(1)

De bhun Rialachán (CE) Uimh. 1924/2006, tá toirmeasc ar mhaímh shláinte a dhéantar i leith bianna ach amháin má tá siad údaraithe ag an gCoimisiún i gcomhréir leis an Rialachán sin agus más rud é go n-áirítear iad i liosta de mhaímh cheadaithe.

(2)

Foráiltear le Rialachán (CE) Uimh. 1924/2006 freisin go bhféadfaidh oibreoirí gnólachtaí bia iarratais ar údaruithe i leith maímh shláinte a chur faoi bhráid údarás inniúil náisiúnta de chuid Ballstáit. Cuirfidh an t-údarás inniúil náisiúnta iarratais bhailí chuig an Údarás Eorpach um Shábháilteacht Bia (‘an tÚdarás’) le haghaidh measúnú eolaíoch, agus cuirfidh sé iad chuig an gCoimisiún agus na Ballstáit chomh maith, ar mhaithe le faisnéis.

(3)

Tá an tÚdarás le tuairim a thabhairt ar an maíomh sláinte lena mbaineann.

(4)

Déanfaidh an Coimisiún cinneadh i dtaca le húdarú a thabhairt do mhaímh shláinte agus an tuairim ón Údarás á cur san áireamh aige.

(5)

Tar éis iarratas a fháil ó DuPont Biosciences ApS, iarratas a cuireadh isteach de bhun Airteagal 13(5) de Rialachán (CE) Uimh. 1924/2006, bhí sé de cheangal ar an Údarás tuairim a thabhairt faoin mbunús eolaíoch atá le maíomh sláinte a bhaineann le Bifidobacterium animalis subsp. lactis Bi-07 (Bi-07) agus leis an méid a dhéanann sé ar mhaithe le díleá lachtóis a mhéadú (Ceist Uimh. EFSA-Q-2020-00024). Is mar a leanas a bhí an fhoclaíocht sa mhaíomh a mhol an t-iarratasóir: ‘Cabhraíonn bifidobacterium animalis subsp. lactis Bi-07 le díleá lachtóis a fheabhsú i ndaoine a bhfuil deacracht acu lachtós a dhíleá’.

(6)

Fuair an Coimisiún, na Ballstáit agus an t-iarratasóir an tuairim eolaíoch (2) maidir leis an maíomh sin ón Údarás, tuairim inar thángthas ar an gconclúid, ar bhonn na sonraí a cuireadh i láthair, nár suíodh caidreamh cúise agus éifeachta idir bifidobacterium animalis subsp. lactis Bi-07 a chaitheamh agus dea-éifeacht fhiseolaíoch (i.e. siomptóim na droch-dhíleá lachtóis a mhaolú) i ndaoine a bhfuil deacrachtaí acu lachtós a dhíleá. Dá réir sin, ós rud é nach gcomhlíonann an maíomh sin ceanglais Rialachán (CE) Uimh. 1924/2006 lena chur san áireamh i liosta an Aontais de mhaímh cheadaithe, níor cheart é a údarú.

(7)

Tar éis iarratas a fháil ó Tchibo GmbH, iarratas a cuireadh isteach de bhun Airteagal 13(5) de Rialachán (CE) Uimh. 1924/2006, bhí de cheangal ar an Údarás tuairim a thabhairt faoin mbunús eolaíoch atá le maíomh sláinte a bhaineann le Caife C21 agus le snáithí DNA a chosaint ar bhriseadh (Ceist Uimh. EFSA-Q-2019-00423). Is mar a leanas a bhí an fhoclaíocht sa mhaíomh a mhol an t-iarratasóir: ‘cabhraíonn ól rialta chaife C21 le sláine DNA i gcealla an choirp a choimeád’.

(8)

Fuair an Coimisiún, na Ballstáit agus an t-iarratasóir an tuairim eolaíoch (3) maidir leis an maíomh ón Údarás, tuairim inar thángthas ar an gconclúid, ar bhonn na sonraí a cuireadh i láthair, nár suíodh caidreamh cúise agus éifeachta idir ól chaife C21 agus snáithí DNA a chosaint ar bhriseadh. Dá réir sin, ós rud é nach gcomhlíonann an maíomh sin ceanglais Rialachán (CE) Uimh. 1924/2006 lena chur san áireamh i liosta an Aontais de mhaímh cheadaithe, níor cheart é a údarú.

(9)

Tar éis iarratas a fháil ó NattoPharma ASA, iarratas a cuireadh isteach de bhun Airteagal 13(5) de Rialachán (CE) Uimh. 1924/2006, bhí de cheangal ar an Údarás tuairim a thabhairt faoin mbunús eolaíoch atá le maíomh sláinte a bhaineann le MenaQ7® agus le hairíonna leaisteacha na n-artairí a choimeád (Ceist Uimh. EFSA-Q-2019-00229). Is mar a leanas a bhí an fhoclaíocht sa mhaíomh a mhol an t-iarratasóir: ‘Feabhsaíonn MenaQ7®, vitimín K2 mar mheineacuineon-7, righneas artaireach’.

(10)

Fuair an Coimisiún, na Ballstáit agus an t-iarratasóir an tuairim eolaíoch (4) maidir leis an maíomh ón Údarás, tuairim inar thángthas ar an gconclúid, ar bhonn na sonraí a cuireadh i láthair, nár suíodh caidreamh cúise agus éifeachta idir MenaQ7® a chaitheamh agus airíonna leaisteacha na n-artairí a choimeád. Dá réir sin, ós rud é nach gcomhlíonann an maíomh sin ceanglais Rialachán (CE) Uimh. 1924/2006 lena chur san áireamh i liosta an Aontais de mhaímh cheadaithe, níor cheart é a údarú.

(11)

Cuireadh na barúlacha a fuair an Coimisiún ó DuPont Nutrition Biosciences ApS agus Tchibo GmbH, de bhun Airteagal 16(6) de Rialachán (CE) Uimh. 1924/2006, san áireamh agus an Rialachán seo á ghlacadh.

(12)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,