|
16.5.2012 |
MT |
Il-Ġurnal Uffiċjali tal-Unjoni Ewropea |
L 128/5 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 414/2012
tal-15 ta’ Mejju 2012
li jemenda r-Regolament (KE) Nru 554/2008 fir-rigward tal-kontenut minimu u tad-doża minima rakkomandata ta’ preparazzjoni enżimatika ta’ 6-fitażi bħala addittiv tal-għalf għad-dundjani tas-simna
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 13(3) tiegħu,
Billi:
|
(1) |
Il-preparazzjoni enżimatika ta’ 6-fitażi (EC 3.1.3.26), li tappartjeni għall-kategorija tal-addittivi “addittivi żootekniċi”, ġiet awtorizzata għal għaxar snin bħala addittiv tal-għalf għall-użu għat-tiġieġ tas-simna, għat-tiġieġ tal-bajd, għall-papri tas-simna, għad-dundjani tas-simna u għall-ħnienes miftuma, permezz tar-Regolament tal-Kummissjoni (KE) Nru 554/2008 (2). |
|
(2) |
Skont l-Artikolu 13(3) tar-Regolament (KE) Nru 1831/2003, id-detentur tal-awtorizzazzjoni ppropona li jinbidlu t-termini tal-awtorizzazzjoni tal-preparazzjoni kkonċernata billi jitnaqqsu l-kontenut minimu u d-doża minima rakkomandata tagħha minn 1 000 FTU/kg għal 500 FTU/kg ta’ għalf komplet, fir-rigward tal-użu għad-dundjani tas-simna. Din l-applikazzjoni ġiet ippreżentata flimkien mad-dejta ta’ sostenn rilevanti. |
|
(3) |
L-Awtorità Ewropea dwar is-Sigurtà fl-Ikel, fl-opinjoni tagħha tat-13 ta’ Novembru 2011, ikkonkludiet li l-preparazzjoni kkonċernata għandha l-potenzjal li ttejjeb l-utilizzazzjoni tal-fosforu fid-dundjani tas-simna fid-doża minima mitluba ta’ 500 FTU/kg (3) ta’ għalf komplet. |
|
(4) |
Il-kundizzjonijiet stipulati fl-Artikolu 5 tar-Regolament (KE) Nru 1831/2003 kienu sodisfatti. |
|
(5) |
Ir-Regolament (KE) Nru 554/2008 għandu għalhekk jiġi emendat skont dan. |
|
(6) |
Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 554/2008 huwa emendat skont l-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-15 ta’ Mejju 2012.
Għall-Kummissjoni
Il-President
José Manuel BARROSO
(1) ĠU L 268, 18.10.2003, p. 29.
(2) ĠU L 158, 18.6.2008, p. 14.
(3) EFSA Journal 2012; 10(1):2533.
ANNESS
L-Anness tar-Regolament (KE) Nru 554/2008 qed jinbidel b’dan li ġej:
“ANNESS
|
Numru ta’ identifikazzjoni tal-addittiv |
Isem id-detentur tal-awtorizzazzjoni |
Addittiv |
Kompożizzjoni, formula kimika, deskrizzjoni, metodu analitiku |
Speċi jew kategorija ta’ annimali |
Età massima |
Kontenut minimu |
Kontenut massimu |
Dispożizzjonijet oħra |
Tmiem il-perjodu ta’ awtorizzazzjoni |
||||||||||||||||||||||||||||||
|
Unitajiet ta’ attività/kg ta’ għalf komplet b’kontenut ta’ umdità ta’ 12 % |
|||||||||||||||||||||||||||||||||||||||
|
Il-kategorija tal-addittivi żootekniċi. IL-grupp funzjonali: is-sustanzi li jtejbu d-diġestibilità |
|||||||||||||||||||||||||||||||||||||||
|
4a5 |
AB Enzymes GmbH |
6-fitażi EC 3.1.3.26 |
|
Tiġieġ tas-simna |
— |
500 FTU |
— |
|
8.7.2018 |
||||||||||||||||||||||||||||||
|
Tiġieġ tal-bajd |
— |
250 FTU |
— |
||||||||||||||||||||||||||||||||||||
|
Papri tas-simna |
— |
250 FTU |
— |
||||||||||||||||||||||||||||||||||||
|
Dundjani tas-simna |
— |
500 FTU |
— |
||||||||||||||||||||||||||||||||||||
|
Ħnienes (miftuma) |
— |
100 FTU |
— |
||||||||||||||||||||||||||||||||||||
(1) 1 FTU huwa l-ammont ta’ enżimi li jillibera 1 mikromol ta’ fosfat inorganiku fil-minuta mill-fitat tas-sodju b’pH 5,5 u 37 °C.
(2) Id-dettalji tal-metodi analitiċi huma disponibbli fl-indirizz li ġej tal-Laboratorju Komunitarju ta’ Referenza: www.irmm.jrc.be/crl-feed-additives.”