|
10.5.2023 |
GA |
Iris Oifigiúil an Aontais Eorpaigh |
CA 165/1 |
Fógra folúntais CONS/AD/188/23
Ceann Aonaid – Oifigeach Cosanta Sonraí GSC.DPO
(2023/C 165 A/01)
EOLAS GINEARÁLTA
|
Roinn |
Ardrúnaíocht. OCS Cosaint Sonraí |
|
Ionad oibre |
An Bhruiséil, Áras Justus Lipsius |
|
Teideal an phoist |
Ceann Aonaid — Oifigeach Cosanta Sonraí |
|
Grúpa feidhme agus grád |
AD 9 |
|
An t-imréiteach slándála atá riachtanach |
SECRET UE/EU SECRET |
|
DÁTA DEIRIDH d’IARRATAIS |
An 2 Meitheamh 2023 – 12.00 (meán lae) am na Bruiséile |
Cé sinne
Cuidíonn Ardrúnaíocht na Comhairle (an Ardrúnaíocht) leis an gComhairle Eorpach, le Comhairle an Aontais Eorpaigh agus lena gcomhlachtaí ullmhúcháin i ngach réimse a bhaineann lena ngníomhaíochtaí. Faoi údarás an Ardrúnaí, cuireann sí comhairle agus tacaíocht ar fáil don Chomhairle Eorpach agus don Chomhairle agus dá nUachtaránachtaí i ngach réimse gníomhaíochta, lena n-áirítear comhairle faoi bheartais agus comhairle dhlíthiúil, comhordú le hinstitiúidí eile, comhréitigh a fhorbairt, maoirseacht a dhéanamh ar na nithe uile is gá chun dea-ullmhúchán a dhéanamh don Chomhairle Eorpach agus don Chomhairle agus chun go mbeidh siad á reáchtáil mar is cuí chomh maith le freastal a dhéanamh ar na nithe sin.
Tá an tOifigeach Cosanta Sonraí (OCS) agus an fhoireann san aonad cosanta sonraí, faoi stiúir an OCS, nasctha le hArd-Rúnaí na Comhairle. Tacaíonn an t-aonad cosanta sonraí leis an OCS ina bhfeidhmeanna, mar a fhoráiltear le Rialachán (AE) 2018/1725 ó Pharlaimint na hEorpa agus ón gComhairle (1). Liostaítear cúraimí agus dualgais mhionsonraithe OCS san Ardrúnaíocht i gCinneadh (AE) 2021/1093 ón gComhairle (2).
Tá an OCS i gceannas ar chur chun feidhme ceart fhorálacha Rialachán (AE) 2021/1093 ag Ardrúnaíocht na Comhairle agus ag na hinstitiúidí a dtacaíonn sí leo a áirithiú agus faireachán a dhéanamh air, ar bhealach neamhspleách. Tá ról comhairleach lárnach agus infheictheacht ag an OCS in Ardrúnaíocht na Comhairle maidir le gach ábhar a bhaineann le cosaint sonraí, agus obair leantach ghéar á déanamh acu ar dhigiteáil na timpeallachta oibre agus ar na dúshláin agus na deiseanna bunúsacha. Cuireann OCS agus comhaltaí an aonaid cosanta sonraí le cuntasacht na Comhairle agus na hArdrúnaíochta a mhéid a bhaineann leis an reachtaíocht maidir le cosaint sonraí, agus cuireann siad comhairle ar bhainisteoirí agus ar bhaill foirne faoina gcearta agus faoina n-oibleagáidí, de bhun an Rialacháin. Cuireann siad treoir, oiliúint agus faisnéis bhreise ar fáil freisin a bhfuil sé mar aidhm leo cur leis an eolas agus leis an bhfeasacht maidir le rialacha cosanta sonraí san Ardrúnaíocht. Is é an t-aonad an pointe teagmhála leis an Maoirseoir Eorpach ar Chosaint Sonraí (MECS). Déanann an OCS agus an t-aonad cosanta sonraí imscrúdú freisin ar ábhair a bhaineann go díreach le cosaint sonraí.
Ár dtairiscint
Tairgimid post mar Cheann Aonaid a bhfuil ardfhreagracht air nó uirthi i dtimpeallacht spéisiúil mhearghluaiseachta. Ceapfar thú mar Oifigeach Cosanta Sonraí d’Ardrúnaíocht na Comhairle. Beidh tú i do cheannaire ar aonad beag cairdiúil de sheachtar chomhghleacaithe.
Déanfaidh an t-iarrthóir a n-éireoidh leis na cúraimí uile dá bhforáiltear in Airteagal 45 de Rialachán (AE) 2018/1725 agus in Airteagal 5 de Chinneadh (AE) 2021/1093 ón gComhairle. Go háirithe, an t-iarrthóir sin a n-éireoidh leis/léi, déanfaidh sé/sí an méid a leanas:
|
— |
cur i bhfeidhm agus cur chun feidhme Rialachán 2018/1725 a áirithiú agus faireachán a dhéanamh ar a chomhlíonadh san Ardrúnaíocht; |
|
— |
comhairle a thabhairt d’Ardrúnaí na Comhairle, na rialaitheoirí tarmligthe agus na rialaitheoirí oibríochtúla i ndáil le hábhair a bhaineann le forálacha maidir le cosaint sonraí a chur i bhfeidhm; |
|
— |
comhairle agus cúnamh a thabhairt do na rialaitheoirí tarmligthe agus do na rialaitheoirí oibríochtúla agus measúnú tionchair ar chosaint sonraí á dhéanamh acu; |
|
— |
a áirithiú nach ndéanfaidh na hoibríochtaí próiseála dochar do chearta ná do shaoirsí na n-ábhar sonraí; |
|
— |
feasacht a mhúscailt ar an gcreat dlí is infheidhme maidir le sonraí pearsanta a chosaint agus rannchuidiú le cultúr cosanta sonraí pearsanta a chruthú laistigh den Ardrúnaíocht. |
An té atá uainn
Tá bainisteoir tiomnaithe á lorg againn a choinneoidh neamhspleáchas an phoist, agus a mbeidh tionchar mór eagrúcháin aige nó aici.
Ní mór an méid seo a leanas a bheith ag an iarrthóir a n-éireoidh leis nó léi:
|
— |
saineolas ar reachtaíocht an Aontais maidir le cosaint sonraí (go háirithe ar Rialachán 2018/1725), chomh maith le tuiscint ar thionchar na dteicneolaíochtaí faisnéise agus cumarsáide ar chosaint sonraí pearsanta; |
|
— |
taithí shuntasach ar an ábhar; |
|
— |
eolas fónta ar an Ardrúnaíocht, ar a struchtúr agus ar a rialacha agus a nósanna imeachta riaracháin; |
|
— |
taithí bhainistíochta nó chomhordaithe roimhe seo; |
|
— |
a bheith in ann freagracht a ghlacadh dá bhfeidhmíocht féin agus d’fheidhmíocht na foirne, agus do na cinntí a ghlactar, ag gníomhú mar eiseamláir agus a f(h)orbairt féin á bainistiú. |
Bheadh sé ina bhuntáiste gur oibrigh tú in/le codanna éagsúla den Ardrúnaíocht.
Mar bhainisteoir de chuid na hArdrúnaíochta, beifear ag súil go gcuirfidh tú comhairle orthu siúd atá i gceannas agus ar na geallsealbhóirí, go ndéanfaidh tú an fhoireann agus na hacmhainní airgeadais a bhainistiú, agus go ndéanfaidh tú ionadaíocht don Ardrúnaíocht. Leagtar amach an méid sin sa phróifíl chothrománach do bhainisteoirí na hArdrúnaíochta (3).
Ina theannta sin, beidh an méid a leanas ag teastáil ón té a cheapfar:
|
— |
scileanna ceannaireachta agus a bheith in ann treoir a thabhairt, foireann a spreagadh agus a chumhachtú i dtimpeallacht idirnáisiúnta ilchultúrtha, béim láidir á leagan ar fhorbairt na foirne, agus a bheith in ann an éagsúlacht agus an chuimsitheacht a chur chun cinn; |
|
— |
a bheith in ann éisteacht go gníomhach le tuairimí agus riachtanais na ngeallsealbhóirí agus freagairt dóibh agus treoir a thabhairt i dtreo torthaí a mbeidh tairbhe ag cách astu; |
|
— |
a bheith in ann breathnú ar chásanna ar bhealach cruthaitheach, réitigh a choincheapú, agus oiriúnú go tapa agus go héifeachtach do thimpeallacht athraitheach; |
|
— |
a bheith in ann dul i mbun idirphlé oscailte leis an bhfoireann, atmaisféar oibre cuiditheach dearfach a chruthú, nuálaíocht a chothú go gníomhach agus éisteacht lena smaointe maidir le cur chuige nua, modhanna oibre núíosacha agus cur i bhfeidhm na dteicneolaíochtaí is déanaí; |
|
— |
a bheith in ann obair chomhoibríoch a éascú maidir le tionscadail agus saincheisteanna trasearnálacha, lena n-áirítear le baill foirne ó aonaid eile, agus an comhleanúnachas a áirithiú; |
|
— |
a bheith in ann pleanáil réamhghníomhach a dhéanamh, lena n-áirítear maidir le foireann, airgeadas, buiséad agus lóistíocht; agus an obair ar líon suntasach gníomhaíochtaí comhthreomhara a chur in ord tosaíochta, a chomhordú agus a eagrú; |
|
— |
a bheith in ann freagracht a ghlacadh as a stuaim féin agus as feidhmíocht na foirne agus as pé cinntí a dhéantar, trí dhea-shampla iompair a thabhairt agus trí bhainistiú a dhéanamh ar a bhforbairt féin; |
|
— |
a bheith in ann an t-athrú a bhainistiú agus tacaíocht a thabhairt don fhoireann nuair a bhíonn athrú i gceist; |
|
— |
a bheith in ann ionadaíocht a dhéanamh ar ARC ag imeachtaí poiblí agus líonrú go gníomhach. |
Ós rud é go bhfuil beartas soghluaisteachta ag an Ardrúnaíocht dá bainisteoirí, a bhfuiltear ag súil go mbeidh taithí leathan acu, ba cheart do na hiarrthóirí a bheith toilteanach agus ábalta dul i mbun oibre i réimsí éagsúla gníomhaíochta le linn a ngairmréimeanna san Ardrúnaíocht.
BEARTAS EARCAÍOCHTA
Caithfidh na coinníollacha iontrála a leanas a bheith á gcomhlíonadh ag na hiarratasóirí tráth a mbeidh an t-iarratas á dhéanamh:
|
(a) |
Coinníollacha ginearálta
|
|
(b) |
Coinníollacha sonracha
|
NB:
|
(1) |
Tá gá le himréiteach slándála le haghaidh an phoist seo, lena gceadaítear rochtain ar dhoiciméid rúnaicmithe (go dtí leibhéal SECRET UE/EU SECRET). Caithfidh na hiarrthóirí a chuirfidh isteach ar an bpost seo a bheith toilteanach dul faoi scagadh slándála faoi Chinneadh 2013/488/AE ón gComhairle (5). Ní chuirfear ceapachán chun an phoist i bhfeidhm ach ar choinníoll go bhfuair an t-iarrthóir a roghnófar deimhniú bailí ar imréiteach slándála. Déanfar conradh sealadach a thairiscint d’iarrthóir gan imréiteach slándála go dtí go bhfaighfear toradh an nós imeachta maidir le himréiteach slándála. |
|
(2) |
Ní mór don iarrthóir a n-éireoidh leis nó léi a bheith sásta páirt a ghlacadh i gclár oiliúna bainistíochta na hArdrúnaíochta. |
AN NÓS IMEACHTA ROGHNÚCHÁIN
Chun na hiarrthóirí rathúla a roghnú, cabhróidh coiste comhairleach roghnúcháin leis an údarás ceapacháin. Beidh ionad measúnaithe ag an gcoiste comhairleach roghnúcháin, a bheidh á reáchtáil ag comhairleoirí seachtracha earcaíochta. Na tuarascálacha i dtaca le poist den chineál céanna a chuirfidh an t-ionad measúnaithe le chéile, scoirfidh siad de bheith bailí 2 bhliain tar éis an dáta a ndearnadh na cleachtaí ábhartha nó ar críochnaíodh an creatchonradh idir an Ardrúnaíocht agus an t-ionad measúnaithe atá i gceist – cibé dáta is luaithe.
Déanfaidh an coiste comhairleach roghnúcháin cáilíochtaí, taithí agus spreagthacht na n-iarratasóirí go léir a mheas agus a chur i gcomparáid le chéile ar dtús, ar bhonn a n-iarratas. Bunaithe ar an measúnú comparáideach sin, cuirfidh an coiste comhairleach na hiarrthóirí is oiriúnaí, dar leis, ar ghearrliosta chun cuireadh a fháil chuig an gcéad agallamh. Toisc gur ar mheasúnú comparáideach na n-iarratas a bhíonn an chéad roghnú sin bunaithe, ní hionann ceanglais an fhógra folúntais seo a chomhlíonadh agus ráthaíocht go bhfaighfear cuireadh chuig an gcéad agallamh. As measc na n-iarrthóirí a chuirfear faoi agallamh, déanfaidh an coiste comhairleach na hiarrthóirí a réamhroghnú chun freastal ar an ionad measúnaithe agus chun freastal, ina dhiaidh sin, ar an dara hagallamh leis an gcoiste comhairleach roghnúcháin.
Seo a leanas an phleanáil shealadach maidir leis an nós imeachta roghnúcháin:
|
— |
táthar ag súil go gcuirfear na hiarrthóirí a roghnófar chun agallaimh ar an eolas faoi thús mhí an Mheithimh 2023; |
|
— |
tá sé beartaithe go mbeidh an chéad bhabhta agallamh ar siúl sa dara leath de mhí an Mheithimh 2023; |
|
— |
meastar go gcuirfear i gcrích imeachtaí an ionaid measúnaithe idir an 3 agus an 6 Iúil 2023; |
|
— |
tá sé beartaithe go mbeidh an dara babhta de na hagallaimh ar siúl sa dara leath de mhí Iúil 2023. |
NB: Is sceideal táscach amháin é an sceideal thuas agus is féidir é a mhodhnú.
AN BUNÚS DLÍ
Foilsítear an post seo in institiúidí uile an Aontais Eorpaigh agus lasmuigh de na hinstitiúidí, i gcomhréir le míreanna 1 agus 2 d’Airteagal 29 de Rialacháin Foirne Oifigigh an Aontais Eorpaigh (6).
CONAS IARRATAS A DHÉANAMH
Is é an 2 Meitheamh 2023, 12.00 (meán lae) am na Bruiséile, an dáta deiridh chun iarratais a chur isteach.
Ní ghlacfar le hiarratais ach le ríomhphost agus ní mór iad a sheoladh chuig applications.management@consilium.europa.eu (7) tráth nach déanaí ná an spriocdháta agus an sprioc-am deiridh. Ní chuirfear aon iarratas déanach san áireamh.
Ní mór an seoladh ríomhphoist thuasluaite a úsáid i gcás aon chomhfhreagrais a bhaineann leis an nós imeachta roghnúcháin (ní mór an teideal seo a leanas a bheith luaite sa bhosca ina luaitear ábhar an ríomhphoist: CONS/AD/188/23 Ardrúnaíocht. OCS Cosaint Sonraí.
Sula gcuirfear an t-iarratas isteach, ba cheart do na hiarrthóirí a sheiceáil go grinn an gcomhlíonann siad na ceanglais a liostaítear faoi “Beartas Earcaíochta” thuas, chun nach n-eisiafar as an nós imeachta roghnúcháin go huathoibríoch iad.
Chun go mbeidh an t-iarratas bailí, ní mór na doiciméid seo a leanas a bheith sa chomhad iarratais, i bhfoirm pdf (NB: ní ghlacfar le doiciméid faoi ghlas, le doiciméid atá cosanta ag pasfhocal ná le doiciméid a shínítear go leictreonach):
|
(a) |
an fhoirm iarratais agus í comhlánaithe agus dátaithe mar is cuí (comhad le “XXX (DO SHLOINNE) – Foirm iarratais.pdf” mar theideal); chun an fhoirm iarratais leictreonach (EN nó FR) a íoslódáil, cliceáil ar an nasc cuí thíos nó cóipeáil agus greamaigh isteach i do bhrabhsálaí í (8): https://www.consilium.europa.eu/media/62493/gsc-application_form_senior_management_en.docx https://www.consilium.europa.eu/media/62492/gsc-application_form_senior_management_fr.docx |
|
(b) |
curriculum vitae mionsonraithe i mBéarla nó i bhFraincis (gan grianghraif san áireamh), de rogha i bhformáid Europass (https://europa.eu/europass/en/create-europass-cv; (https://europa.eu/europass/ga/create-europass-cv) lena gcumhdófar gairmréim iomlán an iarratasóra agus ina sonrófar, inter alia, cáilíochtaí an iarratasóra, cur amach an iarratasóra ar theangacha, taithí an iarratasóra agus na cúraimí atá air nó uirthi faoi láthair (comhad le “XXX (DO SHLOINNE) – CV.pdf” mar theideal); |
|
(c) |
litir inspreagtha, i mBéarla nó i bhFraincis (comhad le “XXX (DO SHLOINNE) – Litir inspreagtha.pdf” mar theideal). |
Mura gcuirtear na doiciméid sin san áireamh, beidh an t-iarratas neamhbhailí.
NB: Iarrfar cóipeanna de dhioplómaí lena ndeimhnítear oideachas agus cóipeanna de dhoiciméid agus de theastais a bhaineann le taithí ghairmiúil ar na hiarrthóirí réamhroghnaithe a dtabharfar cuireadh dóibh chuig an gcéad bhabhta agallamh. Ní mór na doiciméid tacaíochta a bheith eisithe ag tríú páirtí.
Ba cheart na doiciméid tacaíochta a uimhriú (Iarscríbhinn 1, 2, etc.) agus ní mór iad a ghrúpáil le chéile in aon doiciméad pdf amháin (comhad ar a dtabharfar “XXX (DO SHLOINNE) – Doiciméid tacaíochta.pdf”). Ba cheart innéacs a bheith san áireamh leis sin.
Má theipeann ort na doiciméid tacaíochta ar fad a chur isteach ar a dhéanaí an lá roimh an gcéad agallamh, d’fhéadfaí sin a mheas mar fhoras le dícháiliú.
Ní fhéachfar ar aon iarratas a gheofar tríd an bpost, nó trí réitigh stórála sonraí néalbhunaithe nó trí ardán comhroinnte comhad.
An t-iarrthóir a chuirfear ar an ngearrliosta, iarrfar air nó uirthi bundoiciméid na gcóipeanna thuas a thabhairt ar láimh.
Cuirfear ríomhphost chuig iarrthóirí lena dheimhniú go bhfuarthas a n-iarratas. Mar sin féin, d’fhéadfadh deacrachtaí teicniúla a bhaineann le seoladh ríomhphost a bheith ann. Dá bhrí sin, mura bhfaigheann iarrthóir ríomhphost lena dheimhniú go bhfuarthas an t-iarratas, iarrtar ar iarrthóirí teagmháil a dhéanamh le applications.management@consilium.europa.eu. Ós rud é go dtosóidh an coiste comhairleach roghnúcháin ar a chuid oibre go luath i ndiaidh dháta deiridh na n-iarratas, ba cheart aon chomhfhreagras faoin iarratas a bheith faighte a dhéanamh an tseachtain tar éis an dáta sin.
ÉAGSÚLACHT AGUS CUIMSIÚ
Tá an Ardrúnaíocht tiomanta don éagsúlacht agus don chuimsiú. Chun tuilleadh eolais a fháil, iarrtar ort féachaint ar an ráiteas ábhartha:
https://www.consilium.europa.eu/ga/general-secretariat/jobs/diversity-and-inclusion/.
ATHSCRÚDÚ AR IARRATAIS
Chun eolas a fháil faoi na nósanna imeachta a bhaineann le hiarratais ar ghearáin, achomhairc agus tarchuir chuig an Ombudsman Eorpach, féadfaidh tú dul i gcomhairle le:
https://www.consilium.europa.eu/media/56643/complaint-ga.pdf.
COSAINT SONRAÍ
Sa ráiteas príobháideachais a leagtar amach na rialacha lena rialaítear próiseáil sonraí pearsanta a bhaineann leis an nós imeachta roghnúcháin seo:
https://www.consilium.europa.eu/media/56667/jobs-data-protection-083r00-ga.pdf.
(1) Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39).
(2) Cinneadh (AE) 2021/1093 ón gComhairle an 28 Meitheamh 2021 lena leagtar síos rialacha cur chun feidhme a bhaineann le hOifigeach Cosanta Sonraí na Comhairle, cur i bhfeidhm Rialachán (AE) 2018/1725 ó Pharlaimint na hEorpa agus ón gComhairle, agus srianta ar chearta ábhar sonraí i gcomhthéacs fheidhmiú chúraimí Oifigeach Cosanta Sonraí na Comhairle, agus lena n-aisghairtear Cinneadh 2004/644/CE ón gComhairle (IO L 236 5.7.2021, lch. 55.).
(3) https://www.consilium.europa.eu/media/53261/gsc-manager-profile-ga.pdf
(4) Ceanglaítear le hAirteagal 5(3)(c) de Rialacháin Foirne Oifigigh an Aontais Eorpaigh (na Rialacháin Foirne) nach mór do na hiarratasóirí an méid seo a leanas a bheith acu ar a laghad:
|
(i) |
leibhéal oideachais arb ionann é agus cúrsa ollscoile a bheith críochnaithe acu agus sin á fhianú ag dioplóma nuair is 4 bliana nó níos mó atá sa ghnáth-thréimhse oideachais ollscoile, nó |
|
(ii) |
leibhéal oideachais arb ionann é agus cúrsa ollscoile a bheith críochnaithe acu agus sin á fhianú ag dioplóma agus taithí ghairmiúil iomchuí bliana ar a laghad nuair is 3 bliana ar a laghad atá sa ghnáth-thréimhse oideachais ollscoile. |
(5) Cinneadh 2013/488/AE ón gComhairle an 23 Meán Fómhair 2013 maidir leis na rialacha slándála chun faisnéis rúnaicmithe AE a chosaint (IO L 274, 15.10.2013, lch. 1).
(6) Rialacháin Foirne Oifigigh an Aontais Eorpaigh agus Coinníollacha Fostaíochta Sheirbhísigh eile an Aontais Eorpaigh, arna leagan síos i Rialachán (CEE, Euratom, CEGC) Uimh. 259/68 ón gComhairle, (IO L 56, 4.3.1968, lch. 1), téacs comhdhlúite atá ar fáil ag https://eur-lex.europa.eu/legal-content/GA/TXT/?uri=CELEX%3A01962R0031-20220101.
(7) Tá an seoladh ríomhphoist nasctha le bosca ríomhphoist feidhmiúil nach féidir leis ach teachtaireachtaí ag a bhfuil an rogha íogaireachta “Normal” a phróiseáil; ní féidir ríomhphoist a sheoltar, ag a bhfuil roghanna eile íogaireachta (e.g. “Personal”, “Private”, “Confidential” nó poist chriptithe), a phróiseáil. Dá bhrí sin, iarrtar ort an rogha íogaireachta “Normal” a roghnú. Ní ceadmhach do ríomhphost a bheith níos mó ná 25MB. Má sháraíonn do ríomhphost, mar aon leis na ceangaltáin, an t-uasmhéid sin, iarrtar ort na ceangaltáin a roinnt agus a sheoladh i gcúpla ríomhphost.
(8) Má theastaíonn tuilleadh eolais uait agus/nó má bhíonn fadhbanna teicniúla agat, seol ríomhphost chuig: applications.management@consilium.europa.eu.