|
4.3.2008 |
MT |
Il-Ġurnal Uffiċjali ta’ l-Unjoni Ewropea |
L 59/15 |
DEĊIŻJONI TAL-KUNSILL
tal-25 ta’ Frar 2008
li temenda d-Deċiżjoni tal-Kunsill tas-16 ta’ Diċembru 1980 li tistabbilixxi l-kumitat konsultattiv għall-programm tal-fużjoni
(2008/182/Euratom)
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea ta’ l-Enerġija Atomika, u b’mod partikolari r-raba’ paragrafu ta’ l-Artikolu 7 tiegħu,
Wara li kkunsidra d-Deċiżjoni tal-Kunsill 2006/970/Euratom tat-18 ta’ Diċembru 2006 dwar is-Seba’ Programm Kwadru tal-Komunità Ewropea ta’ l-Enerġija Atomika (Euratom) għar-riċerka nukleari u attivitajiet ta’ taħriġ (1), li jikkontribwixxi wkoll għall-ħolqien ta’ soċjetà msejsa fuq l-għarfien, abbażi taż-Żona Ewropea ta’ Riċerka,
Wara li kkunsidra d-Deċiżjoni tal-Kunsill 2006/976/Euratom tad-19 ta’ Diċembru 2006 dwar il-Programm Speċifiku li jimplimenta s-Seba’ Programm Kwadru tal-Komunità Ewropea għall-Enerġija Atomika (Euratom) għal riċerka nukleari u attivitajiet ta’ taħriġ (2007-2011) (2), u b’mod partikolari l-Artikolu 7.2 tiegħu li jipprovdi li għall-finijiet ta’ l-implimentazzjoni tal-programm speċifiku, il-Kummissjoni għandha tkun assistita minn kumitat konsultattiv, kif ukoll li għall-aspetti relatati mal-fużjoni, il-kompożizzjoni ta’ dan il-kumitat u r-regoli dettaljati tat-tħaddim u l-proċeduri applikabbli għalih għandhom ikunu kif stabbilit fid-Deċiżjoni tal-Kunsill tas-16 ta’ Diċembru 1980 li tistabbilixxi l-Kumitat konsultattiv għall-programm tal-fużjoni (CCE-FU) (3),
Wara li kkunsidra l-Att ta’ Adeżjoni 2005 u b’mod partikolari l-Artikolu 50 tiegħu,
Wara li kkunsidra d-Deċiżjoni tal-Kunsill tas-16 ta’ Diċembru 1980 u b’mod partikolari l-paragrafu 14 tiegħu li jistipula sistema tal-voti fis-CCE-FU,
Billi:
|
(1) |
Is-CCE-FU għandu jagħti l-opinjonijiet tiegħu permezz ta’ sistema piżata ta’ voti f’dak li jirrigwarda l-§5.g) tad-Deċiżjoni tal-Kunsill tas-16 ta’ Diċembru 1980, biex “jiddefinixxi azzjonijiet prijoritarji bil-ħsieb li jiġi allokat appoġġ preferenzjali” . |
|
(2) |
Fil-21 ta’ Marzu 2007, is-CCE-FU unanimament irrakkomanda li jaġġorna s-sistema piżata tal-voti li għandha tkun applikata fi ħdan il-kumitat imsemmi fil-paragrafu 14 tad-Deċiżjoni tal-Kunsill tas-16 ta’ Diċembru 1980, meta jittratta aspetti relatati mal-fużjoni, sabiex jiġu inklużi d-drittijiet tal-vot ta’ l-Istati Membri l-ġodda wara l-adeżjoni tagħhom. |
|
(3) |
Fid-dawl ta’ dak li ntqal hawn fuq, issa huwa f’loku li d-Deċiżjoni tal-Kunsill tas-16 ta’ Diċembru 1980, tiġi emandata kif ġej, |
IDDEĊIEDA KIF ĠEJ:
Artikolu Uniku
Fil-paragrafu 14 tad-Deċiżjoni tal-Kunsill tas-16 ta’ Diċembru 1980, l-aħħar żewġ sentenzi għandhom jinbidlu bit-test i ġej:
“Opinjonijiet relatati mal-punt (g) tal-paragrafu 5 għandhom jiġu adottati permezz tas-sistema piżata tal-voti li ġejja:
|
Il-Belġju |
2 |
|
Il-Bulgarija |
2 |
|
Ir-Repubblika Ċeka |
2 |
|
Id-Danimarka |
2 |
|
Il-Ġermanja |
5 |
|
L-Estonja |
1 |
|
Il-Greċja |
2 |
|
Spanja |
3 |
|
Franza |
5 |
|
L-Irlanda |
2 |
|
L-Italja |
5 |
|
Ċipru |
1 |
|
Il-Latvja |
1 |
|
Il-Litwanja |
2 |
|
Il-Lussemburgu |
1 |
|
L-Ungerija |
2 |
|
Malta |
1 |
|
L-Olanda |
2 |
|
L-Awstrija |
2 |
|
Il-Polonja |
3 |
|
Il-Portugall |
2 |
|
Ir-Rumanija |
2 |
|
Is-Slovenja |
1 |
|
Is-Slovakkja |
2 |
|
Il-Finlandja |
2 |
|
L-Iżvezja |
2 |
|
Ir-Renju Unit |
5 |
|
L-Iżvizzera |
2 |
|
Total |
64 |
Għall-adozzjoni ta’ opinjoni, il-maġġoranza rikjesta għandha tkun 33 vot favur minn talanqas ħmistax-il delegazzjoni.”
Magħmul fi Brussell, 25 ta’ Frar 2008.
Għall-Kunsill
Il-President
A. VIZJAK
(1) ĠU L 400, 30.12.2006, p. 60. Ikkoreġut bil-ĠU L 54, 22.2.2007, p. 21.
(2) ĠU L 400, 30.12.2006, p. 404. Ikkoreġut bil-ĠU L 54, 22.2.2007, p. 139.
(3) Mhux ippubblikat, imma emendat l-aħħar bid-Deċiżjoni tal-Kunsill 2005/336/Euratom (ĠU L 108, 29.4.2005, p. 64).