29.9.2023   

GA

Iris Oifigiúil an Aontais Eorpaigh

C 344/227


Réamhfhógra faoi chomhchruinniú

(Cás M.11128 — IBERDROLA / BP / JV)

(Téacs atá ábhartha maidir le LEE)

(2023/C 344/18)

1.   

An 21 Meán Fómhair 2023 fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—

Iberdrola Clientes, S.A.U (an Spáinn) agus Iberdrola Clientes Portugal, Unipessoal, Lda (an Phortaingéil), faoi rialú Iberdrola, S.A. (‘Iberdrola’, an Spáinn),

—

BP Energía España, S.A.U. (an Spáinn) agus BP Portugal, Comércio de Combustíveis e Lubrificantes, S.A. (an Phortaingéil), faoi rialú BP, p.l.c. (‘BP’, an Ríocht Aontaithe).

Gheobhaidh Iberdrola agus BP rialú comhpháirteach, de réir bhrí Airteagal 3(1)(b) agus Airteagal 3(4) den Rialachán um Chumaisc, ar chomhfhiontar lánfheidhme nua-ionchorpraithe sa Spáinn (an ‘JV’).

Baintear an comhchruinniú amach trí bhíthin ceannach scaireanna i gcuideachta nuachruthaithe ar comhfhiontar í.

2.   

Is iad seo a leanas gníomhaíochtaí gnó na ngnóthas lena mbaineann:

—

i gcás Iberdrola: cuideachta fuinnimh chomhtháite dhomhanda atá gníomhach san earnáil fuinnimh trína slabhra luacha ar fad agus a dhíríonn go háirithe ar fhuinneamh in-athnuaite a chomhtháthú, a thráchtálú agus a dháileadh,

—

i gcás BP: cuideachta chomhtháite a bhfuil oibríochtaí aige san Eoraip, i Meiriceá Thuaidh agus Theas, san Astráil, san Áise agus san Afraic, agus a dhíríonn ar cheithre ghrúpa gnó: (i) táirgeadh agus oibríochtaí hidreacarbón (ola agus gás); (ii) custaiméirí agus táirgí; (iii) gás agus fuinneamh ísealcharbóin (lena n-áirítear foinsí in-athnuaite fuinnimh agus gás comhtháite); agus (iv) nuálaíocht agus innealtóireacht chun claochlú digiteach a stiúradh.

3.   

Is iad gníomhaíochtaí gnó an JV gréasán poiblí de stáisiúin athluchtaithe lena ngabhfaidh luasanna athluchtaithe de bhreis agus 50 kW le haghaidh feithiclí leictreacha a shuiteáil, a oibriú agus a chothabháil sa Spáinn agus sa Phortaingéil.

4.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

5.   

Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.11128 — IBERDROLA / BP / JV

Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála:

Ríomhphost: mailto:COMP-MERGER-REGISTRY@ec.europa.eu

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)   IO L 24, 29.1.2004, lch. 1 (an ‘Rialachán um Chumaisc’).