|
1.8.2018 |
MT |
Il-Ġurnal Uffiċjali tal-Unjoni Ewropea |
C 270/5 |
Notifika minn qabel ta’ konċentrazzjoni
(Il-Każ M.9039 — Bain Capital/Vista/Aptean Public Sector/Superion/TriTech)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2018/C 270/04)
1.
Fil-25 ta’ Lulju 2018, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
|
— |
Bain Capital Investors, L.L.C (“Bain Capital”, l-Istati Uniti tal-Amerika), |
|
— |
Vista Equity Partners Management LLC (“Vista”, l-Istati Uniti tal-Amerika) |
|
— |
in-negozju tas-“settur pubbliku” ta’ Aptean Parent Company Sarl. (is-“Settur Pubbliku ta’ Aptean”, l-Istati Uniti tal-Amerika), li bħalissa hija kkontrollata unikament minn Vista, |
|
— |
Superion, LLC (“Superion”, l-Istati Uniti tal-Amerika), li bħalissa hija kkontrollata unikament minn Vista, |
|
— |
TriTech Software Systems, Inc. (“TriTech”, l-Istati Uniti tal-Amerika), li bħalissa hija kkontrollata unikament minn Bain Capital. |
Bain Capital u Vista, jakkwistaw fis-sens tal-Artikolu 3(1)(b) u 3 (4) tar-Regolament dwar l-Għaqdiet, il-kontroll konġunt ta’ Aptean Public Sector, Superion u TriTech.
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma:— Bain Capital: ditta privata tal-investimenti ta’ ekwità bbażata fl-Istati Uniti tal-Amerika li tinvesti f’kumpaniji madwar id-dinja f’għadd ta’ industriji, inklużi dawk tat-teknoloġija tal-informazzjoni, il-kura tas-saħħa, il-prodotti bl-imnut u għall-konsumatur, il-komunikazzjonijiet, is-servizzi finanzjarji u s-servizzi industrijali / tal-manifattura,
— Vista: kumpanija ta’ ekwità privata bbażata fl-Istati Uniti tal-Amerika li tiffoka fuq investimenti f’negozji tas-software, tad-data u negozji bbażati fuq it-teknoloġija.
— Aptean Public Sector, Superion TriTech: fornituri ta’ software ta’ intrapriża bbażati fl-Istati Uniti tal-Amerika.
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż mill-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja tiġi dejjem speċifikata:
M.9039 — Bain Capital/Vista/Aptean Public Sector/Superion/TriTech
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
|
Email: COMP-MERGER-REGISTRY@ec.europa.eu |
|
Faks: +32 22964301 |
|
Indirizz tal-posta: |
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).