20.6.2009   

MT

Il-Ġurnal Uffiċjali tal-Unjoni Ewropea

L 159/6


REGOLAMENT TAL-KUMMISSJONI (KE) Nru 537/2009

tad-19 ta’ Ġunju 2009

li jemenda r-Regolament (KE) Nru 1235/2008, f’dak li għandu x’jaqsam mal-lista ta’ pajjiżi terzi li minnhom ċerti prodotti agrikoli miksubin minn produzzjoni organika jeħtiġilhom joriġinaw biex ikunu kkummerċjalizzati fil-Komunità

(Test b’relevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 834/2007 tat-28 ta’ Ġunju 2007 dwar il-produzzjoni organika u t-tikkettar ta’ prodotti organiċi u li jħassar ir-Regolament (KEE) Nru 2092/91 u b’mod partikolari l-Artikolu 33(2) tiegħu (1),

Billi:

(1)

Skont ir-Regolament (KE) Nru 834/2007, l-Anness III għar-Regolament tal-Kummissjoni (KE) Nru 1235/2008 tat-8 ta’ Diċembru 2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta’ prodotti organiċi minn pajjiżi terzi (2) stabbilixxa lista ta’ pajjiżi terzi li għandhom sistema ta’ produzzjoni u miżuri ta’ kontroll għal produzzjoni organika rekonoxxuti bħala ekwivalenti. Fid-dawl ta’ applikazzjonijiet u informazzjoni ġodda li rċiviet il-Kummissjoni minn pajjiżi terzi mill-aħħar pubblikazzjoni tal-lista, għandhom jitqiesu ċerti modifikazzjonijiet u jiżdiedu jew jiddaħħlu fil-lista.

(2)

L-awtoritajiet tal-Awstralja u tal-Kosta Rika staqsew lill-Kummissjoni biex tinkludi entità ġdida ta’ kontroll u ċertifikazzjoni. L-awtoritajiet Awstraljani u Kosta Rikani ppreżentaw lill-Kummissjoni l-garanziji meħtieġa biex jissodissfawha dwar l-ilħuq tal-kriterji stipulati fl-Artikolu 8(2) tar-Regolament (KE) Nru 1235/2008 mill-entitajiet ġodda ta’ kontroll u ċertifikazzjoni.

(3)

It-tul ta’ żmien tal-inklużjoni tal-Indja fil-lista provduta fl-Anness III tar-Regolament (KE) Nru 1235/2008 jiskadi fit-30 ta' Ġunju 2009. Sabiex ikun evitat tfixkil fil-kummerċ, jenħtieġ li tkun estiża l-inklużjoni tal-Indja fil-lista għal perjodu itwal. L-awtoritajiet Indjani talbu lill-Kummissjoni biex tinkludi erba’ entitajiet ġodda ta’ kontroll u ċertifikazzjoni. L-awtoritajiet Indjani ppreżentaw lill-Kummissjoni l-garanziji meħtieġa biex jissodissfawha dwar l-ilħuq tal-kriterji stipulati fl-Artikolu 8(2) tar-Regolament (KE) Nru 1235/2008 mill-entitajiet ġodda ta’ kontroll u ċertifikazzjoni. L-awtoritajiet Indjani informaw lill-Kummissjoni li korp wieħed ta’ kontroll biddel ismu.

(4)

L-awtoritajiet Iżraeljani informaw lill-Kummissjoni li korp wieħed ta’ kontroll biddel ismu.

(5)

Ċerti prodotti agrikoli li jiġu importati mit-Tuneżija, bħalissa qed jiġu kkummerċjalizzati fil-Komunità skont ir-regoli tranżizzjonali stipulati fl-Artikolu 19 tar-Regolament (KE) Nru 1235/2008. It-Tuneżija bagħtet talba lill-Kummissjoni biex tinkludiha fil-lista provduta fl-Anness III ta’ dak ir-Regolament. Bagħtet l-informazzjoni meħtieġa skont l-Artikoli 7 u 8 ta’ dak ir-Regolament. L-eżaminazzjoni ta’ din l-informazzjoni u d-diskussjoni konsegwenti mal-awtoritajiet Tuneżjani wasslu għall-konklużjoni li, f’dak il-pajjiż ir-regoli li jirregolaw il-produzzjoni u l-kontrolli tal-prodotti agrikoli huma ekwivalenti għal dawk stabbiliti fir-Regolament (KE) Nru 834/2007. Il-Kummissjoni wettqet kontroll fuq il-post dwar ir-regoli tal-miżuri tal-produzzjoni u l-kontroll attwalment applikati fit-Tuneżija, kif previst fl-Artikolu 33(2) tar-Regolament (KE) Nru 834/2007.

(6)

Ir-Regolament (KE) Nru 1235/2008 għandu għalhekk jiġi emendat skont dan.

(7)

Il-miżuri provduti f'dan ir-Regolament huma skont l-opinjoni tal-Kumitat regolatorju għall-produzzjoni organika,

ADOTTAT DAN IR-REGOLAMENT:

Artikolu 1

L-Anness III tar-Regolament (KE) Nru 1235/2008 huwa emendat skond l-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fis-seba' jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, 19 ta’ Ġunju 2009.

Għall-Kummissjoni

Mariann FISCHER BOEL

Membru tal-Kummissjoni


(1)   ĠU L 189, 20.7.2007, p. 1.

(2)   ĠU L 334, 12.12.2008, p. 25.


ANNESS

L-Anness III għar-Regolament (KE) Nru 1235/2008 huwa emendat kif ġej:

(1)

Jiddaħħal dan l-inċiż li ġej fil-punt 5 tat-test relatat mal-Awstralja:

“—

AUS-QUAL Pty Ltd, www.ausqual.com.au”;

(2)

Jiddaħħal dan l-inċiż li ġej fil-punt 5 tat-test relatat mal-Kosta Rika:

“—

Control Union Certifications, www.cuperu.com”;

(3)

It-test li jirrigwarda l-Indja huwa emendat kif ġej:

(a)

il-punt 5 qed jinbidel b'dan li ġej:

“—

Aditi Organic Certifications Pvt. Ltd, www.aditicert.net

—

APOF Organic Certification Agency (AOCA), www.aoca.in

—

Bureau Veritas Certification India Pvt. Ltd, www.bureauveritas.co.in

—

Control Union Certifications, www.controlunion.com

—

ECOCERT India Private Limited, www.ecocert.in

—

Food Cert India Pvt. Ltd, www.foodcert.in

—

IMO Control Private Limited, www.imo.ch

—

Indian Organic Certification Agency (Indocert), www.indocert.org

—

ISCOP (Indian Society for Certification of Organic products), www.iscoporganiccertification.com

—

Lacon Quality Certification Pvt. Ltd, www.laconindia.com

—

Natural Organic Certification Association, www.nocaindia.com

—

OneCert Asia Agri Certification private Limited, www.onecertasia.in

—

SGS India Pvt. Ltd, www.in.sgs.com

—

Uttaranchal State Organic Certification Agency (USOCA), www.organicuttarakhand.org/products_certification.htm

—

Vedic Organic certification Agency, www.vediccertification.com

—

Rajasthan Organic Certification Agency (ROCA), http://www.rajasthankrishi.gov.in/Departments/SeedCert/index_eng.asp”;

(b)

Fil-punt 7, “2009” tinbidel b’ “2014”;

(4)

Fil-punt 5 tat-test li jirrigwardja l-Iżrael, ir-raba’ inċiż jinbidel b’dan li ġej:

“—

Secal Israel Inspection and certification, www.skal.co.il”;

(5)

Wara t-test li jirrigwarda l-Iżvizzera, jiddaħħal it-test li ġej:

“TUNISIA

1.   Il-kategoriji tal-prodotti:

(a)

għelejjel mhux ipproċessati u materjal u żrieragħ veġetatattivi tal-propagazzjoni għall-koltivazzjoni;

(b)

prodotti agrikoli pproċessati għall-użu bħala ikel komposti essenzjalment minn ingredjent wieħed jew aktar li joriġinaw mill-pjanti.

2.   L-Oriġini: prodotti tal-kategorija 1(a) u ingredjenti mkabbra b’mod organiku fil-prodotti tal-kategorija 1(b) li tkabbru fit-Tuneżija.

3.   L-Istandards tal-produzzjoni: Il-liġi Nru 99-30 tal-5 ta’ April 1999 dwar il-Biedja organika; id-Digriet tal-Ministru tal-Agrikoltura tat-28 ta’ Frar 2001, li japprova l-ispeċifikazzjonijiet standard tal-produzzjoni ta’ għalejjel skont il-metodu organiku.

4.   L-Awtorità Kompetenti: Direction générale de la Production Agricole, www.agriportail.tn

5.   Entitajiet ta’ kontroll:

—

Ecocert SA en Tunisie, www.ecocert.com

—

Istituto Mediterraneo di Certificazione IMC, www.imcert.it

—

BCS, www.bcs-oeko.com

—

Lacon, www.lacon-institute.com

6.   Entitajiet ta’ ċertifikazzjoni: bħal fil-punt 5.

7.   Tul taż-żmien tal-inklużjoni: it-30 ta’ Ġunju 2012”