Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2025/319 |
12.2.2025 |
CINNEADH (CBES) 2025/319 ÓN gCOISTE POLAITIÚIL AGUS SLÁNDÁLA
an 11 Feabhra 2025
lena gcuirtear síneadh le sainordú Cheann Misin Mhisean an Aontais Eorpaigh san Airméin (EUMA) (EUMA/1/2025)
TÁ AN COISTE POLAITIÚIL AGUS SLÁNDÁLA,
Ag féachaint don Chonradh ar an Aontas Eorpach, agus go háirithe Airteagal 38, an tríú mír, de,
Ag féachaint do Chinneadh (CBES) 2023/162 ón gComhairle an 23 Eanáir 2023 maidir le Misean de chuid an Aontais Eorpaigh san Airméin (EUMA) (1), agus go háirithe Airteagal 8 de,
De bharr an mhéid seo a leanas:
|
(1) |
De bhun Airteagal 8(1) de Chinneadh (CBES) 2023/162, údaraítear an Coiste Polaitiúil agus Slándála, i gcomhréir le hAirteagal 38, an tríú mír, den Chonradh, na cinntí ábhartha maidir le rialú polaitiúil a fheidhmiú agus treoir straitéiseach Mhisean an Aontais Eorpaigh san Airméin (EUMA) a dhéanamh, lena n-áirítear an cinneadh maidir le Ceann Misin a cheapadh, ar thogra ó Ardionadaí an Aontais do Ghnóthaí Eachtracha agus don Bheartas Slándála (‘an tArdionadaí’). |
|
(2) |
An 13 Feabhra 2024, ghlac an Coiste Polaitiúil agus Slándála Cinneadh (CBES) 2024/604 (2) lena gcuirtear síneadh le sainordú Markus RITTER ina Cheann Misin ar EUMA ón 21 Feabhra 2024 go dtí an 19 Feabhra 2025. |
|
(3) |
An 5 Feabhra 2025, mhol an tArdionadaí go gcuirfí síneadh le sainordú Markus RITTER ina Cheann Misin ar EUMA ón 20 Feabhra 2025 go dtí an 19 Feabhra 2026, |
TAR ÉIS AN CINNEADH SEO A GHLACADH:
Airteagal 1
Cuirtear síneadh le sainordú Markus RITTER ina Cheann ar Mhisean an Aontais Eorpaigh san Airméin (EUMA) ón 20 Feabhra 2025 go dtí an 19 Feabhra 2026.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 11 Feabhra 2025.
Thar ceann an Choiste Pholaitiúil agus Slándála
An Cathaoirleach
D. PRONK
(1) IO L 22, 24.1.2023, lch. 29, ELI: http://data.europa.eu/eli/dec/2023/162/oj.
(2) Cinneadh (CBES) 2024/604 ón gCoiste Polaitiúil agus Slándála an 13 Feabhra 2024 lena gcuirtear síneadh le sainordú Cheann Misin Mhisean an Aontais Eorpaigh san Airméin (EUMA) (EUMA/1/2024) (IO L, 2024/604, 16.2.2024, ELI: http://data.europa.eu/eli/dec/2024/604/oj).
ELI: http://data.europa.eu/eli/dec/2025/319/oj
ISSN 1977-0839 (electronic edition)