|
Iris Oifigiúil |
GA Sraith C |
|
C/2026/4124 |
27.7.2026 |
Fógra le haghaidh na ndaoine, na n-eintiteas agus na gcomhlachtaí ar maidir leo a bheidh feidhm ag na bearta dá bhforáiltear i gCinneadh (CBES) 2023/1532 ón gComhairle arna leasú le Cinneadh (CBES) 2026/1837 ón gComhairle agus i Rialachán (AE) 2023/1529 ón gComhairle arna chur chun feidhme le Rialachán Cur Chun Feidhme (AE) 2026/1853 ón gComhairle a bhaineann le bearta sriantacha i bhfianaise thacaíocht mhíleata na hIaráine do chogadh foghach na Rúise ar an Úcráin agus do ghrúpaí armtha agus eintitis sa Mheánoirthear agus i réigiún na Mara Rua chomh maith le gníomhaíochtaí na hIaráine lena mbaintear an bonn den tsaoirse loingseoireachta sa Mheánoirthear
(C/2026/4124)
Dírítear an fhaisnéis seo a leanas ar na daoine nádúrtha nó dlítheanacha, ar na heintitis agus ar na comhlachtaí atá san Iarscríbhinn a ghabhann le Cinneadh (CBES) 2023/1532 ón gComhairle (1) arna leasú le Cinneadh (CBES) 2026/1837 ón gComhairle (2), agus in Iarscríbhinn III a ghabhann le Rialachán (AE) 2023/1529 ón gComhairle (3) arna chur chun feidhme le Rialachán Cur Chun Feidhme (AE) 2026/1853 ón gComhairle (4) a bhaineann le bearta sriantacha i bhfianaise thacaíocht mhíleata na hIaráine do chogadh foghach na Rúise ar an Úcráin agus do ghrúpaí armtha agus eintitis sa Mheánoirthear agus i réigiún na Mara Rua chomh maith le gníomhaíochtaí na hIaráine lena mbaintear an bonn den tsaoirse loingseoireachta sa Mheánoirthear.
Ceanglaítear le hAirteagal 12(2) de Rialachán (AE) 2023/1529 nach mór do na daoine nádúrtha nó dlítheanacha, do na heintitis agus do na comhlachtaí sin a liostaítear tuairisc a thabhairt, laistigh de 6 seachtaine tar éis dháta an liostaithe in Iarscríbhinn III, faoi na cistí nó na hacmhainní eacnamaíocha laistigh de dhlínse Bhallstáit ar leo iad nó atá faoina n-úinéireacht, ina seilbh nó faoina rialú, d’údarás inniúil an Bhallstáit ina bhfuil na cistí nó na hacmhainní eacnamaíocha sin suite. Ní mór dóibh oibriú i gcomhar leis an údarás inniúil maidir le fíorú na faisnéise sin. Aon mhainneachtain na hoibleagáidí sin a urramú, measfar gurb éard atá inti, imchéimniú na mbeart maidir le reo sócmhainní agus acmhainní eacnamaíocha.
Ní mór an fhaisnéis atá le tuairisciú a sheoladh chuig údarás inniúil an Bhallstáit ábhartha, trína shuíomh gréasáin mar a shonraítear in Iarscríbhinn I a ghabhann le Rialachán (AE) 2023/1529 (5)
(1) IO L 186, 25.7.2023, lch. 20.
(2) IO L, 2026/1837, 27.7.2026, ELI: http://data.europa.eu/eli/dec/2026/1837/oj.
(3) IO L 186, 25.7.2023, lch. 1.
(4) IO L, 2026/1853, 27.7.2026, ELI: http://data.europa.eu/eli/reg_impl/2026/1853/oj.
(5) An leagan comhdhlúite is déanaí ar fáil anseo: https://eur-lex.europa.eu/legal-content/GA/TXT/?uri=CELEX%3A02023R1529-20260608.
ELI: http://data.europa.eu/eli/C/2026/4124/oj
ISSN 1977-107X (electronic edition)