Ag féachaint don Chomhaontú idir Stáit CSTE maidir le hÚdarás Faireacháin agus Cúirt Bhreithiúnais a bhunú, go háirithe Airteagail 1(2) agus 3 de Phrótacal 1 de,

Ag féachaint don Ghníomh dá dtagraítear i bPointe 13. de Chuid 1.1 de Chaibidil I d’Iarscríbhinn I a ghabhann leis an gComhaontú maidir leis an Limistéar Eorpach Eacnamaíoch (“Comhaontú LEE”), Rialachán (AE) 2016/429 ó Pharlaimint na hEorpa agus ón gComhairle an 9 Márta 2016maidir le galair in-tarchurtha ainmhithe agus lena leasaítear agus lena n-aisghairtear gníomhartha áirithe i réimse na sláinte ainmhithe (“Rialachán (AE) 2016/429”), (1) arna leasú agus arna n-oiriúnú do Chomhaontú LEE leis na hoiriúnuithe sonracha agus earnála dá dtagraítear in Iarscríbhinn I a ghabhann leis an gComhaontú sin, agus go háirithe in Airteagail 257(1), 258(1), (2) agus (3) agus 259(1)(c) de,

Ag féachaint don Ghníomh dá dtagraítear i bPointe 13e. de Chuid 1.1 de Chaibidil I d’Iarscríbhinn I a ghabhann le Comhaontú LEE, Rialachán Tarmligthe (AE) 2020/687 ón gCoimisiún an 17 Nollaig 2019 lena bhforlíontar Rialachán (AE) 2016/429 ó Pharlaimint na hEorpa agus ón gComhairle maidir le rialacha chun galair liostaithe áirithe a chosc agus a rialú (“Rialachán Tarmligthe (AE) 2020/687”), (2) arna leasú agus arna oiriúnú do Chomhaontú LEE leis na hoiriúnuithe sonracha agus earnála dá dtagraítear in Iarscríbhinn I a ghabhann leis an gComhaontú sin, agus go háirithe in Airteagal 21, Airteagal 39 agus Airteagal 55 de,

Ag féachaint don Ghníomh dá dtagraítear i bPointe 13a. de Chuid 1.1 de Chaibidil I d’Iarscríbhinn I a ghabhann le Comhaontú LEE, Rialachán Cur Chun Feidhme (AE) 2018/1882 ón gCoimisiún an 3 Nollaig 2018maidir le rialacha áirithe maidir le galair a chosc agus a rialú a chur i bhfeidhm ar chatagóirí galar liostaithe agus lena mbunaítear liosta speiceas agus grúpaí speiceas lena mbaineann riosca suntasach maidir leis na galair liostaithe sin a leathadh (“Rialachán Cur Chun Feidhme (AE) 2018/1882”), (3) arna oiriúnú do Chomhaontú LEE leis na hoiriúnuithe sonracha agus earnála dá dtagraítear in Iarscríbhinn I a ghabhann leis an gComhaontú sin, agus go háirithe in Airteagail 1 agus 2 de agus san Iarscríbhinn a ghabhann leis,

arna oiriúnú do Chomhaontú LEE le pointe 4(d) de Phrótacal 1 a ghabhann le Comhaontú LEE.

Is galar víreasach tógálach é an fliú éanúil ardphataigineach (“HPAI”) in éin agus d’fhéadfadh sé tionchar tromchúiseach a bheith aige ar bhrabúsacht na feirmeoireachta éanlaithe clóis, rud a chuirfeadh isteach ar thrádáil laistigh den Limistéar Eorpach Eacnamaíoch (“LEE”). Is féidir le víris HPAI éin imirceacha a ionfhabhtú, rud a fhágann gur féidir leo na víris seo a leathadh thar achair fhada le linn a n-imircí san fhómhar agus san earrach. Dá bhrí sin, is bagairt leanúnach é víris HPAI a bheith in éin fhiáine maidir le tabhairt isteach na víreas sin go díreach agus go hindíreach i ngabháltais ina gcoinnítear éanlaith chlóis nó éin faoi chuing. I gcás ráig de HPAI, tá baol ann go bhféadfaidh an t-oibreán galair leathadh go gabháltais eile ina gcoimeádtar éanlaith chlóis nó éin faoi chuing.

Rinneadh Rialachán (AE) 2016/429, Rialachán Tarmligthe (AE) 2020/687 agus Rialachán Cur Chun Feidhme (AE) 2018/1882 a ionchorprú sna hIarscríbhinní a ghabhann le Comhaontú LEE agus tá feidhm leo ón 21 Aibreán 2021.

Le Rialachán (AE) 2016/429 bunaítear creat reachtach nua chun galair a chosc agus a rialú, ar galair iad atá in-tarchurtha chuig ainmhithe nó chuig daoine. Tagraítear do HPAI in Airteagal 9(1)(a)(i) de Rialachán (AE) 2016/429 mar ghalar liostaithe atá faoi réir na rialacha maidir le galar a chosc agus a rialú, rialacha a leagtar síos ann. San Iarscríbhinn a ghabhann le Rialachán Cur Chun Feidhme (AE) 2018/1882 liostaítear galar HPAI mar ghalar chatagóir A, D agus E mar a shainmhínítear in Airteagal 1 den Rialachán sin.

Ceanglaítear le hAirteagal 259(1) de Rialachán (AE) 2016/429 ar Údarás Faireacháin CSTE (“an tÚdarás”) athbhreithniú a dhéanamh ar bhearta éigeandála arna nglacadh ag údaráis inniúla na hIorua de bhun Airteagal 257(1)(a) nó 258 den Rialachán céanna i gcás ráig de ghalar liostaithe dá dtagraítear i bpointe (a) d’Airteagal 9(1), lena n-áirítear HPAI (“bearta Ioruacha”). Le hAirteagal 259(1)(c), ceanglaítear ar an Údarás, i gcás ina measfaidh sé gur gá cur isteach gan údar maith ar ghluaiseacht ainmhithe agus táirgí a sheachaint, na bearta éigeandála dá dtagraítear in Airteagal 257(1) lena bhformheasfar na bearta Ioruacha a ghlacadh.

Le Rialachán Tarmligthe (AE) 2020/687, déantar forlíonadh ar na rialacha maidir le rialú galar chatagóir A, chatagóir B agus chatagóir C a leagtar síos i Rialachán (AE) 2016/429, lena n-áirítear bearta rialaithe galar le haghaidh HPAI. Déantar foráil in Airteagal 21 den Rialachán sin maidir le criosanna cosanta agus faireachais a bhunú i gcás ráig de ghalar chatagóir A, lena n-áirítear HPAI. Cuirtear an réigiúnú sin i bhfeidhm go háirithe chun stádas sláinte na n-éan a chaomhnú sa chuid eile de chríoch na hIorua trí chosc a chur ar thabhairt isteach an oibreáin phataiginigh agus trí luathbhrath an ghalair a áirithiú.

Thug an Iorua fógra maidir le ráig HPAI in ealta béaróg ar a críoch an 12 Samhain 2021 (“an chéad ráig”). (4) Tá na bearta rialaithe galar is gá déanta ag údaráis inniúla na hIorua i gcomhréir le Rialachán Tarmligthe (AE) 2020/687, lena n-áirítear criosanna cosanta agus faireachais a bhunú mórthimpeall na ráige sin.

An 18 Samhain 2021, thug an Iorua fógra faoin dara ráig (5) de HPAI ag gabháltas béaróg atá suite laistigh de na criosanna a bunaíodh cheana mórthimpeall na chéad ráige. Tá na bearta rialaithe galar is gá a cheanglaítear i gcomhréir le Rialachán Tarmligthe (AE) 2020/687 curtha i gcrích ag údaráis inniúla na hIorua, lena n-áirítear coigeartú ar na criosanna cosanta agus faireachais atá bunaithe mórthimpeall na chéad ráige chun crios cosanta ag a bhfuil ga íosta trí chiliméadar agus crios faireachais ag a bhfuil ga íosta 10 gciliméadar a áireamh mórthimpeall an ghabháltais inar tharla an dara ráig.

D’fhonn aon suaitheadh neamhriachtanach ar thrádáil laistigh de LEE a chosc, is gá cur síos gasta a dhéanamh ar na criosanna cosanta agus faireachais a bhunaigh an Iorua i ndáil le ráigeanna HPAI.

Dá réir sin, na criosanna cosanta agus faireachais a bhaineann le HPAI san Iorua, i gcás ina gcuirtear na bearta rialaithe galar mar a leagtar síos i Rialachán Tarmligthe (AE) 2020/687 i bhfeidhm, liostaítear iad san Iarscríbhinn a ghabhann leis an gCinneadh seo lena bhformheastar bearta na hIorua de bhun Airteagal 259(1)(c) de Rialachán (AE) 2016/429 agus ré an réigiúnaithe sin a shonraítear san Iarscríbhinn sin.

Tá scrúdú déanta ag an Údarás ar na bearta rialaithe galar i gcomhar leis an Iorua, agus tá sé sásta go bhfuil teorainneacha na gcriosanna cosanta agus faireachais, arna mbunú ag údaráis inniúla na hIorua, sách fada amach ó aon ghabháltas ina bhfuil ráig HPAI deimhnithe.

An 17 Samhain 2021, chuir an tÚdarás, lena Chinneadh Tarmligthe Uimh. 262/21/COL (Doiciméad Uimh. 1249845), an dréacht-Chinneadh faoi bhráid Choiste Tréidliachta agus Fíteasláintíochta CSTE (“Coiste CSTE”) i gcomhréir le hAirteagail 259(1) agus 266(2) de Rialachán (AE) 2016/429. An 23 Samhain 2021, thug Coiste CSTE tuairim dhearfach uaidh maidir leis an dréacht-Chinneadh. Dá réir sin, tá an dréacht-Chinneadh i gcomhréir le tuairim an Choiste.

Airteagal 1

Na criosanna cosanta agus faireachais arna mbunú ag an Iorua de bhun Airteagal 21 de Rialachán Tarmligthe (AE) 2020/687, agus fad ama na mbeart atá le cur i bhfeidhm i gcriosanna cosanta den sórt sin de bhun Airteagal 39 agus i gcriosanna faireachais den sórt sin de bhun Airteagal 55 den Rialachán Tarmligthe sin, tar éis ráigeanna d’fhliú éanúil ardphataigineach in éanlaith chlóis nó in éin faoi chuing, déantar iad a bhunú agus a fhormheas ar leibhéal Stáit LEE CSTE agus liostaítear iad san Iarscríbhinn a ghabhann leis an gCinneadh seo.

Airteagal 2

Áiritheoidh an Iorua:

Airteagal 3

Áiritheoidh an Iorua:

Airteagal 4

Tiocfaidh an Cinneadh seo i bhfeidhm lá a shínithe.

Airteagal 5

Beidh feidhm ag an gCinneadh seo go dtí an dáta is déanaí a luaitear san Iarscríbhinn a ghabhann leis an gCinneadh seo, ar dáta é ar a scoirfidh bearta rialaithe galar in aon cheann de na criosanna cosanta nó faireachais de bheith infheidhme i gcomhréir le hAirteagal 39 nó le hAirteagal 55 de Rialachán Tarmligthe (AE) 2020/687, de réir mar is ábhartha.

Airteagal 6

Is chuig an Iorua a dhírítear an Cinneadh seo.

Airteagal 7

Is i mBéarla a bheidh an Cinneadh seo barántúil.