European flag

Iris Oifigiúil
an Aontais Eorpaigh

GA

Sraith L


2024/2591

3.10.2024

RIALACHÁN (AE) 2024/2591 ÓN gCOMHAIRLE

an 10 Meán Fómhair 2024

maidir le leithdháileadh deiseanna iascaireachta faoin bPrótacal maidir le cur chun feidhme an Chomhaontaithe Comhpháirtíochta Iascaigh idir an Comhphobal Eorpach agus Poblacht Ghuine Bissau (2024-2029)

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 43(3) de,

Ag féachaint don togra ón gCoimisiún Eorpach,

De bharr an mhéid seo a leanas:

(1)

Maidir leis an gComhaontú Comhpháirtíochta Iascaigh idir an Comhphobal Eorpach agus Poblacht Ghuine Bissau (1) (‘an Comhaontú’), arna fhormheas trí bhíthin Rialachán (CE) Uimh. 241/2008 ón gComhairle (2), comhaontú a tháinig i bhfeidhm an 15 Aibreán 2008, déantar é a athnuachan go hintuigthe agus tá sé fós i bhfeidhm. An Prótacal, lena leagtar amach na deiseanna iascaireachta agus an ranníocaíocht airgeadais dá bhforáiltear sa Chomhaontú, chuaigh sin in éag an 14 Meitheamh 2024.

(2)

An 14 Feabhra 2024, ghlac an Chomhairle Cinneadh lenar údaraíodh don Choimisiún tús a chur le caibidlíocht le Guine Bissau chun Prótacal nua lena gcuirtear an Comhaontú chun feidhme a thabhairt i gcrích.

(3)

Tá caibidil déanta ag an gCoimisiún ar Phrótacal nua lena gcuirtear an Comhaontú chun feidhme (‘an Prótacal’) thar ceann an Aontais. Mar thoradh ar an gcaibidlíocht sin, cuireadh inisealacha leis an bPrótacal maidir le cur chun feidhme an Chomhaontaithe Comhpháirtíochta Iascaigh idir an Comhphobal Eorpach agus Poblacht Ghuine Bissau (2024-2029) an 16 Bealtaine 2024.

(4)

I gcomhréir le Cinneadh (AE) 2024/2588 ón gComhairle (3), síníodh an Prótacal an 18 Meán Fómhair 2024, faoi réir a thabhairt i gcrích ag dáta níos déanaí.

(5)

Na deiseanna iascaireachta dá bhforáiltear sa Phrótacal, arna mbunú i gcomhréir le comhairle eolaíoch agus moltaí an Chomhchoiste Eolaíoch agus arna dtarraingt suas i gcomhréir leis na moltaí agus na rúin arna nglacadh ag an gCoimisiún Idirnáisiúnta um Thuinníní Atlantacha a Chaomhnú, ba cheart iad a leithdháileadh ar Bhallstáit ar feadh thréimhse iomlán chur i bhfeidhm an Phrótacail.

(6)

Tá práinn leis na bearta sin mar gheall ar thábhacht eacnamaíoch ghníomhaíochtaí iascaireachta an Aontais i limistéar iascaireachta Ghuine Bissau agus ar an ngá atá ann an cur isteach ar ghníomhaíochtaí den sórt sin a laghdú a oiread is féidir. Dá bhrí sin, is ar bhonn sealadach a bheidh feidhm ag an bPrótacal ó dháta a shínithe chun go bhféadfaidh soithí an Aontais a ngníomhaíochtaí iascaireachta a dhéanamh chomh luath agus is féidir. Dá bhrí sin, ba cheart feidhm a bheith ag an Rialachán seo ón dáta céanna amach,

TAR ÉIS AN RIALACHÁN SEO A GHLACADH:

Airteagal 1

Deiseanna Iascaireachta

Na deiseanna iascaireachta a bhunaítear faoin bPrótacal maidir le cur chun feidhme an Chomhaontaithe Comhpháirtíochta Iascaigh idir an Comhphobal Eorpach agus Poblacht Ghuine Bissau (2024-2029), déanfar na deiseanna iascaireachta sin a leithdháileadh ar na Ballstáit i gcomhréir le hAirteagail 2 agus 3 den Rialachán seo, ar feadh thréimhse iomlán chur i bhfeidhm an Phrótacail sin.

Airteagal 2

Speicis ghrinnill

Déanfar na deiseanna iascaireachta le haghaidh speicis ghrinnill a leithdháileadh i measc na mBallstát mar a leanas:

(a)

reothrálaeir séaclaí:

An Spáinn:

2 500 OTC;

An Ghréig:

140 OTC;

An Phortaingéil:

1 060 OTC;

(b)

reothrálaeir, trálaeir iasc eite agus trálaeir ceifealapód:

An Spáinn:

2 900 OTC;

An Ghréig:

225 OTC;

An Iodáil:

375 OTC;

Airteagal 3

Speicis mhórimirceacha

Déanfar deiseanna iascaireachta le haghaidh speicis mhórimirceacha, mar a shainmhínítear in Airteagal 4, pointe (1)(b), den Phrótacal iad, a leithdháileadh mar a leanas:

(a)

reoshoithí saighne tuinníní agus báid spiléireachta dromchla:

An Spáinn:

14 shoitheach;

An Fhrainc:

12 shoitheach;

An Phortaingéil:

2 shoitheach;

(b)

soithí tuinníní cleithe agus dorú:

An Spáinn:

10 soitheach;

An Fhrainc

3 shoitheach.

Airteagal 4

Teacht i bhfeidhm

Tiocfaidh an Rialachán seo i bhfeidhm ar an lá tar éis lá a fhoilsithe in Iris Oifigiúil an Aontais Eorpaigh.

Beidh feidhm aige ón 18 Meán Fómhair 2024.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 10 Meán Fómhair 2024.

Thar ceann na Comhairle

An tUachtarán

BÓKA J.


(1)   IO L 342, 27.12.2007, lch. 5.

(2)  Rialachán (CE) Uimh. 241/2008 ón gComhairle an 17 Márta 2008 maidir leis an gComhaontú Comhpháirtíochta Iascaigh idir an Comhphobal Eorpach agus Poblacht Ghuine Bissau a thabhairt i gcrích (IO L 75, 18.3.2008, lch. 49).

(3)  Cinneadh (AE) 2024/2588 ón gComhairle an 10 Meán Fómhair 2024 maidir le síniú, thar ceann an Aontais Eorpaigh, agus le cur i bhfeidhm sealadach an Phrótacail maidir le cur chun feidhme an Chomhaontaithe Comhpháirtíochta Iascaigh idir an Comhphobal Eorpach agus Poblacht Ghuine Bissau (2024-2029) (2024-2029) (IO L, 2024/2588, 3.10. 2024, ELI: http://data.europa.eu/eli/dec/2024/2588/oj).


ELI: http://data.europa.eu/eli/reg/2024/2591/oj

ISSN 1977-0839 (electronic edition)