(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú agus a athnuachan.

(2)

Ullmhóid arb é atá inti ion-1,4-béite-xiolanáis arna táirgeadh le Trichoderma reesei CBS 143953 (a cuireadh i dtaisce roimhe seo in American Type Culture Collection (ATCC) faoin uimhir thagartha PTA 5588), suibtilisin arna táirgeadh le Bacillus subtilis CBS 143946 (ATCC 2107 roimhe seo) agus aimileáis alfa arna táirgeadh le Bacillus amyloliquefaciens CBS 143954 (ATCC 3978 roimhe seo), údaraíodh í ar feadh tréimhse 10 mbliana mar bhreiseán beathaithe le haghaidh sicíní lena ramhrú, le haghaidh lachan agus le haghaidh turcaithe lena ramhrú le Rialachán (CE) Uimh. 1087/2009 ón gCoimisiún (2) agus le haghaidh béaróg le Rialachán Cur Chun Feidhme (AE) Uimh. 389/2011 ón gCoimisiún (3).

(3)

I gcomhréir le hAirteagal 14(1) de Rialachán (CE) Uimh. 1831/2003, cuireadh isteach iarratas chun údarú na hullmhóide arb é atá inti ion-1,4-béite-xiolanáis arna táirgeadh le Trichoderma reesei CBS 143953, suibtilisin arna táirgeadh le Bacillus subtilis CBS 143946 agus aimileáis alfa arna táirgeadh le Bacillus amyloliquefaciens CBS 143954 a athnuachan mar bhreiseán beathaithe le haghaidh sicíní lena ramhrú, turcaithe lena ramhrú, lachan agus béaróg, iarratas inar iarradh go n-aicmeofaí an breiseán sin sa chatagóir breiseán ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’. Áiríodh san iarratas togra maidir le coinníollacha an údaraithe bunaidh a leasú, arb é a bhí ann laghdú ar an íosleibhéal molta i dturcaithe lena ramhrú (ó 300 U d’ion-1,4-béite-xiolanáis, 4 000 U de shuibtilisin agus 400 U d’aimileáis alfa/kg beatha go 187,5 U d’ion-1,4-béite-xiolanáis, 2 500 U de shuibtilisin agus 250 U d’aimileáis alfa/kg beatha). Bhí na sonraí agus na doiciméid a cheanglaítear faoi Airteagal 14(2) agus na sonraí ábhartha a thacaigh leis an iarraidh ar an athrú ag gabháil leis an iarratas.

(4)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas ar údarú úsáidí nua na hullmhóide arb é atá inti ion-1,4-béite-xiolanáis arna táirgeadh le Trichoderma reesei CBS 143953, suibtilisin arna táirgeadh le Bacillus subtilis CBS 143946 agus aimileáis alfa arna táirgeadh le Bacillus amyloliquefaciens CBS 143954. Baineann an t-iarratas le húdarú na hullmhóide sin mar bhreiseán beathaithe le haghaidh gach speicis éanlaithe clóis (cé is moite de lachain) le haghaidh breithe seachas béaróga, le haghaidh gach speicis éanlaithe clóis lena ramhrú seachas sicíní agus turcaithe, agus le haghaidh gach speicis éanlaithe clóis a thógtar le haghaidh pórúcháin agus a thógtar le haghaidh breithe, agus iarrtar ann go n-aicmeofaí an breiseán sin sa chatagóir ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin.

(5)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 18 Aibreán 2024 (4) go bhfuil an ullmhóid arb é atá inti ion-1,4-béite-xiolanáis arna táirgeadh le Trichoderma reesei CBS 143953, suibtilisin arna táirgeadh le Bacillus subtilis CBS 143946 agus aimileáis alfa arna táirgeadh le Bacillus amyloliquefaciens CBS 143954 sábháilte do shicíní lena ramhrú, do lachain, do thurcaithe lena ramhrú agus do bhéaróga. Is féidir an chonclúid a leathnú chun gach speiceas éanlaithe clóis lena ramhrú, gach speiceas éanlaithe clóis a thógtar le haghaidh pórúcháin agus gach speiceas éanlaithe clóis le haghaidh breithe a chumhdach. Dúirt sé freisin go bhfuil an ullmhóid sábháilte do thomhaltóirí agus don chomhshaol. Tháinig an tÚdarás ar an gconclúid freisin maidir leis an ullmhóid arb é atá inti ion-1,4-béite-xiolanáis arna táirgeadh le Trichoderma reesei CBS 143953, suibtilisin arna táirgeadh le Bacillus subtilis CBS 143946 agus aimileáis alfa arna táirgeadh le Bacillus amyloliquefaciens CBS 143954 go bhfuil sí beagán greannach don chraiceann agus do na súile, nach íogróir deirmeach í, ach gur cheart a mheas gur íogróir riospráide í. Tháinig an tÚdarás ar an gconclúid thairis sin maidir leis an ullmhóid arb é atá inti ion-1,4-béite-xiolanáis arna táirgeadh le Trichoderma reesei CBS 143953, suibtilisin arna táirgeadh le Bacillus subtilis CBS 143946 agus aimileáis alfa arna táirgeadh le Bacillus amyloliquefaciens CBS 143954 go bhféadfadh sí a bheith éifeachtúil i lachain ag 75 U de xiolanáis, 1 000 U de shuibtilisin agus 100 U d’aimileáis/kg d’ábhar beatha iomlán, i dturcaithe lena ramhrú, i ngach speiceas éanlaithe clóis lena ramhrú, agus i ngach speiceas éanlaithe clóis a thógtar le haghaidh pórúcháin agus a thógtar le haghaidh breithe (cé is moite de lachain) ag 187,5 U de xiolanáis, 2 500 U de shuibtilisin agus 250 U d’aimileáis in aghaidh an kg d’ábhar beatha iomlán agus ag 300 U de xiolanáis, 4 000 U de shuibtilisin agus 400 U d’aimileáis in aghaidh an kg d’ábhar beatha iomlán le haghaidh gach speicis éanlaithe clóis le haghaidh breithe (cé is moite de lachain). Níor mheas an tÚdarás go bhfuil gá le ceanglais shonracha maidir le faireachán iarmhargaidh. D’fhíoraigh an tÚdarás freisin an tuarascáil ar an modh anailíse ar an mbreiseán beathaithe in ábhar beatha arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(6)

I bhfianaise an mhéid thuas, measann an Coimisiún maidir leis an ullmhóid arb é atá inti ion-1,4-béite-xiolanáis arna táirgeadh le Trichoderma reesei CBS 143953, suibtilisin arna táirgeadh le Bacillus subtilis CBS 143946 agus aimileáis alfa arna táirgeadh le Bacillus amyloliquefaciens CBS 143954 go gcomhlíonann sí na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart údarú an bhreiseáin sin a athnuachan le haghaidh sicíní lena ramhrú, turcaithe lena ramhrú, lachan agus béaróg, agus ba cheart úsáid na hullmhóide sin a údarú le haghaidh gach speicis éanlaithe clóis (cé is moite de lachain) le haghaidh breithe seachas béaróga, le haghaidh gach speicis éanlaithe clóis lena ramhrú seachas sicíní agus turcaithe, agus le haghaidh gach speicis éanlaithe clóis a thógtar le haghaidh pórúcháin agus a thógtar le haghaidh breithe. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. Ba cheart na bearta cosanta sin a bheith gan dochar do cheanglais eile sábháilteachta oibrithe faoi dhlí an Aontais.

(7)

Mar thoradh ar údarú na hullmhóide arb é atá inti ion-1,4-béite-xiolanáis arna táirgeadh le Trichoderma reesei CBS 143953, suibtilisin arna táirgeadh le Bacillus subtilis CBS 143946 agus aimileáis alfa arna táirgeadh le Bacillus amyloliquefaciens CBS 143954 mar bhreiseán beathaithe le haghaidh sicíní lena ramhrú, turcaithe lena ramhrú, lachan agus béaróg, ba cheart Rialachán (CE) Uimh. 1087/2009 agus Rialachán Cur Chun Feidhme (AE) Uimh. 389/2011 a aisghairm.

(8)

Ós rud é nach gá na modhnuithe ar na coinníollacha údaraithe maidir leis an ullmhóid arb é atá inti ion-1,4-béite-xiolanáis arna táirgeadh le Trichoderma reesei CBS 143953, suibtilisin arna táirgeadh le Bacillus subtilis CBS 143946 agus aimileáis alfa arna táirgeadh le Bacillus amyloliquefaciens CBS 143954 mar bhreiseán beathaithe le haghaidh sicíní lena ramhrú, turcaithe lena ramhrú, lachan agus béaróg, is iomchuí foráil a dhéanamh maidir le hidirthréimhse do na páirtithe leasmhara chun iad féin a ullmhú chun na ceanglais nua a eascraíonn as athnuachan an údaraithe a chomhlíonadh.

(9)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,