1.   

Fil-31 ta’ Jannar 2020, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—	EQT VIII (“EQT”), ikkontrollata minn EQT Fund Management S.à r.l. (“EFMS”, il-Lussemburgu).

—	Navie Oy (il-Finlandja).

EFMS takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll waħdani ta’ Navie Oy.

Il-konċentrazzjoni hija mwettqa permezz ta’ xiri ta’ ishma.

2.   

L-attivitajiet kummerċjali tal-impriżi kkonċernati huma:

—

EFMS: EQT hija fond ta’ investiment li jaħseb biex jagħmel investimenti primarjament fl-Ewropa, b’enfasi fuq l-Ewropa ta’ Fuq. EQT tikkontrolla lil Anticimex li tispeċjalizza billi toffri servizzi ta’ prevenzjoni kontra infestazzjonijiet tal-pesti iżda toffri wkoll servizzi ta’ kontroll tad-danni bħalma huma servizzi ta’ deumidifikazzjoni u spezzjonijiet għall-indewwa,

—	Navie Oy hija kumpanija azzjonarja għall-grupp ta’ kumpaniji Recover li huma attivi fil-provvista ta’ servizzi ta’ kontroll tad-danni, servizzi ambjentali kif ukoll servizzi ta’ twaqqigħ u tħaffir tal-konkrit fid-Danimarka, il-Finlandja, in-Norveġja u l-Isvezja.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.9713 — EQT/Recover

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz postali:

European Commission

Directorate-General for Competition

Merger Registry

1049 Bruxelles / Brussel

BELGIQUE / BELGIË