Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2025/1556 |
6.8.2025 |
RIALACHÁN CUR CHUN FEIDHME (AE) 2025/1556 ÓN gCOIMISIÚN
an 22 Iúil 2025
maidir le haicmiú earraí áirithe san Ainmníocht Chomhcheangailte
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 952/2013 ó Pharlaimint na hEorpa agus ón gComhairle an 9 Deireadh Fómhair 2013 lena leagtar síos Cód Custaim an Aontais (1), agus go háirithe Airteagal 57(4) agus Airteagal 58(2) de,
De bharr an mhéid seo a leanas:
|
(1) |
Chun a áirithiú go gcuirtear an Ainmníocht Chomhcheangailte atá i gceangal le Rialachán (CEE) Uimh. 2658/87 ón gComhairle (2) i bhfeidhm go haonfhoirmeach, is gá bearta a ghlacadh maidir le haicmiú na n-earraí dá dtagraítear san Iarscríbhinn a ghabhann leis an Rialachán seo. |
|
(2) |
Le Rialachán (CEE) Uimh. 2658/87, leagadh síos na rialacha ginearálta maidir le léirmhíniú na hAinmníochta Comhcheangailte. Tá feidhm ag na rialacha sin freisin maidir le haon ainmníocht eile atá bunaithe go hiomlán uirthi nó a bhfuil cuid di bunaithe uirthi nó a chuireann aon fhoroinn bhreise léi agus a bhunaítear le forálacha sonracha de chuid an Aontais, d’fhonn bearta taraife agus bearta eile i ndáil le trádáil in earraí a chur i bhfeidhm. |
|
(3) |
De bhun na rialacha ginearálta sin, na hearraí a bhfuil tuairisc orthu i gcolún (1) den tábla a leagtar amach san Iarscríbhinn, is earraí iad ba cheart a aicmiú faoin gcód AC a luaitear i gcolún (2), de bhua na gcúiseanna a leagtar amach i gcolún (3) den tábla sin. |
|
(4) |
Maidir le faisnéis taraife cheangailteach arna heisiúint i leith na n-earraí a bhaineann leis an Rialachán seo, ar faisnéis í nach bhfuil i gcomhréir leis an Rialachán seo, is iomchuí a fhoráil go bhféadfaidh an sealbhóir an fhaisnéis sin a agairt fós, go ceann tréimhse áirithe, i gcomhréir le hAirteagal 34(9) de Rialachán (AE) Uimh. 952/2013. Is tréimhse 3 mhí ba cheart a bheith sa tréimhse sin. |
|
(5) |
Níor thug an Coiste um an gCód Custaim tuairim uaidh laistigh den teorainn ama a leag Cathaoirleach an Choiste síos, |
TAR ÉIS AN RIALACHÁN SEO A GHLACADH:
Airteagal 1
Na hearraí a bhfuil tuairisc orthu i gcolún (1) den tábla a leagtar amach san Iarscríbhinn, aicmeofar iad faoi chuimsiú na hAinmníochta Comhcheangailte faoin gcód AC a luaitear i gcolún (2) den tábla sin.
Airteagal 2
Faisnéis taraife cheangailteach nach bhfuil i gcomhréir leis an Rialachán seo, féadfar í a agairt fós i gcomhréir le hAirteagal 34(9) de Rialachán (AE) Uimh. 952/2013 go ceann tréimhse 3 mhí ó dháta theacht i bhfeidhm an Rialacháin seo.
Airteagal 3
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 22 Iúil 2025.
Thar ceann an Choimisiúin,
Ar son an Uachtaráin,
Gerassimos THOMAS
An tArd-Stiúrthóir
Ard-Stiúrthóireacht an Chánachais agus an Aontais Chustaim
(1) IO L 269, 10.10.2013, lch. 1, ELI: http://data.europa.eu/eli/reg/2013/952/oj.
(2) Rialachán (CEE) Uimh. 2658/87 ón gComhairle an 23 Iúil 1987 maidir leis an ainmníocht taraife agus staidrimh agus leis an gComhtharaif Chustaim (IO L 256, 7.9.1987, lch. 1, ELI: http://data.europa.eu/eli/reg/1987/2658/oj).
IARSCRÍBHINN
|
Tuairisc ar na hearraí |
Aicmiú (Cód AC) |
Cúiseanna |
|
(1) |
(2) |
(3) |
|
Earra indiúscartha, atá thart ar 28 cm (ar fad) × 12 cm (ar leithead), atá déanta d’fhabraic theicstíle chiorclach atá cróiseáilte go dlúth as snáithíní de dhéantús an duine. Ar thaobh amháin, tá an t-earra dúnta le huaim. Ar an taobh eile, tá oscailt ag an earra le ciumhais an-leaisteach ar a bhfuil fáithim agus atá thart ar 3 cm ar leithead. Tráth an allmhairithe, cuirtear an t-earra i láthair mar réamhscagaire; cineál líneála scagaire le haghaidh ciseáin scimeála (ciseáin phlaisteacha a bhfuil struchtúr atá cosúil le heangach acu; cuirtear na ciseáin isteach sna hoscailtí trína dtaosctar linn snámha chun duilleoga agus salachar a ghabháil sula dtreoraítear an t-uisce chuig an scagaire linne). (Féach an íomhá) (*1) |
5911 90 99 |
Cinntear an t-aicmiú le rialacha ginearálta 1 agus 6 maidir le léirmhíniú na hAinmníochta Comhcheangailte, Nóta 7(d) a ghabhann le Roinn XI agus Nóta 8(b) a ghabhann le Caibidil 59 agus le foclaíocht na gcód AC 5911 , 5911 90 agus 5911 90 99 . Mar gheall ar leaisteachas agus trastomhas na ciumhaise ar a bhfuil fáithim, tá an t-earra oiriúnach lena úsáid i gciseáin scimeála ag a bhfuil trastomhais éagsúla. Mar gheall ar a chruth an-fhada agus an t-ábhar solúbtha atá ann, déantar na ciseáin a líneáil go hiomlán leis an earra. An fhabraic theicstíle atá cróiseáilte go dlúth ach atá póiriúil (chun uisce a scagadh go héifeachtúil), agus atá frithsheasmhach in aghaidh uisce agus clóirín, tá sí oiriúnach chun salachar agus smionagar a scagadh as an uisce i linn snámha. Dá bhrí sin, tá saintréithe oibiachtúla ar leith ag an earra lena sainaithnítear go bhfuil an t-earra le húsáid laistigh de chiseáin scimeála chun salachar agus smionagar a scagadh as an uisce i linn snámha de réir bhrí Nóta 8(b) a ghabhann le Caibidil 59. (Féach freisin an chéad mhír de Nóta Míniúcháin an Chórais Chomhchuibhithe a ghabhann le ceannteideal 5911 .) Dá bhrí sin, tá an t-earra le haicmiú faoi chód AC 5911 90 99 mar tháirgí agus earraí teicstíle, le haghaidh úsáidí teicniúla, a shonraítear i Nóta 8 a ghabhann le Caibidil 59. |
(*1) Is le faisnéis a thabhairt, agus lena aghaidh sin amháin, atá an íomhá anseo.
ELI: http://data.europa.eu/eli/reg_impl/2025/1556/oj
ISSN 1977-0839 (electronic edition)