|
9.6.2020 |
MT |
Il-Ġurnal Uffiċjali tal-Unjoni Ewropea |
L 179/1 |
REGOLAMENT DELEGAT TAL-KUMMISSJONI (UE) 2020/756
tal-1 ta’ April 2020
li jemenda l-Annessi II u III tar-Regolament (UE) Nru 1307/2013 tal-Parlament Ewropew u tal-Kunsill
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1307/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi regoli għal pagamenti diretti lill-bdiewa taħt skemi ta’ appoġġ fil-qafas tal-politika agrikola komuni u li jħassar ir-Regolament tal-Kunsill (KE) Nru 637/2008 u r-Regolament tal-Kunsill (KE) Nru 73/2009 (1), u b’mod partikolari l-Artikoli 6(3) u 7(3) tiegħu,
Billi:
|
(1) |
F’konformità mal-Artikolu 11(1) tar-Regolament (UE) Nru 1307/2013, l-Istati Membri jridu jnaqqsu l-ammont ta’ pagamenti diretti li jridu jingħataw lil bidwi għal sena kalendarja partikolari, skont il-Kapitolu 1 tat-Titolu III ta’ dak ir-Regolament, b’mill-inqas 5 % għall-parti tal-ammont li taqbeż il-EUR 150 000, sakemm ma jkunux se japplikaw il-paragrafu 3 ta’ dak l-Artikolu. F’konformità mal-Artikolu 7(2) ta’ dak ir-Regolament, il-prodott stmat tat-tnaqqis irid ikun disponibbli bħala appoġġ addizzjonali għall-miżuri tal-iżvilupp rurali. |
|
(2) |
Skont it-tielet subparagrafu tal-Artikolu 11(6) tar-Regolament (UE) Nru 1307/2013, l-Istati Membri nnotifikaw lill-Kummissjoni sal-31 ta’ Diċembru 2019 bid-deċiżjoni tagħhom dwar it-tnaqqis tal-ammont tal-pagamenti diretti u tal-prodott stmat riżultanti tat-tnaqqis għas-sena kalendarja 2020. In-notifiki tal-Bulgarija, taċ-Ċekja, tad-Danimarka, tal-Estonja, tal-Irlanda, ta’ Spanja, tal-Italja, tal-Latvja, tal-Ungerija, tan-Netherlands, tal-Polonja, tal-Portugall, tas-Slovakkja, tal-Finlandja, tal-Iżvezja u tar-Renju Unit indikaw prodott stmat tat-tnaqqis akbar minn żero. |
|
(3) |
Skont l-Artikolu 14(1) tar-Regolament (UE) Nru 1307/2013, l-Istati Membri jistgħu jiddeċiedu li jagħmlu ċertu persentaġġ mil-limiti massimi nazzjonali annwali tagħhom għall-pagamenti diretti disponibbli bħala appoġġ addizzjonali għall-miżuri tal-programmazzjoni tal-iżvilupp rurali. |
|
(4) |
Skont is-sitt subparagrafu tal-Artikolu 14(1) tar-Regolament (UE) Nru 1307/2013, il-Belġju, id-Danimarka, il-Ġermanja, il-Greċja, Franza, in-Netherlands u r-Renju Unit innotifikaw lill-Kummissjoni bid-deċiżjoni tagħhom li jagħmlu disponibbli bħala appoġġ addizzjonali permezz tal-Fond Agrikolu Ewropew għall-Iżvilupp Rurali (il-FAEŻR) fl-2021, ċertu persentaġġ tal-limitu massimu nazzjonali annwali tagħhom għall-pagamenti diretti għas-sena kalendarja 2020. |
|
(5) |
Skont l-Artikolu 14(2) tar-Regolament (UE) Nru 1307/2013, l-Istati Membri jistgħu jagħmlu disponibbli bħala pagamenti diretti għas-sena kalendarja 2020, ċertu ammont tal-appoġġ li jrid jiġi ffinanzjat permezz tal-FAEŻR fis-sena finanzjarja 2021. |
|
(6) |
Skont is-sitt subparagrafu tal-Artikolu 14(2) tar-Regolament (UE) Nru 1307/2013, il-Kroazja, l-Ungerija, Malta u l-Polonja nnotifikaw lill-Kummissjoni bid-deċiżjoni tagħhom li jagħmlu disponibbli bħala pagamenti diretti għas-sena kalendarja 2020, ċertu ammont mill-allokazzjoni tal-FAEŻR tal-2021 tagħhom. |
|
(7) |
Għalhekk jeħtieġ li l-Annessi II u III tar-Regolament (UE) Nru 1307/2013 jiġu adattati biex jinkorporaw l-emendi proposti tal-limiti massimi nazzjonali annwali u tal-limiti massimi netti annwali għall-pagamenti diretti. |
|
(8) |
Skont it-tieni subparagrafu tal-Artikolu 137(1) tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika, ir-Regolament (UE) Nru 1307/2013 kif applikabbli fis-sena 2020 ma japplikax fir-Renju Unit għas-sena tat-talba 2020. Għalhekk, ma hemmx bżonn jiġu stabbiliti limiti massimi ġodda għas-sena 2020 fir-rigward tar-Renju Unit. |
|
(9) |
Għalhekk, l-Annessi II u III tar-Regolament (UE) Nru 1307/2013 jenħtieġ jiġu emendati skont dan. |
|
(10) |
L-emendi li qed isiru b’dan ir-Regolament jaffettwaw l-applikazzjoni tar-Regolament (UE) Nru 1307/2013 għas-sena 2020, għaldaqstant dan ir-Regolament jenħtieġ japplika mill-1 ta’ Jannar 2020, |
ADOTTAT DAN IR-REGOLAMENT:
Artikolu 1
L-Annessi II u III tar-Regolament (UE) Nru 1307/2013 huma emendati skont l-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Jannar 2020.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-1 ta’ April 2020.
Għall-Kummissjoni
Il-President
Ursula VON DER LEYEN
ANNESS
L-Annessi II u III tar-Regolament (UE) Nru 1307/2013 huma emendati kif ġej:
|
(1) |
fl-Anness II, il-kolonna għas-sena kalendarja 2020 hija sostitwita b’dan li ġej:
|
|
(2) |
fl-Anness III, il-kolonna għas-sena kalendarja 2020 hija sostitwita b’dan li ġej:
|