentarju ta’ partikoli kbar, konglomerati u ġebel tar-ramel. Il-produtturi fiż-żona, li huma esperti fil-karatteristiċi ta’ kull tip ta’ art, tgħallmu jżewġu l-inbejjed prodotti mill-għeneb imkabbar fi rqajja’ art li jinsabu fuq tipi differenti ta’ ħamrija. Dawn l-inbejjed arrikkew il-gastronomija taż-żona għax jaqblu perfettament mal-kċina Mediterranja. Jekk immorru lura għas-sebgħinijiet, l-inbejjed semifrizzanti prodotti f’din iż-żona dejjem kienu apprezzati ħafna mit-turisti li jżuru l-artijiet tagħna.
9. Rekwiżiti oħra applikabbli (imballaġġ, tikkettar, rekwiżiti addizzjonali)
Qafas legali:
Fil-leġiżlazzjoni nazzjonali
Tip ta’ rekwiżit addizzjonali:
Dispożizzjonijiet addizzjonali relatati mat-tikkettar
Deskrizzjoni tar-rekwiżit:
|
— |
L-inbejjed indikati bħala “vino nuevo” (“inbid ġdid”) jistgħu jitqiegħdu fis-suq biss bl-indikazzjoni tas-sena tal-ħsad fuq it-tikketta, u jridu jiġu bbottiljati qabel il-31 ta’ Jannar tas-sena li fiha nqata’ l-għeneb. Id-dispaċċ jista’ jsir mid-data miftiehma f’Novembru. |
|
— |
L-inbejjed indikati bħala “vino joven” jistgħu jitqiegħdu fis-suq biss bl-indikazzjoni tas-sena tal-ħsad fuq it-tikketta. Iridu jiġu bbottiljati fis-sena li fiha jkun inqata’ l-għeneb. |
|
— |
It-terminu “vino de guarda” jista’ jintuża għall-inbejjed li t-tqaddim tagħhom iseħħ fuq perjodu minimu ta’ 12-il xahar fi btieti tal-ballut. Il-btieti tal-ballut ma jistgħux ikunu jesgħu aktar minn 330 litru. |
|
— |
Sabiex jintwera t-terminu “reserva” għall-inbejjed spumanti, il-perjodu ta’ żmien mit-tirage sal-isbokkament ma jridx ikun inqas minn 15-il xahar. |
|
— |
It-tqaddim tal-inbid likur Garnacha de Empordà jrid isir f’ambjent ossidanti, f’kontenituri ta’ kapaċitajiet differenti, u jistgħu jintużaw it-termini li ġejjin skont it-tul ta’ żmien tiegħu:
|
|
— |
Fil-każ tal-inbejjed rancio, meta ssir referenza għall-perjodu ta’ tqaddim, iż-żmien għandu jiġi kkalkulat bħala l-medja tal-komponenti kollha tiegħu. |
|
— |
L-espressjoni “iffermentat fil-btieti” tista’ tintuża dment li l-inbid ikun ġie ffermentat f’kontenituri tal-injam li jesgħu sa massimu ta’ 600 litru. |
|
— |
L-indikazzjoni “bettija” tista’ tintuża meta l-informazzjoni dwar l-inbid inkwistjoni tinkludi referenza għall-perjodu ta’ żmien f’xhur u/jew fi snin li matulu nżamm f’kontenituri tal-injam li jesgħu sa massimu ta’ 600 litru. |
|
— |
L-indikazzjoni “ballut” tista’ tintuża meta l-informazzjoni dwar l-inbid inkwistjoni tinkludi referenza għall-perjodu ta’ żmien f’xhur u/jew fi snin li matulu nżamm f’kontenituri tal-injam tal-ballut li jesgħu sa massimu ta’ 600 litru. |
|
— |
L-inbejjed likuri Garnacha de Empordà u Moscatel de Empordà jistgħu jiġu deskritti bħala nbejjed ħelwin b’mod naturali jekk jiġu minn most b’kontenut għoli ta’ zokkor li jaqbeż il-252 g/l. |
|
— |
L-inbid likur Garnacha de Empordà jista’ jiġi deskritt bl-użu tat-terminu “ámbar” meta jkun ġie prodott mill-varjetà ta’ għeneb Garnacha Blanca u/jew Garnacha Roja, u jista’ jiġi deskritt bħala “rubí” meta jkun ġie prodott mill-varjetà Garnacha Tinta. |
|
— |
It-terminu “rancio dulce” jista’ jintuża meta l-inbid rancio jkollu konċentrazzjoni taz-zokkor ta’ aktar minn 45 g/l. |
|
— |
L-għoli tal-karattri li jintużaw biex jindikaw “Empordà” ma għandux jaqbeż l-4 mm, jew nofs dawk ta’ “Denominación de Origen”. |
Qafas legali:
Fil-leġiżlazzjoni nazzjonali
Tip ta’ rekwiżit addizzjonali:
L-imballaġġ fiż-żona ġeografika demarkata
Deskrizzjoni tar-rekwiżit:
L-inbejjed iridu jiġu imballati jew ibbottiljati fiż-żona ġeografika definita, f’faċilitajiet imdaħħla fir-Reġistru ta’ Dawk li Jibbottiljaw u Jippakkjaw tad-denominazzjoni ta’ oriġini protetta, sabiex jiġi żgurat il-kontroll tat-traċċabbiltà u l-preservazzjoni tal-kwalità billi jiġi evitat it-trasport bla bżonn.
Link għall-ispeċifikazzjoni tal-prodott
(1) Ir-Regolament Delegat tal-Kummissjoni (UE) 2025/27 tat-30 ta’ Ottubru 2024 li jissupplimenta r-Regolament (UE) 2024/1143 tal-Parlament Ewropew u tal-Kunsill b’regoli dwar ir-reġistrazzjoni u l-protezzjoni ta’ indikazzjonijiet ġeografiċi, speċjalitajiet tradizzjonali garantiti u termini tal-kwalità mhux obbligatorji u li jħassar ir-Regolament Delegat (UE) Nru 664/2014 (ĠU L, 2025/27, 15.1.2025, ELI: http://data.europa.eu/eli/reg_del/2025/27/oj).
ELI: http://data.europa.eu/eli/C/2025/4117/oj
ISSN 1977-0987 (electronic edition)