1.   Is é is cuspóir don Chomhaontú seo é a chur ar a gcumas d’aeriompróirí sonraí as an Taifead Ainmneacha Paisinéirí (PNR) a aistriú ón Aontas chuig an Íoslainn agus rialacha agus coinníollacha a leagan síos faoina bhféadfaidh an Íoslainn na sonraí PNR sin a phróiseáil.

2.   Is é is cuspóir don Chomhaontú seo freisin feabhas a chur ar an gcomhar póilíneachta agus breithiúnach idir an tAontas agus an Íoslainn i ndáil le sonraí PNR.

3.   Cumhdaítear le raon feidhme an Chomhaontaithe seo aeriompróirí a oibríonn eitiltí paisinéirí idir an tAontas agus an Íoslainn, chomh maith le haeriompróirí atá ionchorpraithe san Aontas, nó a dhéanann sonraí a stóráil ann, agus a oibríonn eitiltí chuig an Íoslainn nó uaithi.

1.   Áiritheoidh an Íoslainn go n-aistreoidh aeriompróirí sonraí PNR chuig PIU na hÍoslainne go heisiach trí na sonraí PNR is gá a tharchur chuig bunachar sonraí an údaráis iarrthaigh (modh ‘brú’), agus i gcomhréir leis na nósanna imeachta seo a leanas atá le comhlíonadh ag aeriompróirí:

2.   Ní cheanglóidh an Íoslainn ar aeriompróirí eilimintí de shonraí PNR a sholáthar nach bhfuil á gcoinneáil cheana féin, nó nach bhfuil bailithe ag aeriompróirí chun críocha a n-áirithintí nó i ngnáthchúrsa a ngnó.

3.   Áiritheoidh an Íoslainn go scriosfaidh PIU na hÍoslainne aon eilimint sonraí arna haistriú chuige ag aeriompróir de bhun an Chomhaontaithe seo ar na sonraí PNR a fháil, mura liostaítear an eilimint sonraí sin san Iarscríbhinn.

4.   Áiritheoidh an Íoslainn go gcuirfidh PIU na hÍoslainne de cheangal ar aeriompróirí sonraí PNR a aistriú ar an mbealach seo a leanas:

5.   Ceadóidh an Íoslainn d’aeriompróirí an t-aistriú dá dtagraítear i bpointe (b) de mhír 4 a theorannú do nuashonruithe ar na sonraí PNR arna n-aistriú dá dtagraítear i bpointe (a) den mhír sin.

6.   Áiritheoidh an Íoslainn go gcuirfidh PIU na hÍoslainne aeriompróirí ar an eolas faoi na hamanna sonraithe le haghaidh na n-aistrithe.

7.   I gcásanna sonracha ina léirítear go bhfuil gá le rochtain bhreise chun freagairt do bhagairt shonrach a bhaineann leis na cuspóirí a leagtar amach in Airteagal 5, féadfaidh PIU na hÍoslainne a cheangal ar aeriompróir sonraí PNR a chur ar fáil roimh na haistrithe sceidealta, idir na haistrithe sceidealta nó ina ndiaidh. Agus an rogha sin á feidhmiú ag an Íoslainn, gníomhóidh sí go breithiúnach agus go comhréireach agus ceanglóidh sí go n-úsáidfear an modh aistrithe dá dtagraítear i mír 1.

1.   Féadfaidh na Páirtithe a chinneadh go bhféadfaidh an Íoslainn a cheangal ar aeriompróirí sonraí PNR a aistriú chuig PIU na hÍoslainne trí bhíthin an ródaire API-PNR a bunaíodh i gcomhréir le Rialachán (AE) 2025/13 (5). Sa chás sin, déanfaidh an Íoslainn an méid seo a leanas:

2.   Tabharfaidh an Íoslainn fógra don Aontas faoina hiarraidh an ródaire API-PNR a úsáid. Glacfaidh an tAontas leis an iarraidh sin i scríbhinn trí bhealaí taidhleoireachta.

3.   Tabharfaidh an tAontas fógra i scríbhinn don Íoslainn trí bhealaí taidhleoireachta faoi aon leasú ar Rialachán (AE) 2025/13 a dhéanann difear do na rialacha maidir le feidhmiú agus na coinníollacha maidir le húsáid an ródaire API-PNR. Laistigh de 120 lá ón bhfógra sin a fháil, féadfaidh an Íoslainn fógra a thabhairt don Aontas go bhfuil sé ar intinn aici scor d’úsáid an ródaire sin, agus sin a dhéanamh i scríbhinn trí bhealaí taidhleoireachta. Sa chás sin, rachaidh na Páirtithe i mbun comhairliúcháin mar a fhoráiltear in Airteagal 23(1) agus beidh feidhm arís ag Airteagal 3(1), (4) agus (6).

1.   Agus measúnú dá dtagraítear i bpointe (a) d’Airteagal 6 á dhéanamh aige, féadfaidh PIU na hÍoslainne an méid seo a leanas a dhéanamh:

2.   Áiritheoidh an Íoslainn go mbeidh na bunachair sonraí dá dtagraítear i mír 1(a) den Airteagal seo neamh-idirdhealaitheach, iontaofa, cothrom le dáta agus teoranta dóibh siúd arna n-úsáid ag údaráis inniúla na hÍoslainne i ndáil leis na críocha a leagtar amach in Airteagal 5 agus ábhartha chun na gcríoch sin.

3.   Áiritheoidh an Íoslainn go mbeidh aon mheasúnú ar shonraí PNR dá dtagraítear i mír 1(b) den Airteagal seo bunaithe ar shamhlacha agus ar chritéir réamhbhunaithe atá neamh-idirdhealaitheach, sonrach agus iontaofa chun a chur ar a chumas do PIU na hÍoslainne teacht ar thorthaí atá dírithe ar dhaoine aonair a d’fhéadfadh amhras réasúnach a bheith ann go bhfuil baint acu le cionta sceimhlitheoireachta nó le coireacht thromchúiseach nó go bhfuil siad rannpháirteach iontu. Áiritheoidh an Íoslainn nach mbeidh imthosca ar bith i gceist ina mbeidh na critéir sin bunaithe ar chine nó bunús eitneach, ar thuairimí polaitíochta, reiligiún nó creideamh fealsúnach, ballraíocht i gceardchumann, sláinte, saol gnéis ná gnéaschlaonadh duine.

4.   Áiritheoidh an Íoslainn go ndéanfaidh PIU na hÍoslainne athbhreithniú aonair ar aon mheaitseáil dhearfach a eascraíonn as próiseáil fíor-ama ar shonraí PNR trí mhodhanna neamh-uathoibrithe.

1.   Faoin gComhaontú seo, toirmiscfear aon phróiseáil a dhéanamh ar shonraí PNR lena nochtar tionscnamh ciníoch nó eitneach, tuairimí polaitiúla, creideamh reiligiúnach nó fealsúnach, nó ballraíocht i gceardchumann, agus toirmiscfear próiseáil sonraí géiniteacha, sonraí bithmhéadracha chun duine nádúrtha a shainaithint go huathúil, sonraí a bhaineann leis an tsláinte nó sonraí a bhaineann le saol gnéis nó le gnéaschlaonadh duine nádúrtha.

2.   A mhéid a chuimsítear catagóirí speisialta sonraí pearsanta den sórt sin sna sonraí PNR a fhaigheann PIU na hÍoslainne faoin gComhaontú seo, scriosfaidh PIU na hÍoslainne na sonraí sin láithreach.

1.   Áiritheoidh an Íoslainn go ndéanfar sonraí PNR a fhaightear faoin gComhaontú seo a phróiseáil ar bhealach lena n-áiritheofar ardleibhéal slándála sonraí is iomchuí do na rioscaí a bhaineann leis an bpróiseáil agus le cineál na sonraí PNR a fhaightear faoin gComhaontú seo. Go háirithe, déanfaidh PIU na hÍoslainne an méid seo a leanas:

2.   Áiritheoidh an Íoslainn go bhfuil aon sárú ar shlándáil sonraí, go háirithe aon sárú a mbeidh scriosadh de thaisme nó go neamhdhleathach nó caillteanas, athrú, nochtadh nó rochtain neamhúdaraithe de thaisme mar thoradh air, nó próiseáil neamhdhleathach d’aon chineál faoi réir bearta ceartaitheacha éifeachtacha athchomhairleacha.

3.   Déanfaidh an Íoslainn aon sárú ar shlándáil sonraí a thuairisciú don údarás maoirseachta náisiúnta arna bhunú de bhun Airteagal 41 de Threoir (AE) 2016/680.

1.   Déanfaidh PIU na hÍoslainne gach próiseáil ar shonraí PNR a logáil agus a dhoiciméadú. Ní úsáidfidh an Íoslainn comhad loga ná doiciméadacht den sórt sin ach amháin chun an méid seo a leanas a dhéanamh:

2.   Arna iarraidh sin, cuirfear comhaid loga nó doiciméadacht a choimeádtar faoi mhír 1 in iúl don údarás maoirseachta náisiúnta, nach n-úsáidfidh an fhaisnéis sin ach amháin chun formhaoirseacht a dhéanamh ar chosaint sonraí, agus chun próiseáil chuí sonraí chomh maith le sláine agus slándáil sonraí a áirithiú.

1.   Áiritheoidh an Íoslainn an méid seo a leanas maidir le stóráil sonraí PNR a fhaightear faoin gComhaontú:

2.   De bhun mhír 1 den Airteagal seo, ní fhéadfaidh PIU na hÍoslainne sonraí PNR na n-aerphaisinéirí uile a stóráil ach ar feadh tréimhse tosaigh a bhfuil foráil le déanamh di ina dhlí náisiúnta. Ní rachaidh fad na tréimhse tosaigh sin thar a bhfuil fíor-riachtanach chun go bhféadfaidh an PIU na cuardaigh dá dtagraítear in Airteagal 6 pointe (b) a dhéanamh chun daoine a shainaithint nach raibh amhras ann cheana go raibh baint acu le cionta sceimhlitheoireachta nó le coireacht thromchúiseach ar bhonn an mheasúnaithe fíor-ama arna dhéanamh faoi Airteagal 6 pointe (a).

3.   Tar éis na tréimhse tosaigh dá dtagraítear i mír 2, ní fhéadfaidh PIU na hÍoslainne sonraí PNR a stóráil ach amháin i ndáil le paisinéirí a bhfuil fianaise oibiachtúil ann ina leith a d’fhéadfadh riosca a shuí a bhaineann le cionta sceimhlitheoireachta nó coireacht thromchúiseach.

4.   Áiritheoidh an Íoslainn go ndéanfaidh PIU na hÍoslainne athbhreithniú ar bhonn tráthrialta ar an ngá atá le stóráil leanúnach sonraí PNR de bhun mhíreanna 2 agus 3 den Airteagal seo.

5.   Tráth dhul in éag na tréimhse stórála iomchuí, áiritheoidh an Íoslainn go ndéanfar sonraí PNR a scriosadh go neamh-inchúlghairthe nó go ndéanfar sonraí anaithnide díobh ar bhealach nach féidir na hábhair sonraí lena mbaineann a shainaithint a thuilleadh.

6.   De mhaolú ar mhír 1(b), féadfaidh an Íoslainn stóráil sonraí PNR a cheadú, ar sonraí iad a bhfuil gá leo chun athbhreithniú, imscrúdú, gníomhaíocht forfheidhmiúcháin, imeachtaí breithiúnacha, ionchúiseamh, nó forfheidhmiú pionós a dhéanamh, go dtí go dtabharfar an próiseas ábhartha i gcrích.

1.   Déanfaidh PIU na hÍoslainne sonraí PNR a dhíphearsantú 6 mhí ar a dhéanaí tar éis iad a fháil. Déanfaidh sé amhlaidh trí na heilimintí sonraí seo a leanas a cheilt, ar eilimintí sonraí iad lena bhféadfaí an paisinéir lena mbaineann na sonraí PNR a shainaithint go díreach:

2.   Ní fhéadfaidh PIU na hÍoslainne na heilimintí sonraí dá dtagraítear i mír 1 den Airteagal seo a nochtadh ach amháin chun críocha Airteagal 5 agus faoi choinníollacha Airteagail 13 nó 14.

1.   Agus freagra á thabhairt ar iarraidh chuí-réasúnaithe arna seoladh ag údarás inniúil i gcomhréir le hAirteagal 6(b), ní nochtfaidh PIU na hÍoslainne, ar bhonn cás ar chás, sonraí PNR nó torthaí a bpróiseála, ach amháin sna cásanna seo a leanas:

2.   De mhaolú ar phointe (d) de mhír 1, féadfaidh PIU na hÍoslainne sonraí PNR a nochtadh i gcásanna práinne a bhfuil údar cuí leo gan athbhreithniú ná formheas roimh ré. I gcásanna den sórt sin, ní mór an t-athbhreithniú dá dtagraítear i bpointe (b) de mhír 1 a dhéanamh laistigh de thréimhse ghearr.

3.   Áiritheoidh an Íoslainn nach ndéanfaidh an t-údarás inniúil is faighteoir sonraí PNR a nochtadh d’údarás eile ach amháin má údaraíonn PIU na hÍoslainne an nochtadh go sainráite.

1.   Agus freagra á thabhairt ar iarraidh chuí-réasúnaithe arna seoladh ag údarás inniúil tíortha nach Ballstáit iad i gcomhréir le hAirteagal 6(b), ní nochtfaidh PIU na hÍoslainne, ar bhonn cás ar chás, sonraí PNR nó torthaí a bpróiseála, ach amháin sna cásanna seo a leanas:

2.   De mhaolú ar mhír 1(c), féadfaidh PIU na hÍoslainne sonraí PNR a nochtadh do thír eile má mheasann sé go bhfuil an nochtadh riachtanach chun garbhagairt thromchúiseach ar an tslándáil phoiblí a chosc nó a imscrúdú agus má thugann an tír sin dearbhú i scríbhinn, de bhun socrú, comhaontú nó eile, go gcosnófar an fhaisnéis i gcomhréir leis na coimircí a leagtar amach sa Chomhaontú seo.

3.   De mhaolú ar mhír 1(d), féadfaidh PIU na hÍoslainne sonraí PNR a nochtadh i gcásanna práinne a bhfuil údar cuí leo gan athbhreithniú agus formheas roimh ré. I gcásanna den sórt sin, ní mór an t-athbhreithniú dá dtagraítear i mír 1 a dhéanamh laistigh de thréimhse ghearr.

1.   Roinnfidh PIU na hÍoslainne le Europol nó Eurojust, laistigh de raon feidhme a sainorduithe faoi seach, nó le PIUnna na mBallstát, sonraí PNR, torthaí phróiseáil na sonraí sin, nó faisnéis anailíseach atá bunaithe ar shonraí PNR, a luaithe is féidir agus i gcásanna sonracha nuair is gá chun cionta sceimhlitheoireachta nó coireacht thromchúiseach a chosc, a bhrath, a imscrúdú nó a ionchúiseamh. Roinnfidh PIU na hÍoslainne faisnéis den sórt sin ar a thionscnamh féin nó arna iarraidh sin do Europol nó Eurojust, laistigh de raon feidhme a sainorduithe faoi seach, nó do PIUnna na mBallstát.

2.   Roinnfidh PIUnna na mBallstát le PIU na hÍoslainne sonraí PNR, torthaí phróiseáil na sonraí sin, nó faisnéis anailíseach atá bunaithe ar shonraí PNR, a luaithe is féidir agus i gcásanna sonracha nuair is gá chun cionta sceimhlitheoireachta nó coireacht thromchúiseach a chosc, a bhrath, a imscrúdú nó a ionchúiseamh. Roinnfidh PIUnna na mBallstát faisnéis den sórt sin ar a dtionscnamh féin nó arna iarraidh sin do PIU na hÍoslainne.

3.   Áiritheoidh na Páirtithe go roinnfear an fhaisnéis dá dtagraítear i míreanna 1 agus 2 i gcomhréir leis na rialacha is infheidhme maidir le comhar i bhforfheidhmiú an dlí nó comhroinnt faisnéise idir an Íoslainn agus Europol nó Eurojust, nó an Ballstát ábhartha. Go háirithe, déanfar faisnéis a mhalartú le Europol faoin Airteagal seo trí bhealach slán cumarsáide arna bhunú chun faisnéis a mhalartú.

1.   Áiritheoidh an Íoslainn, i ndáil le próiseáil sonraí pearsanta ag údaráis inniúla chun críocha an Chomhaontaithe seo, go gcuirfidh sí i bhfeidhm cearta agus hoibleagáidí atá mar an gcéanna leo siúd dá bhforáiltear i dTreoir (AE) 2016/680, lena n-áirítear aon leasú ar an Treoir sin ar ghlac an Íoslainn leis agus ar chuir sí chun feidhme i gcomhréir leis an gComhaontú arna thabhairt i gcrích ag Comhairle an Aontais Eorpaigh agus an Íoslainn agus an Iorua maidir le comhlachas an dá thír sin le acquis Schengen a chur chun feidhme, a chur i bhfeidhm agus a fhorbairt.

2.   Déanfaidh údarás maoirseachta neamhspleách arna bhunú i gcomhréir le cur chun feidhme agus cur i bhfeidhm Threoir (AE) 2016/680 ag an Íoslainn formhaoirseacht ar phróiseáil sonraí pearsanta ag PIU na hÍoslainne, lena n-áirítear aon leasú uirthi ar ghlac an Íoslainn leo agus ar chuir sí chun feidhme iad i gcomhréir leis an gComhaontú arna thabhairt i gcrích ag Comhairle an Aontais Eorpaigh agus an Íoslainn agus an Iorua maidir le comhlachas an dá thír sin le acquis Schengen a chur chun feidhme, a chur i bhfeidhm agus a fhorbairt.

3.   Tá an tAirteagal seo gan dochar do chur i bhfeidhm aon fhoráil níos sonraí sa Chomhaontú seo a bhaineann le sonraí PNR a phróiseáil.

1.   Áiritheoidh an Íoslainn go gcuirfidh PIU na hÍoslainne an fhaisnéis seo a leanas ar fáil ar a shuíomh gréasáin:

2.   Oibreoidh an Íoslainn le tríú páirtithe leasmhara, amhail an tionscal eitlíochta agus aerthaistil, chun trédhearcacht a chur chun cinn, tráth na háirithinte, maidir leis na cúiseanna atá le sonraí PNR a bhailiú agus a phróiseáil, agus maidir leis an gcaoi le rochtain, coigeartú agus sásamh a iarraidh.

3.   Más rud é go ndearnadh sonraí PNR arna gcoinneáil i gcomhréir le hAirteagal 11 a nochtadh i gcomhréir le hAirteagal 13 nó le hAirteagal 14, cuirfidh an Íoslainn na paisinéirí lena mbaineann ar an eolas, agus iarrachtaí réasúnta á gcur san áireamh, trí bhíthin na módúlachtaí a leagtar amach de bhun Airteagal 13(2)(d) de Threoir (AE) 2016/680, agus laistigh de thréimhse réasúnta ama a luaithe nach dócha a thuilleadh go gcuirfidh an fógra sin imscrúduithe na n-údarás poiblí lena mbaineann i mbaol a mhéid atá faisnéis teagmhála ábhartha na bpaisinéirí ar fáil nó a mhéid is féidir í a aisghabháil.

1.   Tabharfaidh an Íoslainn an tAontas fógra i scríbhinn trí bhealaí taidhleoireachta faoi shonraí na n-údarás seo a leanas:

2.   Tabharfaidh an Íoslainn fógra gan mhoill faoi aon athrú ar an bhfaisnéis dá dtagraítear i mír 1.

3.   Cuirfidh an tAontas an fhaisnéis dá dtagraítear i míreanna 1 agus 2 ar fáil don phobal.

1.   Déanfaidh na Páirtithe an Comhaontú seo a fhormheas i gcomhréir lena nósanna imeachta féin.

2.   Tiocfaidh an Comhaontú seo i bhfeidhm an chéad lá den mhí tar éis an dáta a bhfaighfear an fógra i scríbhinn lenar thug an Íoslainn fógra don Aontas faoi na húdaráis dá dtagraítear in Airteagal 18(1) nó faoi na fógraí i scríbhinn lenar thug na Páirtithe fógra dá chéile trí bhealaí taidhleoireachta go bhfuil na nósanna imeachta dá dtagraítear i mír 1 den Airteagal seo curtha i gcrích, cibé acu is déanaí.

1.   Réiteoidh na Páirtithe aon díospóid maidir le léirmhíniú, cur i bhfeidhm nó cur chun feidhme an Chomhaontaithe seo trí chomhairliúchán d’fhonn teacht ar réiteach a bheidh inghlactha go frithpháirteach, lena n-áirítear deis a thabhairt do cheachtar Páirtí comhlíonadh laistigh de thréimhse réasúnach ama.

2.   Féadfaidh ceachtar Páirtí cur i bhfeidhm an Chomhaontaithe seo a chur ar fionraí go hiomlán nó go páirteach trí fhógra i scríbhinn a thabhairt don Pháirtí eile trí bhealaí taidhleoireachta. Ní thabharfar fógra i scríbhinn den sórt sin go dtí go mbeidh tréimhse réasúnta comhairliúcháin caite ag na Páirtithe. Tiocfaidh an fhionraí i bhfeidhm 2 mhí ó dháta an fhógra sin, mura gcinnfidh na Páirtithe a mhalairt go comhpháirteach.

3.   An Páirtí a chuir cur i bhfeidhm an Chomhaontaithe seo ar fionraí, cuirfidh sé an Páirtí eile ar an eolas láithreach faoin dáta a chuirfear tús le cur i bhfeidhm an Chomhaontaithe seo arís, a luaithe a mheasfaidh sé nach bhfuil feidhm a thuilleadh ag na cúiseanna leis an bhfionraí. Tabharfaidh an Páirtí fionraíochta fógra i scríbhinn don Pháirtí eile.

4.   Leanfaidh an Íoslainn de théarmaí an Chomhaontaithe seo a chur i bhfeidhm maidir leis na sonraí PNR uile a fhaightear sula gcuirfear an Comhaontú seo ar fionraí.

1.   Féadfaidh ceachtar Páirtí an Comhaontú seo a fhoirceannadh tráth ar bith trí fhógra i scríbhinn a thabhairt trí bhealaí taidhleoireachta. Gabhfaidh éifeacht leis an bhfoirceannadh 3 mhí tar éis an dáta a fhaightear an fógra i scríbhinn.

2.   Má thugann ceachtar Páirtí fógra foirceanta faoin Airteagal seo, cinnfidh na Páirtithe cé na bearta is gá chun a áirithiú go ndéanfar aon chomhar arna thionscnamh faoin gComhaontú seo a thabhairt i gcrích ar bhealach iomchuí.

3.   Leanfaidh an Íoslainn de théarmaí an Chomhaontaithe seo a chur i bhfeidhm maidir leis na sonraí PNR uile a fhaightear sula ndéanfar an Comhaontú seo a fhoirceannadh.

1.   Féadfar an Comhaontú seo a leasú tráth ar bith de chomhthoil idir na Páirtithe. Tiocfaidh na leasuithe ar an gComhaontú seo i bhfeidhm i gcomhréir le hAirteagal 19.

2.   Féadfar an Iarscríbhinn a ghabhann leis an gComhaontú seo a thabhairt cothrom le dáta, de chomhthoil idir na Páirtithe arna chur in iúl trí fhógra i scríbhinn a mhalartaítear trí bhealaí taidhleoireachta. Tiocfaidh nuashonruithe den sórt sin i bhfeidhm an dáta dá dtagraítear in Airteagal 19(2).

1.   Rachaidh na Páirtithe i gcomhairle le chéile maidir le saincheisteanna a bhaineann le faireachán a dhéanamh ar chur chun feidhme an Chomhaontaithe seo. Cuirfidh siad in iúl dá chéile aon bheart a d’fhéadfadh difear a dhéanamh don Chomhaontú seo.

2.   Déanfaidh na Páirtithe meastóireacht chomhpháirteach ar chur chun feidhme an Chomhaontaithe seo má iarrann ceachtar Páirtí amhlaidh agus má chinntear go comhpháirteach é. Agus athbhreithniú den sórt sin á dhéanamh acu, tabharfaidh na Páirtithe aird ar leith ar an ngá atá le sonraí PNR a phróiseáil le haghaidh gach ceann de na cuspóirí a leagtar amach in Airteagal 5 agus ar chomhréireacht na próiseála sin. Déanfaidh na Páirtithe cinneadh roimh ré maidir le módúlachtaí na meastóireachtaí sin.

1.   Beidh feidhm ag an gComhaontú seo maidir le críoch an Aontais i gcomhréir leis an gConradh ar an Aontas Eorpach agus an Conradh ar Fheidhmiú an Aontais Eorpaigh, agus maidir le críoch na hÍoslainne.

2.   Faoi dháta theacht i bhfeidhm an Chomhaontaithe seo, tabharfaidh an tAontas fógra don Íoslainn faoi na Ballstáit a bhfuil feidhm ag an gComhaontú seo maidir lena gcríocha. Féadfaidh sé ina dhiaidh sin, tráth ar bith, fógra a thabhairt faoi aon athrú air.

Déanfar an Comhaontú seo a dhréachtú i ndúblach sa Bhéarla, sa Bhulgáiris, sa Chróitis, sa Danmhairgis, san Eastóinis, san Fhionlainnis, sa Fhraincis, sa Ghaeilge, sa Ghearmáinis, sa Ghréigis, san Iodáilis, sa Laitvis, sa Liotuáinis, sa Mháltais, san Ollainnis, sa Pholainnis, sa Phortaingéilis, sa Rómáinis, sa tSeicis, sa tSlóivéinis, sa tSlóvaicis, sa Spáinnis, sa tSualainnis agus san Ungáiris agus san Íoslainnis, agus comhúdarás ag an téacs i ngach ceann de na teangacha sin. I gcás ina mbeidh aon éagsúlacht idir téacsanna an Chomhaontaithe seo, is ag an téacs Béarla a bheidh an forlámhas.