|
Iris Oifigiúil |
GA Sraith L |
|
2025/1784 |
10.9.2025 |
RIALACHÁN CUR CHUN FEIDHME (AE) 2025/1784 ÓN gCOIMISIÚN
an 9 Meán Fómhair 2025
maidir le capsaicin a údarú mar bhreiseán beathaithe le haghaidh gach speicis ainmhíoch
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin a bhfuiltear lena n-úsáid i gcothú ainmhithe (1), agus go háirithe Airteagal 9(2) de,
De bharr an mhéid seo a leanas:
|
(1) |
Le Rialachán (CE) Uimh. 1831/2003 foráiltear maidir le húdarú breiseán a bhfuiltear lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú. |
|
(2) |
I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas ar údarú capsaicine. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin. |
|
(3) |
Baineann an t-iarratas le capsaicin a údarú mar bhreiseán beathaithe le haghaidh gach speicis ainmhíoch, agus iarrtar ann go n-aicmeofaí an breiseán sin sa chatagóir ‘breiseáin chéadfacha’ agus san fheidhmghrúpa ‘comhdhúile blaistithe’. |
|
(4) |
Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 18 Márta 2025 (2) go bhfuil capsaicin sábháilte do gach speiceas ainmhíoch, do thomhaltóirí agus don chomhshaol. Tháinig sé ar an gconclúid freisin gur greannaitheoir riospráide agus craicinn capsaicin agus go nglactar leis gur greannaitheoir súl í. Ní íogróir deirmeach capsaicin. Faoi dheireadh, meastar gur riosca é aon nochtadh d’úsáideoirí ar chapsaicin. Thairis sin, ós rud é go bhfuil capsaicin aitheanta mar bhlastán bia agus go mbeadh an fheidhm chéanna aige i mbeatha, go bunúsach, agus atá aige i mbia, tháinig an tÚdarás ar an gconclúid nach bhfuil gá le haon léiriú breise ar a héifeachtúlacht. Níor mheas an tÚdarás go raibh gá le ceanglais shonracha maidir le faireachán iarmhargaidh. D’fhíoraigh an tÚdarás freisin an tuarascáil ar an modh anailíse ar an mbreiseán beathaithe i mbeatha arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003. |
|
(5) |
I bhfianaise an mhéid thuas, measann an Coimisiún go gcomhlíonann capsaicin na coinníollacha, dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid an bhreiseáin sin a údarú le haghaidh gach speicis ainmhíoch. Is breiseán í capsaicin a bhfuil éifeachtaí zóiteicniúla agus íocshláinte aici ar nós éifeachtaí dearfacha ar fheidhmíocht nó ar chosaint ar chineálacha pataigine áirithe. Chun cosc a chur ar úsáid dáileog den bhreiseán a bhféadfadh éifeachtaí zóiteicniúla nó íocshláinte den sórt sin ar ainmhithe a bheith mar thoradh orthu, is gá uaschion a bhunú le haghaidh capsaicine i mbeatha. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. |
|
(6) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Údarú
An tsubstaint a shonraítear san Iarscríbhinn, ar substaint í a bhaineann leis an gcatagóir breiseán ‘breiseáin chéadfacha’ agus leis an bhfeidhmghrúpa ‘comhdhúile blaistithe’, údaraítear í mar bhreiseán i gcothú ainmhithe faoi réir na gcoinníollacha a leagtar síos san Iarscríbhinn sin.
Airteagal 2
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 9 Meán Fómhair 2025.
Thar ceann an Choimisiúin
An tUachtarán
Ursula VON DER LEYEN
(1) IO L 268, 18.10.2003, lch. 29, ELI: http://data.europa.eu/eli/reg/2003/1831/oj.
(2) EFSA Journal [Iris EFSA]. 2025; 23:e9340, https://efsa.onlinelibrary.wiley.com/doi/full/10.2903/j.efsa.2025.9340.
IARSCRÍBHINN
|
Uimhir aitheantais an bhreiseáin beathaithe |
Breiseán |
Comhdhéanamh, foirmle cheimiceach, tuairisc, modh anailíse |
Speiceas nó catagóir ainmhíoch |
Uasteorainn aoise |
Íoschion |
Uaschion |
Forálacha eile |
Deireadh na tréimhse údarúcháin |
||||||
|
mg de shubstaint ghníomhach/kg d’ábhar beatha iomlán ina bhfuil cion taise 12 % |
||||||||||||||
|
Catagóir: breiseáin chéadfacha. Feidhmghrúpa: comhdhúile blaistithe |
||||||||||||||
|
2b92458 |
Capsaicin |
Comhdhéanamh an bhreiseáin Capsaicin Foirm sholadach Saintréithriú na substainte gníomhaí Capsaicin Arna tháirgeadh trí shintéis cheimiceach Foirmle cheimiceach: C18H27NO3 Uimhir CAS: 404-86-4 Uimhir FEMA: 3404 Íonacht: íoschion 98 % (E) capsaicin (tras-chapsaicin) go (Z)- capsaicin (cios-capsaicin)(E)/(Z) cóimheas capsaicine: ≥ 6:1 Modh anailíse (1) Maidir le capsaicin a chinneadh sa bhreiseán beathaithe, sna réamh-mheascáin agus sa bheatha chumaisc: crómatagrafaíocht leachta ardfheidhmíochta cúpláilte le brath speictreafótaiméadrach (HPLC-UV) |
Éanlaith chlóis |
|
|
6,5 |
|
an 30 Meán Fómhair 2035 |
||||||
|
Éin ornáideacha |
|
|
6,5 |
|||||||||||
|
Speicis muc-ainmhithe |
|
|
6,5 |
|||||||||||
|
Athchogantaigh agus camelidae |
|
|
6,5 |
|||||||||||
|
Eachainmhithe |
|
|
6,5 |
|||||||||||
|
Leipridigh |
|
|
6,5 |
|||||||||||
|
Salmainidí agus mionspeiceas éisc eite |
|
|
6,5 |
|||||||||||
|
Éisc ornáideacha |
|
|
6,5 |
|||||||||||
|
Madraí |
|
|
6,5 |
|||||||||||
|
Cait |
|
|
5,3 |
|||||||||||
|
Speicis agus catagóirí eile |
|
|
5,3 |
|||||||||||
(1) Tá sonraí faoi na modhanna anailíse le fáil ar shuíomh na Saotharlainne Tagartha ag an seoladh seo a leanas: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_ga.
ELI: http://data.europa.eu/eli/reg_impl/2025/1784/oj
ISSN 1977-0839 (electronic edition)