<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.6-->
  <head>
    <title>2021-04-202104C115201905150-00-TRA-DOC-MT-CONCL-C-0515-19-202009747-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="13/12/2020 13:42:35" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="CNC" name="TypeDoc"/>
    <meta content="hOWghUPc736F3wOpmKvnOK5PBqxBYpM6QJ3lYZ7Bfe73zlzPfHWmIwKxPlg9VZJJvsw0gbeqTIVDSNYquidf5aF9ELzxKgpSXspdB9PbTE+6sx64xxPiRhfPo0lGSJsqBsGgmTEB5tINyZzZZveA5exvuWaywWvNUsrLgiLNWbE=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="nde" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="0515" name="NumeroOrdre"/>
    <meta content="2019" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="nde" name="Gendoc_DGTGeneratedUser"/>
    <meta content="FAST_document_go_green" name="Gendoc_LastVerificationStatus"/>
    <meta content="CNC_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 16/11/2020 07:51:12" name="Created"/>
    <meta content="" name="Canevas3_Vademecum"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="a1bfe5c9a237423e8db5b970616b142a" name="DocumentIdentifier"/>
    <meta content="0515" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
  </head>
  <body>
    <div style="header">
      <div id="rId25" style="first"/>
      <div id="rId21" style="even">Konklużjonijiet Saugmandsgaard Øe – Kawża C‑515/19</div>
      <div id="rId22" style="default">Eutelsat</div>
    </div>
    <p class="C36Centre" id="para-1" title="page-1">
      KONKLUŻJONIJIET TAL-AVUKAT ĠENERALI
    </p>
    <p class="C36Centre" id="para-2" title="page-1">
      SAUGMANDSGAARD ØE
    </p>
    <p class="C36Centre" id="para-3" title="page-1">
      ippreżentati fit-12 ta’ Novembru 2020  (<span class="note footnote notemarker">
<a id="c-1" href="#t-1">1</a>
</span>)
      
    </p>
    <p class="C38Centregrasgrandespacement" id="para-4" title="page-1">
      Kawża C‑515/19
    </p>
    <p class="C37Centregras" id="para-5" title="page-1">
      Eutelsat SA
    </p>
    <p class="C37Centregras" id="para-6" title="page-1">
      vs
    </p>
    <p class="C37Centregras" id="para-7" title="page-1">
      Autorité de régulation des communications électroniques et des postes,
    </p>
    <p class="C37Centregras" id="para-8" title="page-1">
      Inmarsat Ventures SE, li kienet Inmarsat Ventures Ltd,
    </p>
    <p class="C37Centregras" id="para-9" title="page-1">
      fil-preżenza ta’
    </p>
    <p class="C37Centregras" id="para-10" title="page-1">
      Viasat Inc.,
    </p>
    <p class="C37Centregras" id="para-11" title="page-1">
      Viasat UK Ltd
    </p>
    <p class="C39Centreespacement" id="para-12" title="page-1">
      (talba għal deċiżjoni preliminari mressqa mill-Conseil d’État (il-Kunsill tal-Istat, Franza))
    </p>
    <p class="C71Indicateur" id="para-13" title="page-1">
      “Rinviju għal deċiżjoni preliminari – Networks u servizzi ta’ komunikazzjonijiet elettroniċi – Deċiżjoni 2007/98/KE – Użu armonizzat tal-ispektrum tar-radju fil-meded ta’ frekwenzi ta’ 2 GHz – Sistemi li jipprovdu servizzi mobbli permezz tas-satellita – Deċiżjoni Nru 626/2008/KE – Għażla u awtorizzazzjoni – Artikolu 2(2) – Sistema mobbli permezz tas-satellita – Kunċett ta’ ‘stazzjon mobbli terrestri’ – Kunċett ta’ ‘komponenti terrestri ‘kumplimentari’ – Artikolu 4(1)(ċ)(ii) – Obbligu li tkopri tal-inqas 60 % tat-territorju tal-Unjoni – Artikolu 7(1) – Nuqqas ta’ osservanza – Konsegwenzi”
    </p>
    <p class="C02AlineaAltA" id="para-14" title="page-1">
      
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">I.</p>
</td>
<td valign="top">
<p class="normal">Introduzzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">It-talba għal deċiżjoni preliminari mressqa mill-Conseil d’État (il‑Kunsill tal-Istat, Franza) tirrigwarda s-sistema “European Aviation Network” (Network tal-Avjazzjoni Ewropea, iktar ’il quddiem is‑“sistema NAE”) implimentata minn Inmarsat Ventures SE, li kienet Inmarsat Ventures Ltd, (iktar ’il quddiem “Inmarsat”), li hija intiża sabiex tipprovdi konnessjoni tal-internet lil ajruplani li jkunu qegħdin itiru fit‑territorju tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Din it-talba tressqet fil-kuntest ta’ rikors għal annullament ippreżentat minn Eutelsat SA kontra deċiżjoni tal-Autorité de régulation des communications électroniques et des postes (l-Awtorità Regolatorja għall‑Komunikazzjonijiet Elettroniċi u Postali, iktar ’il quddiem l‑“ARKEP”) li tawtorizza lil Inmarsat tuża komponenti terrestri kumplimentari fil-qafas tas-sistema NAE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3.</p>
</td>
<td valign="top">
<p class="normal">Din id-deċiżjoni tal-ARKEP issegwi d-Deċiżjoni 2009/449/KE  (<span class="note footnote notemarker">
<a id="c-2" href="#t-2">2</a>
</span>) li permezz tagħha l-Kummissjoni għażlet lil Inmarsat u Solaris Mobile Limited bħala operaturi ta’ sistemi mobbli permezz tas-satellita awtorizzati jużaw il-medda ta’ frekwenzi ta’ 2 GHz, b’mod konformi mad-Deċiżjoni 2007/98/KE  (<span class="note footnote notemarker">
<a id="c-3" href="#t-3">3</a>
</span>) u mad-Deċiżjoni Nru 626/2008/KE  (<span class="note footnote notemarker">
<a id="c-4" href="#t-4">4</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4.</p>
</td>
<td valign="top">
<p class="normal">Essenzjalment, id-domandi magħmula mill-qorti tar-rinviju huma intiżi sabiex jistabbilixxu jekk is-sistema NAE implimentata minn Inmarsat, u b’mod partikolari, il-komponent terrestri ta’ din is-sistema, huwiex konformi mal-kriterji stabbiliti bid-Deċiżjoni Nru 626/2008.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5.</p>
</td>
<td valign="top">
<p class="normal">Jiena ser nipproponi lill-Qorti tal-Ġustizzja sabiex tirrispondi għal dawn id-domandi fl-affermattiv.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">II.</p>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Id-Deċiżjoni 2007/98</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6.</p>
</td>
<td valign="top">
<p class="normal">L-Artikolu 1 tad-Deċiżjoni 2007/98/KE jistipula:</p>
</td>
</tr>
</table>
    <p class="C02AlineaAltA" id="para-24" title="page-4">
      “L-għan ta’ din id-Deċiżjoni huwa li jiġu armonizzati l-kundizzjonijiet għad-disponibbiltà u l-effiċjenza ta’ l-użu tal-medda ta’ frekwenzi 1 980 ‑ 2 010 MHz (mid-Dinja sal-ispazju) u 2 170 – 2 200 MHz (mill‑ispazju sad‑Dinja) għal sistemi li jipprovdu servizzi satellitari mobbli [f l‑Unjoni].”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7.</p>
</td>
<td valign="top">
<p class="normal">Skont l-Artikolu 2 ta’ din id-deċiżjoni, “sistemi li jipprovdu servizzi satellitari mobbli” huma s-sistemi li kapaċi jipprovdu servizzi ta’ komunikazzjoni bir-radju bejn stazzjon mobbli terrestri u stazzjon wieħed jew iktar spazjali, jew bejn stazzjonijiet mobbli terrestri permezz ta’ stazzjon spazjali wieħed jew iktar, jew bejn stazzjon mobbli terrestri u stazzjonijiet terrestri kumplimentari wieħed jew iktar użati f’postijiet fissi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8.</p>
</td>
<td valign="top">
<p class="normal">L-Artikolu 3 ta’ din id-deċiżjoni jistipula:</p>
</td>
</tr>
</table>
    <p class="C02AlineaAltA" id="para-27" title="page-4">
      “1. L-Istati Membri għandhom jassenjaw u joffru sa mill-1 ta’ Lulju 2007 il-meded kollha ta’ frekwenzi 1 980 – 2 010 MHz and 2 170 ‑ 2 200 MHz għal sistemi li jipprovdu servizzi satellitari mobbli.
    </p>
    <p class="C02AlineaAltA" id="para-28" title="page-4">
      […]
    </p>
    <p class="C02AlineaAltA" id="para-29" title="page-4">
      2. Kull stazzjon kumplimentari bbażat fuq l-art għandu jkun parti integrali minn sistema satellitari mobbli u għandu jkun ikkontrollat mis‑sistema tal-ġestjoni tar-riżorsi u tan-netwerk satellitari. Għandu juża l-istess direzzjoni ta’ trasmissjoni u l-istess partijiet tal-meded ta’ frekwenzi li jużaw komponenti satellitari assoċjati miegħu u ma għandux iżid ir-rekwiżit ta’ l-spektrum għas-sistemi satellitari mobbli assoċjati miegħu.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Id-Deċiżjoni Nru 626/2008</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9.</p>
</td>
<td valign="top">
<p class="normal">L-Artikolu 1(1) tad-Deċiżjoni Nru 626/2008 huwa fformulat kif ġej:</p>
</td>
</tr>
</table>
    <p class="C02AlineaAltA" id="para-32" title="page-4">
      “L-għan ta’ din id-Deċiżjoni huwa li tiffaċilita l-iżvilupp ta’ suq intern kompetittiv għas-servizzi mobbli permezz tas-satellita (“servizzi MSS”) madwar [l-Unjoni] u li tiżgura kopertura gradwali fl-Istati Membri kollha.
    </p>
    <p class="C02AlineaAltA" id="para-33" title="page-4">
      Din id-Deċiżjoni toħloq proċedura Komunitarja għall-għażla komuni ta’ l-operaturi ta’ sistemi mobbli permezz tas-satellita li jużaw il-medda ta’ frekwenzi ta’ 2 GHz konformement mad-Deċiżjoni 2007/98/KE, inkluż l-ispektrum tar-radju minn 1 980 sa 2 010 MHz għandhom japplikaw mid-dinja għall-ispazju, u minn 2 170 sa 2 200 MHz għall‑komunikazzjoni mill-ispazju għad-dinja. Id-Deċiżjoni tistipula wkoll dispożizzjonijiet għall-awtorizzazzjoni kkoordinata mill-Istati Membri ta’ l-operaturi magħżula sabiex jużaw l-ispektrum tar-radju allokat fi ħdan din il-medda għall-operazzjoni ta’ sistemi mobbli permezz tas-satellita.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10.</p>
</td>
<td valign="top">
<p class="normal">L-Artikolu 2(2) ta’ din id-deċiżjoni jistipula:</p>
</td>
</tr>
</table>
    <p class="C02AlineaAltA" id="para-35" title="page-4">
      “Id-definizzjonijiet li ġejjin għandhom japplikaw ukoll:
    </p>
    <p class="C09Marge0avecretrait" id="para-36" title="page-5">
      a) ‘sistemi mobbli permezz tas-satellita’ tfisser netwerks ta’ komunikazzjoni elettronika u faċilitajiet assoċjati li jkunu kapaċi jipprovdu servizzi ta’ komunikazzjoni bir-radju bejn stazzjon mobbli terrestri u stazzjon spazjali wieħed jew aktar, jew bejn stazzjonjiet mobbli terrestri permezz ta’ stazzjon spazjali jew aktar, jew bejn stazzjon mobbli terrestri u komponent terrestri komplementari jew aktar użati f’siti fissi. Tali sistema għandha tinkludi mill-anqas stazzjon terrestri [spazjali] wieħed;
    </p>
    <p class="C09Marge0avecretrait" id="para-37" title="page-5">
      b) ‘komponenti terrestri komplementari’ ta’ sistemi mobbli permezz tas-satellita tfisser stazzjonjiet terrestri wżati f’siti fissi, sabiex itejbu d-disponibbiltà tas-servizzi MSS f’żoni ġeografiċi koperti mill-firxa tas-satellita jew satelliti tas-sistema, fejn il‑komunikazzjoni ma’ stazzjon spazjali jew aktar ma tistax tkun garantita bil-kwalità meħtieġa.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">C.</p>
</td>
<td valign="top">
<p class="normal">Id-Deċiżjoni 2009/449</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11.</p>
</td>
<td valign="top">
<p class="normal">Sabiex teżegwixxi d-Deċiżjoni Nru 626/2008, il-Kummissjoni għażlet, permezz tad-Deċiżjoni 2009/449, lil Inmarsat u Solaris Mobile Limited bħala operaturi ta’ sistemi mobbli permezz tas-satellita awtorizzati jużaw il-medda ta’ frekwenzi ta’ 2 GHz, skont id‑Deċiżjoni 2007/98.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">III.</p>
</td>
<td valign="top">
<p class="normal">Il-kawża prinċipali, id-domandi preliminari u l-proċedura quddiem il-Qorti tal-Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12.</p>
</td>
<td valign="top">
<p class="normal">Bid-Deċiżjoni Nru 2014‑1257 tal-21 ta’ Ottubru 2014, l-ARKEP awtorizzat lil Inmarsat sabiex tuża l-frekwenzi msemmija fid‑Deċiżjoni 2009/449 fi Franza metropolitana.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13.</p>
</td>
<td valign="top">
<p class="normal">Bid-Deċiżjoni Nru 2018‑0001 tat-22 ta’ Frar 2018, l-ARKEP tat lil Inmarsat l-awtorizzazzjoni li tuża komponenti terrestri kumplimentari ta’ sistema mobbli permezz tas-satellita.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14.</p>
</td>
<td valign="top">
<p class="normal">Huwa kontra din it-tieni deċiżjoni li Eutelsat ippreżentat rikors għal annullament quddiem il-Kunsill tal-Istat. Viasat Inc u Viasat UK Ltd (iktar ’il quddiem, flimkien, “Viasat”) intervjenew fil-kawża prinċipali insostenn ta’ dan ir-rikors.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15.</p>
</td>
<td valign="top">
<p class="normal">Mill-provi prodotti minn dik il-qorti jirriżulta li Inmarsat għandha l-ħsieb li tuża l-awtorizzazzjoni mogħtija permezz tad‑Deċiżjoni 2009/449 sabiex tiżviluppa s-sistema NAE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16.</p>
</td>
<td valign="top">
<p class="normal">Is-sistema NAE tippermetti li jiġi żgurat servizz mobbli għal ajruplani permezz ta’ trażmissjonijiet bis-satellita, li jiġu rċevuti permezz ta’ terminal li jinsab fuq il-qafas tal-ajruplani, u ta’ trażmissjonijiet li jitilqu minn komponenti terrestri kumplimentari stazzjonati fit-territorju tal-Unjoni, li jiġu rċevuti minn terminal li jinsab taħt il-qafas tal-ajruplani. Dawn it‑trażmissjonijiet kollha jseħħu fuq il-medda ta’ frekwenza mogħtija lil Inmarsat bid-Deċiżjoni 2009/449. Din is-sistema tuża satellita li bdiet tintuża fid-29 ta’ Awwissu 2017.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17.</p>
</td>
<td valign="top">
<p class="normal">Insostenn tar-rikors għal annullament tagħha, Eutelsat ressqet diversi argumenti intiżi sabiex juru li s-sistema NAE implimentata minn Inmarsat ma hijiex konformi mad-dispożizzjonijiet tad-Deċiżjoni Nru 626/2008, li jwassal għan-nullità tad-deċiżjoni tal-ARKEP tat-22 ta’ Frar 2018.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18.</p>
</td>
<td valign="top">
<p class="normal">Wara li kkonstata li dawn l-argumenti kienu jippreżentaw diversi diffikultajiet ta’ interpretazzjoni tad-dritt tal-Unjoni, il-Kunsill tal-Istat iddeċieda li jissospendi l-proċeduri u li jagħmel lill-Qorti tal-Ġustizzja s‑segwenti domandi preliminari:</p>
</td>
</tr>
</table>
    <p class="C09Marge0avecretrait" id="para-48" title="page-6">
      “1) Liema kriterji legali jistgħu jintużaw sabiex jiġi identifikat stazzjon mobbli terrestri fis-sens tad-Deċiżjoni Nru 626/2008 […]? Din id‑deċiżjoni għandha tinqara bħala li tirrikjedi li stazzjon mobbli terrestri li jikkomunika ma’ komponenti terrestri kumplimentari jista’ wkoll, mingħajr tagħmir separat, jikkomunika ma’ satellita? Kif, jekk fl-affermattiv, għandu jiġi evalwat jekk it-tagħmir huwiex l-istess?
    </p>
    <p class="C09Marge0avecretrait" id="para-49" title="page-6">
      2) Id-dispożizzjonijiet tal-Artikolu 2(2) ta’ dik l-istess deċiżjoni għandhom jiġu interpretati fis-sens li sistema mobbli permezz tas‑satellita għandha tkun ibbażata prinċipalment fuq komponenti satellitari jew jippermettu li jitqies li r-rwol rispettiv ta’ komponenti satellitari u terrestri huwa irrilevanti, inkluż f’konfigurazzjoni fejn il-komponent satellitari huwa utli biss meta l-komunikazzjonijiet ma’ komponenti terrestri ma jistgħux jiġu żgurati? Jistgħu jiġu installati komponenti terrestri kumplimentari sabiex ikopru t‑territorju kollu tal-Unjoni Ewropea għar-raġuni li l-istazzjonjiet spazjali fl-ebda punt ma jistgħu jiżguraw il-kwalità rikjesta ta’ komunikazzjonijiet fis-sens tal-Artikolu 2(2)(b)?
    </p>
    <p class="C09Marge0avecretrait" id="para-50" title="page-6">
      3) Fil-każ li l-operatur magħżul konformement mat-Titolu II ta’ din id-deċiżjoni ma osservax l-impenji għal dak li jirrigwarda l‑kopertura tat-territorju ddefiniti fl-Artikolu 7(2) sat-terminu previst fl-Artikolu 4(1)(ċ)(ii), l-awtoritajiet kompetenti tal-Istati Membri għandhom jirrifjutaw li jagħtu awtorizzazzjonijiet għall‑operazzjoni ta’ komponenti terrestri kumplimentari? Fil-każ ta’ risposta negattiva, jistgħu jirrifjutaw li jagħtu dawn l‑awtorizzazzjonijiet?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19.</p>
</td>
<td valign="top">
<p class="normal">It-talba għal deċiżjoni preliminari tat‑28 ta’ Ġunju 2019 ġiet irreġistrata fir-Reġistru tal-Qorti tal-Ġustizzja fit-8 ta’ Lulju 2019.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20.</p>
</td>
<td valign="top">
<p class="normal">Eutelsat, Inmarsat, Viasat, il-Gvern Franċiż, Belġjan u dak tar‑Renju Unit, kif ukoll il-Kummissjoni Ewropea ppreżentaw osservazzjonijiet bil-miktub u wieġbu bil-miktub diversi mistoqsijiet li saru mill-Qorti tal‑Ġustizzja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">IV.</p>
</td>
<td valign="top">
<p class="normal">Analiżi</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21.</p>
</td>
<td valign="top">
<p class="normal">Mill-proċess ippreżentat lill-Qorti tal-Ġustizzja jirriżulta li l‑kawża ppreżentata minn Eutelsat, u sostnuta minn Viasat, quddiem il‑qorti tar-rinviju tagħmel parti minn numru ta’ kawżi, ippreżentati quddiem il-qrati tal-Unjoni  (<span class="note footnote notemarker">
<a id="c-5" href="#t-5">5</a>
</span>) u quddiem il-qrati nazzjonali b’mod partikolari fir-Renju Unit, fil-Ġermanja, fl-Italja, fi Spanja u fil-Belġju, li permezz tagħhom dawn il-partijiet qegħdin jippruvaw jipprekludu l-użu minn Inmarsat tal-medda ta’ frekwenza ta’ 2 GHz permezz ta’ komponenti terrestri kumplimentari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22.</p>
</td>
<td valign="top">
<p class="normal">Fil-kuntest ta’ din il-kawża, il-Qorti tal-Ġustizzja hija mitluba, essenzjalment, teżamina tliet argumenti mressqa minn Eutelsat sabiex tikkonstata l-validità tal-awtorizzazzjoni mogħtija mill-ARKEP lil Inmarsat sabiex tuża komponenti terrestri kumplimentari fi Franza, liema eżami jirrikjedi l-interpretazzjoni ta’ dispożizzjonijiet tad-dritt tal‑Unjoni. Dawn it-tliet argumenti jikkorrispondu għat-tliet domandi magħmula mill-qorti tar-rinviju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23.</p>
</td>
<td valign="top">
<p class="normal">Fl-ewwel lok, Eutelsat issostni li, f’sistema bħas-sistema NAE implimentata minn Inmarsat, it-terminal installat taħt il-qafas tal-ajruplan sabiex jikkomunika mal-komponenti terrestri kumplimentari ma jikkostitwixxix “stazzjon mobbli terrestri”, b’tali mod li dawn il‑komponenti ma jiffurmawx parti integrali ta’ “sistema mobbli permezz tas-satellita” fis-sens tal-Artikolu 2(2)(a) tad-Deċiżjoni Nru 626/2008.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24.</p>
</td>
<td valign="top">
<p class="normal">Fit-tieni lok, Eutelsat tiddikjara li l-komponenti terrestri ma jistgħux, fid-dawl tal-importanza predominanti tagħhom, jiġu kkunsidrati bħala “kumplimentari” f’sistema bħas-sistema NAE, b’tali mod li din tal‑aħħar ma tikkostitwixxix “sistema mobbli permezz tas-satellita” fis‑sens tad-dispożizzjoni ċċitata iktar ’il fuq.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25.</p>
</td>
<td valign="top">
<p class="normal">Fit-tielet lok, Eutelsat tiddikjara li l-awtoritajiet nazzjonali ma jistgħux jagħtu lil Inmarsat l-awtorizzazzjoni li tuża komponenti terrestri kumplimentari fit-territorju tagħhom minħabba li din tal-aħħar ma osservatx l-obbligi ta’ kopertura tat-territorju fid-data prevista fl‑Artikolu 4(1)(ċ)(ii) tad-Deċiżjoni Nru 626/2008.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26.</p>
</td>
<td valign="top">
<p class="normal">Fil-kumplament tal-konklużjonijiet tiegħi, ser nesponi r-raġunijiet li għalihom nikkunsidra li hemm lok li kull argument invokat minn Eutelsat jiġi miċħud. Fi kliem ieħor, jiena ser nipproponi lill-Qorti tal‑Ġustizzja tirrispondi għad-domandi magħmula fis-sens li d‑dispożizzjonijiet rilevanti tad-dritt tal-Unjoni ma jikkontestawx il‑validità tal-awtorizzazzjoni miksuba minn Inmarsat sabiex tuża komponenti terrestri kumplimentari fi Franza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Fuq il-kunċetti ta’ “sistema mobbli permezz tas-satellita” u ta’ “stazzjon mobbli terrestri” fis-sens tal-Artikolu 2(2)(a) tad-Deċiżjoni Nru 626/2008 (l-ewwel domanda)</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27.</p>
</td>
<td valign="top">
<p class="normal">Permezz tal-ewwel domanda tagħha, il-qorti tar-rinviju tistaqsi, essenzjalment, jekk l-Artikolu 2(2)(a) tad-Deċiżjoni Nru 626/2008 għandux jiġi interpretat fis-sens li, f’sistema bħas-sistema NAE inkwistjoni fil-kawża prinċipali, il-komponenti terrestri kumplimentari jikkomunikaw ma’ “stazzjon mobbli terrestri” u, għalhekk, jiffurmaw parti integrali minn “sistema mobbli permezz tas-satellita”, fid-dawl tal‑fatt li din is-sistema tinkludi żewġ terminals ta’ riċezzjoni separati konnessi permezz ta’ apparat ta’ komunikazzjoni, l-ewwel wieħed imqiegħed fuq il-qafas ta’ ajruplan u li jikkomunika ma’ satellita, it-tieni wieħed imqiegħed taħt il-qafas u li jikkomunika mal-komponenti terrestri kumplimentari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28.</p>
</td>
<td valign="top">
<p class="normal">Eutelsat u Viasat ipproponew li din id-domanda għandha tingħata risposta fin-negattiv, għall-kuntrarju ta’ Inmarsat, tal-Gvern Franċiż, Belġjan u dak tar-Renju Unit kif ukoll tal-Kummissjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29.</p>
</td>
<td valign="top">
<p class="normal">Sabiex tingħata risposta għal din id-domanda, hemm lok li nitilqu mit-test tal-Artikolu 2(2)(a) tad-Deċiżjoni Nru 626/2008. Din id‑dispożizzjoni tiddefinixxi s-“sistemi mobbli permezz tas-satellita” bħala “netwerks ta’ komunikazzjoni elettronika u faċilitajiet assoċjati” li jkunu kapaċi jipprovdu tliet tipi ta’ servizzi ta’ komunikazzjoni bir-radju:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">bejn stazzjon mobbli terrestri u stazzjon spazjali wieħed jew iktar, jew</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">bejn stazzjonijiet mobbli terrestri permezz ta’ stazzjon spazjali wieħed jew iktar, jew</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">bejn stazzjon mobbli terrestri u komponent terrestri kumplimentari wieħed jew iktar użati f’siti fissi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30.</p>
</td>
<td valign="top">
<p class="normal">It-tieni u t-tielet domanda magħmula jkopru t-tielet tip ta’ komunikazzjoni bir-radju, dik bejn stazzjon mobbli terrestri u komponenti terrestri kumplimentari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31.</p>
</td>
<td valign="top">
<p class="normal">Preliminarjament, nemmen li huwa utli li jiġu ċċarati t-tifsiriet tat‑termini “mobbli”, “terrestri”, “spazjali” u “satellita” użati sabiex jiġu deskritti dawn is-servizzi ta’ komunikazzjoni bir-radju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32.</p>
</td>
<td valign="top">
<p class="normal">Bħall-partijiet kollha li ppreżentaw osservazzjonijiet, ma nara l‑ebda oġġezzjoni li f’dan ir-rigward, jintużaw id-definizzjonijiet stabbiliti bir-Regolament dwar il-Komunikazzjoni bir-Radju adottat mill‑Konferenza Dinjija tal-Komunikazzjoni bir-Radju tal-1995 (iktar ’il quddiem ir-“Regolament tal-Komunikazzjoni bir-Radju”)  (<span class="note footnote notemarker">
<a id="c-6" href="#t-6">6</a>
</span>). Fil-fatt, jekk dawn it-termini jittieħdu waħidhom, ma hemm l-ebda kontradizzjoni bejn dan ir-regolament u d-Deċiżjoni Nru 626/2008.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33.</p>
</td>
<td valign="top">
<p class="normal">Qabelxejn, nirrileva li diversi dispożizzjonijiet tad‑Deċiżjoni 2007/98 u tad-Deċiżjoni Nru 626/2008 jużaw l-espressjoni “stazzjon spazjali” u t-terminu “satellita” b’mod interkambjabbli, jew tal‑inqas mingħajr ma jikkjarifikaw ir-relazzjoni bejn dawn iż-żewġ kunċetti  (<span class="note footnote notemarker">
<a id="c-7" href="#t-7">7</a>
</span>). Minkejja li din l-isfumatura ma hijiex determinanti għad‑deċiżjoni tal-kawża prinċipali, nispjega li, f’dan il-kuntest regolatorju, il-kunċett ta’ “stazzjon spazjali” jidhirli li jirrikjedi l‑preżenza mhux biss ta’ satellita iżda wkoll ta’ ċerti elementi tekniċi supplimentari; fi kliem ieħor, dan il-kunċett huwa iktar restrittiv minn dak ta’ “satellita”  (<span class="note footnote notemarker">
<a id="c-8" href="#t-8">8</a>
</span>). Fil-kuntest tal-kawża prinċipali, ma huwiex ikkontestat li s-sistema NAE tinkludi stazzjon spazjali, kif jirrikjedi l‑Artikolu 2(2)(a) tad-Deċiżjoni Nru 626/2008  (<span class="note footnote notemarker">
<a id="c-9" href="#t-9">9</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34.</p>
</td>
<td valign="top">
<p class="normal">Sussegwentement, stazzjon “terrestri” “jinsab jew fuq wiċċ id‑dinja, jew fil-parti prinċipali tal-atmosfera terrestri” [traduzzjoni mhux uffiċjali]  (<span class="note footnote notemarker">
<a id="c-10" href="#t-10">10</a>
</span>). Stazzjon li jinsab fuq ajruplan, bħal fis-sistema NAE, għandu jiġi kklassifikat bħala stazzjon terrestri.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35.</p>
</td>
<td valign="top">
<p class="normal">Finalment, stazzjon “mobbli” terrestri huwa b’mod partikolari “intiż sabiex jintuża meta jkun qed jiċċaqlaq jew meta jieqaf f’destinazzjonijiet mhux stabbiliti” [traduzzjoni mhux uffiċjali]  (<span class="note footnote notemarker">
<a id="c-11" href="#t-11">11</a>
</span>). L‑ewwel domanda magħmula tirrigwarda dan il-kunċett ta’ “stazzjon mobbli terrestri”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36.</p>
</td>
<td valign="top">
<p class="normal">Fid-dawl ta’ dan, issa nista’ neżamina l-argumenti mressqa minn Eutelsat u sostnuti minn Viasat, kemm quddiem il-Qorti tal-Ġustizzja kif ukoll quddiem il-qorti tar-rinviju, u li jkopru t-tielet kategorija ta’ komunikazzjoni bir-radju deskritta fl-Artikolu 2(2)(a) tad-Deċiżjoni Nru 626/2008, jiġifieri dik bejn stazzjon mobbli terrestri u komponenti terrestri kumplimentari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37.</p>
</td>
<td valign="top">
<p class="normal">Essenzjalment, Eutelsat u Viasat jippruvaw juru li l-komponenti terrestri kumplimentari ma jikkomunikawx ma’ stazzjon mobbli terrestri f’sistema bħas-sistema NAE inkwistjoni fil-kawża prinċipali, b’tali mod li ma jiffurmawx parti integrali minn “sistema mobbli permezz tas‑satellita” fis-sens ta’ din id-dispożizzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38.</p>
</td>
<td valign="top">
<p class="normal">Jiena ma naqbilx ma’ dan ir-raġunament.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39.</p>
</td>
<td valign="top">
<p class="normal">Is-silloġiżmu propost minn Eutelsat u Viasat jista’ jitqassar kif ġej. Il-kunċett ta’ “stazzjon mobbli terrestri” jirrikjedi li tali stazzjon ikun jista’ jikkomunika ma’ satellita  (<span class="note footnote notemarker">
<a id="c-12" href="#t-12">12</a>
</span>) (maġġuri). Is-sistema NAE tikkomunika mal-komponenti terrestri kumplimentari permezz ta’ terminal imqiegħed taħt il-qafas tal-ajruplan, li jikkostitwixxi stazzjon awtonomu li ma jistax jikkomunika ma’ satellita (minuri). Konsegwentement, il-komponenti terrestri kumplimentari użati fil-qafas tas-sistema NAE ma jikkomunikawx ma’ stazzjon mobbli terrestri u, għalhekk, ma jiffurmawx parti integrali minn sistema mobbli permezz tas-satellita.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40.</p>
</td>
<td valign="top">
<p class="normal">Fl-opinjoni tiegħi, dan l-argument huwa vvizzjat b’żewġ żbalji irrimedjabbli li jaffettwaw il-parti maġġuri u dik minuri ta’ dan is‑silloġiżmu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41.</p>
</td>
<td valign="top">
<p class="normal">Fl-ewwel lok, u kuntrarjament għal dak li jiddikjaraw Eutelsat u Viasat, il-kunċett ta’ “stazzjon mobbli terrestri”, fis-sens tad-Deċiżjoni Nru 626/2008, ma jirrikjedix li tali stazzjon ikun jista’ jikkomunika ma’ satellita. F’dan ir-rigward, infakkar li dan il-kunċett ma ġiex espressament iddefinit mil-leġiżlatur tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42.</p>
</td>
<td valign="top">
<p class="normal">Dawn il-partijiet jiddeduċu dan ir-rekwiżit mir-Regolament dwar il-Komunikazzjoni bir-Radju. Fil-kuntest ta’ dan ir-regolament, fil-fatt, mill-Artikoli 1.63 u 1.68 tiegħu jista’ jiġi dedott li kull stazzjon mobbli terrestri għandu jikkomunika jew ma’ stazzjon spazjali, jew ma’ stazzjon mobbli terrestri ieħor bl-għajnuna ta’ oġġett spazjali  (<span class="note footnote notemarker">
<a id="c-13" href="#t-13">13</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43.</p>
</td>
<td valign="top">
<p class="normal">Madankollu, ma hemm xejn fid-Deċiżjoni Nru 626/2008  (<span class="note footnote notemarker">
<a id="c-14" href="#t-14">14</a>
</span>), u lanqas fid-Deċiżjoni 2007/98, li jissuġġerixxi li d-definizzjonijiet tar‑Regolament dwar il-Komunikazzjoni bir-Radju għandhom jiġu trasposti b’mod integrali fil-kuntest ta’ dawn id-deċiżjonijiet, kif korrettement irrilevat Inmarsat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44.</p>
</td>
<td valign="top">
<p class="normal">F’dak li jirrigwarda b’mod iktar preċiż il-kunċett ta’ “stazzjon mobbli terrestri”, fl-opinjoni tiegħi hemm raġuni li tipprekludi kategorikament tali traspożizzjoni. Kif enfasizzat il-Kummissjoni, il‑kunċett ta’ “sistema mobbli permezz tas-satellita” iddefinit fl‑Artikolu 2(2)(a) tad-Deċiżjoni Nru 626/2008 ma jikkorrispondix ma’ “servizz mobbli permezz tas-satellita” li jinsab fl-Artikolu 1.25 tar‑Regolament dwar il-Komunikazzjoni bir-Radju  (<span class="note footnote notemarker">
<a id="c-15" href="#t-15">15</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45.</p>
</td>
<td valign="top">
<p class="normal">Sabiex id-differenzi bejn dawn iż-żewġ kunċetti jinftiehmu aħjar, għandha ssir distinzjoni bejn erba’ kategoriji ta’ komunikazzjoni.</p>
</td>
</tr>
</table>
    <table>
      <tbody>
        <tr class="table">
          <td class="table" valign="top">
            <p class="tbl-txt" id="para-83" title="page-11">
              L-Artikolu 2(2)(a) tad-Deċiżjoni Nru 626/2008
            </p>
          </td>
          <td class="table" valign="top">
            <p class="tbl-txt" id="para-84" title="page-11">
              L-Artikolu 1.25 tar-Regolament dwar il-Komunikazzjoni bir‑Radju
            </p>
          </td>
        </tr>
        <tr class="table">
          <td class="table" valign="top">
            <p class="tbl-txt" id="para-85" title="page-1">
              
            </p>
          </td>
          <td class="table" valign="top">
            <p class="tbl-txt" id="para-86" title="page-11">
              Bejn stazzjonijiet spazjali
            </p>
          </td>
        </tr>
        <tr class="table">
          <td class="table" valign="top">
            <p class="tbl-txt" id="para-87" title="page-11">
              Bejn stazzjonijiet mobbli terrestri u stazzjonijiet spazjali
            </p>
          </td>
          <td class="table" valign="top">
            <p class="tbl-txt" id="para-88" title="page-11">
              Bejn stazzjonijiet mobbli terrestri u stazzjonijiet spazjali
            </p>
          </td>
        </tr>
        <tr class="table">
          <td class="table" valign="top">
            <p class="tbl-txt" id="para-89" title="page-11">
              Bejn stazzjonijiet mobbli terrestri, permezz ta’ stazzjonijiet spazjali
            </p>
          </td>
          <td class="table" valign="top">
            <p class="tbl-txt" id="para-90" title="page-11">
              Bejn stazzjonijiet mobbli terrestri,permezz ta’ stazzjonijiet spazjali
            </p>
          </td>
        </tr>
        <tr class="table">
          <td class="table" valign="top">
            <p class="tbl-txt" id="para-91" title="page-11">
              Bejn stazzjonijiet mobbli terrestri u komponenti terrestri kumplimentari
            </p>
          </td>
          <td class="table" valign="top">
            <p class="tbl-txt" id="para-92" title="page-1">
              
            </p>
          </td>
        </tr>
      </tbody>
    </table>
    <p class="C02AlineaAltA" id="para-93" title="page-1">
      
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46.</p>
</td>
<td valign="top">
<p class="normal">Kif turi t-tabella hawn fuq, l-Artikolu 2(2)(a) tad-Deċiżjoni Nru 626/2008 huwa kemm iktar restrittiv (inkwantu ma jinkludix il‑komunikazzjonijiet bejn stazzjonijiet spazjali) u iktar wiesa’ (inkwantu jinkludi l-komunikazzjonijiet bejn stazzjon mobbli terrestri u komponenti terrestri kumplimentari) mill-Artikolu 1.25 tar-Regolament dwar il‑Komunikazzjoni bir-Radju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47.</p>
</td>
<td valign="top">
<p class="normal">B’hekk, peress li r-Regolament dwar il-Komunikazzjoni bir-Radju ma jinkludix il-komunikazzjonijiet bejn stazzjon mobbli terrestri u komponenti terrestri kumplimentari, li huma preċiżament inkwistjoni f’din il-kawża, id-definizzjonijiet li dan ir-regolament jistabbilixxi f’dan ir-rigward ma għandhomx jiġu trasposti fil-kuntest tal-Artikolu 2(2)(a) tad‑Deċiżjoni Nru 626/2008.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48.</p>
</td>
<td valign="top">
<p class="normal">Jekk nibqgħu mad-dispożizzjonijiet tad-Deċiżjoni Nru 626/2008, huwa ċar li “sistema mobbli permezz tas-satellita”, kif imsemmija fl‑Artikolu 2(2)(a) ta’ din id-deċiżjoni, għandha neċessarjament tinkludi mill-inqas stazzjon mobbli terrestri li jista’ jikkomunika ma’ stazzjon spazjali. Dan jirriżulta mill-aħħar sentenza ta’ din id-dispożizzjoni li tistipula li tali sistema tinkludi “mill-anqas stazzjon terrestri [spazjali] wieħed”, kif ukoll mill-isem stess ta’ din is-sistema li jimplika l-preżenza ta’ “satellita”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49.</p>
</td>
<td valign="top">
<p class="normal">Madankollu, dan ir-rekwiżit ma jeskludix li tali sistema tinkludi wkoll stazzjonijiet mobbli terrestri oħra, intiżi sabiex jikkomunikaw ma’ komponenti terrestri kumplimentari, mingħajr madankollu ma jkunu jistgħu jikkomunikaw ma’ satellita.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50.</p>
</td>
<td valign="top">
<p class="normal">Fi kliem ieħor, jekk ma hemmx dubju li sistema mobbli permezz tas-satellita għandha tinkludi stazzjon mobbli terrestri li jista’ jikkomunika ma’ satellita, ma hemm l-ebda raġuni għalfejn għandu jiġi kkunsidrat, abbażi tad-definizzjonijiet stabbiliti bid-Deċiżjoni Nru 626/2008, li l-istazzjonijiet mobbli terrestri kollha integrati f’din is‑sistema għandhom ikunu jistgħu jikkomunikaw ma’ satellita.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51.</p>
</td>
<td valign="top">
<p class="normal">B’hekk, l-argumenti ta’ Eutelsat u ta’ Viasat, imqassra fil-punt 39 ta’ dawn il-konklużjonijiet, għandhom jiġu miċħuda fuq din l-ewwel bażi. Kuntrarjament għal dak li dawn il-partijiet iddikjaraw, stazzjon li jikkomunika ma’ komponenti terrestri kumplimentari jista’ jiġi kklassifikat bħala “stazzjon mobbli terrestri”, fis-sens tal‑Artikolu 2(2)(a) tad-Deċiżjoni Nru 626/2008, anki jekk ma jkunx jista’ jikkomunika ma’ satellita.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52.</p>
</td>
<td valign="top">
<p class="normal">Fit-tieni lok, anki kieku l-Qorti tal-Ġustizzja kellha tiddeċiedi li kull “stazzjon mobbli terrestri” għandu neċessarjament ikun jista’ jikkomunika ma’ satellita, l-argument ta’ Eutelsat u ta’ Viasat xorta huwa vvizzjat inkwantu huwa bbażat fuq separazzjoni artifiċjali bejn il‑komponenti tekniċi tas-sistema NAE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53.</p>
</td>
<td valign="top">
<p class="normal">Skont dan l-argument, ikun hemm, minn naħa waħda, it-terminal li jirċievi li jinsab fuq il-qafas tal-ajruplan, li jikkomunika mas-satelliti, u, min-naħa l-oħra, it-terminal li jirċievi li jinsab taħt il-qafas, li jikkomunika mal-komponenti terrestri kumplimentari. Peress li dan tal‑aħħar ma jistax jikkomunika ma’ satellita, ma jistax jikkostitwixxi stazzjon mobbli terrestri u b’hekk ma jissodisfax id-definizzjoni stabbilita fl-Artikolu 2(2)(a) tad-Deċiżjoni Nru 626/2008, interpretata – b’mod żbaljat fl-opinjoni tiegħi – bħala li tirrikjedi tali kapaċità.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54.</p>
</td>
<td valign="top">
<p class="normal">Din is-separazzjoni ma jidhirlix li tikkorrispondi mar-realtà teknika tas-sistema NAE. Simili għall-pożizzjoni difiża, essenzjalment, minn Inmarsat, mill-Gvern Franċiż, dak Belġjan u tar-Renju Unit u mill‑Kummissjoni, jidhirli li huwa artifiċjali, minn perspettiva funzjonali, li taqsam sistema, bħas-sistema NAE inkwistjoni fil-kawża prinċipali, f’żewġ stazzjonijiet separati u indipendenti. Fil-fatt, il-partijiet jaqblu li ż-żewġ terminals ta’ riċezzjoni tas-sistema NAE huma konnessi bejniethom b’apparat ta’ komunikazzjoni li jistabbilixxi, skont iċ‑ċirkustanzi, it-terminal – satellitarju jew terrestri – użat biex jirċievi jew jibgħat is-sinjal dieħel jew ħiereġ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55.</p>
</td>
<td valign="top">
<p class="normal">F’dan il-kuntest, is-sempliċi fatt li dawn iż-żewġ terminals huma fiżikament separati, peress li tpoġġew fuq u taħt il-qafas rispettivament, ma għandux jimplika, fih innifsu, li jikkostitwixxu żewġ “stazzjonijiet” differenti. Għall-kuntrarju, jidhirli li l-ġestjoni ċentralizzata tas-sinjali rispettivi tagħhom timplika li dawn it-terminals jiffurmaw parti minn “stazzjon” wieħed li huwa l-istess, kif b’mod partikolari enfasizzaw ġustament il-Gvern Franċiż u l-Kummissjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56.</p>
</td>
<td valign="top">
<p class="normal">Din l-interpretazzjoni hija sostnuta bl-Artikolu 1.61 tar‑Regolament dwar il-Komunikazzjoni bir-Radju, li jipprevedi li “stazzjon” huwa “trażmettitur jew riċevitur wieħed jew iktar, jew grupp ta’ trażmettituri u ta’ riċevituri, inkluż it-tagħmir aċċessorju, neċessarju sabiex jiġi żgurat servizz ta’ komunikazzjoni bir-radju jew għas-servizz ta’ radjuastronomija, f’post partikolari” [traduzzjoni mhux uffiċjali].</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57.</p>
</td>
<td valign="top">
<p class="normal">Il-fatt li tali “trażmettituri” ma jkunux tpoġġew fiżikament fl-istess kaxxa ma għandux ikun determinanti f’dan ir-rigward, għaliex inkella jkun hemm ir-riskju li l-kwistjoni taqa’ f’formaliżmu legali b’diskrepanza mar-realtà teknika li tirrikjedi li l-antenni ta’ dawn it‑terminals jitqiegħdu jħarsu ’l fuq (għall-komunikazzjoni mas-satelliti) u ’l isfel (għall‑komunikazzjoni mal-komponenti terrestri kumplimentari) rispettivament, kif spjegat minn Inmarsat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58.</p>
</td>
<td valign="top">
<p class="normal">F’dan ir-rigward, il-Gvern Franċiż żied li l-eżistenza ta’ żewġ terminals ta’ riċezzjoni hija meħtieġa wkoll, fuq il-livell tekniku, mill‑eżistenza ta’ lingwi tal-informatika differenti għall-komunikazzjoni mas-satelliti (lingwa “DVB‑S”) u mal-komponenti terrestri kumplimentari (lingwa “LTE”)  (<span class="note footnote notemarker">
<a id="c-16" href="#t-16">16</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59.</p>
</td>
<td valign="top">
<p class="normal">Il-Gvern tar-Renju Unit spjega din is-sitwazzjoni b’eżempju ta’ “common sense” (sens komun). Dan il-gvern spjega li telefon ċellulari jinkludi diversi komponenti li jistgħu jaqbdu ma’ network 3G, ma’ network 4G u ma’ network Wifi, jew inkella jistabbilixxu konnessjoni Bluetooth. Xorta jibqa’ l-fatt li dawn il-komponenti kollha jiffurmaw parti minn stazzjon wieħed li huwa l-istess, jiġifieri l-imsemmi telefon ċellulari. Dan l-eżempju sempliċi, fl-opinjoni tiegħi, huwa suffiċjenti sabiex jiġi miċħud l-argument ta’ Eutelsat u ta’ Viasat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60.</p>
</td>
<td valign="top">
<p class="normal">B’hekk, u kuntrarjament għal dak li dawn il-partijiet iddikjaraw, oġġett magħmul minn żewġ terminals ta’ riċezzjoni differenti konnessi permezz ta’ operatur ta’ komunikazzjoni, l-ewwel wieħed imqiegħed fuq il-qafas tal-ajruplan u li jikkomunika ma’ satellita, it-tieni mqiegħed taħt il-qafas u li jikkomunika ma’ komponenti terrestri kumplimentari, għandu jiġi kklassifikat bħala “stazzjon mobbli terrestri”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61.</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, nipproponi lill-Qorti tal-Ġustizzja sabiex tagħti r-risposta segwenti għall-ewwel domanda. L‑Artikolu 2(2)(a) tad-Deċiżjoni Nru 626/2008 għandu jiġi interpretat fis-sens li, f’sistema bħas-sistema NAE inkwistjoni fil-kawża prinċipali, il-komponenti terrestri kumplimentari jikkomunikaw ma’ “stazzjon mobbli terrestri” u, għalhekk, jiffurmaw parti integrali minn “sistema mobbli permezz tas-satellita”, fid-dawl tal-fatt li din is-sistema tinkludi żewġ terminals ta’ riċezzjoni separati konnessi b’apparat ta’ komunikazzjoni, l-ewwel wieħed imqiegħed fuq il-qafas ta’ ajruplan u li jikkomunika ma’ satellita, it-tieni wieħed imqiegħed taħt il-qafas u li jikkomunika ma’ komponenti terrestri kumplimentari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Fuq il-kunċett ta’ “komponenti terrestri ‘kumplimentari’” fis‑sens tal-Artikolu 2(2) tad-Deċiżjoni Nru 626/2008 (it-tieni domanda)</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62.</p>
</td>
<td valign="top">
<p class="normal">Permezz tat-tieni domanda tagħha, il-qorti tar-rinviju tistaqsi, essenzjalment, jekk l-Artikolu 2(2) tad-Deċiżjoni Nru 626/2008 għandux jiġi interpretat fis-sens li l-komponenti terrestri użati f’sistema bħas‑sistema NAE inkwistjoni fil-kawża prinċipali jistgħu jiġu kklassifikati bħala “kumplimentari” minkejja l-fatt li dawn il-komponenti għandhom rwol predominanti fil-funzjonament ta’ din is-sistema, ikopru t‑territorju tal-Unjoni kollu u jippermettu li titjieb il-kwalità tas-servizzi ta’ komunikazzjoni offruti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63.</p>
</td>
<td valign="top">
<p class="normal">Nispjega li, f’każ ta’ risposta negattiva għal din id-domanda, is‑sistema NAE implimentata minn Inmarsat ma tkunx tista’ tiġi kklassifikata bħala “sistema mobbli permezz tas-satellita” fis-sens tad‑dispożizzjoni ċċitata iktar ’il fuq, peress li din il-klassifikazzjoni titlob il-preżenza ta’ komponenti terrestri “kumplimentari”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64.</p>
</td>
<td valign="top">
<p class="normal">Qabel ma nressaq xi punti bħala risposta għad-domanda magħmula, inqis li huwa utli li nagħti xi punti fattwali dwar in-natura u r-rwol tal-komponenti terrestri kumplimentari fil-funzjonament tas‑sistema NAE implimentata minn Inmarsat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65.</p>
</td>
<td valign="top">
<p class="normal">Qabelxejn, mill-osservazzjonijiet ta’ Inmarsat, jirriżulta, u dan ma ġiex ikkontestat mill-partijiet l-oħra, li l-komponenti terrestri kumplimentari huma komparabbli mal-istazzjonijiet użati fil-kuntest tan‑network 4G tat-telefonija ċellulari, “bid-differenza li dawn jippuntaw vertikalment lejn is-sema minflok orizzontalment fuq l-art”  (<span class="note footnote notemarker">
<a id="c-17" href="#t-17">17</a>
</span>). Huwa mifhum li din l-orjentazzjoni vertikali hija spjegabbli bil-ħtieġa li jintbagħtu s-sinjali rilevanti lejn l-ajruplani waqt titjira, fejn jinsabu t‑terminals ta’ riċezzjoni tas-sistema NAE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66.</p>
</td>
<td valign="top">
<p class="normal">Sussegwentement, Inmarsat stess irrikonoxxiet li l-konnessjoni mal-komponenti terrestri kumplimentari tippreżenta diversi vantaġġi tekniċi meta mqabbla mal-konnessjoni ma’ satellita. Minn naħa waħda, il-konnessjoni mal-elementi terrestri hija ta’ kwalità aħjar minħabba d‑distanza sinjifikattivament inqas li jivvjaġġa s-sinjal (36 000 km għas‑satellita, inqas minn 100 km għall-komponent terrestri). Min-naħa l-oħra, u kuntrarjament għall-konnessjoni satellitari, il-konnessjoni terrestri tista’ faċilment titjieb, f’każ ta’ konġestjoni, biż-żieda ta’ komponenti fuq l-art  (<span class="note footnote notemarker">
<a id="c-18" href="#t-18">18</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67.</p>
</td>
<td valign="top">
<p class="normal">Finalment, il-partijiet jaqblu li l-komponenti terrestri kumplimentari għandhom, minħabba s-superjorità teknika tagħhom  (<span class="note footnote notemarker">
<a id="c-19" href="#t-19">19</a>
</span>), rwol predominanti fil-funzjonament tas-sistema NAE. B’hekk, skont il‑konklużjonijiet eċċellenti tar-Relatur Pubbliku fil-kawża prinċipali, “ma hemmx dubju li din is-sistema mobbli permezz tas-satellita hija bbażata essenzjalment, fir-realtà, mhux fuq il-komunikazzjonijiet satellitari, iżda fuq il-komunikazzjonijiet mal-komponenti terrestri kumplimentari, li jippermettu flussi ħafna iktar rapidi, u li kif irrilevat mill-qrati Brittaniċi u mir-regolatur Ġermaniż jiżguraw 99 % tas-servizz, peress li s-satellita ma jkunx hemm bżonn li tintuża ħlief fiż-żoni mhux koperti minn dawn il-komponenti terrestri kumplimentari (i.e. fuq l‑ibħra)”  (<span class="note footnote notemarker">
<a id="c-20" href="#t-20">20</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68.</p>
</td>
<td valign="top">
<p class="normal">Huwa proprju minħabba dan ir-rwol predominanti li għandhom il‑komponenti terrestri fil-funzjonament tas-sistema NAE li Eutelsat u Viasat isostnu li dawn il-komponenti ma jistgħux jiġu kklassifikati bħala “kumplimentari” u, għalhekk, li tali sistema ma tistax tiġi kklassifikata bħala “sistema mobbli permezz tas-satellita” fis-sens tal-Artikolu 2(2) tad-Deċiżjoni Nru 626/2008. Essenzjalment, dawn il-partijiet jikkritikaw is-sistema NAE għaliex ma hijiex sistema ta’ komunikazzjoni satellitari kkompletata b’komponenti terrestri, iżda sistema ta’ komunikazzjoni terrestri kkompletata b’komponent satellitari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69.</p>
</td>
<td valign="top">
<p class="normal">Jiena ma naqbilx ma’ dan ir-raġunament. Fi kliem ieħor, u bħall‑pożizzjoni difiża minn Inmarsat, mill-Gvern Franċiż, dak Belġjan u tar-Renju Unit kif ukoll mill-Kummissjoni, inqis li dawn il-komponenti terrestri jistgħu jiġu kklassifikati bħala “kumplimentari” minkejja r-rwol predominanti tagħhom fil-funzjonament tas-sistema NAE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70.</p>
</td>
<td valign="top">
<p class="normal">Fl-opinjoni tiegħi, mid-Deċiżjoni Nru 626/2008 jistgħu jiġu dedotti żewġ rekwiżiti f’dak li jirrigwarda l-komponent satellitarju ta’ “sistema mobbli permezz tas-satellita”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71.</p>
</td>
<td valign="top">
<p class="normal">Minn naħa waħda, tali sistema għandu jkollha satellita. Minbarra isimha stess (“sistema mobbli permezz tas-satellita”), dan ir-rekwiżit jirriżulta mill-aħħar sentenza tal-Artikolu 2(2)(a) tad-Deċiżjoni Nru 626/2008 (“Tali sistema għandha tinkludi mill-anqas stazzjon terrestri [spazjali] wieħed”  (<span class="note footnote notemarker">
<a id="c-21" href="#t-21">21</a>
</span>)), u anki mill-anness ta’ din id-deċiżjoni li minnu jirriżulta li l-manifattura u l-varar ta’ satellita huma stadji indispensabbli fil-proċess ta’ għażla tal-operaturi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72.</p>
</td>
<td valign="top">
<p class="normal">Min-naħa l-oħra, is-satellita ma għandhiex tkun biss preżenti, iżda għandha tkun ukoll użata, kif irrileva l-Gvern tar-Renju Unit. Dan ir‑rekwiżit jirriżulta, b’mod impliċitu, mill-Artikolu 8(3)(ċ) tad‑Deċiżjoni Nru 626/2008, li jipprovdi li “l-operazzjoni indipendenti ta’ komponenti terrestri komplementari f’każ ta’ defiċjenza tal-komponent tas-satellita tas-sistema mobbli assoċjata ma għandhiex iddum għal aktar minn tmintax-il xahar”  (<span class="note footnote notemarker">
<a id="c-22" href="#t-22">22</a>
</span>). Fi kliem ieħor, il-prinċipju huwa l-funzjonament konġunt tal-komponenti terrestri u tal-komponent satellitarju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73.</p>
</td>
<td valign="top">
<p class="normal">Fil-kuntest tal-kawża prinċipali, mill-proċess ippreżentat lill-Qorti tal-Ġustizzja jirriżulta li l-komponent satellitarju huwa użat effettivament meta l-ajruplani mgħammra bis-sistema NAE jtiru fuq il-baħar jew fuq it-territorju tas-Serbja, jew inkella meta xi problema tostakola l‑funzjonament tajjeb tal-komponenti terrestri. Inmarsat spjegat li, minħabba l-affidabbiltà u l-istabbiltà tas-sinjal tas-satellita, il-komponent satellitarju jiżgura l-kontinwità tas-servizzi ta’ komunikazzjoni. Naturalment, il-verifika tal-użu effettiv tal-komponent satellitarju taqa’ fil-kompetenzi tal-qorti nazzjonali, li hija l-unika waħda awtorizzata tivverifika l-fatti fil-kuntest ta’ proċedura għal deċiżjoni preliminari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74.</p>
</td>
<td valign="top">
<p class="normal">Minkejja dan, jiena ma nqisx li minn din id-deċiżjoni jista’ jiġi dedott rekwiżit addizzjonali dwar l-importanza tar-rwoli li għandhom il‑komponenti satellitari u terrestri, rispettivament, ta’ tali sistema.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">75.</p>
</td>
<td valign="top">
<p class="normal">Qabelxejn, l-aġġettiv “kumplimentari” ma jidhirlix li jeskludi rwol predominanti tal-komponenti terrestri meta mqabbla ma’ dak tal‑komponent satellitarju, kuntrarjament għad-dikjarazzjonijiet ta’ Eutelsat u ta’ Viasat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">76.</p>
</td>
<td valign="top">
<p class="normal">Skont id-dizzjunarju tal-Académie française, “complémentaire” tfisser “qui sert à compléter”, jiġifieri “rendre complet”, kif irrileva l‑Gvern Franċiż. Fil-lingwa Ingliża, id-dizzjunarju ta’ Oxford jiddefinixxi t-terminu “complementary” kif ġej: “combining in such a way as to form a complete whole or enhance each other”  (<span class="note footnote notemarker">
<a id="c-23" href="#t-23">23</a>
</span>). Il-verżjoni fil-lingwa Ġermaniża tuża t-terminu “ergänzende”, li għandu tifsira simili  (<span class="note footnote notemarker">
<a id="c-24" href="#t-24">24</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">77.</p>
</td>
<td valign="top">
<p class="normal">Minn dawn id-definizzjonijiet jirriżulta li t-terminu “kumplimentari” ma jirreferix għall-importanza relattiva tal-elementi kkunsidrati. B’hekk, dan it-terminu ma jeskludix li l-komponenti terrestri jkollhom rwol predominanti, meta mqabbla mal-komponent satellitarju, f’sistema mobbli permezz tas-satellita. Dawn il-komponenti jistgħu “jikkompletaw” tali sistema billi jkollhom rwol predominanti fiha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">78.</p>
</td>
<td valign="top">
<p class="normal">Fl-osservazzjonijiet tagħha, il-Kummissjoni spjegat li t-terminu “kumplimentari” jenfasizza n-natura fakultattiva tal-komponenti terrestri, għall-kuntrarju tal-preżenza obbligatorja tal-komponent satellitarju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">79.</p>
</td>
<td valign="top">
<p class="normal">Il-fatt li d-Deċiżjoni Nru 626/2008 ma tgħid xejn dwar l‑importanza relattiva tal-komponenti terrestri u satellitari jidhirli li huwa sinjifikattiv ukoll. Fil-fatt, il-leġiżlatur tal-Unjoni seta’ jispjega li r-rwol tal-komponenti terrestri għandu jibqa’ “sekondarju”, “inċidentali”, jew inkella “sussidjarju” meta mqabbel mal-komponent satellitarju, kif irrimarkaw il-Gvern Belġjan u dak Franċiż, jew inkella jiddefinixxi perċentwali massima ta’ komunikazzjonijiet li setgħu jiġu żgurati mill‑komponenti terrestri.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">80.</p>
</td>
<td valign="top">
<p class="normal">Issa, din id-deċiżjoni ma tagħmilx tali dikjarazzjonijiet. Skont id‑definizzjoni li tingħata fl-Artikolu 2(2)(b), il-komponenti terrestri kumplimentari jintużaw f’siti fissi sabiex itejbu d-disponibbiltà tas‑servizz mobbli permezz tas-satellita fiż-żoni ġeografiċi fejn il-komunikazzjonijiet satellitari ma jkunux żgurati bil-kwalità meħtieġa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">81.</p>
</td>
<td valign="top">
<p class="normal">Fl-opinjoni tiegħi, din id-definizzjoni ma tipprojbixxix, bl-iktar mod ċar, li l-komponenti terrestri jkollhom rwol predominanti fis-sistema inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">82.</p>
</td>
<td valign="top">
<p class="normal">Faċilment nammetti li ċerti termini (b’mod partikolari “f’siti fissi”) jistgħu jiġu interpretati, li kieku kellhom magħhom dispożizzjonijiet ċari f’dan is-sens, bħala li jirrikjedu rwol predominanti tal-komponent satellitarju. B’dan il-mod, il-leġiżlatur tal-Unjoni ħalla dubju dwar il-portata eżatta tal-kunċett ta’ “komponenti terrestri kumplimentari”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">83.</p>
</td>
<td valign="top">
<p class="normal">Madankollu, ir-rekwiżiti taċ-ċertezza legali jipprojbixxu li d‑dibattitu dwar il-portata ta’ dan il-kunċett jiġi deċiż b’mod li jmur kontra l-interessi tal-operaturi magħżula skont id-Deċiżjoni Nru 626/2008, kif issostni Inmarsat. Fi kliem ieħor, jiena tal-opinjoni li, f’ċirkustanzi simili, id-dubju għandu jmur favur l-operaturi magħżula iktar minn għaxar snin ilu mill-Kummissjoni, u li wettqu għażliet ekonomiċi u aċċettaw investimenti sinjifikattivi billi bbażaw ruħhom fuq qari kompatibbli mat-termini ta’ din id-deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">84.</p>
</td>
<td valign="top">
<p class="normal">L-unika limitazzjoni, f’dan ir-rigward, hija preċiżament dik li għandu jiġi vverifikat jekk is-sistema ta’ komunikazzjoni implimentata minn dawn l-operaturi hijiex kompatibbli mat-termini użati fid-Deċiżjoni Nru 626/2008.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">85.</p>
</td>
<td valign="top">
<p class="normal">Jiena diġà spjegajt, fil-punti 75 sa 78 ta’ dawn il-konklużjonijiet, ir-raġunijiet li għalihom jiena nikkunsidra li t-terminu “kumplimentari” ma jeskludix rwol predominanti tal-komponenti terrestri.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">86.</p>
</td>
<td valign="top">
<p class="normal">Issa nirrileva li d-definizzjoni mogħtija fl-Artikolu 2(2)(b) tad‑Deċiżjoni Nru 626/2008 ma tistabbilixxix limitu massimu ta’ “siti fissi” li fihom komponenti terrestri jistgħu jintużaw, kif irrimarkat il‑Kummissjoni. Għalhekk, huwa possibbli, għal operatur magħżul, li jinstalla tali komponenti fit-territorju kollu tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">87.</p>
</td>
<td valign="top">
<p class="normal">Barra minn hekk, jidhirli li huwa diffiċli li jiġi kkontestat, fir‑rigward tal-punti fattwali msemmija fil-qosor fil-punti 64 sa 67 ta’ dawn il-konklużjonijiet, li l-komponenti terrestri jtejbu kemm id‑“disponibbiltà” u l-“kwalità” tas-servizzi ta’ komunikazzjoni mogħtija, fis-sens tad-dispożizzjoni ċċitata iktar ’il fuq.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">88.</p>
</td>
<td valign="top">
<p class="normal">B’mod partikolari, ma nara l-ebda raġuni valida għaliex il-kwalità tas-servizzi ta’ komunikazzjoni għandha tkun “limitata”, b’mod arbitrarju, għall-kwalità massima li tista’ tkun offruta minn komponent satellitari, kif issuġġerixxew Eutelsat, Viasat u l-Kummissjoni, għaliex dan imur kontra l-interessi tal-konsumaturi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">89.</p>
</td>
<td valign="top">
<p class="normal">Jiena ma naqbilx mal-argument imressaq mill-Kummissjoni li għandu jiġi “żgurat li r-rekwiżiti ġuridiċi ma jiġux evitati, jiġifieri li s-satellita ma għandhiex rwol marġinali”. Minn naħa waħda, mill‑punti 77 sa 87 ta’ dawn il-konklużjonijiet jirriżulta li l-ebda “rekwiżit ġuridiku” li jkopri r-rwol rispettiv tal-komponenti satellitari u terrestri ma jista’ jiġi dedott mid-Deċiżjoni Nru 626/2008. Min-naħa l‑oħra, il-prinċipju ta’ ċertezza legali jipprekludi li din id-deċiżjoni tkun “kompletata”, billi jiżdied limitu massimu għall-kwalità tas-servizzi pprovduti, minkejja li tali limitu ma huwiex previst mil-leġiżlatur tal‑Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">90.</p>
</td>
<td valign="top">
<p class="normal">Kif sostnew Inmarsat u l-Gvern Franċiż, dak Belġjan u tar-Renju Unit, il-kriterju tal-kwalità huwa ddefinit b’mod wiesa’ fl‑Artikolu 2(2)(b) tad-Deċiżjoni Nru 626/2008, b’tali mod li kull operatur huwa liberu li jistabbilixxi l-kwalità tas-servizzi li jixtieq joffri. Kwalunkwe interpretazzjoni oħra twassal għal limitazzjoni artifiċjali, mil-leġiżlazzjoni tal-Unjoni, tas-servizzi ta’ komunikazzjoni proposti, b’diskrepanza mar-realtà teknoloġika u kummerċjali ta’ dawn is-servizzi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">91.</p>
</td>
<td valign="top">
<p class="normal">Għall-kuntrarju, il-libertà offruta lill-operaturi magħżula sabiex jużaw komponenti terrestri, sa fejn dawn ikunu jaħdmu aħjar mill‑komponent satellitarju, tippermetti l-użu l-iktar effikaċi possibbli tal‑medda ta’ frekwenza ta’ 2 GHz, punt saħansitra iktar importanti f’kuntest fejn il‑meded ta’ frekwenzi disponibbli huma riżorsi rari  (<span class="note footnote notemarker">
<a id="c-25" href="#t-25">25</a>
</span>). Din l‑interpretazzjoni hija konformi mal-promozzjoni tal-kompetizzjoni u tal‑innovazzjoni kif ukoll mal-interessi tal-konsumaturi, għanijiet li għandhom jintlaħqu mid-Deċiżjoni Nru 626/2008  (<span class="note footnote notemarker">
<a id="c-26" href="#t-26">26</a>
</span>), kif enfasizzaw ġustament Inmarsat u l-Gvern Franċiż u dak tar-Renju Unit.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">92.</p>
</td>
<td valign="top">
<p class="normal">Sabiex inkun eżawrjenti, nenfasizza wkoll li l-premessa 18 tad‑Deċiżjoni Nru 626/2008, li ma hijiex vinkolanti min-natura tagħha, ma tinkludix, fost l-oħrajn, terminoloġija li tista’ tikkontesta l‑interpretazzjoni li pproponejt  (<span class="note footnote notemarker">
<a id="c-27" href="#t-27">27</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">93.</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, nipproponi lill-Qorti tal-Ġustizzja tagħti r-risposta segwenti għat-tieni domanda. L‑Artikolu 2(2) tad-Deċiżjoni Nru 626/2008 għandu jiġi interpretat fis‑sens li l-komponenti terrestri użati f’sistema bħas-sistema NAE inkwistjoni fil-kawża prinċipali jistgħu jiġu kklassifikati bħala “kumplimentari” minkejja l-fatt li dawn il-komponenti għandhom rwol predominanti fil-funzjonament ta’ din is-sistema, li jkopru t-territorju tal‑Unjoni kollu u li jippermettu li titjieb il-kwalità tas-servizzi ta’ komunikazzjoni offruti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">C.</p>
</td>
<td valign="top">
<p class="normal">Fuq il-konsegwenzi tan-nuqqas ta’ osservanza ta’ obbligi ta’ kopertura tat-territorju fid-data prevista fl-Artikolu 4(1)(ċ)(ii) tad‑Deċiżjoni Nru 626/2008 (it-tielet domanda)</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">94.</p>
</td>
<td valign="top">
<p class="normal">Fir-rigward tat-tielet domanda magħmula mill-qorti tar-rinviju, nirrileva li l-Qorti tal-Ġustizzja, fis-sentenza Viasat UK u Viasat  (<span class="note footnote notemarker">
<a id="c-28" href="#t-28">28</a>
</span>), kellha l-opportunità li tirrispondi fin-negattiv għal domanda simili u fformulata f’termini kważi identiċi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">95.</p>
</td>
<td valign="top">
<p class="normal">F’dan ir-rigward, ikun suffiċjenti jekk nirreferi għar-risposta mogħtija mill-Qorti tal-Ġustizzja f’dik il-kawża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">V.</p>
</td>
<td valign="top">
<p class="normal">Konklużjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">96.</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, nipproponi lill-Qorti tal-Ġustizzja tagħti r-risposti għad-domandi preliminari magħmula mill‑Conseil d’État (il-Kunsill tal-Istat, Franza) bil-mod segwenti:</p>
</td>
</tr>
</table>
    <p class="C09Marge0avecretrait" id="para-148" title="page-20">
      1) L-Artikolu 2(2)(a) tad-Deċiżjoni Nru 626/2008/KE tal-Parlament Ewropew u tal-Kunsill tat-30 ta’ Ġunju 2008 dwar l-għażla u l‑awtorizzazzjoni ta’ sistemi li jipprovdu servizzi mobbli permezz tas-satellita (MSS) għandu jiġi interpretat fis-sens li, f’sistema bħas-sistema “European Aviation Network” inkwistjoni fil-kawża prinċipali, il-komponenti terrestri kumplimentari jikkomunikaw ma’ “stazzjon mobbli terrestri” u, għalhekk, jiffurmaw parti integrali minn “sistema mobbli permezz tas-satellita”, fid-dawl tal‑fatt li din is-sistema tinkludi żewġ terminals ta’ riċezzjoni separati konnessi permezz ta’ apparat ta’ komunikazzjoni, l-ewwel wieħed imqiegħed fuq il-qafas ta’ ajruplan u li jikkomunika ma’ satellita, it-tieni wieħed imqiegħed taħt il-qafas u li jikkomunika mal‑komponenti terrestri kumplimentari.
    </p>
    <p class="C09Marge0avecretrait" id="para-149" title="page-20">
      2) L-Artikolu 2(2) tad-Deċiżjoni Nru 626/2008 għandu jiġi interpretat fis-sens li l-komponenti terrestri użati f’sistema bħas-sistema “European Aviation Network” inkwistjoni fil-kawża prinċipali jistgħu jiġu kklassifikati bħala “kumplimentari” minkejja l-fatt li dawn il-komponenti għandhom rwol predominanti fil‑funzjonament ta’ din is-sistema, li jkopru t-territorju tal‑Unjoni Ewropea kollu u li jippermettu li titjieb il-kwalità tas-servizzi ta’ komunikazzjoni offruti.
    </p>
    <p class="C09Marge0avecretrait" id="para-150" title="page-20">
      3) L-Artikolu 8(1) tad-Deċiżjoni Nru 626/2008, moqri flimkien mal‑Artikolu 7(1) ta’ din id-deċiżjoni, għandu jiġi interpretat fis‑sens li, fil-każ fejn operatur magħżul skont it-Titolu II tal‑imsemmija deċiżjoni u awtorizzat juża l-ispektrum tal‑frekwenza tar-radju bis-saħħa tal-Artikolu 7 ta’ din l-istess deċiżjoni ma jkunx ipprovda servizzi mobbli permezz tas-satellita b’sistema mobbli permezz tas-satellita sat-terminu previst fl‑Artikolu 4(1)(ċ)(ii) tad‑Deċiżjoni Nru 626/2008, l-awtoritajiet kompetenti tal-Istati Membri ma humiex awtorizzati jirrifjutaw li jagħtu l-awtorizzazzjonijiet neċessarji għall-provvista ta’ komponenti terrestri kumplimentari ta’ sistemi mobbli permezz tas‑satellita lil dan l-operatur minħabba li huwa ma jkunx osserva l‑obbligu meħud meta applika.
    </p>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">1</a>
</span>) Lingwa oriġinali: il-Franċiż.</p>
<p class="note footnote">(<span class="note footnote notemarker">
<a id="t-2" href="#c-2">2</a>
</span>) Deċiżjoni tal-Kummissjoni tat-13 ta’ Mejju 2009 dwar l-għażla ta’ operaturi ta’ sistemi pan-Ewropej li jipprovdu servizzi mobbli permezz tas-satellita (MSS) (ĠU 2009, L 149, p. 65).</p>
<p class="note footnote">(<span class="note footnote notemarker">
<a id="t-3" href="#c-3">3</a>
</span>) Deċiżjoni tal-Kummissjoni tal-14 ta’ Frar 2007 dwar l-użu armonizzat tal-ispektrum ta’ frekwenzi tar-radju fil-medda ta’ frekwenzi ta’ 2 GHz għall-implimentazzjoni ta’ sistemi li jipprovdu servizzi satellitari mobbli (ĠU 2007, L 219M, p. 216).</p>
<p class="note footnote">(<span class="note footnote notemarker">
<a id="t-4" href="#c-4">4</a>
</span>) Deċiżjoni tal-Parlament Ewropew u tal-Kunsill tat-30 ta’ Ġunju 2008 dwar l-għażla u l-awtorizzazzjoni ta’ sistemi li jipprovdu servizzi mobbli permezz tas-satellita (MSS) (ĠU 2008, L 172, p. 15).</p>
<p class="note footnote">(<span class="note footnote notemarker">
<a id="t-5" href="#c-5">5</a>
</span>) Viasat ippreżentat rikors għal nuqqas li tittieħed azzjoni kontra l-Kummissjoni fl-24 ta’ April 2017. Ara l-Kawża T‑245/17, Viasat vs Il-Kummissjoni, preżentement pendenti quddiem il-Qorti Ġenerali.</p>
<p class="note footnote">(<span class="note footnote notemarker">
<a id="t-6" href="#c-6">6</a>
</span>) Ir-Regolament dwar il-Komunikazzjoni bir-Radju ġie adottat mill-Konferenza Dinjija tal-Komunikazzjoni bir-Radju tal-1995 (CMR-95), u rivedut mill-Konferenzi Dinjija tal-Komunikazzjoni bir-Radju sussegwenti: CMR-97 (Genève, 1997), CMR‑2000 (Istanbul, 2000), CMR-03 (Genève, 2003), CMR-07 (Genève, 2007), CMR-12 (Genève, 2012), CMR-15 (Genève, 2015) u CMR-19 (Sharm El-Sheikh, 2019), disponibbli fl-indirizz https://www.itu.int/pub/R-REG-RR-2020/fr.</p>
<p class="note footnote">(<span class="note footnote notemarker">
<a id="t-7" href="#c-7">7</a>
</span>) Ara, pereżempju, l-Artikolu 2 tad-Deċiżjoni 2007/98 u l-Artikolu 2(2)(a) tad‑Deċiżjoni Nru 626/2008, li jiddefinixxu l-kunċetti ta’ “sistemi mobbli permezz tas-satellita” billi jirrikjedu l-preżenza ta’ stazzjon spazjali.</p>
<p class="note footnote">(<span class="note footnote notemarker">
<a id="t-8" href="#c-8">8</a>
</span>) Jiena niddeduċi din l-interpretazzjoni, b’mod partikolari, mill-istadji suċċessivi deskritti fl-Anness tad-Deċiżjoni Nru 626/2008, li minnu jirriżulta li stazzjon spazjali ma għandux bżonn biss il-manifattura u l-varar tas-satelliti, iżda wkoll l‑integrazzjoni ta’ modulu ta’ komunikazzjoni u ta’ modulu ta’ servizz. Din l‑interpretazzjoni hija, fl-opinjoni tiegħi, ikkorroborata bid-definizzjoni ta’ “stazzjon spazjali” stabbilita fl-Artikolu 1.64 tar-Regolament dwar il-Komunikazzjoni bir‑Radju, li jipprevedi li tali stazzjon għandu “jkun fuq oġġett li jinsab, u li huwa intiż sabiex imur, jew mar, lil hinn mill-parti prinċipali tal-atmosfera terrestri” [traduzzjoni mhux uffiċjali]. Satellita artifiċjali, jiġifieri mmanifatturata mill-bniedem, tista’ effettivament tkun tali “oġġett” intiż sabiex jilqa’ fih “stazzjon spazjali”.</p>
<p class="note footnote">(<span class="note footnote notemarker">
<a id="t-9" href="#c-9">9</a>
</span>) Ara l-punt 16 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-10" href="#c-10">10</a>
</span>) Ara l-Artikolu 1.63 tar-Regolament dwar il-Komunikazzjoni bir-Radju. Dan il‑kunċett ġie ddefinit b’kuntrast ma’ dak ta’ “stazzjon spazjali”.</p>
<p class="note footnote">(<span class="note footnote notemarker">
<a id="t-11" href="#c-11">11</a>
</span>) Ara l-Artikolu 1.68 tar-Regolament dwar il-Komunikazzjoni bir-Radju.</p>
<p class="note footnote">(<span class="note footnote notemarker">
<a id="t-12" href="#c-12">12</a>
</span>) Biex nuża t-termini użati minn Eutelsat, “stazzjon mobbli terrestri għandu neċessarjament jikkomunika ma’ satellita sabiex ikun jista’ jiġi kklassifikat bħala tali”.</p>
<p class="note footnote">(<span class="note footnote notemarker">
<a id="t-13" href="#c-13">13</a>
</span>) Skont l-Artikolu 1.68 tar-Regolament dwar il-Komunikazzjoni bir-Radju, “stazzjon mobbli terrestri” huwa “stazzjon terrestri tas-servizz mobbli permezz tas-satellita intiż sabiex jintuża meta jkun qed jiċċaqlaq jew meta jieqaf f’destinazzjonijiet mhux stabbiliti” [traduzzjoni mhux uffiċjali]. L-Artikolu 1.63 ta’ dan ir-regolament jiddefinixxi l-kunċett ta’ “stazzjon terrestri” bħala “stazzjon li jinsab jew fuq wiċċ id‑dinja, jew fil-parti prinċipali tal-atmosfera terrestri, u intiż sabiex jikkomunika jew ma’ stazzjon spazjali wieħed jew iktar, jew ma’ stazzjon tal-istess tip wieħed jew iktar, permezz ta’ satellita riflettriċi waħda jew iktar jew oġġetti spazjali oħra.” [traduzzjoni mhux uffiċjali] (korsiv miżjud minni).</p>
<p class="note footnote">(<span class="note footnote notemarker">
<a id="t-14" href="#c-14">14</a>
</span>) Skont il-premessa 10 ta’ din id-deċiżjoni, “[i]r-regolamenti ta’ l-Unjoni Internazzjonali tat-Telekomunikazzjoni (ITU) jipprevedu proċeduri għall‑koordinazzjoni tal-frekwenzi tar-radju għas-satelliti bħala għodda għall‑immaniġġar ta’ interferenzi dannużi, iżda ma jkoprux l-għażla jew l‑awtorizzazzjoni”.</p>
<p class="note footnote">(<span class="note footnote notemarker">
<a id="t-15" href="#c-15">15</a>
</span>) Skont l-Artikolu 1.25 tar-Regolament dwar il-Komunikazzjoni bir-Radju, “servizz mobbli permezz tas-satellita” huwa “servizz ta’ komunikazzjoni bir-radju jew bejn stazzjonijiet mobbli terrestri u stazzjon spazjali wieħed jew iktar, jew bejn stazzjonijiet spazjali użati minn dan is-servizz, jew bejn stazzjonijiet mobbli terrestri, permezz ta’ stazzjon spazjali wieħed jew iktar” [traduzzjoni mhux uffiċjali].</p>
<p class="note footnote">(<span class="note footnote notemarker">
<a id="t-16" href="#c-16">16</a>
</span>) L-użu ta’ dawn iż-żewġ lingwi tal-informatika ġie rrilevat ukoll minn Eutelsat u Viasat.</p>
<p class="note footnote">(<span class="note footnote notemarker">
<a id="t-17" href="#c-17">17</a>
</span>) Rapport ta’ M. Sharkey prodott minn Inmarsat, nru 7.4: “The CGC [Complementary Ground Components] network consists of approximately 300 ground-based stations at fixed locations on the ground, similar to 4G base stations, with the difference that they point vertically to the sky rather than horizontally over the ground.”</p>
<p class="note footnote">(<span class="note footnote notemarker">
<a id="t-18" href="#c-18">18</a>
</span>) Rapport ta’ M. Sharkey prodott minn Inmarsat, nru 23: “In general, while the satellite provides efficient and continuous coverage performance and resilience, terrestrial systems inherently provide very efficient throughput performance, since: a) there is only one satellite, in space located 36,000 km from the earth with a given power, forming a limited number of beams that may have a diameter of several hundreds of kilometers; and b) CGC [Complementary Ground Components] terrestrial systems consisting of a large number of towers, with higher power, can be installed within relatively short distances of each other and within a limited distance of the users i.e. &lt; 100 km, and can be supplemented by additional towers when congestion occurs.”</p>
<p class="note footnote">(<span class="note footnote notemarker">
<a id="t-19" href="#c-19">19</a>
</span>) F’dan ir-rigward, Inmarsat spjegat li l-komponenti terrestri kumplimentari joffru kapaċità li l-ebda satellita, tkun kemm tkun b’saħħitha, ma tista’ tagħti filwaqt li tuża l‑kwantità limitata ta’ riżorsi ta’ frekwenzi mogħtija lilha bid‑Deċiżjoni 2009/449 (15 MHz għal darbtejn).</p>
<p class="note footnote">(<span class="note footnote notemarker">
<a id="t-20" href="#c-20">20</a>
</span>) Il-Kunsill tal-Istat, Kawża Nru 420128 Eutelsat, konklużjonijiet ta’ Guillaume Odinet, Relatur Pubbliku, 28 ta’ Ġunju 2019, punt 2, disponibbli fuq l-indirizz http://www.conseil-etat.fr/fr/arianeweb/CRP/conclusion/2019-06-28/420128.</p>
<p class="note footnote">(<span class="note footnote notemarker">
<a id="t-21" href="#c-21">21</a>
</span>) Dwar ir-relazzjoni bejn il-kunċetti ta’ “satellita” u ta’ “stazzjon spazjali”, ara l-punt 33 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-22" href="#c-22">22</a>
</span>) Korsiv miżjud minni.</p>
<p class="note footnote">(<span class="note footnote notemarker">
<a id="t-23" href="#c-23">23</a>
</span>) “Jingħaqdu b’mod li jiffurmaw oġġett komplet jew biex jikkumplimentaw lil xulxin”.</p>
<p class="note footnote">(<span class="note footnote notemarker">
<a id="t-24" href="#c-24">24</a>
</span>) Id-dizzjunarju Duden jiddefinixxi “ergänzen” kif ġej: “durch Schließen entstandener Lücken wieder vollständig machen; durch Hinzufügen von etwas vervollständigen, bereichern“ (“tirrendi komplet bil-mili tal-lakuni li dehru; tikkompleta, tarrikkixxi biż-żieda ta’ xi ħaġa”).</p>
<p class="note footnote">(<span class="note footnote notemarker">
<a id="t-25" href="#c-25">25</a>
</span>) Infakkar li l-frekwenzi tal-ispektrum tar-radju huma disponibbli f’numru limitat, li jispjega l-ħtieġa li l-użu tagħhom jiġi rregolat. Ara l-premessa 8 tad-Deċiżjoni Nru 676/2002/KE tal-Parlament Ewropew u tal-Kunsill, tas-7 ta’ Marzu 2002, dwar qafas regolatorju għall-politika dwar l-ispettru tar-radju fil‑Komunità Ewropea (Deċiżjoni dwar l-Ispettri tar-radju): “Il-politika dwar l‑ispettru tar-radju ma titax tiġi bbażata biss fuq parametri tekniċi iżda wkoll teħtieġ li jingħata kont ta’ konsiderazzjonijiet ekonomiċi, politiċi, kulturali, ta’ saħħa u soċjali. B’żieda, t-talba dejjem tikber għall-provvista mhux infinita ta’ spettru tar‑radju disponibbli twassal għall-pressjonijiet konfliġġenti għall‑akkommodazzjoni tal-ġruppi varji ta’ utenti ta’ l-ispettru tar-radju f’setturi bħal dawk ta’ komunità ta’ telekomunikazzjonijiet, xandir, trasport, infurzar tal-liġi, militari u xjentifiċi. Għalhekk, il-politika dwar l-ispettru tar-radju għandha tikkunsidra as-setturi kollha u tibbilanċja l-ħtiġiet rispettivi.”</p>
<p class="note footnote">(<span class="note footnote notemarker">
<a id="t-26" href="#c-26">26</a>
</span>) Ara, b’mod partikolari, il-premessi 1 u 5, u l-Artikolu 6(1)(a) tad-Deċiżjoni Nru 626/2008.</p>
<p class="note footnote">(<span class="note footnote notemarker">
<a id="t-27" href="#c-27">27</a>
</span>) B’mod iktar preċiż, it-terminoloġija użata f’din il-premessa ma teskludi l-ebda interpretazzjoni. Dan japplika, b’mod partikolari, mill-estratt tal-frażi “[dawn il‑komponenti] huma wżati, tipikament, sabiex itejbu s-servizzi offruti permezz tas‑satellita” minħabba l-preżenza tat-terminu “tipikament” (korsiv miżjud minni).</p>
<p class="note footnote">(<span class="note footnote notemarker">
<a id="t-28" href="#c-28">28</a>
</span>) Sentenza tal-5 ta’ Marzu 2020 (C‑100/19, EU:C:2020:174).</p>
</body>
</html>
