(1)

Skont l-istandards għar-riskju tas-suq tal-Kumitat ta’ Basel dwar is-Superviżjoni Bankarja, l-awtoritajiet kompetenti jistgħu jippermettu f’sitwazzjonijiet eċċezzjonali li l-istituzzjonijiet ma jikkonformawx ma’ ċerti rekwiżiti tal-approċċ tal-mudelli interni alternattivi fir-rigward tal-ittestjar retrospettiv u r-rekwiżiti tal-attribuzzjoni ta’ profitti u telf. F’konformità mal-prinċipju stabbilit minn dawk l-istandards, jenħtieġ li ċirkostanzi eċċezzjonali jitqiesu li jkunu prevalenti biss f’sitwazzjoni ta’ stress transfruntier sinifikanti fis-suq finanzjarju, jew ta’ bidla kbira fir-reġim, li taffettwa materjalment lill-istituzzjonijiet madwar l-Unjoni.

(2)

Kundizzjoni oħra biex ċirkostanzi straordinarji jitqiesu prevalenti jenħtieġ li tkun li l-istituzzjonijiet ma jkunux jistgħu jissodisfaw ir-rekwiżiti tal-ittestjar retrospettiv stabbiliti fl-Artikolu 325bf(3) tar-Regolament (UE) Nru 575/2013, jew ir-rekwiżit tal-attribuzzjoni ta’ profitti u telf stabbilit fl-Artikolu 325bg ta’ dak ir-Regolament, minħabba eventi li huma lil hinn mill-kontroll tagħhom u dment li n-nuqqas ta’ konformità ma’ dawk ir-rekwiżiti ma jirriżultax minn nuqqasijiet fil-mudell intern.

(3)

Kemm l-ittestjar retrospettiv kif ukoll it-test tal-attribuzzjoni ta’ profitti u telf għandhom ikunu bbażati fuq data għall-250 jum ta’ negozju qabel id-data ta’ referenza li għaliha jitwettaq it-test rispettiv. B’hekk, jenħtieġ li jiġu rikonoxxuti ċirkostanzi straordinarji meta perjodu ta’ stress transfruntier sinifikanti fis-suq finanzjarju, jew ta’ bidla kbira fir-reġim, li jaffettwa materjalment lill-istituzzjonijiet madwar l-Unjoni u jipproduċi eċċezzjonijiet li ma jirriżultawx minn nuqqasijiet fil-mudell intern ikun inkluż kompletament jew parzjalment f’dak il-perjodu ta’ 250 jum ta’ negozju.

(4)

Il-karatteristiċi ta’ kriżi li twassal għal stress transfruntier sinifikanti fis-suq finanzjarju, jew għal bidla kbira fir-reġim, li taffettwa materjalment lill-istituzzjonijiet madwar l-Unjoni, huma uniċi għal kull tali kriżi jew bidla fir-reġim. Għalhekk, ma jkunx xieraq li jiġi stabbilit b’mod preskrittiv sett eżawrjenti ta’ indikaturi li jitqiesu li dejjem ikopru b’mod adegwat in-natura u l-intensità tal-istress tas-suq finanzjarju jew tal-bidla kbira fir-reġim inkwistjoni. Madankollu, abbażi tal-esperjenza tal-passat, żieda sinifikanti fil-livell ta’ volatilità, bidliet fil-livelli ta’ korrelazzjoni, u l-fatt li l-istress transfruntier sinifikanti fis-suq finanzjarju jew il-bidla kbira fir-reġim timmanifesta ruħha malajr ħafna u f’daqqa jenħtieġ li jitqiesu bħala karatteristiċi komuni ta’ sitwazzjonijiet mhux ordinarji. Madankollu, żieda f’daqqa fil-livell ta’ volatilità, jew bidliet fil-livelli ta’ volatilità, waħedhom, jistgħu ma jkunux biżżejjed biex jikkaratterizzaw sitwazzjoni bħala waħda ta’ stress transfruntier sinifikanti fis-suq finanzjarju jew ta’ bidla kbira fir-reġim u, għalhekk, jenħtieġ li ma jwasslux awtomatikament għar-rikonoxximent ta’ ċirkostanzi straordinarji kif imsemmi fl-Artikolu 325az(5) u l-Artikolu 325bf(6) tar-Regolament (UE) Nru 575/2013.

(5)

Dan ir-Regolament huwa bbażat fuq l-abbozz ta’ standards tekniċi regolatorji ppreżentat lill-Kummissjoni mill-Awtorità Bankarja Ewropea.

(6)

L-Awtorità Bankarja Ewropea wettqet konsultazzjonijiet pubbliċi miftuħa dwar l-abbozz ta’ standards tekniċi regolatorji li fuqu huwa bbażat dan ir-Regolament, analizzat il-kostijiet u l-benefiċċji relatati potenzjali u talbet il-parir tal-Grupp tal-Partijiet Bankarji Interessati stabbilit f’konformità mal-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (2),