|
6.3.2015 |
MT |
Il-Ġurnal Uffiċjali tal-Unjoni Ewropea |
L 62/6 |
REGOLAMENT TAL-KUMMISSJONI (UE) 2015/359
tal-4 ta' Marzu 2015
li jimplimenta r-Regolament (KE) Nru 1338/2008 tal-Parlament Ewropew u tal-Kunsill rigward l-istatistika dwar infiq u finanzjament għall-kura tas-saħħa
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1338/2008 tal-Parlament Ewropew u tal-Kunsill tas-16 ta' Diċembru 2008 dwar l-istatistika Komunitarja dwar is-saħħa pubblika u s-saħħa u s-sigurtà fuq ix-xogħol (1), u b'mod partikolari l-Artikolu 9(1) u l-Anness II il-punt (d), tiegħu,
Billi:
|
(1) |
Ir-Regolament (KE) Nru 1338/2008 jistabbilixxi qafas komuni għall-produzzjoni sistematika tal-istatistika Ewropea dwar is-saħħa pubblika u s-saħħa u s-sigurtà fuq ix-xogħol. |
|
(2) |
Miżuri ta' implimentazzjoni jiddeterminaw id-dejta u l-metadejta li għandha tingħata dwar infiq u finanzjament għall-kura tas-saħħa u l-perjodi ta' referenza, l-intervalli u l-limiti ta' żmien għall-forniment tad-dejta. |
|
(3) |
Skont l-Artikolu 6(2) tar-Regolament (KE) Nru 1338/2008, twettqet analiżi tal-ispejjeż imqabbla mal-benefiċċji, li tqis il-benefiċċji tad-disponibbiltà tad-dejta dwar infiq u finanzjament għall-kura tas-saħħa fir-rigward tal-ispiża tal-ġbir tad-dejta, li l-Istati Membri ilhom iwettqu fuq bażi volontarja mill-2005 skont il-prinċipji stabbiliti mis-Sistema tal-Kontijiet tas-Saħħa, u l-piż fuq l-Istati Membri. Skont l-Artikolu 6(1) tar-Regolament (KE) Nru 1338/2008, fl-2013 u fl-2014, il-Kummissjoni bdiet studji pilota li tlestew fuq bażi volontarja mill-Istati Membri. Il-Kummissjoni ddiskutiet il-ħtiġijiet tal-utenti mal-Istati Membri f'diversi laqgħat. Id-disponibbiltà ta' dejta madwar l-UE x'aktarx li se tkun ta' benefiċċju kbir għal deċiżjonijiet dwar is-saħħa u l-politika soċjali. |
|
(4) |
Sabiex tiġi żgurata r-rilevanza u l-komparabbiltà tad-dejta, il-manwal tas-Sistema ta' Kontijiet tas-Saħħa 2011 (2), li ġie prodott b'mod konġunt mill-Kummissjoni (Eurostat), l-Organizzazzjoni għall-Kooperazzjoni u l-Iżvilupp Ekonomiku (OECD) u l-Organizzazzjoni Dinjija tas-Saħħa (WHO) u li jistabbilixxi l-kunċetti, id-definizzjonijiet u l-metodi għall-ipproċessar tad-dejta dwar infiq u finanzjament għall-kura tas-saħħa, għandu jifforma l-bażi għall-kwestjonarju dettaljat u l-linji gwida li jakkumpanjawha użati f'eżerċizzju ta' ġbir ta' dejta annwali konġunt imwettaq minn dawn it-tliet korpi. |
|
(5) |
Il-miżuri stipulati f'dan ir-Regolament huma skont l-opinjoni tal-Kumitat tas-Sistema Ewropea tal-Istatistika. |
ADOTTAT DAN IR-REGOLAMENT:
Artikolu 1
Dan ir-Regolament jistabbilixxi regoli għall-iżvilupp u l-produzzjoni tal-istatistika Ewropea fil-qasam tal-infiq u l-finanzjament għall-kura tas-saħħa, wieħed mis-suġġetti għall-istatistika dwar il-kura tas-saħħa fl-Anness II tar-Regolament (KE) Nru 1338/2008.
Artikolu 2
Id-definizzjonijiet li għandhom jintużaw fl-applikazzjoni ta' dan ir-Regolament huma stabbiliti fl-Anness I.
Artikolu 3
L-Istati Membri għandhom jipprovdu dejta fuq l-oqsma speċifikati fl-Anness II.
Artikolu 4
(1) L-Istati Membri għandhom jipprovdu d-dejta meħtieġa u l-metadejta ta' referenza standard assoċjata fuq bażi annwali. Il-perjodu ta' referenza gћandu jkun is-sena kalendarja.
(2) Id-dejta u l-metadejta ta' referenza għas-sena ta' referenza N għandhom jintbagħtu sat-30 ta' April N+2.
(3) Id-dejta u l-metadejta ta' referenza għandhom jiġu pprovduti lill-Kummissjoni (Eurostat) bis-servizzi tal-punt tad-dħul uniku jew għandhom ikunu disponibbli għall-irkupru mill-Kummissjoni (Eurostat) b'mezzi elettroniċi fuq bażi annwali.
(4) L-ewwel sena ta' referenza għandha tkun l-2014.
(5) L-aħħar sena ta' referenza għandha tkun l-2020.
(6) B'deroga mill-paragrafu 2, l-Istati Membri għandhom jipprovdu d-dejta u l-metadejta ta' referenza għas-sena ta' referenza 2014 sal-31 ta' Mejju 2016.
Artikolu 5
(1) L-Istati Membri għandhom jipprovdu dejta fil-livell ta' aggregazzjoni speċifikat fl-Anness II.
(2) L-Istati Membri għandhom jipprovdu l-metadejta ta' referenza meħtieġa, b'mod partikolari dwar is-sorsi tad-dejta, il-kopertura tagħhom u l-metodi ta' kompilazzjoni użati, informazzjoni dwar karatteristiċi ta' infiq u finanzjament għall-kura tas-saħħa nazzjonali speċifiċi għall-Istati Membri li jiddevjaw minn definizzjonijiet provduti fl-Anness I, ir-referenzi għal-leġiżlazzjoni nazzjonali fejn din tifforma l-bażi għal infiq u finanzjament għall-kura tas-saħħa, kif ukoll informazzjoni dwar kwalunkwe tibdil fil-kunċetti statistiċi msemmija hawnhekk.
Artikolu 6
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-4 ta' Marzu 2015.
Għall-Kummissjoni
Il-President
Jean-Claude JUNCKER
(1) ĠU L 354, 31.12.2008, p. 70.
(2) OECD, Eurostat, WHO (2011), Sistema ta' Kontijiet tas-Saħħa, Pubblikazzjoni tal-OECD, doi: 10.1787/9789264116016-en
ANNESS I
Definizzjonijiet
|
1. |
“Kura tas-saħħa” tfisser l-attivitajiet kollha bl-għan ewlieni li jitejjeb u jinżamm l-istat tas-saħħa ta' persuni u li jiġi pprevenut id-deterjorament tiegħu u li jittaffew il-konsegwenzi ta' nuqqas ta' saħħa permezz tal-applikazzjoni ta' għarfien tas-saħħa kkwalifikat; |
|
2. |
“Nefqa kurrenti għall-kura tas-saħħa” tfisser in-nefqa tal-konsum aħħari ta' unitajiet residenti fuq prodotti u servizzi għall-kura tas-saħħa, inklużi l-prodotti u s-servizzi għall-kura tas-saħħa pprovduti direttament lil persuni individwali kif ukoll is-servizzi tal-kura tas-saħħa kollettivi; |
|
3. |
“Funzjonijiet tal-kura tas-saħħa” tirrigwarda t-tip ta' bżonn li n-nefqa kurrenti għall-kura tas-saħħa għandha l-għan li tissodisfa jew it-tip ta' għan segwit; |
|
4. |
“Kura kurattiva” tfisser servizzi tal-kura tas-saħħa li matulhom l-intenzjoni prinċipali hija li jittaffew is-sintomi jew li titnaqqas il-gravità ta' marda jew korriment, jew bħala ħarsien kontra l-aggravar tagħha jew kumplikazzjoni li tista' tkun ta' periklu għall-ħajja jew funzjoni normali; |
|
5. |
“Kura riabilitattiva” tfisser is-servizzi li jistabbilizzaw, itejbu jew jirkupraw funzjonijiet u strutturi tal-ġisem indeboliti, jikkumpensaw għan-nuqqas jew it-telf ta' funzjonijiet u strutturi tal-ġisem, itejbu l-parteċipazzjoni u l-attivitajiet u jipprevjenu indebolimenti, riskji u kumplikazzjonijiet mediċi; |
|
6. |
“Kura għal pazjenti fl-isptar” tfisser it-trattament u/jew il-kura pprovduta f'faċilità għall-kura tas-saħħa lil pazjenti formalment ammessi u li jeħtieġu soġġorn ta' lejl; |
|
7. |
“Kura għal pazjenti ta' barra” tfisser is-servizzi mediċi u anċillari mogħtija f'faċilità għall-kura tas-saħħa lil pazjent li mhux formalment ammess u li ma jeħtieġx soġġorn ta' lejl; |
|
8. |
“Kura matul il-jum” tfisser is-servizzi mediċi u paramediċi ppjanati mogħtija f'faċilità għall-kura tas-saħħa lil pazjenti li jkunu ġew formalment ammessi għal dijanjożi, trattament jew tipi oħra ta' kura tas-saħħa u li jintbagħtu d-dar fl-istess jum; |
|
9. |
“Il-kura tas-saħħa fit-tul” tfisser firxa ta' servizzi mediċi u tal-kura personali li huma kkunsmati bil-għan ewlieni li jtaffu l-uġigħ u t-tbatija u jnaqqsu jew jiġġestixxu deterjorament fl-istat tas-saħħa f'pazjenti bi grad ta' dipendenza fit-tul; |
|
10. |
“Kura fid-djar” tfisser is-servizzi ta' kura, anċillari u mediċi li huma kkunsmati minn pazjenti fid-dar tagħhom u jinvolvu l-preżenza fiżika tal-fornituri; |
|
11. |
“Servizzi anċillari” (mhux speċifikati skont il-funzjoni) tfisser is-servizzi relatati ma' kura tas-saħħa u kura fit-tul li mhumiex speċifikati permezz ta' funzjoni u permezz tal-mezz ta' forniment, li l-pazjent jikkonsma direttament, b'mod partikolari matul kuntatt indipendenti tas-sistema tas-saħħa u li mhumiex parti integrali minn pakkett ta' servizzi tal-kura, bħal servizzi ta' immaġni jew ta' laboratorju jew ta' trasportazzjoni ta' pazjenti u salvataġġ ta' emerġenza; |
|
12. |
“Prodotti farmaċewtiċi u prodotti mediċi oħra li ma jdumux iservu” (mhux speċifikati skont il-funzjoni) tfisser prodotti farmaċewtiċi u prodotti mediċi maħsuba għall-użu fid-dijanjożi, il-kura, il-mitigazzjoni u t-trattament ta' mard, inklużi mediċini preskritti u drogi mingħajr riċetta, fejn il-funzjoni u l-mod ta' dispożizzjoni mhumiex speċifikati; |
|
13. |
“Apparat terapewtiku u prodotti mediċi oħra” (mhux speċifikati skont il-funzjoni) tfisser prodotti li jdumu jservu inkluż apparat ortotiku li jappoġġa jew jirranġa deformitajiet u/jew anormalitajiet tal-ġisem tal-bniedem, apparat ortopediku, prosteżi jew estensjonijiet li jieħdu post parti tal-ġisem nieqsa u apparat prostetiku ieħor, inklużi l-impjanti li jibdlu jew jissupplimentaw il-funzjonalità ta' struttura bijoloġika nieqsa u l-apparat medikotekniku, fejn il-funzjoni u l-mod ta' proviżjoni mhumiex speċifikati; |
|
14. |
“Kura preventiva” tfisser kwalunkwe miżura li għandha l-għan li tevita jew tnaqqas in-numru jew is-severità tal-korrimenti u l-mard, l-eżitu u l-kumplikazzjonijiet tagħhom; |
|
15. |
“Governanza u l-amministrazzjoni tas-sistema tas-saħħa u tal-finanzjament” tfisser servizzi li jiffukaw fuq is-sistema tas-saħħa aktar milli fuq il-funzjonament tas-sistema tas-saħħa ta' appoġġ u diretta, u l-kura tas-saħħa diretta, u huma kkunsidrati bħala kollettivi, peress li mhumiex allokati għal individwi speċifiċi iżda huma ta' benefiċċju għall-utenti kollha tas-sistema tas-saħħa; |
|
16. |
“Skemi ta' finanzjament tal-kura tas-saħħa” tfisser tipi ta' arranġamenti ta' finanzjament li permezz tagħhom persuni jiksbu servizzi tas-saħħa, inkluż kemm pagamenti diretti minn unitajiet domestiċi għal servizzi u prodotti u kemm arranġamenti ta' finanzjament ma' partijiet terzi; |
|
17. |
“Skemi tal-gvern” tfisser skemi ta' finanzjament tal-kura tas-saħħa li l-karatteristiċi tagħhom huma ddeterminati mil-liġi jew mill-gvern u fejn baġit separat huwa stabbilit għall-programm u unità tal-gvern li jkollha responsabbiltà ġenerali għalih; |
|
18. |
“Skema tal-assigurazzjoni tas-saħħa kontributorja obbligatorja” tfisser arranġament ta' finanzjament biex jiġi żgurat aċċess għall-kura tas-saħħa għal gruppi speċifiċi tal-popolazzjoni permezz tal-parteċipazzjoni obbligatorja determinata mil-liġi jew mill-gvern u l-eliġibbiltà bbażata fuq il-ħlas ta' kontribuzzjonijiet għall-assigurazzjoni tas-saħħa minn jew f'isem l-individwi kkonċernati; |
|
19. |
“Kontijiet ta' tfaddil mediku obbligatorji (MSA)” tfisser kontijiet ta' tfaddil li huma legalment obbligatorji, fejn il-metodu bażiku għall-ġbir ta' fondi u xi kwistjonijiet li jikkonċernaw l-użu tal-kont biex jiġu mħallsa servizzi tas-saħħa huma rregolati mill-gvern, u meta ma jkunx hemm akkomunament bejn individwi, ħlief għal membri tal-familja; |
|
20. |
“Skemi tal-assigurazzjoni tas-saħħa volontarja” tfisser skemi bbażati fuq ix-xiri ta' polza tal-assigurazzjoni tas-saħħa, li ma jsirx mandatorju mill-gvern u fejn il-primjums tal-assigurazzjoni jistgħu jiġu ssussidjati b'mod dirett jew indirett mill-gvern; |
|
21. |
“Skemi ta' finanzjament tal-istituzzjonijiet mingħajr skop ta' qligħ” tfisser arranġamenti u programmi ta' finanzjament mhux obbligatorji b'intitolament ta' benefiċċju mhux kontributorju, ibbażati fuq donazzjonijiet mingħand il-pubbliku, il-gvern jew korporazzjonijiet; |
|
22. |
“Skemi ta' finanzjament tal-intrapriżi” primarjament tfisser arranġamenti fejn l-intrapriżi jipprovdu jew jiffinanzjaw direttament servizzi tas-saħħa għall-impjegati tagħhom mingħajr l-involviment ta' xi skema ta' tip ta' assigurazzjoni; |
|
23. |
“Ħlas mill-but tal-unitajiet domestiċi” tfisser ħlas dirett għal prodotti u servizzi għall-kura tas-saħħa mill-introjtu jew it-tfaddil primarju tal-unitajiet domestiċi, meta jsir il-ħlas mill-utent fil-mument tax-xiri ta' prodotti jew l-użu tas-servizzi; |
|
24. |
“Skemi ta' finanzjament tal-bqija tad-dinja” tfisser arranġamenti finanzjarji li jinvolvu jew li huma ġestiti minn unitajiet istituzzjonali li huma residenti barra mill-pajjiż, iżda li jiġbru, li jiġbru flimkien ir-riżorsi u jixtru prodotti u servizzi tal-kura tas-saħħa f'isem ir-residenti, mingħajr tranżitu tal-fondi tagħhom permezz ta' skema tar-residenti; |
|
25. |
“Fornituri tal-kura tas-saħħa” tfisser l-organizzazzjonijiet u l-atturi li jikkunsinnjaw il-prodotti u s-servizzi tal-kura tas-saħħa bħala l-attività primarja tagħhom, kif ukoll dawk li għalihom il-provvediment tal-kura tas-saħħa huwa biss wieħed fost numru ta' attivitajiet; |
|
26. |
“Sptarijiet” tfisser stabbilimenti liċenzjati li huma primarjament involuti fil-provvediment ta' servizzi mediċi, dijanjostiċi u ta' trattament li jinkludu servizzi ta' tobba, infermiera u servizzi oħra tas-saħħa għall-pazjenti fl-isptar u s-servizzi ta' akkomodazzjoni speċjalizzati meħtieġa mill-pazjenti fl-isptar u li jistgħu wkoll jipprovdu servizzi tal-kura tas-saħħa d-dar, għal pazjenti ta' barra u matul il-jum; |
|
27. |
“Faċilitajiet tal-kura fit-tul residenzjali” tfisser stabbilimenti li huma primarjament involuti fil-provvediment tal-kura fit-tul residenzjali li jikkombinaw kura mill-infermiera, superviżorja jew tipi oħra ta' kura kif meħtieġ mir-residenti, fejn parti sinifikanti tal-proċess ta' produzzjoni u l-kura pprovduta hija taħlita ta' servizzi soċjali u servizzi tas-saħħa bis-servizzi tas-saħħa jkunu fil-biċċa l-kbira fil-livell tal-kura mill-infermiera flimkien ma' servizzi ta' kura personali; |
|
28. |
“Fornituri ta' kura tas-saħħa ambulatorja” tfisser stabbilimenti li huma primarjament involuti fil-provvediment ta' servizzi tal-kura tas-saħħa direttament lil pazjenti ta' barra li ma jkunux jeħtieġu servizzi fl-isptar, inklużi kemm l-uffiċċji ta' tobba ġenerali u speċjalisti mediċi u stabbilimenti li jispeċjalizzaw fit-trattament ta' każijiet ta' matul il-jum u fl-għoti ta' servizzi tal-kura fid-djar; |
|
29. |
“Fornituri ta' servizzi anċillari” tfisser stabbilimenti li jipprovdu tip ta' servizzi anċillari speċifiċi direttament lil pazjenti ta' barra taħt is-superviżjoni ta' professjonisti tas-saħħa u li mhumiex koperti f'każ ta' trattament minn sptarijiet, faċilitajiet tal-kura mill-infermiera, fornituri ta' kura ambulatorja jew fornituri oħrajn; |
|
30. |
“Bejjiegħa bl-imnut u fornituri oħra ta' prodotti mediċi” tfisser stabbilimenti li l-attività ewlenija tagħhom hija l-bejgħ bl-imnut ta' prodotti mediċi lill-pubbliku ġenerali għal użu jew konsum individwali jew tal-unità domestika, inkluż l-istallazzjoni u t-tiswija magħmula flimkien mal-bejgħ; |
|
31. |
“Fornituri ta' kura preventiva” tfisser organizzazzjonijiet li primarjament jipprovdu programmi u kampanji preventivi kollettivi/programmi tas-saħħa pubblika għal gruppi speċifiċi ta' individwi jew il-popolazzjoni inġenerali, bħall-promozzjoni tas-saħħa u l-aġenziji tal-protezzjoni jew istituti tas-saħħa pubblika kif ukoll stabbilimenti speċjalizzati li jipprovdu kura preventiva primarja bħala l-attività prinċipali tagħhom; |
|
32. |
“Fornituri tal-amministrazzjoni u l-finanzjament tas-sistema tal-kura tas-saħħa” tfisser stabbilimenti li huma primarjament involuti fir-regolazzjoni tal-attivitajiet ta' aġenziji li jipprovdu kura tas-saħħa u fl-amministrazzjoni ġenerali tas-settur tal-kura tas-saħħa, inkluż l-amministrazzjoni tal-finanzjament tas-saħħa; |
|
33. |
“Il-bqija tal-ekonomija” tfisser fornituri tal-kura tas-saħħa residenti oħra li mhumiex ikklassifikati xi mkien ieħor, inklużi unitajiet domestiċi bħala fornituri ta' servizzi tas-saħħa fid-dar personali għall-membri tal-familja, f'każijiet fejn jikkorrispondu għal pagamenti ta' trasferiment soċjali mogħtija għal dan il-għan kif ukoll l-industriji l-oħra kollha li joffru l-kura tas-saħħa bħala attività sekondarja; |
|
34. |
“Il-fornituri tal-bqija tad-dinja” tfisser l-unitajiet mhux residenti kollha li jfornu prodotti u servizzi tal-kura tas-saħħa kif ukoll dawk involuti f'attivitajiet relatati mas-saħħa. |
ANNESS II
Suġġetti li għandhom jiġu koperti u l-karatteristiċi tagħhom, paragun u analiżi tad-dejta
1. Paragun tan-nefqa kurrenti għall-kura tas-saħħa fuq funzjonijiet tal-kura tas-saħħa (HC) u skemi ta' finanzjament (HF) (*1)
|
|
Skemi ta' finanzjament |
HF.1.1 |
HF.1.2; HF.1.3 |
HF.2.1 |
HF.2.2 |
HF2.3 |
HF.3 |
HF.4 |
|
|
Funzjonijiet tal-kura tas-saħħa |
|
Skemi tal-gvern |
Skemi tal-assigurazzjoni tas-saħħa kontributorji obbligatorji kif ukoll Kontijiet ta' tfaddil mediku obbligatorji (*2) |
Skemi tal-assigurazzjoni tas-saħħa volontarja |
Skemi ta' finanzjament tal-istituzzjonijiet mingħajr skop ta' qligħ |
Skemi ta' finanzjament tal-intrapriżi |
Ħlas mill-but tal-unitajiet domestiċi |
Skemi ta' finanzjament tal-bqija tad-dinja |
Nefqa kurrenti għall-kura tas-saħħa HF.1-HF.4 |
|
HC.1.1; HC.2.1 |
Kura riabilitattiva u kurattiva għal pazjenti fl-isptar |
|
|
|
|
|
|
|
|
|
HC.1.2; HC.2.2 |
Kura riabilitattiva u kurattiva matul il-jum |
|
|
|
|
|
|
|
|
|
HC.1.3; HC.2.3 |
Kura riabilitattiva u kurattiva għal pazjenti ta' barra |
|
|
|
|
|
|
|
|
|
HC.1.4; HC.2.4 |
Kura riabilitattiva u kurattiva fid-djar |
|
|
|
|
|
|
|
|
|
HC.3.1 |
Kura tas-saħħa fit-tul għal pazjenti fl-isptar |
|
|
|
|
|
|
|
|
|
HC.3.2 |
Kura tas-saħħa fit-tul matul il-jum |
|
|
|
|
|
|
|
|
|
HC.3.3 |
Kura tas-saħħa fit-tul għal pazjenti ta' barra |
|
|
|
|
|
|
|
|
|
HC.3.4 |
Kura tas-saħħa fit-tul fid-djar |
|
|
|
|
|
|
|
|
|
HC.4 |
Servizzi anċillari (mhux speċifikati skont il-funzjoni) |
|
|
|
|
|
|
|
|
|
HC.5.1 |
Prodotti farmaċewtiċi u prodotti mediċi oħra li ma jdumux iservu (mhux speċifikati skont il-funzjoni) |
|
|
|
|
|
|
|
|
|
HC.5.2 |
Apparat terapewtiku u prodotti mediċi oħra (mhux speċifikati skont il-funzjoni) |
|
|
|
|
|
|
|
|
|
HC.6 |
Kura preventive (*3) |
|
|
|
|
|
|
|
|
|
HC.7 |
Governanza u l-amministrazzjoni tas-sistema tas-saħħa u tal-finanzjament |
|
|
|
|
|
|
|
|
|
HC.9 |
Servizzi tal-kura tas-saħħa oħra mhux ikklassifikati xi mkien ieħor (n.e.c.). |
|
|
|
|
|
|
|
|
|
|
Nefqa kurrenti għall-kura tas-saħħa HC.1-HC.9 |
|
|
|
|
|
|
|
|
2. Il-krossklassifikazzjoni tan-nefqa kurrenti għall-kura tas-saħħa b'funzjonijiet tal-kura tas-saħħa (HC) u l-fornituri tal-kura tas-saħħa HP) (*4)
|
|
Il-fornituri tal-kura tas-saħħa |
HP.1 |
HP.2 |
HP.3 |
HP.4 |
HP.5 |
HP.6 |
HP.7 |
HP.8 |
HP.9 |
|
|
Funzjonijiet tal-kura tas-saħħa |
|
Sptarijiet |
Faċilitajiet tal-kura fit-tul residenzjali |
Fornituri ta' kura tas-saħħa ambulatorja |
Fornituri ta' servizzi anċillari |
Bejjiegħa bl-imnut u fornituri oħra ta' prodotti mediċi |
Fornituri ta' kura preventiva |
Fornituri tal-amministrazzjoni u tal-finanzjament tas-sistema tal-kura tas-saħħa |
Il-bqija tal-ekonomija |
Il-bqija tad-dinja |
Nefqa kurrenti għall-kura tas-saħħa HP.1-HP.9 |
|
HC.1.1; HC.2.1 |
Kura riabilitattiva u kurattiva għal pazjenti fl-isptar |
|
|
|
|
|
|
|
|
|
|
|
HC.1.2; HC.2.2 |
Każijiet ta' matul il-jum ta' kura riabilitattiva u kurattiva |
|
|
|
|
|
|
|
|
|
|
|
HC.1.3; HC.2.3 |
Kura riabilitattiva u kurattiva għal pazjenti ta' barra |
|
|
|
|
|
|
|
|
|
|
|
HC.1.4; HC.2.4 |
Kura riabilitattiva u kurattiva fid-djar |
|
|
|
|
|
|
|
|
|
|
|
HC.3.1 |
Kura tas-saħħa fit-tul għal pazjenti fl-isptar |
|
|
|
|
|
|
|
|
|
|
|
HC.3.2 |
Kura tas-saħħa fit-tul matul il-jum |
|
|
|
|
|
|
|
|
|
|
|
HC.3.3 |
Kura tas-saħħa fit-tul għal pazjenti ta' barra |
|
|
|
|
|
|
|
|
|
|
|
HC.3.4 |
Kura tas-saħħa fit-tul fid-djar |
|
|
|
|
|
|
|
|
|
|
|
HC.4 |
Servizzi anċillari (mhux speċifikati skont il-funzjoni) |
|
|
|
|
|
|
|
|
|
|
|
HC.5.1 |
Prodotti farmaċewtiċi u prodotti mediċi oħra li ma jdumux iservu (mhux speċifikati skont il-funzjoni) |
|
|
|
|
|
|
|
|
|
|
|
HC.5.2 |
Apparat terapewtiku u prodotti mediċi oħra (mhux speċifikati skont il-funzjoni) |
|
|
|
|
|
|
|
|
|
|
|
HC.6 |
Kura preventiva (*5) |
|
|
|
|
|
|
|
|
|
|
|
HC.7 |
Governanza u l-amministrazzjoni tas-sistema tas-saħħa u tal-finanzjament |
|
|
|
|
|
|
|
|
|
|
|
HC.9 |
Servizzi tal-kura tas-saħħa oħra mhux ikklassifikati xi mkien ieħor (n.e.c.) |
|
|
|
|
|
|
|
|
|
|
|
|
Nefqa kurrenti għall-kura tas-saħħa HC.1-HC.9 |
|
|
|
|
|
|
|
|
|
|
3. Il-krossklassifikazzjoni tan-nefqa kurrenti għall-kura tas-saħħa b'funzjonijiet tal-kura tas-saħħa (HC) u l-fornituri tal-kura tas-saħħa HP) (*6)
|
|
Skemi ta' finanzjament |
HF.1.1 |
HF.1.2; HF.1.3 |
HF.2.1 |
HF.2.2 |
HF.2.3 |
HF.3 |
HF.4 |
|
|
Fornituri tal-kura tas-saħħa |
|
Skemi tal-gvern |
Skemi tal-assigurazzjoni tas-saħħa kontributorji obbligatorji kif ukoll Kontijiet ta' tfaddil mediku obbligatorji (*7) |
Skemi tal-assigurazzjoni tas-saħħa volontarja |
Skemi ta' finanzjament tal-istituzzjonijiet mingħajr skop ta' qligħ |
Skemi ta' finanzjament tal-intrapriżi |
Ħlas mill-but tal-unitajiet domestiċi |
Skemi ta' finanzjament tal-bqija tad-dinja (mhux residenti) |
Nefqa kurrenti għall-kura tas-saħħa HF.1-HF.4 |
|
HP.1 |
Sptarijiet |
|
|
|
|
|
|
|
|
|
HP.2 |
Faċilitajiet tal-kura fit-tul residenzjali |
|
|
|
|
|
|
|
|
|
HP.3 |
Fornituri ta' kura tas-saħħa ambulatorja |
|
|
|
|
|
|
|
|
|
HP.4 |
Fornituri ta' servizzi anċillari |
|
|
|
|
|
|
|
|
|
HP.5 |
Bejjiegħa bl-imnut u fornituri oħra ta' prodotti mediċi |
|
|
|
|
|
|
|
|
|
HP.6 |
Fornituri ta' kura preventiva |
|
|
|
|
|
|
|
|
|
HP.7 |
Fornituri tal-amministrazzjoni u tal-finanzjament tas-sistema tal-kura tas-saħħa |
|
|
|
|
|
|
|
|
|
HP.8 |
Il-bqija tal-ekonomija |
|
|
|
|
|
|
|
|
|
HP.9 |
Il-bqija tad-dinja |
|
|
|
|
|
|
|
|
|
|
Nefqa kurrenti għall-kura tas-saħħa HP.1-HP.9 |
|
|
|
|
|
|
|
|
(*1) Id-dejta għandha tintbagħat f'miljuni tal-munita nazzjonali.
(*2) In-nefqa fuq HF.1.3 għandha tiġi rrappurata fil-metadejta.
(*3) Il-kura preventiva hija bbażata fuq strateġija ta' promozzjoni tas-saħħa li tinvolvi proċess biex in-nies ikunu jistgħu jtejbu saħħithom permezz tal-kontroll fuq xi fatturi determinanti immedjati tagħha. L-interventi huma inklużi meta l-għan ewlieni tagħhom huwa l-promozzjoni tas-saħħa u jekk iseħħu qabel tkun saret dijanjożi. Il-kura preventiva tinkludi interventi kemm għall-konsum individwali u kemm għall-konsum kollettiv.
(*4) Id-dejta għandha tintbagħat f'miljuni tal-munita nazzjonali
(*5) Il-kura preventiva hija bbażata fuq strateġija ta' promozzjoni tas-saħħa li tinvolvi proċess biex in-nies ikunu jistgħu jtejbu saħħithom permezz tal-kontroll fuq xi fatturi determinanti immedjati tagħha. L-interventi huma inklużi meta l-għan ewlieni tagħhom huwa l-promozzjoni tas-saħħa u jekk iseħħu qabel tkun saret dijanjożi. Il-kura preventiva tinkludi interventi kemm għall-konsum individwali u kemm għall-konsum kollettiv.
(*6) Id-dejta għandha tintbagħat f'miljuni tal-munita nazzjonali.
(*7) In-nefqa fuq HF.1.3 għandha tiġi rrappurata fil-metadejta.