18.10.2017   

MT

Il-Ġurnal Uffiċjali tal-Unjoni Ewropea

C 350/35


Notifika minn qabel ta’ konċentrazzjoni

(Il-Każ M.8634 — ATP/OTPP/Copenhagen Airports)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2017/C 350/09)

1.

Fl-10 ta’ Ottubru 2017, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—

Arbejdsmarkedets Tillaegspension (ATP, id-Danimarka),

—

Ontario Teacher’s Pension Plan Board (OTPP, il-Kanada),

—

Copenhagen Airports A/S (CPH, id-Danimarka).

ATP u OTPP jakkwistaw fis-sens tal-Artikolu 3(1)(b) tar-Regolament tal-Għaqdiet il-kontroll ta’ CPH kollha kemm hi.

Il-konċentrazzjoni hija mwettqa permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   għall-ATP: fornitur tal-pensjonijiet pubbliċi Daniżi li tamministra għadd ta’ problemi ta’ benesseri u skemi tas-sigurtà soċjali.

—   għall-OTPP: organizzazzjoni ta’ ġestjoni tal-investiment li tinvesti l-assi tal-pjanijiet tal-pensjoni f’isem għalliema attivi u rtirati fil-provinċja Kanadiża ta’ Ontario;

—   għall-CPH: sid u operatur tal-ajruporti f’Kastrup u Roskilde, fid-Danimarka, kif ukoll sidien ta’ Clarion Copenhagen Airport Hotel.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stipulata fl-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.8634 — ATP/OTPP/Copenhagen Airports

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks: +32 22964301

Indirizz tal-posta:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.