|
(1)
|
cuirtear na hiontrálacha seo a leanas faoin gceannteideal ‘A. Daoine nádúrtha’ leis:
|
|
Ainm
|
Faisnéis aitheantais
|
Ráiteas ar chúiseanna
|
Dáta an liostaithe
|
|
‘70.
|
Maria Vladimirovna DUDKO
(Rúisis: Мария Владимировна ДУДКО)
|
Feidhm: Stiúrthóir ar an ngníomhaireacht caidrimh phoiblí “Limitless” (Bezgranichnye)
Dáta breithe: 26.11.1994
Áit bhreithe: Stavropol, Cónaidhm na Rúise
Náisiúntacht: Rúiseach
Inscne: baineann
|
Is í Maria Dudko stiúrthóir ghníomhaireacht caidrimh phoiblí na Rúise “Limitless” (Bezgranichnye), arna maoiniú ag rialtas na Rúise trí dheontais ó Fhondúireacht an Uachtaráin um Thionscnaimh Chultúrtha (Presidential Foundation for Cultural Initiatives), fondúireacht a cruthaíodh le foraithne ó Uachtarán na Rúise Vladimir Putin. Soláthraíonn Fondúireacht an Uachtaráin do Thionscnaimh Chultúrtha deontais chun tionscadail éagsúla a mhaoiniú, lena n-áirítear tionscadail trína dtacaítear le cogadh foghach na Rúise ar an Úcráin. Leis an gcistiú don ghníomhaireacht caidrimh phoiblí “Limitless”, cumasaíodh oibríochtaí ghníomhaireacht PR. Tá an ghníomhaireacht caidrimh phoiblí “Limitless” freagrach as bainistiú a dhéanamh ar thionchairí an Iarthair a thagann le hinsintí na Creimile agus le pointí cainte bolscaireachta ar son an chogaidh, rud a dhíchobhsaíonn an Úcráin agus comhghuaillithe na hÚcráine tríd an spás faisnéise a líonadh leis an mbréagaisnéis. Tá baint phearsanta ag Maria Dudko freisin le tacú leis na hiarrachtaí sin.
Dá bhrí sin, tá éascú á dhéanamh ag Maria Dudko ar ghníomhaíochtaí nó beartais atá inchurtha i leith Rialtas Chónaidhm na Rúise lena mbaintear an bonn de cheannasacht nó de neamhspleáchas tríú tír (an Úcráin), nó ar bagairt iad na gníomhaíochtaí nó beartais sin ar an méid sin, trí thacú le húsáid na hionramhála faisnéise agus leis an gcur isteach ar fhaisnéis.
|
15.6.2026
|
|
71.
|
Alexandra JOST
(Rúisis: Александра ЙОСТ)
Ar a dtugtar freisin: Sasha JOST
(Rúisis: Саша ЙОСТ)
|
Feidhm: Blagálaí, tionchaire meán sóisialta
Dáta breithe: 15.5.1998
Áit bhreithe: Hong Cong, an tSín
Náisiúntacht: Rúiseach
Inscne: baineann
|
Is tionchaire meán sóisialta í Alexandra Jost a bhfuil cónaí uirthi sa Rúis. Tá sí ag feidhmiú go gníomhach ar roinnt cuntas meán sóisialta (X, Instagram, Tik Tok, You Tube, Telegram) ón Rúis faoin ainm “Sasha meets Russia” nó “Sasha and Russia”, agus rochtain shuntasach aici i measc lucht féachana an Iarthair.
Tá bonn leathan leantóirí tógtha aici faoi scáth cumhdach cultúrtha, agus í ag díriú ag an am céanna ar bholscaireacht ar son an chogaidh agus ar son na Creimile maidir leis an Úcráin, agus ag tacú le bunaíocht pholaitiúil na Creimile agus le fórsaí armtha na Rúise. Go háirithe, tá bréagaisnéis á scaipeadh aici agus tá sí ag tacú le héilimh chríochacha nuachoilíneacha na Rúise faoin Úcráin agus leis an ionradh míleata ar an Úcráin, mar shampla, agus í ag labhairt faoi Uachtarán na hÚcráine, Volodymyr Zelenskyy mhaígh sí gur cuid den Rúis an Chrimé agus is gearr go mbeidh an Úcráin ar fad ina cuid di freisin.
Chuir sí ábhar ar líne amach agus í á híoc ag TV-Novosti, an t-eintiteas dlítheanach atá taobh thiar d’eagraíocht meán stáit na Rúise Russia Today (“RT”), atá faoi réir bhearta sriantacha an Aontais. Léirigh imscrúdú neamhspleách go bhfuair Alexandra Jost cistiú ó eagraíocht meán stáit na Rúise, RT, ar fiú 170 000 rúbal na Rúise (USD 2 000 ) in aghaidh na míosa ar an meán é i rith na chéad trí ráithe de 2024. Fuair Alexandra Jost agus a fear céile deontais freisin ó Fhondúireacht Uachtaránachta na Creimile um Thionscnaimh Chultúrtha a cuireadh tríd an ngníomhaireacht caidrimh phoiblí “Limitless”. Ghlac sí páirt freisin i dtrí imeacht chomhordaithe ar a laghad in 2025, lena n-áirítear le Maria Butina (ar duine aonair í faoi réir bhearta sriantacha an Aontais).
Dá bhrí sin, tá gníomhaíochtaí agus beartais atá inchurtha i leith Rialtas Chónaidhm na Rúise á gcur chun feidhme ag Alexandra Jost, tá sí ag tacú leo agus á n-éascú, ar gníomhaíochtaí agus beartais iad lena mbaintear an bonn den chobhsaíocht agus den tslándáil san Aontas agus i dtríú tír (an Úcráin) trí ionramháil agus cur isteach comhordaithe a dhéanamh ar fhaisnéis, nó trí thacú leis an úsáid sin nó trína héascú ar bhealach eile.
|
15.6.2026
|
|
72.
|
Roman Yurevich ANTONOVSKII
(Rúisis: Роман Юрьевич АНТОНОВСКИЙ)
|
Feidhm: Scríbhneoir agus poiblitheoir Rúiseach, bolscaire, údar an chainéil Telegram “Sons of the Monarchy”
Dáta breithe: 30.11.1979
Áit bhreithe: Moscó, PCSS na Rúise roimhe seo (Cónaidhm na Rúise anois)
Náisiúntacht: Rúiseach
Inscne: fireann
|
Is scríbhneoir, poiblitheoir agus bolscaire Rúiseach é Roman Antonovskii atá cleamhnaithe leis an eagraíocht meán Tsargrad TV atá ar son na Creimile, agus is údar an chainéil Telegram “Sons of the Monarchy” é. Trína chuid foilseachán, a láithreacht sna meáin, agus a ghníomhaíochtaí ar líne, scaipeann sé go córasach insintí atá ailínithe le bolscaireacht stáit Chónaidhm na Rúise.
Déanann Roman Antonovskii fogha armtha na Rúise faoin Úcráin a chur chun cinn go gníomhach agus a dhlisteanú. Ina chumarsáid agus ina scríbhinní poiblí, scaipeann sé bolscaireacht atá i gcoinne na hÚcráine, déanann sé muintir na hÚcráine a dhídhaonnú, agus cuireann sé insintí idé-eolaíocha faoin “domhan Rúiseach”, mar a thugtar air, chun cinn, ar scéalta iad a úsáideann an Chreimil go forleathan chun údar a thabhairt lena beartais leathnaitheacha agus le hionghabháil neamhdhleathach chríocha na hÚcráine.
Shéan sé arís agus arís eile ceart na hÚcráine ar cheannasacht agus a ceart chun státachta, agus d’áitigh sé gur cheart críocha na hÚcráine a ionchorprú i gCónaidhm na Rúise, agus déanann sé tagairt do réigiúin na hÚcráine faoi fhorghabháil trí úsáid a bhaint as coincheapa impiriúla amhail “Little Russia” agus “Novorossiya”. Trí na ráitis sin, cuireann Roman Antonovskii díchóimeáil na hÚcráine mar stát neamhspleách chun cinn agus tacaíonn sé go poiblí le leathnú críochach Chónaidhm na Rúise.
Dá bhrí sin, tá Roman Antonovskii ag tacú le gníomhaíochtaí agus beartais atá inchurtha i leith Rialtas Chónaidhm na Rúise, agus á gcur chun feidhme, ar gníomhaíochtaí agus beartais iad lena mbaintear an bonn d’iomláine chríochach, de cheannasacht agus de neamhspleáchas an Aontais, a Bhallstát agus tríú tír (an Úcráin) agus ar bagairt iad na gníomhaíochtaí agus beartais sin ar an méid sin, trí ionramháil agus cur isteach ar fhaisnéis a úsáid, agus trí thacú le coinbhleacht fhoréigneach i dtríú tír (an Úcráin).
|
15.6.2026
|
|
73.
|
Pavel Alekseyevich ASTAKHOV
(Rúisis: Павел Алексeевич АСТАХОВ)
|
Feidhm: Polaiteoir, dlíodóir agus pearsantacht teilifíse Rúiseach
Dáta breithe: 8.9.1966
Áit bhreithe: Moscó, PSS na Rúise roimhe seo (Cónaidhm na Rúise anois)
Náisiúntacht: Rúiseach
Inscne: fireann
|
Is dlíodóir Rúiseach, pearsantacht sna meáin agus iarChoimisinéir Uachtaránachta um Chearta Leanaí de Chónaidhm na Rúise é Pavel Astakhov (2009 go 2016).
Lean sé de ról a bheith aige sna meáin atá ailínithe le stát na Rúise agus tá tionchar aige go fóill ar chúrsaí sa ról sin. D’óstáil sé cláir theilifíse agus raidió d’eagraíochtaí lena n-áirítear REN TV agus Radio Sputnik, ina ndearna sé trácht arís agus arís eile ar fhorbairtí polaitiúla a bhaineann le beartas eachtrach na hÚcráine agus na Rúise.
Tar éis na hionghabhála neamhdhleathaí ar an gCrimé in 2014, thacaigh Astakhov go poiblí le hionchorprú na Crimé i gCónaidhm na Rúise agus d’fhormhuinigh sé insintí oifigiúla lenar cosnaíodh gníomhaíochtaí na Rúise san Úcráin. Thaistil sé freisin go críocha Oirthear na hÚcráine atá faoi fhorghabháil ag an Rúis, lena n-áirítear réigiún Donbas, áit a raibh sé ag gabháil do ghníomhaíochtaí poiblí a cuireadh i láthair mar mhisin dhaonnúla nó mar mhisin cosanta leanaí. Rinneadh na cuairteanna sin gan toiliú údaráis na hÚcráine agus rannchuidigh siad le dlisteanú na struchtúr a oibríonn sna críocha sin agus a fhaigheann tacaíocht ón Rúis.
Trína ráitis phoiblí, a ghníomhaíochtaí sna meáin agus a léiriúcháin chlosamhairc, ghlac Pavel Astakhov páirt i scaipeadh insintí atá ailínithe le cuspóirí straitéiseacha Rialtas Chónaidhm na Rúise agus thacaigh sé leis an scaipeadh sin, lena n-áirítear insintí lena gcosnaítear sáruithe ar cheannasacht agus ar iomláine chríochach na hÚcráine agus lena ndéantar míchlú a tharraingt ar an Úcráin. Dá bhrí sin, tá sé ag tacú le gníomhaíochtaí agus beartais atá inchurtha i leith Rialtas Chónaidhm na Rúise, á gcur chun feidhme agus á n-éascú, ar gníomhaíochtaí agus beartais iad lena mbaintear an bonn den chobhsaíocht agus den tslándáil san Aontas, ina Bhallstáit agus i dtríú tír (an Úcráin) agus ar bagairt iad na gníomhaíochtaí agus beartais sin ar an méid sin, trí ionramháil agus cur isteach ar fhaisnéis a úsáid, agus trí thacú le coinbhleacht fhoréigneach i dtríú tír (an Úcráin).
|
15.6.2026
|
|
74.
|
Olga Adolfovna KIRIY
(Rúisis: Ольга Адольфовна КИРИЙ)
|
Feidhm: Náisiúnach Rúiseach agus iriseoir agus léiritheoir le RT Documentary
Dáta breithe: 19.7.1968
Áit bhreithe: Tambov, PCSS na Rúise roimhe seo (Cónaidhm na Rúise anois)
Náisiúntacht: Rúiseach
Inscne: baineann
|
Is náisiúnach Rúiseach í Olga Kiriy agus is iriseoir agus léiritheoir í ag RT Documentary, eagraíocht meán atá faoi rialú an stáit agus a bhfuil ról lárnach aici i gcogaíocht faisnéise na Creimile. Rannchuidíonn sí go córasach le scaipeadh insintí bréagaisnéise arb é is aidhm dóibh údar a thabhairt le cogadh foghach na Rúise ar an Úcráin. Tacaíonn a cuid oibre go díreach le cuspóirí cumarsáide straitéisí na Creimile tríd an Úcráin a léiriú mar stát “‘faisisteach’” nó “‘tocsaineach’” agus trí ghníomhaíochtaí míleata na Rúise a dhlisteanú.
Is í Olga Kiriy údar agus léiritheoir an iliomad scannán bolscaireachta, lena n-áirítear Azovstal (2022), The Victims Speak … (2023), Cossacks (2023), I Blame Fascism (2025), agus Ukraine’s Toxic War (2025). Cuireann na léiriúcháin sin le hinsintí lárnacha na Creimile, déanann siad fíricí faoin staid san Úcráin a shaobhadh, agus féachann siad le tionchar a imirt ar an bpobal sa Rúis agus ar an bpobal idirnáisiúnta araon. Tríd a gníomhaíochtaí, glacann Olga Kiriy páirt ghníomhach i bhfeachtais ionramhála agus cur isteach eachtraigh ar fhaisnéis arna n-eagrú ag stát na Rúise.
Scaiptear a cuid oibre sa Rúis agus thar lear freisin, lena n-áirítear trí fheachtais fógraíochta idirnáisiúnta RT Documentary agus trína rannpháirtíocht in imeachtaí eachtracha, i dtaispeáintí agus i dtionscnaimh meán. Is é is aidhm do ghníomhaíochtaí den sórt sin teacht timpeall ar na srianta atá ann cheana ar mheáin stáit na Rúise agus tionchar a imirt ar thuairimí an phobail i dtríú tíortha.
De bhua a poist agus a gníomhaíochtaí, tá Olga Kiriy ag tacú le gníomhaíochtaí agus beartais atá inchurtha i leith Rialtas Chónaidhm na Rúise, á gcur chun feidhme agus á n-éascú, ar gníomhaíochtaí agus beartais iad lena mbaintear an bonn den chobhsaíocht agus den tslándáil san Aontas, ina Bhallstáit agus i dtríú tír (an Úcráin) agus ar bagairt iad na gníomhaíochtaí agus beartais sin ar an méid sin, trí ionramháil agus cur isteach ar fhaisnéis a úsáid, agus trí thacú le coinbhleacht fhoréigneach i dtríú tír (an Úcráin).
|
15.6.2026
|
|
75.
|
Igor Valentinovich MALTSEV
(Rúisis: Игор Валентинович МАЛЬЦЕВ)
|
Feidhm: colúnaí do “RT in Russian”, “Life”, “Kommersant”, scríbhneoir Rúiseach, poiblitheoir, láithreoir teilifíse agus iriseoir
Dáta breithe: 26.10.1958
Áit bhreithe: Leningrad, PCSS na Rúise roimhe seo (Cónaidhm na Rúise anois)
Náisiúntacht: Rúiseach
Inscne: fireann
|
Is iriseoir, scríbhneoir agus tráchtaire meán Rúiseach é Igor Maltsev a úsáideann móreagraíochtaí meán atá ar son na Creimile (lena n-áirítear RT, Life agus Kommersant) chun bolscaireacht, bréagaisnéis agus insintí a scaipeadh arb é is aidhm dóibh: an bonn a bhaint de státacht agus ceannasacht na hÚcráine, míchlú a tharraingt ar cheannaireacht pholaitiúil agus mhíleata na hÚcráine agus tacaíocht an Iarthair don Úcráin a lagú.
Tacaíonn Igor Maltsev go hoscailte le mórionradh na Rúise ar an Úcráin agus tugann sé údar d’fhorghabháil chríoch na hÚcráine. Sa mhéid a chuireann sé amach ar na meáin agus ar a chainéal Telegram, déanann Igor Maltsev pearsanra míleata na Rúise, grúpaí armtha neamhdhleathacha, amhais, agus riarthóirí forghabhála a ghlóiriú agus cuireann sé meas in iúl do Vladimir Putin. Chuir Igor Maltsey físchluiche de chuid Aireacht Cosanta na Rúise chun cinn freisin, dar teideal Squad 22: ZOV, ina ndéantar ceiliúradh ar rannpháirtithe an ionraidh, agus míchlú á tharraingt ar chosantóirí na hÚcráine.
Déanann Igor Maltsev saighdiúirí na hÚcráine a lipéadú go rialta mar “fanaicigh de chuid na Naitsithe” agus cúisíonn sé go bréagach iad as bheith ina gcúis leis an gcogadh agus le mí-úsáid príosúnach. Scaipeann sé bréagaisnéis faoi “anord”, “coireacht thromchúiseach” agus “ollchreachadh” i gCív, agus cuireann sé insintí bréagacha chun cinn lena léirítear an Úcráin mar mhol domhanda gáinneála neamhdhleathaí ar airm.
Trí na hinsintí sin a scaipeadh go comhsheasmhach, tá Igor Maltsev ag tacú le gníomhaíochtaí agus beartais atá inchurtha i leith Rialtas Chónaidhm na Rúise, á gcur chun feidhme agus á n-éascú, ar gníomhaíochtaí agus beartais iad lena mbaintear an bonn den chobhsaíocht agus den tslándáil san Aontas, ina Bhallstáit agus i dtríú tír (an Úcráin) agus ar bagairt iad na gníomhaíochtaí agus beartais sin ar an méid sin, trí ionramháil agus cur isteach ar fhaisnéis a úsáid, agus trí thacú le coinbhleacht fhoréigneach i dtríú tír (an Úcráin).
|
15.6.2026
|
|
76.
|
Maria Yurievna VOLKONSKAYA
(Úcráinis: Марія Юріївна ВОЛКОНСЬКА; Rúisis: Мария Юрьевна ВОЛКОНСКАЯ)
|
Feidhm: Príomheagarthóir “Krymskaya Gazeta”
Dáta breithe: 13.7.1985
Áit bhreithe: Yalta, PCSS na hÚcráine roimhe seo, (an Úcráin anois)
Náisiúntacht: Úcránach, Rúiseach
Inscne: baineann
|
Is bolscaire Rúiseach, feidhmeannach meán agus príomheagarthóir ar an nuachtán “Krymskaya Gazeta” atá faoi rialú an stáit í Maria Volkonskaya.
Tá ról gníomhach ag Maria Volkonskaya i gcóras bolscaireachta stáit na Rúise agus scaipeann sí insintí naimhdeacha ionramhálacha atá dírithe ar an Úcráin go rialta. Trína cuid oibre eagarthóireachta agus tráchtaireachta poiblí, cuireann sí reitric fhrith-Úcránach chun cinn go láidir, lena n-áirítear insintí lena ndéantar muintir na hÚcráine a dhídhaonnú agus lena léirítear an Úcráin agus a húdaráis mar thír neamhdhlisteanach nó antoisceach. Cuidíonn a cuid foilseachán le húdar a thabhairt le cogadh foghach na Rúise ar an Úcráin agus le tacaíocht phoiblí a shlógadh do ghníomhaíochtaí míleata na Rúise.
Scaipeann Maria Volkonskaya bréagaisnéis freisin maidir le comhpháirtithe idirnáisiúnta na hÚcráine, lena n-áirítear an Pholainn agus stáit eile an Iarthair, agus cuireann sí in iúl gur gníomhaithe naimhdeacha iad, ag maíomh go bhfuil an Úcráin á hionramháil nó á saothrú acu. Trí na hinsintí sin, féachann sí leis an mbonn a bhaint de thacaíocht idirnáisiúnta don Úcráin agus le tuiscint an phobail ar ról thíortha an Iarthair sa choinbhleacht a shaobhadh.
Trí bholscaireacht agus bréagaisnéis frith-Úcránach a scaipeadh go córasach, lena n-áirítear insintí atá dírithe ar Úcránaigh a dhídhaonnú, fíricí stairiúla a shaobhadh, agus míchlú a tharraingt ar chomhpháirtithe na hÚcráine, tá Maria Volkonskaya ag tacú le gníomhaíochtaí agus beartais atá inchurtha i leith Rialtas Chónaidhm na Rúise, á gcur chun feidhme agus á n-éascú, ar gníomhaíochtaí agus beartais iad lena mbaintear an bonn den chobhsaíocht agus den tslándáil san Aontas agus san Úcráin nó ar bagairt iad ar an gcobhsaíocht agus ar an tslándáil sin, trí ionramháil ar fhaisnéis a úsáid.
|
15.6.2026
|
|
77.
|
Anatoly Aleksandrovich KUZICHEV
(Rúisis: Анатолий Александрович КУЗИЧЕВ)
|
Feidhm: Láithreoir raidió agus teilifíse, colúnaí agus léiritheoir, óstach an chláir “Vremya Pokazhet” ar an gcainéal “One”, agus clár teilifíse All-Russia People’s Front
Dáta breithe: 15.5.1969
Áit bhreithe: Moscó, PSS na Rúise roimhe seo (Cónaidhm na Rúise anois)
Náisiúntacht: Rúiseach
Inscne: fireann
|
Is bolscaire Rúiseach mór le rá é Anatoly Kuzichev a scaipeann bolscaireacht agus bréagaisnéis Rúiseach go gníomhach chun údar a thabhairt do chogadh foghach na Rúise ar an Úcráin. Deir sé go hoscailte go nglacann sé páirt i gcogadh faisnéise ar thaobh na Rúise, ag dearbhú nach bhfuil feidhm ag prionsabail iriseoireachta le linn cogaidh agus go gcosnaíonn sé seasamh na Rúise.
Cuireann Anatoly Kuzichev an Úcráin i láthair go comhsheasmhach mar stát ionsaitheach, meabhlach agus diansmachtúil, arna rialú ag antoiscigh agus le tacaíocht ón Iarthar. Maíonn sé gur cuireadh iallach ar an Rúis dul isteach sa choinbhleacht, gurb iad naimhdeas i leith na Rúise a spreagann ceannaireacht agus sochaí na hÚcráine, agus go bhfuil brú míleata, lena n-áirítear ionsaithe agus maruithe sprioctha, riachtanach agus go bhfuil údar cuí leis. Déanann sé cainteanna síochána a dhíbhe mar chainteanna díobhálacha, deir sé gur braiteoirí nó sceimhlitheoirí iad na hÚcránaigh a chuireann i gcoinne na Rúise, agus leagann sé amach gur streachailt chosantach cheart é an cogadh.
Dá bhrí sin, tá gníomhaíochtaí agus beartais atá inchurtha i leith Rialtas Chónaidhm na Rúise á gcur chun feidhme ag Anatoly Kuzichev agus tá sé ag tacú leo, ar gníomhaíochtaí agus beartais iad lena mbaintear an bonn den daonlathas, den smacht reachta, den chobhsaíocht agus den tslándáil san Aontas agus i dtríú tír (an Úcráin), nó ar bagairt iad na gníomhaíochtaí agus beartais sin ar an méid sin, trí ionramháil agus cur isteach comhordaithe a dhéanamh ar fhaisnéis, agus trí choinbhleacht fhoréigneach a thionscnamh agus tacú léi sa tríú tír (an Úcráin).
|
15.6.2026
|
|
78.
|
Georgiy Aleksandrovich SHEVKUNOV
(Rúisis: Георгий Александрович ШЕВКУНОВ)
|
Feidhm: Easpag Eaglais Cheartchreidmheach na Rúise, Ardeaspag Oireachais Simferopol agus an Chrimé, Ceann Ardchathair na Crimé. Leas-Chathaoirleach ar an gComhairle Phoiblí faoi Aireacht Oideachais na Rúise
Dáta breithe: 2.7.1958
Áit bhreithe: Moscó, PCSS na Rúise roimhe seo (Cónaidhm na Rúise anois)
Náisiúntacht: Rúiseach
Inscne: fireann
|
Is Easpag de chuid Eaglais Cheartchreidmheach na Rúise é Georgiy Shevkunov a bhfuil ról gníomhach aige i mbolscaireacht agus bréagaisnéis Rúiseach, atá dírithe ar údar a thabhairt le fogha armtha na Rúise ar an Úcráin, a scaipeadh.
Scaipeann Georgiy Shevkunov bréagaisnéis ar son na Creimile go córasach, lena n-áirítear maímh maidir leis an “Naitsíochas” san Úcráin. Séanann sé ceannasacht na hÚcráine freisin, agus tugann sé údar le hionradh na Rúise ar an Úcráin, á rá gur ionradh riachtanach, cosantach agus forchurtha ag Dia é. Trí sheanmóirí, ardáin na meán, tionscadail chultúrtha státmhaoinithe, agus tiomsú airgid díreach do thrúpaí na Rúise sa Chrimé atá faoi fhorghabháil, cuireann sé gníomhaíochtaí míleata na Rúise chun cinn agus cumasaíonn sé iad.
Dá bhrí sin, tá gníomhaíochtaí agus beartais atá inchurtha i leith Rialtas Chónaidhm na Rúise á gcur chun feidhme ag Georgiy Shevkunov agus tá sé ag tacú leo, ar gníomhaíochtaí agus beartais iad lena mbaintear an bonn den daonlathas, den smacht reachta, den chobhsaíocht agus den tslándáil san Aontas agus i dtríú tír (an Úcráin), nó ar bagairt iad na gníomhaíochtaí agus beartais sin ar an méid sin, trí ionramháil agus cur isteach a dhéanamh ar fhaisnéis, agus trí thacú le coinbhleacht fhoréigneach sa tríú tír (an Úcráin).
|
15.6.2026
|
|
79.
|
Kirill FEDOROV
(Rúisis: Кирилл ФЕДОРОВ)
|
Feidhm: Blagálaí míleata, údar an chainéil Telegram “Kirill Fedorov/War.History of Weapons” (“Kirill Fedorov/Voina. Istoriya Oruzhiya”), óstach ar chlár bunaidh ar chainéal bolscaireachta na Rúise “Solovyov LIVE”
Dáta breithe: 3.9.1991
Áit bhreithe: Ríge, an Laitvia
Náisiúntacht: Laitviach
Inscne: fireann
|
Is bolscaire mór le rá agus comhfhreagraí míleata é Kirill Fedorov a bhfuil ról gníomhach aige i mbolscaireacht agus bréagaisnéis Rúiseach, atá dírithe ar údar a thabhairt do chogadh foghach na Rúise ar an Úcráin, a scaipeadh.
Léiríonn Fedorov go bhfuil críocha na hÚcráine atá faoi fhorghabháil “saortha”. Tiomsaíonn sé airgead freisin d’aonaid túslíne na Rúise, agus cuireann sé é féin i láthair mar eagraí deonach agus na feachtais sin á n-úsáid aige chun teachtaireachtaí ar son an chogaidh a threisiú. Ina ábhar a chruthaíonn sé, cuireann Kirill Fedorov leis an mbréagaisnéis agus le maímh neamhfhíoraithe, agus is minic a chuireann sé imeachtaí in iúl ar bhealaí a chuireann míchlú ar an Úcráin agus a dhéanann fórsaí na Rúise a ghlóiriú.
Dá bhrí sin, tá gníomhaíochtaí agus beartais atá inchurtha i leith Rialtas Chónaidhm na Rúise á gcur chun feidhme ag Kirill Fedorov, tá sé ag tacú leo agus á n-éascú, ar gníomhaíochtaí agus beartais iad lena mbaintear an bonn den daonlathas, den smacht reachta, den chobhsaíocht agus den tslándáil san Aontas agus i dtríú tír (an Úcráin), nó ar bagairt iad na gníomhaíochtaí agus beartais sin ar an méid sin, trí ionramháil agus cur isteach comhordaithe a dhéanamh ar fhaisnéis, agus trí thacú le coinbhleacht fhoréigneach sa tríú tír (an Úcráin).
|
15.6.2026’;
|
|