C_202406216MT.000101.fmx.xml

Avviż minn qabel ta’ konċentrazzjoni

(Każ M.11696 — OEP CAPITAL ADVISORS / COMAU)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(C/2024/6216)

Fit-8 ta’ Ottubru 2024, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—	One Equity Partners Capital Advisors, L.P. (“OEP”, l-Istati Uniti),

—	Comau S.p.A (“Comau”, l-Italja), li fl-aħħar mill-aħħar hija kkontrollata minn Stellantis N.V. (“Stellantis”, in-Netherlands)

OEP se takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll esklużiv ta’ Comau.

Il-konċentrazzjoni se ssir permezz ta’ xiri ta’ ishma.

L-attivitajiet kummerċjali tal-impriżi kkonċernati huma dawn li ġejjin:

—	OEP hija kumpanija ta’ ekwità privata tas-suq medju ffukata fuq kombinazzjonijiet trasformattivi fis-setturi industrijali, tal-kura tas-saħħa u tat-teknoloġija fl-Amerka ta’ Fuq u fl-Ewropa.

—

Comau hija kumpanija privata mwaqqfa skont il-liġijiet tal-Italja. Comau u s-sussidjarji tagħha huma attivi fid-disinn, il-produzzjoni u l-provvista ta’ sistemi ta’ awtomatizzazzjoni industrijali, robotika, linji ta’ assemblaġġ u soluzzjonijiet avvanzati ta’ awtomatizzazzjoni għall-applikazzjonijiet u l-utenti finali fil-karozzi, it-trasport, l-elettromobbiltà, il-loġistika tal-imħażen, l-enerġija rinnovabbli (inkluż l-idroġenu ekoloġiku), l-industriji peżanti (jiġifieri l-bini tal-bastimenti) u fil-qasam tal-edukazzjoni.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart (10) ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:

M.11696 — OEP CAPITAL ADVISORS / COMAU

Il-kummenti jistgħu jintbagħtu lill-Kummissjoni bil-posta elettronika jew bil-posta. Uża d-dettalji ta’ kuntatt ta’ hawn taħt:

Posta elettronika: COMP-MERGER-REGISTRY@ec.europa.eu

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 160, 5.5.2023, p. 1.