(1)

De bhun Airteagal 3 de Rialachán Cur Chun Feidhme (AE) 2017/39 ón gCoimisiún (2), na Ballstáit ar mian leo a bheith páirteach i scéim cabhrach an Aontais chun torthaí agus glasraí do scoileanna agus bainne do scoileanna a sholáthar i bhforais oideachas (‘an scéim scoile’), tá siad lena n-iarraidh ar chabhair ón Aontas a bhaineann leis an gcéad scoilbhliain eile a chur faoi bhráid an Choimisiún faoin 31 Eanáir gach bliain agus, más infheidhme, tabharfaidh siad cothrom le dáta an iarraidh ar chabhair ón Aontas a bhaineann leis an scoilbhliain reatha.

(2)

Chun cur chun feidhme éifeachtach na scéime scoile a áirithiú, ba cheart leithdháileadh na cabhrach ón Aontas i measc na mBallstát atá rannpháirteach le haghaidh torthaí agus glasraí do scoileanna agus le haghaidh bainne do scoileanna a shocrú ar bhonn na méideanna a léirítear san iarraidh ar chabhair ón Aontas ó na Ballstáit sin agus na haistrithe idir leithdháiltí táscacha na mBallstát dá dtagraítear in Airteagal 23a(4), pointe (a), de Rialachán (AE) Uimh. 1308/2013 ó Pharlaimint na hEorpa agus ón gComhairle á gcur san áireamh (3).

(3)

Thug na Ballstáit uile fógra don Choimisiún maidir lena n-iarraidh ar chabhair ón Aontas le haghaidh na tréimhse ón 1 Lúnasa 2024 go dtí an 31 Iúil 2025, fógra lenar sonraíodh an méid cabhrach a iarradh le haghaidh torthaí agus glasraí do scoileanna nó le haghaidh bainne do scoileanna, nó le haghaidh an dá chuid den scéim. I gcás na Beilge, na hÍsiltíre, Mhálta, agus na Sualainne, cuireadh na haistrithe idir na leithdháiltí táscacha san áireamh sna méideanna a iarradh.

(4)

Chun an úsáid is fearr is féidir a bhaint as acmhainneacht iomlán na gcistí atá ar fáil, ba cheart an chabhair a fhágtar gan iarraidh a ath-leithdháileadh ar na Ballstáit sin atá páirteach sa scéim scoile agus a léiríonn, ina n-iarraidh ar chabhair ón Aontas, a dtoilteanas méid is mó ná an leithdháileadh táscach atá acu a úsáid, i gcás ina bhfuil acmhainní breise ar fáil.

(5)

San iarraidh ón tSualainn ar chabhair ón Aontas le haghaidh na tréimhse ón 1 Lúnasa 2024 go dtí an 31 Iúil 2025, lorgaíodh méid is lú ná an leithdháileadh táscach le haghaidh torthaí agus glasraí do scoileanna. Chuir na Ballstáit seo a leanas a dtoilteanas in iúl méid is mó ná an leithdháileadh táscach le haghaidh torthaí agus glasraí do scoileanna a úsáid: an Bhulgáir, an Chipir, an Chróit, an Danmhairg, an Eastóin, Éire, an Ghearmáin, an Ísiltír, Málta, an Laitvia, an Liotuáin, Lucsamburg, an Ostair, an Pholainn, an tSeicia, an tSlóivéin, an tSlóvaic, an Spáinn agus an Ungáir. Chuir na Ballstáit seo a leanas a dtoilteanas in iúl méid is mó ná an leithdháileadh táscach le haghaidh bainne do scoileanna a úsáid: an Bhulgáir, an Chipir, an Chróit, an Danmhairg, an Eastóin, Éire, an Ghearmáin, an Laitvia, an Liotuáin, Lucsamburg, an Ostair, an Pholainn,, an Spáinn, an tSeicia, an tSlóivéin, an tSlóvaic agus an tSualainn. Mar sin féin, níor lorg aon Bhallstát méid is lú ná an leithdháileadh táscach le haghaidh bainne do scoileanna.

(6)

Ar bhonn na faisnéise atá curtha in iúl ag na Ballstáit, ba cheart leithdháileadh críochnaitheach na cabhrach ón Aontas le haghaidh torthaí agus glasraí do scoileanna agus le haghaidh bainne do scoileanna le haghaidh na tréimhse ón 1 Lúnasa 2024 go dtí an 31 Iúil 2025 a shocrú.

(7)

Le Cinneadh Cur Chun Feidhme (AE) 2023/655 ón gCoimisiún (4) socraíodh leithdháileadh críochnaitheach na cabhrach ón Aontas le haghaidh torthaí agus glasraí do scoileanna agus le haghaidh bainne do scoileanna i measc na mBallstát ar mian leo a bheith páirteach sa scéim scoile le haghaidh na tréimhse ón 1 Lúnasa 2023 go dtí an 31 Iúil 2024.

(8)

Sna fógraí a cuireadh isteach faoin 31 Eanáir 2024 de bhun Airteagal 3 de Rialachán Cur Chun Feidhme (AE) 2017/39, rinne roinnt Ballstát a n-iarraidh ar chabhair ón Aontas a bhaineann leis an scoilbhliain 2023/2024 a thabhairt cothrom le dáta. Thug an Ghearmáin, Málta, agus an Ungáir fógra faoi aistrithe idir an leithdháileadh críochnaitheach le haghaidh torthaí agus glasraí do scoileanna agus an leithdháileadh críochnaitheach le haghaidh bainne do scoileanna. Lorg an Spáinn méid is lú ná an leithdháileadh críochnaitheach le haghaidh torthaí agus glasraí do scoileanna. Chuir na Ballstáit seo a leanas a dtoilteanas in iúl méid is mó ná an leithdháileadh críochnaitheach le haghaidh torthaí agus glasraí do scoileanna a úsáid: an tSeicia, an Eastóin, Éire, an Ísiltír, an Laitvia, an Liotuáin, Lucsamburg, Málta, an Ostair agus an tSlóvaic. Lorg an Spáinn agus an Ísiltír méid is lú ná an leithdháileadh críochnaitheach le haghaidh bainne do scoileanna. Chuir na Ballstáit seo a leanas a dtoilteanas in iúl méid is mó ná an leithdháileadh críochnaitheach le haghaidh bainne do scoileanna a úsáid: an Eastóin, Éire, an Ghearmáin, an Laitvia, an Liotuáin, Lucsamburg, an Ostair, an Rómáin, an tSeicia, an tSlóvaic agus an tSualainn.

(9)

Dá bhrí sin, ba cheart Cinneadh Cur Chun Feidhme (AE) 2023/655 a leasú dá réir.

(10)

Tá na bearta dá bhforáiltear sa Chinneadh seo i gcomhréir leis an tuairim ón gCoiste um Chomheagrú na Margaí Talmhaíochta,