|
2.6.2023 |
GA |
Iris Oifigiúil an Aontais Eorpaigh |
L 143/127 |
CINNEADH (AE) 2023/1074 ÓN gCOMHAIRLE
an 25 Bealtaine 2023
lena n-údaraítear tús a chur leis an gcaibidlíocht maidir le prótacal idiran tAontas Eorpach agus Poblacht na Casacstáine lena leasaítear an Comhaontú Comhpháirtíochta agus Comhair Feabhsaithe idir an tAontas Eorpach agus a Ballstáit, de pháirt, agus Poblacht na Casacstáine, den pháirt eile, a mhéid a bhaineann le tásca geografacha le haghaidh táirgí talmhaíochta, bia-ábhair, fíonta agus biotáillí a chosaint
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 207(4), an chéad fhomhír, i gcomhar le hAirteagal 218(3) agus (4) de,
Ag féachaint don mholadh ón gCoimisiún Eorpach,
De bharr an mhéid seo a leanas:
|
(1) |
Cuireadh i gcrích an Comhaontú Comhpháirtíochta agus Comhair Feabhsaithe idir an tAontas Eorpach agus a Ballstáit, de pháirt, agus Poblacht na Casacstáine, den pháirt eile, (‘CCCF’) (1) thar ceann an Aontais trí bhíthin Chinneadh (AE) 2020/244 ón gComhairle (2) agus tháinig sé i bhfeidhm go hiomlán an 1 Márta 2020. |
|
(2) |
Tá Teideal III (Trádáil agus Gnó) de CCCF, lena n-áirítear na forálacha maidir le tásca geografacha, á chur i bhfeidhm go sealadach ón 1 Bealtaine 2016. |
|
(3) |
Le CCCF, cuirtear d’oibleagáid ar na Páirtithe tús a chur leis an gcaibidlíocht d’fhonn comhaontú a thabhairt i gcrích maidir le tásca geografacha a chosaint ina gcríocha faoi seach tráth nach déanaí ná 7 mbliana tar éis an dáta óna mbeidh feidhm ag Teideal III de CCCF. |
|
(4) |
Ba cheart, dá bhrí sin, tús a chur leis an gcaibidlíocht d’fhonn prótacal a thabhairt i gcrích idir an tAontas Eorpach agus Poblacht na Casacstáine lena leasaítear CCCF a mhéid a bhaineann le tásca geografacha le haghaidh táirgí talmhaíochta agus earraí bia, fíonta agus biotáillí a chosaint, |
TAR ÉIS AN CINNEADH SEO A GHLACADH:
Airteagal 1
1. Leis seo, údaraítear don Choimisiún tús a chur leis an gcaibidlíocht maidir le prótacal idir an tAontas Eorpach agus Poblacht na Casacstáine lena leasaítear an Comhaontú Comhpháirtíochta agus Comhair Feabhsaithe idir an tAontas Eorpach agus a Ballstáit, de pháirt, agus Poblacht na Casacstáine, den pháirt eile, a mhéid a bhaineann le tásca geografacha le haghaidh táirgí talmhaíochta, bia-ábhair, fíonta agus biotáillí a chosaint.
2. Seolfar an chaibidlíocht ar bhonn na dtreoracha caibidlíochta ón gComhairle a leagtar amach san aguisín a ghabhann leis an gCinneadh seo.
Airteagal 2
Seolfar an chaibidlíocht i gcomhairle leis an gCoiste um an mBeartas Trádála.
Airteagal 3
Dírítear an Cinneadh seo chuig an gCoimisiún.
Arna dhéanamh sa Bhruiséil, an 25 Bealtaine 2023.
Thar ceann na Comhairle
An tUachtarán
J. FORSSELL
(1) IO L 29, 4.2.2016, lch. 3.
(2) Cinneadh (AE) 2020/244 ón gComhairle an 20 Eanáir 2020 thar ceann an Aontais, maidir le tabhairt i gcrích an Chomhaontaithe Comhpháirtíochta agus Comhair Feabhsaithe idir an tAontas Eorpach agus a mBallstáit, de pháirt, agus Poblacht na Casacstáine, den pháirt eile (IO L 52, 25.2.2020, lch. 1).