European flag

Il-Ġurnal Uffiċjali
ta'l-Unjoni Ewropea

MT

Is-serje L


2025/2373

21.11.2025

DEĊIŻJONI TAL-KUNSILL (PESK) 2025/2373

tal-20 ta’ Novembru 2025

li temenda d-Deċiżjoni (PESK) 2024/3116 dwar il-Kulleġġ Ewropew ta’ Sigurtà u ta’ Difiża

IL-KUNSILL TAL-UNJONI EWROPEA,

Wara li kkunsidra t-Trattat dwar l-Unjoni Ewropea u b’mod partikolari l-Artikolu 28(1) u l-Artikolu 42(4) tiegħu,

Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,

Billi:

(1)

Fid-9 ta’ Diċembru 2024, il-Kunsill adotta d-Deċiżjoni (PESK) 2024/3116 (1).

(2)

F’konformità mad-Deċiżjoni (PESK) 2024/3116, il-Kap tal-Kulleġġ Ewropew ta’ Sigurtà u ta’ Difiża (KESD) ippreżenta lill-Kumitat ta’ Tmexxija tiegħu stima tad-dħul u tan-nefqa għall-KESD għas-sena finanzjarja 2026.

(3)

Fl-10 ta’ Lulju 2025, il-Kumitat ta’ Tmexxija approva l-istima tad-dħul u tan-nefqa għall-KESD għas-sena finanzjarja 2026, li sussegwentement intbagħtet lill-Kummissjoni Ewropea mill-Kap tal-KESD.

(4)

Jenħtieġ li jiġi stabbilit ammont ta’ referenza finanzjarja ġdid, maħsub biex ikopri n-nefqa tal-KESD għall-perjodu mill-1 ta’ Jannar 2026 sal-31 ta’ Diċembru 2026.

(5)

Għalhekk, jenħtieġ li d-Deċiżjoni (PESK) 2024/3116 tiġi emendata skont dan,

ADOTTA DIN ID-DEĊIŻJONI:

Artikolu 1

Fl-Artikolu 16(1) tad-Deċiżjoni (PESK) 2024/3116, jiżdied is-subparagrafu li ġej:

“L-ammont ta’ referenza finanzjarja maħsub biex ikopri n-nefqa tal-KESD matul il-perjodu mill-1 ta’ Jannar 2026 sal-31 ta’ Diċembru 2026 għandu jkun ta’ EUR 3 309 800,02.”.

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

Magħmul fi Brussell, l-20 ta’ Novembru 2025.

Għall-Kunsill

Il-President

K. KALLAS


(1)  Id-Deċiżjoni tal-Kunsill (PESK) 2024/3116 tad-9 ta’ Diċembru 2024 dwar il-Kulleġġ Ewropew ta’ Sigurtà u ta’ Difiża u li tħassar id-Deċiżjoni (PESK) 2020/1515 (ĠU L, 2024/3116, 10.12.2024, ELI: http://data.europa.eu/eli/dec/2024/3116/oj).


ELI: http://data.europa.eu/eli/dec/2025/2373/oj

ISSN 1977-074X (electronic edition)