(1)

L-Unjoni Ewropea tikkunsidra l-Konvenzjoni dwar il-Projbizzjoni ta' l-Iżvilupp, il-Produzzjoni u l-Ħażna ta' Armi Batterjoloġiċi (Bijoloġiċi) u Tossiċi u dwar id-Distruzzjoni Tagħhom (BTWC) bħala komponent prinċipali tal-qafas internazzjonali ta' non-proliferazzjoni u diżarm u l-pedament ta' sforzi sabiex jimpedixxu lil aġenti u tossini bijoloġiċi milli qatt jiġu żviluppati u użati bħala armi. Barra minn hekk, l-Unjoni Ewropea tibqa' impenjata għall-iżvilupp ta' miżuri sabiex tivverifika konformità mal-BTWC fil-perjodu aktar fit-tul.

(2)

Fis-17 ta' Mejju 1999 il-Kunsill adotta l-Pożizzjoni Komuni 1999/346/PESK (1) dwar il-progress lejn Protokoll, li jorbot legalment, sabiex isaħħaħ il-konformità mal-BTWC u fil-25 ta' Ġunju 1996 il-Pożizzjoni Komuni 96/408/PESK (2) dwar il-preparazzjoni għar-Raba' Konferenza ta' Reviżjoni tal-BTWC.

(3)

Fis-17 ta' Novembru 2003 il-Kunsill adotta il-Pożizzjoni Komuni 2003/805/PESK dwar l-universalizzazzjoni u r-rafforzament ta' ftehim multilaterali fil-qasam ta' non-proliferazzjoni ta' armi ta' distruzzjoni massiva u mezzi ta' twassil (3). Taħt dik il-Pożizzjoni Komuni, il-BTWC hija inkluża bħala wieħed minn dawn il-ftehim multilaterali.

(4)

Fit-12 ta' Diċembru 2003 il-Kunsill Ewropew adotta Strateġija kontra l-Proliferazzjoni ta' Armi ta' Distruzzjoni Massiva li timmira, inter alia, lejn ir-rafforzament tal-BTWC, it-tkomplija ta' riflessjoni dwar il-verifika tal-BTWC, l-appoġġ għall-implementazzjoni nazzjonali tal-BTWC, anke permezz ta' leġislazzjoni penali, u t-tisħiħ ta' konformità magħha.

(5)

Fit-28 ta' April 2004 l-Kunsill tas-Sigurtà tan-Nazzjonijiet Uniti adotta b'mod unanimu r-Riżoluzzjoni 1540 (2004), li tiddeskrivi l-proliferazzjoni ta' armi ta' qerda tal-massa u l-mezzi ta' kunsinna tagħhom bħala theddida għall-paċi u s-sigurtà internazzjonali. L-implementazzjoni tad-disposizzjonijiet ta' din ir-Riżoluzzjoni tikkontribwixxi għall-implementazzjoni tal-BTWC.

(6)

Fl-1 ta' Ġunju 2004 l-Kunsill adotta dikjarazzjoni ta' sostenn għall-Inizjattiva ta' Sigurtà kontra il-Proliferazzjoni ta' Armi ta' Distruzzjoni Massiva.

(7)

Fl-14 ta' Novembru 2002 l-Istati Partijiet għall-BTWC ddeċiedew, b'kunsens, li jżommu tliet laqgħat annwali ta' l-Istati Partijiet għal tul ta' ġimgħa b'bidu mill-2003 sas-Sitt Konferenza ta' Reviżjoni, li ser tinżamm mhux aktar tard mill-aħħar ta' l-2006. Kull laqgħa ta' l-Istati Partijiet tkun imħejjija minn laqgħa ta' ġimgħatejn ta' esperti, u s-Sitt Konferenza ta' Reviżjoni tikkunsidra l-ħidma ta' dawn il-laqgħat u tiddeċiedi dwar kwalunkwe azzjoni ulterjuri. L-Istati Partijiet iddeċiedew li s-Sitt Konferenza ta' Reviżjoni tinżamm f'Ġinevra fl-2006, u tkun ippreċeduta minn Kumitat Preparatorju.

(8)

Fit-13 ta' Diċembru 1982 l-Assemblea Ġenerali tan-Nazzjonijiet Uniti adottat Riżoluzzjoni (A/RES/37/98) dwar Armi Kimiċi u Batterjoloġiċi (Bijoloġiċi) fejn talbet lis-Segretarju-Ġenerali tan-Nazzjonijiet Uniti sabiex jinvestiga l-informazzjoni li tista' tinġab għall-attenzjoni tiegħu dwar attivitajiet li jistgħu jikkostitwixxu vjolazzjoni tal-Protokoll ta' Ġinevra ta' l-1925. Fis-26 ta' Awissu 1988 il-Kunsill tas-Sigurtà tan-Nazzjonijiet Uniti adotta r-Riżoluzzjoni 620 li, inter alia, tinkoraġġixxi lis-Segretarju-Ġenerali li jwettaq minnufih investigazzjonijiet bħala rispons għall-allegazzjonijiet dwar l-użu possibbli ta' armi kimiċi u batterjoloġiċi (bijoloġiċi) jew tossiċi li jistgħu jikkostitwixxu vjolazzjoni tal-Protokoll ta' Ġeniva ta' l-1925.

(9)

Fis-27 ta' Frar 2006 l-Unjoni Ewropea qablet ma' l-Azzjoni Konġunta fir-rigward tal-BTWC bl-objettivi li tippromwovi l-universalità tal-BTWC u tappoġġa l-implementazzjoni tagħha mill-Istati Partijiet sabiex jiġi żgurat li l-Istati Partijiet jittrasponu l-obbligi internazzjonali tal-BTWC fil-leġislazzjoni nazzjonali u l-miżuri amministrattivi tagħhom.

(10)

Parallelment ma' l-Azzjoni Konġunta, l-Unjoni Ewropea qablet dwar Pjan ta' Azzjoni fir-rigward tal-BTWC fejn l-Istati Membri ta' l-UE ħadu l-impenn li jissottomettu r-riżultati ta' Miżuri ta' Bini ta' Fiduċja lin-Nazzjonijiet Uniti f'April 2006 u l-listi ta' esperti u laboratorji rilevanti lis-Segretarju-Ġenerali tan-Nazzjonijiet Uniti sabiex tiġi ffaċilitata kwalunkwe investigazzjoni ta' użu allegat ta' Armi Kimiċi u Bioloġiċi.

(11)

Fid-dawl tal-Konferenza ta' Reviżjoni tal-BTWC li jmiss matul l-perjodu mill-20 ta' Novembru sat-8 ta' Diċembru 2006 u l-Kumitat Preparatorju tagħha mis-26 sat-28 ta' April 2006, huwa xieraq li tiġi aġġornata l-pożizzjoni ta' l-Unjoni Ewropea,

(a)

tikkontribwixxi għal reviżjoni sħiħa tal-funzjonament tal-BTWC fis-Sitt Konferenza ta' Reviżjoni, inkluża l-implementazzjoni ta' l-impenji ta' l-Istati Partijiet taħt il-BTWC;

(b)

tappoġġa programm ta' ħidma intersessjonali ulterjuri matul il-perjodu bejn is-Sitt u s-Seba' Konferenza ta' Reviżjoni u tiddentifika oqsma u proċeduri speċifiċi għal progress ulterjuri taħt dan il-programm ta' ħidma;

(ċ)

tappoġġa s-Seba' Konferenza ta' Reviżjoni tal-BTWC, li għandha tinżamm mhux aktar tard mill-2011;

(d)

tgħin tibni kunsens għal riżultat b'suċċess tas-Sitt Konferenza ta' Reviżjoni, abbażi tal-qafas stabbilit minn tali Konferenzi preċedenti, u għandha tippromwovi, inter alia, l-kwistjonijiet essenzjali li ġejjin:

(a)

ftehim mill-Istati Membri dwar proposti speċifiċi, prattiċi u fattibbli għat-titjib effettiv ta' l-implementazzjoni tal-BTWC għal preżentazzjoni f'isem l-Unjoni Ewropea għal konsiderazzjoni mill-Istati Partijiet għall-Konvenzjoni fis-Sitt Konferenza ta' Reviżjoni;

(b)

fejn xieraq, approċċi mill-Presidenza, skond l-Artikolu 18 tat-Trattat dwar l-Unjoni Ewropea

(ċ)

Dikjarazzjonijiet mill-Unjoni Ewropea magħmula mill-Presidenza fil-perjodu ta' preparazzjoni għal u matul il-Konferenza ta' Reviżjoni.