(1)

Foráiltear le hAirteagal 9(2) de Chinneadh (CBES) 2017/2315 go bhfuil an Chomhairle chun a chinneadh, i gcomhréir le hAirteagal 46(6) den Chonradh, cé acu an gcomhlíonann nó nach gcomhlíonann tríú Stát, ar Stát é ar mian leis na Ballstáit rannpháirteacha atá páirteach i dtionscadal cuireadh a thabhairt dó páirt a ghlacadh sa tionscadal sin, na ceanglais atá le bunú ag an gComhairle.

(2)

An 6 Márta 2018, ghlac an Chomhairle Cinneadh (CBES) 2018/340 (3). Foráiltear in Airteagal 1 den Chinneadh sin go ndéanfaidh 24 chomhalta tionscadail, lena n-áirítear an Ísiltír ina cáil mar chomhordaitheoir tionscadail, tionscadal dar teideal “Soghluaisteacht Mhíleata” (“tionscadal Soghluaisteacht Mhíleata PESCO”) a fhorbairt faoi PESCO.

(3)

An 5 Samhain 2020, ghlac an Chomhairle Cinneadh (CBES) 2020/1639 lena mbunaíodh na coinníollacha ginearálta faoina bhféadfaí cuireadh eisceachtúil a thabhairt do thríú Stáit a bheith rannpháirteach i dtionscadail aonair PESCO. Foráiltear le hAirteagal 2(4) den Chinneadh sin go bhfuil an Chomhairle chun a chinneadh, bunaithe ar fhógra ó chomhordaitheoir nó ó chomhordaitheoirí tionscadail de chuid PESCO agus tar éis don Choiste Polaitiúil agus Slándála (PSC) tuairim a thabhairt uaidh, i gcomhréir le hAirteagal 46(6) den Chonradh agus le hAirteagal 9(2) de Chinneadh (CBES) 2017/2315, cé acu an gcomhlíonann nó nach gcomhlíonann rannpháirtíocht an tríú Stát sa tionscadal sin na coinníollacha a leagtar amach in Airteagal 3 de Chinneadh (CBES) 2020/1639.

(4)

An 12 Feabhra 2021, chuir Ríocht na hIorua (“an Iorua”) chuig comhordaitheoir thionscadal “Soghluaisteacht Mhíleata” PESCO a hiarraidh ar rannpháirtíocht sa tionscadal sin, i gcomhréir le hAirteagal 2(1) de Chinneadh (CBES) 2020/1639. Rinne comhaltaí an tionscadail measúnú ansin, ar bhonn na faisnéise a chuir an Iorua ar fáil, an gcomhlíonann sí na coinníollacha ginearálta, i gcomhréir le hAirteagal 2(2) den Chinneadh sin.

(5)

An 19 Márta 2021, thug comhordaitheoir thionscadal “Soghluaisteacht Mhíleata” PESCO fógra don Chomhairle agus d’Ardionadaí an Aontais do Ghnóthaí Eachtracha agus don Bheartas Slándála, i gcomhréir le hAirteagal 2(3) de Chinneadh (CBES) 2020/1639, gur chomhaontaigh comhaltaí tionscadail d’aon toil an tionscadal sin ar an dáta sin gur mian leo cuireadh a thabhairt don Iorua a bheith rannpháirteach sa tionscadal sin. Chomhaontaigh na comhaltaí tionscadail d’aon toil chomh maith maidir le raon feidhme, foirm agus céimeanna ábhartha rannpháirtíocht na hIorua sa tionscadal sin agus go gcomhlíonann an Iorua na coinníollacha ginearálta a leagtar amach in Airteagal 3 den Chinneadh sin.

(6)

An 30 Márta 2021, chomhaontaigh an Coiste Polaitiúil agus Slándála tuairim faoin bhfógra maidir leis an iarraidh ón Iorua a bheith rannpháirteach i dtionscadal “Soghluaisteacht Mhíleata” PESCO. Go háirithe, thug an Coiste Polaitiúil agus Slándála dá aire an tuairisc ar an dtionscadal sin de réir mar a fhoráiltear san fhógra, lena n-áirítear a chuspóirí, a eagrúchán agus an chinnteoireacht a bhaineann leis, chomh maith leis na réimsí oibre a ndírítear orthu. Thug an Coiste Polaitiúil agus Slándála ar aird freisin nach gcomhroinntear aon fhaisnéis rúnaicmithe ná íogair de chuid an Aontais Eorpaigh laistigh den tionscadal sin, agus nach bhfuil an tionscadal á chur chun feidhme le tacaíocht ón nGníomhaireacht Eorpach um Chosaint de réir bhrí Airteagal 3(g) de Chinneadh (CBES) 2020/1639. Thairis sin, thug an Coiste Polaitiúil agus Slándála dá aire nach bhfuil soláthar armála, ná taighde agus forbairt cumais, ná úsáid agus onnmhairiú arm nó cumas agus teicneolaíochta i gceist leis an tionscadal “Soghluaisteacht Mhíleata” PESCO; agus nach bhfuil baint ag eintitis, infheistíochtaí ná ag cistiú ó Bhallstáit rannpháirteacha PESCO leis ná ag iarrataí ar chistiú ón Aontas le haghaidh gníomhaíochtaí tionscadail.

(7)

Ina thuarim uaidh, d’aontaigh an Coiste Polaitiúil agus Slándála freisin lena bhfuil beartaithe maidir le raon feidhme, foirm agus méid rannpháirtíocht na hIorua sa tionscadal “Soghluaisteacht Mhíleata” PESCO, de réir mar a thuairiscítear san fhógra iad. D’admhaigh sé go raibh sé curtha in iúl ag an Iorua go dtacaíonn sí go hiomlán le raon feidhme an tionscadail mar a shainítear san fhógra é.

(8)

Sa tuairim chéanna, dhearbhaigh an Coiste Polaitiúil agus Slándála an tuairim arna chomhaontú d’aon toil ag comhaltaí an tionscadail “Soghluaisteacht Mhíleata” PESCO go gcomhlíonann an Iorua na coinníollacha ginearálta a leagtar amach in Airteagal 3 de Chinneadh (CBES) 2020/1639, mar a leanas:

(9)

Mhol an Coiste Polaitiúil agus Slándála ina thuairim uaidh an 30 Márta 2021, go ndéanfadh an Chomhairle cinneadh dearfach i dtaobh an gcomhlíonann rannpháirtíocht na hIorua i dtionscadal “Soghluaisteacht Mhíleata” PESCO na coinníollacha a leagtar amach in Airteagal 3 de Chinneadh (CBES) 2020/1639.

(10)

Ba cheart don Chomhairle, dá bhrí sin, cinneadh a dhéanamh go gcomhlíonann rannpháirtíocht na hIorua i dtionscadal “Soghluaisteacht Mhíleata” PESCO na coinníollacha a leagtar amach in Airteagal 3 de Chinneadh (CBES) 2020/1639. Dá éis sin, tá comhordaitheoir thionscadal PESCO le cuireadh a sheoladh chuig Ceanada chun páirt a ghlacadh sa tionscadal sin, thar ceann chomhaltaí an tionscadail. Tosóidh an Iorua le bheith rannpháirteach sa tionscadal sin ar an dáta a shonraítear sa socrú riaracháin atá le déanamh ag comhaltaí an tionscadail agus ag an Iorua, i gcomhréir le hAirteagal 2(7) de Chinneadh (CBES) 2020/1639, agus na cearta agus na hoibleagáidí arna gcinneadh sa socrú riaracháin sin le bheith ag an Iorua, i gcomhréir le hAirteagal 4(1) den Chinneadh sin. Feidhmeoidh an Chomhairle a maoirseacht i gcomhréir le hAirteagal 5(2) de Chinneadh (CBES) 2020/1639, agus i gcás imthosca dá dtagraítear in Airteagal 6(2) nó (3) den Chinneadh sin, féadfaidh an Chomhairle cinntí breise a dhéanamh,