(1)

Ir-Regolament ta' Implimentazzjoni tal-Kummissjoni (UE) Nru 2016/1239 (2) jistabbilixxi dispożizzjonijiet komuni fir-rigward tal-applikazzjoni għal-liċenzji tal-importazzjoni u tal-esportazzjoni ta' prodotti agrikoli u għall-ħruġ ta' dawn il-liċenzji. Fiha dispożizzjonijiet dwar l-iskadenzi għall-applikazzjonijiet għal liċenzji u dwar it-talbiet għall-kanċellazzjoni. B'mod partikolari, dan jinkludi dispożizzjonijiet għal każijiet li għalihom ir-Regolament jistabbilixxi perjodu ta' żmien għall-proċeduri, sabiex jiġu ddeterminati d-dati tal-ftuħ jew tal-għeluq għal dak il-perjodu meta dawk id-dati jaqgħu nhar ta' Sibt, nhar ta' Ħadd jew f'festa pubblika.

(2)

Sabiex tiġi ffaċilitata l-ġestjoni tal-kwoti tariffarji fl-Unjoni kollha, jeħtieġ li jiġi żgurat li l-kwoti tariffarji agrikoli kollha ġestiti mil-liċenzji jkunu soġġetti għall-istess regoli li jistabbilixxu l-iskadenzi għall-applikazzjonijiet għal-liċenzji.

(3)

L-applikanti għandhom ikunu jistgħu jippreżentaw l-applikazzjonijiet tal-liċenzji irrispettivament mill-vaganzi nazzjonali fl-Istati Membri. Attwalment, data tal-għeluq għall-applikazzjonijiet tal-liċenzji li taqa' nhar ta' Sibt, nhar ta' Ħadd jew f'festa pubblika tiġi avvanzata jew posposta għall-jum tax-xogħol ta' wara, skont jekk il- “perjodu rilevanti għall-proċeduri” huwiex espress bejn żewġ dati, li jistgħu jiġu indikati eżattament, jew le. L-esperjenza turi li l-partijiet ikkonċernati jkollhom dubji kull meta skadenza għall-applikazzjonijiet għal-liċenzji taqa' nhar ta' Sibt, nhar ta' Ħadd jew f'festa pubblika.

(4)

Sabiex tiġi evitata l-inċertezza, id-dati tal-għeluq għat-tressiq tal-applikazzjonijiet tal-liċenzji li jaqgħu nhar ta' Sibt, nhar ta' Ħadd jew f'festa pubblika jenħtieġ li jitressqu wkoll meta l-perjodu tal-applikazzjoni jiġi espress bejn żewġ dati, li ma jistgħux jiġu indikati eżattament. Jenħtieġ li l-Istati Membri li jkunu jridu jipprovdu għall-arranġamenti tax-xogħol neċessarji biex jippermettu li l-applikazzjonijiet għal-liċenzji jitressqu nhar ta' Sibt, nhar ta' Ħadd jew f'festa pubblika, jitħallew jagħmlu hekk. F'każijiet bħal dawn, sabiex tkun żgurata t-trasparenza fil-ġestjoni tal-applikazzjonijiet għal-liċenzji, jenħtieġ li jiġu stabbiliti r-regoli li jiżguraw li l-applikanti jkunu infurmati dwarhom.

(5)

Il-miżuri previsti f'dan ir-Regolament huma skont l-opinjoni tal-Kumitat għall-Organizzazzjoni Komuni tas-Swieq Agrikoli,

(1)

il-punt (b) huwa sostitwit b'dan li ġej:

(2)

it-tieni subparagrafu li ġej jiġi miżjud:

“Punt (b) tal-ewwel subparagrafu għandu japplika wkoll meta d-data tal-għeluq applikabbli tkun definita b'referenza għal data speċifikata u dik id-data tinzerta s-Sibt, il-Ħadd jew festa pubblika”