<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.10-->
  <head>
    <title>2023-06-202306C108202105450-00-TRA-DOC-MT-CONCL-C-0545-21-202210934-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="24/01/2024 16:04:58" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="CNC" name="TypeDoc"/>
    <meta content="9HkCz+BcjCbVD7Mh0F+Qoi12xQ/2EF+jOsvic6ivhQQP2f7goNazYot1O2aTM/F3Gr41SuAKnadSic1RsUweJBzLy0/bMXZ5ZcPW5tu3tup+twLWQ/RNjc8epNGJ1DP86XxQzHBOqKgYyajiVCASI+PIN3GJc1ktc96zYdv9vVQ=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="vellaka" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="0e36fd7d-5263-43a6-a5ea-2fc643134545" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0545" name="NumeroOrdre"/>
    <meta content="2021" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="vellaka" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_green" name="Gendoc_LastVerificationStatus"/>
    <meta content="CNC_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 05/12/2022 08:56:01" name="Created"/>
    <meta content="" name="Canevas3_Vademecum"/>
    <meta content="2023-01-03T07:01:59Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="61f0d1a40120429eb333f469f03918b0" name="DocumentIdentifier"/>
    <meta content="0545" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId25" style="first"/>
      <div id="rId21" style="even">Konklużjonijiet Rantos – Kawża C‑545/21</div>
      <div id="rId22" style="default">ANAS</div>
    </div>
    <p class="C36Centre" id="para-1" title="page-1">
      KONKLUŻJONIJIET TAL-AVUKAT ĠENERALI
    </p>
    <p class="C36Centre" id="para-2" title="page-1">
      RANTOS
    </p>
    <p class="C36Centre" id="para-3" title="page-1">
      ippreżentati fil‑15 ta’ Diċembru 2022  (<span class="note footnote notemarker">
<a id="c-1" href="#t-1">1</a>
</span>)
      
    </p>
    <p class="C38Centregrasgrandespacement" id="para-4" title="page-1">
      Kawża C‑545/21
    </p>
    <p class="C37Centregras" id="para-5" title="page-1">
      ANAS SpA
    </p>
    <p class="C37Centregras" id="para-6" title="page-1">
      vs
    </p>
    <p class="C37Centregras" id="para-7" title="page-1">
      Ministero delle Infrastrutture e dei Trasporti
    </p>
    <p class="C39Centreespacement" id="para-8" title="page-1">
      (talba għal deċiżjoni preliminari mressqa mit-Tribunale amministrativo regionale per il Lazio (il-Qorti Amministrattiva Reġjonali ta’ Lazio, l-Italja))
    </p>
    <p class="C71Indicateur" id="para-9" title="page-1">
      “Rinviju għal deċiżjoni preliminari – Fondi strutturali – Fond Ewropew għall-Iżvilupp Reġjonali (FEŻR) – Regolament (KE) Nru 1083/2006 – Punt 7 tal-Artikolu 2 – Kunċett ta’ ‘irregolarità’ – Allegat aġir ta’ natura li jiffavorixxi operatur ekonomiku matul proċedura għall-għoti ta’ kuntratt – Artikolu 98(1) u (2) – Korrezzjonijiet finanzjarji mill-Istati Membri – Kuntratti pubbliċi għal xogħlijiet – Direttiva 2004/18/KE – Punt (d) tal-ewwel subparagrafu tal-Artikolu 45(2) – Kawżi ta’ esklużjoni fakultattivi – Nuqqas serju fil-qasam professjonali”
    </p>
    <p class="C02AlineaAltA" id="para-10" title="page-1">
      
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Introduzzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Din it-talba għal deċiżjoni preliminari tressqet mit-Tribunale amministrativo per il Lazio (il-Qorti Amministrattiva Reġjonali ta’ Lazio, l-Italja) fil-kuntest ta’ kawża bejn il-kumpannija Azienda Nazionale Autonoma Strade SpA (iktar ’il quddiem “ANAS”) u l-Ministero delle Infrastrutture e dei Trasporti (il-Ministeru għall-Infrastruttura u għat-Trasport, l-Italja) dwar deċiżjoni ta’ dan tal-aħħar li jiġu rkuprati somom imħallsa lil ANAS fil-kuntest ta’ proġett intiż għat-twettiq ta’ xogħlijiet ikkofinanzjati mill-Fond Ewropew għall-Iżvilupp Reġjonali (FEŻR), minħabba irregolaritajiet fl-għoti ta’ kuntratt pubbliku.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Essenzjalment, id-domandi preliminari mqajma mill-qorti tar-rinviju jirrigwardaw, qabelxejn, l-interpretazzjoni tal-kunċett ta’ “irregolarità”, fis-sens tar-Regolament (KE) Nru 1083/2006  (<span class="note footnote notemarker">
<a id="c-2" href="#t-2">2</a>
</span>), fir-rigward ta’ atti jew ta’ tentattivi ta’ korruzzjoni dwar kummissjoni tas-sejħa għal offerti fil-kuntest tat-twettiq ta’ xogħlijiet iffinanzjati mill-baġit tal-Unjoni, sussegwentement, it-traspożizzjoni fid-dritt Taljan tal-punt (d) tal-ewwel subparagrafu tal-Artikolu 45(2) tad-Direttiva 2004/18/KE  (<span class="note footnote notemarker">
<a id="c-3" href="#t-3">3</a>
</span>), dwar il-kawżi ta’ esklużjoni ta’ offerent mill-proċedura għall-għoti ta’ kuntratt u, fl-aħħar, il-kriterji ta’ kalkolu tal-ammont tal-korrezzjoni finanzjarja applikabbli fil-każ ta’ irregolarità.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt tal-Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Ir-Regolament Nru 1083/2006</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3.</p>
</td>
<td valign="top">
<p class="normal">L-Artikolu 1 tar-Regolament Nru 1083/2006, intitolat “Suġġett”, jistabbilixxi:</p>
</td>
</tr>
</table>
    <p class="C02AlineaAltA" id="para-18" title="page-4">
      “Dan ir-Regolament jistabbilixxi r-regoli ġenerali li jirregolaw il-[FEŻR], il-Fond Soċjali Ewropew (FES) (minn hawn ’il quddiem imsejħa l-‘Fondi Strutturali’) u l-Fond ta’ Koeżjoni, mingħajr preġudizzju għad-dispożizzjonijiet speċifiċi stabbiliti fir-Regolamenti (KE) [Nru 1080/2006  (<span class="note footnote notemarker">
<a id="c-4" href="#t-4">4</a>
</span>), (KE) Nru 1081/2006  (<span class="note footnote notemarker">
<a id="c-5" href="#t-5">5</a>
</span>) u [KE] Nru 1084/2006  (<span class="note footnote notemarker">
<a id="c-6" href="#t-6">6</a>
</span>).
    </p>
    <p class="C02AlineaAltA" id="para-19" title="page-4">
      Dan ir-Regolament jiddefinixxi l-objettivi li għalihom għandhom jikkontribwixxu l-Fondi Strutturali u l-Fond ta’ Koeżjoni (minn hawn ’il quddiem imsejħa l-‘Fondi’), il-kriterji sabiex l-Istati Membri u r-reġjuni jkunu eliġibbli taħt dawk il-Fondi, ir-riżorsi finanzjarji disponibbli u l-kriterji għall-allokazzjoni tagħhom.
    </p>
    <p class="C02AlineaAltA" id="para-20" title="page-4">
      Dan ir-Regolament jiddefinixxi l-kuntest għall-politika ta’ koeżjoni, inkluż il-metodu għat-twaqqif tal-linji gwida strateġiċi Komunitarji dwar il-koeżjoni, il-qafas ta’ referenza strateġika nazzjonali u l-proċess għall-eżami fil-livell Komunitarju.
    </p>
    <p class="C02AlineaAltA" id="para-21" title="page-4">
      Għal din il-fini, ir-Regolament jistabbilixxi l-prinċipji u r-regoli dwar is-sħubija, il-programmazzjoni, il-valutazzjoni, l-amministrazzjoni, inklużi [inkluża] l-amministrazzjoni finanzjarja, il-monitoraġġ u l-kontroll abbażi tar-responsabbiltajiet kondiviżi bejn l-Istati Membri u l-Kummissjoni.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4.</p>
</td>
<td valign="top">
<p class="normal">Skont il-punt 7 tal-Artikolu 2 ta’ dan ir-regolament:</p>
</td>
</tr>
</table>
    <p class="C02AlineaAltA" id="para-23" title="page-4">
      “Għall-finijiet ta’ dan ir-Regolament, it-termini li ġejjin għandhom ikollhom it-tifsiriet mogħtija lilhom hawnhekk:
    </p>
    <p class="C02AlineaAltA" id="para-24" title="page-4">
      […]
    </p>
    <p class="C09Marge0avecretrait" id="para-25" title="page-4">
      7) ‘irregolarità’: kull ksur ta’ dispożizzjoni tal-liġi Komunitarja li jirriżulta minn att jew ommissjoni minn operatur ekonomiku li għandu, jew li kieku jkollu, l-effett li jippreġudika l-baġit ġenerali ta’ l-Unjoni Ewropea billi tiġi addebitata nefqa mhux ġustifikata lill-baġit ġenerali.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5.</p>
</td>
<td valign="top">
<p class="normal">Skont l-Artikolu 9(5) tal-imsemmi regolament:</p>
</td>
</tr>
</table>
    <p class="C02AlineaAltA" id="para-27" title="page-4">
      “L-operazzjonijiet finanzjati mill-Fondi għandhom jikkonformaw mad-dispożizzjonijiet tat-Trattat u ta’ atti adottati taħtu.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6.</p>
</td>
<td valign="top">
<p class="normal">L-Artikolu 70(1)(b) tal-istess regolament jistabbilixxi:</p>
</td>
</tr>
</table>
    <p class="C02AlineaAltA" id="para-29" title="page-4">
      “L-Istati Membri għandhom ikunu responsabbli għall-ġestjoni u l-kontroll tal-programmi operattivi b’mod partikolari permezz tal-miżuri li ġejjin:
    </p>
    <p class="C02AlineaAltA" id="para-30" title="page-5">
      […]
    </p>
    <p class="C09Marge0avecretrait" id="para-31" title="page-5">
      (b) li jipprevjenu, jindividwaw u jikkorreġu rregolaritajiet u jirkupraw ammonti li tħallsu indebitament flimkien ma’ l-imgħax fuq ħlasijiet li saru tard fejn ikun il-każ. Huma għandhom jinnotifikawhom lill-Kummissjoni, u jżommu lill-Kummissjoni infurmata dwar il-progress tal-proċedimenti amminstrattivi u legali.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7.</p>
</td>
<td valign="top">
<p class="normal">L-Artikolu 98 tar-Regolament Nru 1083/2006 jipprovdi:</p>
</td>
</tr>
</table>
    <p class="C02AlineaAltA" id="para-33" title="page-5">
      “1. L-Istati Membri għandhom l-ewwel jerfgħu r-responsabbiltà sabiex jinvestigaw irregolaritajiet, waqt li jaġixxu fuq il-provi ta’ kull bidla maġġuri li tolqot in-natura ta’ jew il-kondizzjonijiet għall-implementazzjoni jew il-kontroll ta’ operazzjonijiet jew programmi operattivi u jagħmlu l-korrezzjonijiet finanzjarji meħtieġa.
    </p>
    <p class="C02AlineaAltA" id="para-34" title="page-5">
      2. L-Istat Membru għandu jagħmel il-korrezzjonijiet finanzjarji meħtieġa rigward l-irregolaritajiet individwali jew sistemiċi li jiġu individwati fl-operazzjonijiet jew fil-programmi operattivi. Il-korrezzjonijiet li jsiru minn Stat Membru għandhom jikkonsistu f’kanċellament tal-kontribuzzjoni pubblika kollha jew parti minnha mill-programm operattiv. L-Istat Membru għandu jieħu kont tan-natura u l-gravità ta’ l-irregolaritajiet u t-telf finanzjarju għall-Fond.
    </p>
    <p class="C02AlineaAltA" id="para-35" title="page-5">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-Direttiva 2004/18</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8.</p>
</td>
<td valign="top">
<p class="normal">Skont il-punt (d) tal-ewwel subparagrafu tal-Artikolu 45(2) tad-Direttiva 2004/18:</p>
</td>
</tr>
</table>
    <p class="C02AlineaAltA" id="para-38" title="page-5">
      “Kull operatur ekonomiku jista’ jkun eskluż minn parteċipazzjoni f’kuntratt fejn dak l-operatur eknomiku:
    </p>
    <p class="C02AlineaAltA" id="para-39" title="page-5">
      […]
    </p>
    <p class="C09Marge0avecretrait" id="para-40" title="page-5">
      (d) kien misjub ħati ta’ kondotta professjonali ħażina ta’ ċerta gravità ippruvata bi kull mezz li l-awtoritajiet kontrattwanti jistgħu juru.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt Taljan</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9.</p>
</td>
<td valign="top">
<p class="normal">L-Artikolu 38(1)(c) u (f) tad-decreto legislativo n. 163 – Codice dei contratti pubblici relativi a lavori, servizi e forniture in attuazione delle direttive 2004/17/CE e 2004/18/CE (id-Digriet Leġiżlattiv Nru 163 – il-Kodiċi tal-Kuntratti Pubbliċi għal Xogħlijiet, għal Servizzi u għal Provvisti, li Jittrasponi d-Direttivi 2004/17/KE u 2004/18/KE), tat‑12 ta’ April 2006  (<span class="note footnote notemarker">
<a id="c-7" href="#t-7">7</a>
</span>), jistabbilixxi:</p>
</td>
</tr>
</table>
    <p class="C02AlineaAltA" id="para-43" title="page-6">
      “1. Hija eskluża mill-parteċipazzjoni fil-proċeduri għall-għoti ta’ konċessjonijiet u ta’ kuntratti pubbliċi għal xogħlijiet, għal provvisti u għal servizzi, ma tistax tingħata kuntratti ta’ subappalt u ma tistax tikkonkludi kuntratti relatati, kull persuna:
    </p>
    <p class="C02AlineaAltA" id="para-44" title="page-6">
      […]
    </p>
    <p class="C09Marge0avecretrait" id="para-45" title="page-6">
      c) li fir-rigward tagħha hemm sentenza ta’ kundanna li kisbet l-awtorità ta’ res judicata jew digriet kriminali ta’ kundanna li sar definittiv jew sentenza li tapplika l-piena nnegozjata, skont l-Artikolu 444 tal-Kodiċi ta’ Proċedura Kriminali, għal ksur serju mwettaq kontra l-Istat jew kontra l-Komunità, li jaffettwa l-moralità professjonali tagħha; tikkostitwixxi, fi kwalunkwe każ, motiv ta’ esklużjoni l-kundanna stabbilita minn sentenza li kisbet l-awtorità ta’ res judicata, għal reat jew reati ta’ parteċipazzjoni f’organizzazzjoni kriminali, ta’ korruzzjoni, ta’ frodi, ta’ ħasil ta’ flus, kif iddefiniti mill-atti Komunitarji msemmija fl-Artikolu 45(1) tad-Direttiva 2004/18/KE;
    </p>
    <p class="C09Marge0avecretrait" id="para-46" title="page-6">
      […]
    </p>
    <p class="C09Marge0avecretrait" id="para-47" title="page-6">
      f) li, skont l-evalwazzjoni mmotivata tal-awtorità kontraenti, hija ħatja ta’ negliġenza serja jew ta’ mala fides fit-twettiq tas-servizzi mogħtija lilha mill-awtorità kontraenti li tkun ippubblikat l-avviż ta’ kuntratt; jew li wettqet żball serju fit-twettiq tal-attività professjonali tagħha, ikkonstatat bi kwalunkwe mezz ta’ prova mill-awtorità kontraenti.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kawża prinċipali, id-domandi preliminari u l-proċedura quddiem il-Qorti tal-Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10.</p>
</td>
<td valign="top">
<p class="normal">Fil-kuntest tal-programm operattiv nazzjonali “Networks u Mobbiltà” għas-snin 2007‑2013, approvat mill-Kummissjoni Ewropea, ANAS ingħatat finanzjament għat-twettiq ta’ proġett ta’ xogħlijiet ta’ modernizzazzjoni ta’ triq.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11.</p>
</td>
<td valign="top">
<p class="normal">Matul is-sena 2012, wara proċedura ristretta ta’ sejħa għal offerti bbażata fuq il-kriterju tal-offerta li hija l-iktar vantaġġuża ekonomikament, ANAS, bħala awtorità kontraenti, tat kuntratt pubbliku għat-twettiq ta’ dawn ix-xogħlijiet lil grupp temporanju ta’ impriżi kompost minn Aleandri SpA u minn CCC Società Cooperativa, xogħol li fil-frattemp tlesta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12.</p>
</td>
<td valign="top">
<p class="normal">Minħabba investigazzjoni kriminali għal korruzzjoni mibdija fil-konfront, rispettivament, ta’ tliet uffiċjali ta’ ANAS, fosthom żewġ membri tal-kummissjoni tas-sejħa għal offerti, ta’ Aleandri u tar-rappreżentant legali tagħha  (<span class="note footnote notemarker">
<a id="c-8" href="#t-8">8</a>
</span>), matul is-sena 2020, il-Ministeru għall-Infrastruttura u għat-Trasport ordna l-irkupru tas-somom diġà mħallsa lil ANAS bħala l-finanzjament għall-imsemmi proġett u ddikjara li l-bilanċ li kien għadu ma tħallasx ma kienx dovut, minħabba li l-għoti tal-kuntratt inkwistjoni kien ivvizzjat b’“irregolarità” ta’ natura frawdolenti, fis-sens tal-Artikolu 2(7) tar-Regolament Nru 1083/2006, kif ukoll tal-Artikoli 4 u 5 tar-Regolament (KE, Euratom) Nru 2988/95  (<span class="note footnote notemarker">
<a id="c-9" href="#t-9">9</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13.</p>
</td>
<td valign="top">
<p class="normal">Permezz tar-rikors tagħha quddiem il-qorti tar-rinviju, ANAS titlob l-annullament ta’ din id-deċiżjoni, billi ssostni li ma kienet is-suġġett ta’ ebda kundanna  (<span class="note footnote notemarker">
<a id="c-10" href="#t-10">10</a>
</span>), li ma teżisti ebda prova li Aleandri kisbet il-kuntratt pubbliku inkwistjoni illegalment u li ebda aġir tal-membri tal-kummissjoni tas-sejħa għal offerti li jikkostitwixxi nuqqas ma huwa imputabbli lilha. Barra minn hekk, peress li x-xogħlijiet inkwistjoni twettqu, ma teżisti ebda rabta bejn l-irregolarità jew il-frodi allegata u l-infiq iffinanzjat mill-baġit ġenerali tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14.</p>
</td>
<td valign="top">
<p class="normal">Il-qorti tar-rinviju tikkonstata li x-xogħol inkwistjoni tqies li kien eliġibbli għall-finanzjament mill-baġit ġenerali tal-Unjoni u tlesta b’mod regolari, u li ma huwiex magħruf jekk il-proċedura ta’ sejħa għal offerti ġietx imfixkla minħabba l-aġir li huwa s-suġġett tal-investigazzjoni kriminali msemmija iktar ’il fuq. Għaldaqstant, hija tistaqsi, essenzjalment, dwar il-kunċett ta’ “irregolarità”, fis-sens tar-Regolament Nru 1083/2006, u dwar il-modalitajiet ta’ kalkolu tal-korrezzjoni finanzjarja li għandha tiġi adottata wara tali irregolarità, kif ukoll dwar il-kompatibbiltà tal-leġiżlazzjoni nazzjonali mal-punt (d) tal-ewwel subparagrafu tal-Artikolu 45(2) tad-Direttiva 2004/18, li jirrigwarda l-esklużjoni fakultattiva mill-parteċipazzjoni f’kuntratt pubbliku ta’ offerent li jkun wettaq nuqqas serju fil-qasam professjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15.</p>
</td>
<td valign="top">
<p class="normal">F’dawn iċ-ċirkustanzi, it-Tribunale amministrativo per il Lazio (il-Qorti Amministrattiva Reġjonali ta’ Lazio) iddeċidiet li tissospendi l-proċeduri quddiemha u li tagħmel id-domandi preliminari li ġejjin lill-Qorti tal-Ġustizzja:</p>
</td>
</tr>
</table>
    <p class="C09Marge0avecretrait" id="para-55" title="page-8">
      “1) L-Artikolu 70(1)(b) tar-[Regolament Nru 1083/2006], l-Artikolu 27(c) tar-Regolament [(KE)] Nru 1828/2006 [ (<span class="note footnote notemarker">
<a id="c-11" href="#t-11">11</a>
</span>)], l-Artikolu 1 tal-[Konvenzjoni li saret fuq il-bażi ta’ l-Artikolu K.3 tat-Trattat dwar l-Unjoni Ewropea, dwar il-protezzjoni ta’ l-interessi finanzjarji tal-Komunitajiet Ewropej, iffirmata fi Brussell fis‑26 ta’ Lulju 1995  (<span class="note footnote notemarker">
<a id="c-12" href="#t-12">12</a>
</span>)], l-Artikolu 1(2) tar-Regolament […] Nru 2988/95 […] u l-Artikolu (3)(2)(b) tad-[Direttiva (UE) 2017/1371  (<span class="note footnote notemarker">
<a id="c-13" href="#t-13">13</a>
</span>)], għandhom jiġu interpretati fis-sens li l-aġir li b’mod astratt jista’ jiffavorixxi lil operatur ekonomiku, matul proċedura ta’ għoti ta’ kuntratt, jidħol dejjem fil-kunċett ta’ ‘irregolarità’ jew ‘frodi’, u għalhekk jikkostitwixxi bażi legali għar-revoka tal-kontribuzzjoni, anki meta ma jkunx hemm il-prova sħiħa li tali aġir kien effettivament seħħ, jew ma jkunx hemm il-prova sħiħa li dan l-aġir kien determinanti fl-għażla tal-benefiċjarju?
    </p>
    <p class="C09Marge0avecretrait" id="para-56" title="page-8">
      2) [Il-punt (d) tal-ewwel subparagrafu tal-Artikolu 45(2)] tad-Direttiva 2004/[18] jipprekludi leġiżlazzjoni, bħall-Artikolu 38(1)(f) tad-Digriet Leġiżlattiv Nru 163/2006, li ma jippermettix l-esklużjoni mis-sejħa għall-offerti tal-operatur ekonomiku li pprova jinfluwenza l-proċess deċiżjonali tal-awtorità kontraenti, b’mod partikolari meta it-tentattiv kien jikkonsisti fil-korruzzjoni ta’ wħud mill-membri tal-kummissjoni tas-sejħa għall-offerti?
    </p>
    <p class="C09Marge0avecretrait" id="para-57" title="page-8">
      3) Fil-każ ta’ risposta fil-pożittiv għal waħda jew għaż-żewġ domandi preċedenti, ir-regoli msemmija għandhom jiġu interpretati fis-sens li jimponu dejjem ir-revoka tal-kontribuzzjonijiet, min-naħa tal-Istat Membru, u r-rettifika finanzjarja, min-naħa tal-Kummissjoni, ta’ 100 %, minkejja li tali kontribuzzjonijiet ikunu madankollu ntużaw għall-għan li kienu intiżi għalih u għal xogħol li kien ammissibbli għall-finanzjament Ewropew u li kien effettivament twettaq?
    </p>
    <p class="C09Marge0avecretrait" id="para-58" title="page-9">
      4) Fil-każ li r-risposta għad-domanda 3 tkun fin-negattiv, jiġifieri fis-sens li ma għandhiex tiġi imposta revoka tal-kontribuzzjoni, jew rettifika finanzjarja ta’ 100 %, ir-regoli msemmija fil-punt 1, u l-osservanza tal-prinċipju ta’ proporzjonalità, jippermettu li tiġi ddeterminata r-revoka tal-kontribuzzjoni u r-rettifika finanzjarja fid-dawl tad-dannu ekonomiku li jkun effettivament ikkawżat lill-baġit ġenerali tal-Unjoni Ewropea? B’mod partikolari, f’sitwazzjoni bħal dik inkwistjoni fil-kawża prinċipali, l-‘implikazzjonijiet finanzjarji’, skont l-Artikolu [99](3) tar-Regolament […] Nru 1083/2006  (<span class="note footnote notemarker">
<a id="c-14" href="#t-14">14</a>
</span>), jistgħu jiġu stabbiliti skont rata fissa, permezz tal-applikazzjoni tal-kriterji indikati fit-tabella fil-paragrafu 2 [tal-Anness] tad-Deċiżjoni tal-Kummissjoni [C(2013) 9527] tad‑19 ta’ Diċembru 2013  (<span class="note footnote notemarker">
<a id="c-15" href="#t-15">15</a>
</span>) […], intitolat ‘Linji gwida għad-determinazzjoni tal-korrezzjonijiet finanzjarji li għandhom jitwettqu fir-rigward tan-nefqa ffinanzjata mill-Unjoni taħt ġestjoni kondiviża, għal nuqqas ta’ konformità mar-regoli dwar l-akkwist pubbliku’ (iktar ’il quddiem il-‘Linji gwida tal‑2013’)]?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16.</p>
</td>
<td valign="top">
<p class="normal">Ġew ippreżentati osservazzjonijiet bil-miktub minn ANAS, mill-Gvern Taljan u mill-Kummissjoni. Il-Qorti tal-Ġustizzja ddeċidiet li tagħti deċiżjoni mingħajr seduta għas-sottomissjonijiet orali, skont l-Artikolu 76(2) tar-Regoli tal-Proċedura tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Analiżi</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ewwel domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17.</p>
</td>
<td valign="top">
<p class="normal">Permezz tal-ewwel domanda preliminari tagħha, il-qorti tar-rinviju tistaqsi, essenzjalment, jekk l-Artikolu 70(1)(b) tar-Regolament Nru 1083/2006, l-Artikolu 27(c) tar-Regolament Nru 1828/2006, l-Artikolu 1 tal-Konvenzjoni PIF, l-Artikolu 1(2) tar-Regolament Nru 2988/95 u l-Artikolu 3(2)(b) tad-Direttiva 2017/1371 għandhomx jiġu interpretati fis-sens li aġir li jista’ jiffavorixxi lil operatur ekonomiku matul proċedura ta’ għoti ta’ kuntratt pubbliku jaqa’ taħt il-kunċett ta’ “irregolarità” jew ta’ “frodi” u għalhekk jikkostitwixxi bażi legali għar-revoka tal-kontribuzzjoni, anki meta dan l-aġir jew l-effett tiegħu fuq il-proċedura ta’ selezzjoni ma jkunx ġie pprovat b’mod sħiħ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18.</p>
</td>
<td valign="top">
<p class="normal">Preliminarjament, għalkemm il-qorti tar-rinviju ssemmi l-kunċetti ta’ “irregolarità” u ta’ “frodi”, jidhirli li, kif issostni l-Kummissjoni, l-analiżi għandha tikkonċentra fuq il-kwistjoni ta’ jekk l-aġir inkwistjoni jaqax taħt il-kunċett ta’ “irregolarità”, li jinkludi l-kunċett, iktar ristrett, ta’ “frodi”  (<span class="note footnote notemarker">
<a id="c-16" href="#t-16">16</a>
</span>). Barra minn hekk, l-ewwel domanda preliminari għandha tiġi eżaminata mhux biss fid-dawl tal-Artikolu 70(1)(b) tar-Regolament Nru 1083/2006 u tal-Artikolu 1(2) tar-Regolament Nru 2988/95, imsemmija mill-qorti tar-rinviju, iżda wkoll, u prinċipalment, fid-dawl tal-punt 7 tal-Artikolu 2 ta’ dan ir-regolament, li jirrigwarda l-kunċett ta’ “irregolarità”  (<span class="note footnote notemarker">
<a id="c-17" href="#t-17">17</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19.</p>
</td>
<td valign="top">
<p class="normal">Dan premess, infakkar li, skont l-Artikolu 1 tiegħu, ir-Regolament Nru 1083/2006 jistabbilixxi, b’mod partikolari, ir-regoli ta’ ġestjoni, ta’ monitoraġġ u ta’ kontroll tal-operazzjonijiet sostnuti finanzjarjament mill-Fondi, abbażi ta’ responsabbiltajiet kondiviżi bejn l-Istati Membri u l-Kummissjoni  (<span class="note footnote notemarker">
<a id="c-18" href="#t-18">18</a>
</span>). Barra minn hekk, skont, b’mod partikolari, l-Artikolu 70(1)(b) ta’ dan ir-regolament, l-Istati Membri għandhom ikunu responsabbli għall-ġestjoni u għall-kontroll tal-programmi operattivi u, b’mod partikolari, għandhom jipprevjenu, jindividwaw u jikkorreġu l-i“rregolaritajiet” u jirkupraw is-somom imħallsa indebitament.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20.</p>
</td>
<td valign="top">
<p class="normal">Għal dan il-għan, skont il-punt 7 tal-Artikolu 2 tal-imsemmi regolament, il-kunċett ta’ “irregolarità” fil-kuntest, b’mod partikolari, tal-FEŻR ikopri kull ksur ta’ dispożizzjoni tad-dritt tal-Unjoni li jirriżulta minn att jew minn ommissjoni ta’ operatur ekonomiku li għandhom jew li kien ikollhom l-effett li jippreġudikaw il-baġit ġenerali tal-Unjoni permezz tal-imputazzjoni ta’ nefqa indebita lil dan tal-aħħar  (<span class="note footnote notemarker">
<a id="c-19" href="#t-19">19</a>
</span>). B’mod iktar partikolari, il-Qorti tal-Ġustizzja speċifikat li l-eżistenza ta’ tali irregolarità tippreżupponi l-koeżistenza ta’ tliet elementi, jiġifieri, fl-ewwel lok, l-eżistenza ta’ ksur tad-dritt tal-Unjoni, fit-tieni lok, il-fatt li dan il-ksur joriġina minn att jew ommissjoni ta’ operatur ekonomiku, u, fit-tielet lok, l-eżistenza ta’ preġudizzju, attwali jew potenzjali, ikkawżat lill-baġit tal-Unjoni  (<span class="note footnote notemarker">
<a id="c-20" href="#t-20">20</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21.</p>
</td>
<td valign="top">
<p class="normal">F’dan ir-rigward, f’dak li jirrigwarda, fl-ewwel lok, l-eżistenza ta’ ksur tad-dritt tal-Unjoni, mill-Artikolu 9(5) tar-Regolament Nru 1083/2006 jirriżulta li l-Unjoni għandha l-kompitu li tiffinanzja permezz tal-Fondi tagħha biss azzjonijiet imwettqa b’konformità sħiħa mad-dritt tal-Unjoni, inklużi r-regoli applikabbli fil-qasam tal-kuntratti pubbliċi  (<span class="note footnote notemarker">
<a id="c-21" href="#t-21">21</a>
</span>). Barra minn hekk, il-Qorti tal-Ġustizzja ddeċidiet li l-punt 7 tal-Artikolu 2 tar-Regolament Nru 1083/2006 jkopri mhux biss il-ksur ta’ dispożizzjoni tad-dritt tal-Unjoni bħala tali, iżda wkoll il-ksur tad-dispożizzjonijiet tad-dritt nazzjonali li huma applikabbli għall-operazzjonijiet sostnuti mill-Fondi Strutturali u jikkontribwixxu, b’dan il-mod, sabiex tiġi żgurata l-applikazzjoni korretta tad-dritt tal-Unjoni dwar il-ġestjoni tal-proġetti ffinanzjati minn dawn il-fondi  (<span class="note footnote notemarker">
<a id="c-22" href="#t-22">22</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22.</p>
</td>
<td valign="top">
<p class="normal">F’dan ir-rigward, f’dak li jirrigwarda, l-ewwel, l-identifikazzjoni tad-dispożizzjonijiet miksura, infakkar li, skont l-Artikolu 2 tad-Direttiva 2004/18 u r-regoli nazzjonali korrispondenti, l-awtoritajiet kontraenti għandhom jittrattaw lill-operaturi ekonomiku bl-istess mod u jaġixxu b’mod trasparenti. Barra minn hekk, minn ġurisprudenza stabbilita sewwa tal-Qorti tal-Ġustizzja jirriżulta wkoll, f’dak li jirrigwarda l-kuntratti pubbliċi, li l-awtorità kontraenti hija obbligata tosserva l-prinċipju ta’ ugwaljanza fit-trattament tal-offerenti  (<span class="note footnote notemarker">
<a id="c-23" href="#t-23">23</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23.</p>
</td>
<td valign="top">
<p class="normal">Kif tirrileva l-Kummissjoni, jidhirli li aġir, bħal dak li ċerti uffiċjali ta’ ANAS huma akkużati li wettqu, li jikkonsisti fl-aċċettazzjoni ta’ pagamenti min-naħa tal-impriża li ngħatat il-kuntratt sabiex jiġi ffavorit l-għoti tal-kuntratt lil din tal-aħħar jikkostitwixxi, tal-inqas, ksur tal-prinċipji ta’ ugwaljanza fit-trattament fil-proċedura ta’ għoti tal-kuntratt  (<span class="note footnote notemarker">
<a id="c-24" href="#t-24">24</a>
</span>), indipendentement mill-fatt li effettivament fixkel il-proċedura ta’ sejħa għal offerti inkwistjoni  (<span class="note footnote notemarker">
<a id="c-25" href="#t-25">25</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24.</p>
</td>
<td valign="top">
<p class="normal">Barra minn hekk, il-punt (d) tal-ewwel subparagrafu tal-Artikolu 45(2) tad-Direttiva 2004/18 jippermetti lill-amministrazzjoni kontraenti teskludi mill-parteċipazzjoni fil-kuntratt lil kull operatur ekonomiku li jkun wettaq nuqqas serju fil-qasam professjonali. Jidhirli li l-eżistenza ta’ tali kawża ta’ esklużjoni, li hija fakultattiva iżda ġiet prevista fid-dritt Taljan fl-Artikolu 38(1)(f) tad-Digriet Leġiżlattiv Nru 163/2006, tikkostitwixxi wkoll, jekk tiġi kkonfermata mill-qorti tar-rinviju  (<span class="note footnote notemarker">
<a id="c-26" href="#t-26">26</a>
</span>), ksur fis-sens tal-ġurisprudenza ċċitata fil-punt 21 ta’ dawn il-konklużjonijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25.</p>
</td>
<td valign="top">
<p class="normal">It-tieni, il-qorti tar-rinviju tesprimi dubji dwar il-livell ta’ prova meħtieġ sabiex tiġi stabbilita l-eżistenza ta’ ksur, u għalhekk ta’ irregolarità, billi tenfasizza li, f’dan il-każ, il-prova tal-aġir ikkontestat u tal-impatt tiegħu fuq l-għoti tal-kuntratt ma hijiex stabbilita b’mod sħiħ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26.</p>
</td>
<td valign="top">
<p class="normal">F’dan ir-rigward, huwa biżżejjed li jiġi kkonstatat li, fl-assenza ta’ leġiżlazzjoni tal-Unjoni f’dan il-qasam, huwa l-ordinament ġuridiku intern ta’ kull Stat Membru li għandu jirregola l-modalitajiet proċedurali tar-rimedji ġudizzjarji intiżi sabiex jiġu protetti d-drittijiet li l-individwi jisiltu mid-dritt tal-Unjoni, inkluż il-livell ta’ prova meħtieġ sabiex tiġi stabbilita irregolarità, sa fejn dawn il-modalitajiet josservaw il-prinċipji ta’ ekwivalenza u ta’ effettività  (<span class="note footnote notemarker">
<a id="c-27" href="#t-27">27</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27.</p>
</td>
<td valign="top">
<p class="normal">Għalkemm dan huwa l-każ f’dak li jirrigwarda l-prinċipji ta’ ugwaljanza u ta’ trasparenza msemmija fil-punt 22 ta’ dawn il-konklużjonijiet, il-punt (d) tal-ewwel subparagrafu tal-Artikolu 45(2) tad-Direttiva 2004/18, jekk jitqies li huwa rilevanti f’dan il-każ  (<span class="note footnote notemarker">
<a id="c-28" href="#t-28">28</a>
</span>), jirrikonoxxi dan il-prinċipju espliċitament meta jippermetti lill-amministrazzjoni kontraenti teskludi mill-parteċipazzjoni fil-kuntratt lil kull operatur ekonomiku li jkun wettaq nuqqas serju fil-qasam professjonali kkonstatat “bi kull mezz” li jista’ jiġi pprovat mill-awtoritajiet kontraenti  (<span class="note footnote notemarker">
<a id="c-29" href="#t-29">29</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28.</p>
</td>
<td valign="top">
<p class="normal">F’dan il-każ, nillimita ruħi li nirrimarka li, kif tirrileva ġustament il-Kummissjoni, l-esklużjoni minħabba nuqqas serju fil-qasam professjonali għandha tkun ibbażata fuq konstatazzjoni awtonoma mill-awtorità kontraenti tal-eżistenza ta’ tali aġir mhux professjonali, billi din tibbaża ruħha fuq kwalunkwe mezz ta’ prova u, jekk ikun il-każ, fuq il-provi li jirriżultaw minn proċedura kriminali, iżda mingħajr awtomatiċità. F’dan ir-rigward, il-Qorti tal-Ġustizzja speċifikat li deċiżjoni ta’ natura ġudizzjarja, anki jekk għadha mhux definittiva, tista’, skont is-suġġett ta’ dik id-deċiżjoni, tipprovdi lill-awtorità kontraenti mezz xieraq sabiex tiġġustifika l-eżistenza ta’ nuqqas serju professjonali, sa fejn id-deċiżjoni tagħha tista’, f’kull każ, tkun is-suġġett ta’ stħarriġ ġudizzjarju  (<span class="note footnote notemarker">
<a id="c-30" href="#t-30">30</a>
</span>). Fil-fehma tiegħi, l-istess kunsiderazzjonijiet japplikaw f’dak li jirrigwarda l-prinċipji ta’ ugwaljanza u ta’ trasparenza msemmija fil-punt 22 ta’ dawn il-konklużjonijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29.</p>
</td>
<td valign="top">
<p class="normal">Fit-tieni lok, il-fatt li tali ksur tad-dritt tal-Unjoni jew tad-dritt nazzjonali applikabbli għandu joriġina minn att jew ommissjoni ta’ operatur ekonomiku ma huwiex ikkontestat f’dan il-każ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30.</p>
</td>
<td valign="top">
<p class="normal">Fi kwalunkwe każ, nirrileva li ANAS hija tabilħaqq “operatur ekonomiku”  (<span class="note footnote notemarker">
<a id="c-31" href="#t-31">31</a>
</span>) u li l-kunċett ta’ “att jew ommissjoni” fis-sens ta’ din tal-aħħar ma jeħtieġx element suġġettiv. Fil-fatt, il-Qorti tal-Ġustizzja speċifikat li, għalkemm id-definizzjoni ta’ “irregolarità” li tinsab fil-punt 7 tal-Artikolu 2 tar-Regolament Nru 1083/2006 ma tinkludi ebda speċifikazzjoni dwar in-natura intenzjonali jew negliġenti tal-aġir tal-benefiċjarju kkonċernat, tali natura ma tistax titqies li hija element indispensabbli sabiex irregolarità, fis-sens ta’ din id-dispożizzjoni, tkun tista’ tiġi kkonstatata  (<span class="note footnote notemarker">
<a id="c-32" href="#t-32">32</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31.</p>
</td>
<td valign="top">
<p class="normal">Fit-tielet lok, f’dak li jirrigwarda l-eżistenza ta’ preġudizzju kkawżat lill-baġit tal-Unjoni minħabba tali ommissjoni, mill-punt 7 tal-Artikolu 2 tar-Regolament Nru 1083/2006 jirriżulta li ksur tad-dritt tal-Unjoni jew tad-dritt nazzjonali applikabbli għall-operazzjonijiet sostnuti mill-Fondi jikkostitwixxi “irregolarità”, fis-sens ta’ din id-dispożizzjoni, jekk dan għandu jew kien ikollu l-effett li jippreġudika l-baġit ġenerali tal-Unjoni permezz tal-imputazzjoni ta’ nefqa indebita lil dan il-baġit.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32.</p>
</td>
<td valign="top">
<p class="normal">Il-qorti tar-rinviju tenfasizza li, f’dan il-każ, ma huwiex stabbilit li l-baġit tal-Unjoni ġarrab preġudizzju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33.</p>
</td>
<td valign="top">
<p class="normal">Il-Qorti tal-Ġustizzja madankollu interpretat din id-dispożizzjoni fis-sens li ksur tar-regoli tal-għoti ta’ kuntratti pubbliċi jikkostitwixxi irregolarità fis-sens tal-imsemmija dispożizzjoni sa fejn il-possibbiltà li dan il-ksur kellu effett fuq il-baġit tal-Fond ikkonċernat ma tistax tiġi eskluża, mingħajr ma hija meħtieġa l-prova tal-eżistenza ta’ effett finanzjarju speċifiku  (<span class="note footnote notemarker">
<a id="c-33" href="#t-33">33</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34.</p>
</td>
<td valign="top">
<p class="normal">F’dan il-każ, jidhirli li aġir, bħal dak imsemmi mill-qorti tar-rinviju, li jwassal, tal-inqas, għal ksur tal-prinċipji ta’ ugwaljanza fit-trattament u ta’ trasparenza, jista’ jfixkel illegalment il-proċedura ta’ sejħa għal offerti inkwistjoni billi jiffavorixxi lill-impriża li kienet l-offerent rebbieħ. Issa, mingħajr ma huwa neċessarju li tiġi pprovata l-eżistenza ta’ telf finanzjarju reali, ma jistax jiġi eskluż li, fl-assenza ta’ dan l-aġir, is-sejħa għal offerti kienet tingħata lil offerent rebbieħ ieħor jew taħt kundizzjonijiet iktar favorevoli għall-baġit tal-Unjoni, ħaġa li, skont il-ġurisprudenza ċċitata fil-punt preċedenti, taqa’ taħt it-tielet kundizzjoni msemmija mill-ġurisprudenza ċċitata fil-punt 20 ta’ dawn il-konklużjonijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35.</p>
</td>
<td valign="top">
<p class="normal">Bħala konklużjoni, nipproponi li r-risposta għall-ewwel domanda preliminari għandha tkun li l-punt 7 tal-Artikolu 2 u l-Artikolu 70(1)(b) tar-Regolament Nru 1083/2006 għandhom jiġu interpretati fis-sens li aġir li, skont l-evalwazzjoni tal-awtoritajiet kompetenti, jirriżulta li jista’ jiffavorixxi lil operatur ekonomiku matul proċedura ta’ għoti jaqa’ taħt il-kunċett ta’ “irregolarità” u jwassal, bħala regola ġenerali, għar-revoka tal-vantaġġ miksub indebitament, sa fejn il-possibbiltà li dan l-aġir kellu effett fuq il-baġit tal-Fond ikkonċernat ma tistax tiġi eskluża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it-tieni domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36.</p>
</td>
<td valign="top">
<p class="normal">Permezz tat-tieni domanda preliminari tagħha, il-qorti tar-rinviju tistaqsi, essenzjalment, jekk il-punt (d) tal-ewwel subparagrafu tal-Artikolu 45(2) tad-Direttiva 2004/18 jipprekludix dispożizzjoni, bħall-Artikolu 38(1)(f) tad-Digriet Leġiżlattiv Nru 163/2006, li ma jippermettix li jiġi eskluż mill-proċedura għall-għoti ta’ kuntratt l-operatur ekonomiku li pprova jinfluwenza l-proċess deċiżjonali tal-awtorità kontraenti, b’mod partikolari meta dan it-tentattiv kien jikkonsisti fil-korruzzjoni tal-membri tal-kummissjoni tas-sejħa għal offerti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37.</p>
</td>
<td valign="top">
<p class="normal">Il-punt (d) tal-ewwel subparagrafu tal-Artikolu 45(2) tad-Direttiva 2004/18 jirrigwarda l-kawżi ta’ esklużjoni ta’ offerent mill-proċedura għall-għoti ta’ kuntratt u jistabbilixxi li jista’ jiġi eskluż mill-parteċipazzjoni fil-kuntratt kull operatur ekonomiku li jkun wettaq nuqqas serju fil-qasam professjonali kkonstatat b’kull mezz li jista’ jiġi pprovat mill-awtoritajiet kontraenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38.</p>
</td>
<td valign="top">
<p class="normal">Bit-traspożizzjoni ta’ tali dispożizzjoni fid-dritt Taljan, l-Artikolu 38(1)(f) tad-Digriet Leġiżlattiv Nru 163/2006 jeskludi, b’mod partikolari, mill-parteċipazzjoni fil-proċeduri għall-għoti ta’ konċessjonijiet u ta’ kuntratti pubbliċi għal xogħlijiet, għal provvisti u għal servizzi lil kull persuna li tkun wettqet żball serju fit-twettiq tal-attività professjonali tagħha, ikkonstatat bi kwalunkwe mezz ta’ prova mill-awtorità kontraenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39.</p>
</td>
<td valign="top">
<p class="normal">Għalkemm il-qorti tar-rinviju tinterpreta din id-dispożizzjoni fis-sens li ma tippermettix li jiġi eskluż mill-proċedura għall-għoti ta’ kuntratt l-operatur ekonomiku li pprova jinfluwenza l-proċess deċiżjonali tal-awtorità kontraenti, b’mod partikolari permezz ta’ tentattivi ta’ korruzzjoni, jidher li l-Gvern Taljan u l-Kummissjoni huma tal-fehma li, għall-kuntrarju, skont il-ġurisprudenza u l-prassi amministrattiva Taljani, l-imsemmija dispożizzjoni tippermetti li t-tentattivi intiżi li jiġi influwenzat il-proċess deċiżjonali tal-awtorità kontraenti jkunu inklużi fil-kunċett ta’ “żball serju”  (<span class="note footnote notemarker">
<a id="c-34" href="#t-34">34</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40.</p>
</td>
<td valign="top">
<p class="normal">F’dan ir-rigward, minn naħa, infakkar li l-ġurisprudenza tal-Qorti tal-Ġustizzja tħalli marġni ta’ manuvra lil-leġiżlatur nazzjonali f’dak li jirrigwarda l-modalitajiet ta’ traspożizzjoni tal-punt (d) tal-ewwel subparagrafu tal-Artikolu 45(2) tad-Direttiva  (<span class="note footnote notemarker">
<a id="c-35" href="#t-35">35</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41.</p>
</td>
<td valign="top">
<p class="normal">Min-naħa l-oħra, jidhirli li l-formulazzjoni tal-Artikolu 38(1)(f) tad-Digriet Leġiżlattiv Nru 163/2006, bħall-punt (d) tal-ewwel subparagrafu tal-Artikolu 45(2) tad-Direttiva 2004/18, hija magħmula b’mod wiesa’ ħafna u tirrifletti, essenzjalment, il-kunċett ta’ “nuqqas serju fil-qasam professjonali kkonstatat bi kwalunkwe mezz” permezz tal-kunċett analogu ta’ “żball serju fit-twettiq tal-attività professjonali kkonstatat bi kwalunkwe mezz ta’ prova”  (<span class="note footnote notemarker">
<a id="c-36" href="#t-36">36</a>
</span>); ma’ dan jiżdied ukoll il-fatt, kif ġie rrilevat mill-Kummissjoni, li d-dispożizzjoni nazzjonali inkwistjoni, minħabba l-formulazzjoni wiesgħa tagħha, tista’ faċilment tiġi interpretata b’mod konformi mad-dispożizzjoni trasposta minnha  (<span class="note footnote notemarker">
<a id="c-37" href="#t-37">37</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42.</p>
</td>
<td valign="top">
<p class="normal">Għaldaqstant, mingħajr ma nixtieq nimpinġi fuq il-ġurisdizzjoni tal-qorti tar-rinviju f’dak li jirrigwarda l-interpretazzjoni tad-dritt nazzjonali, jidhirli li t-test tad-dispożizzjoni ta’ traspożizzjoni huwa konformi mad-dispożizzjoni trasposta  (<span class="note footnote notemarker">
<a id="c-38" href="#t-38">38</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43.</p>
</td>
<td valign="top">
<p class="normal">Barra minn hekk, ir-rilevanza tad-domanda magħmula mill-qorti tar-rinviju ma hijiex evidenti, għaliex mill-proċess tal-kawża ppreżentat lill-Qorti tal-Ġustizzja ma jirriżultax b’mod ċar li l-“irregolarità” individwata f’dan il-każ mill-awtoritajiet kompetenti hija marbuta ma’ ksur tal-punt (d) tal-ewwel subparagrafu tal-Artikolu 45(2) tad-Direttiva 2004/18, kif traspost fl-Artikolu 38(1)(f) tad-Digriet Leġiżlattiv Nru 163/2006, li messu wassal lill-amministrazzjoni kontraenti sabiex teskludi mill-proċedura ta’ kuntratt lill-offerent li, sussegwentement, sar l-offerent rebbieħ ta’ dan il-kuntratt  (<span class="note footnote notemarker">
<a id="c-39" href="#t-39">39</a>
</span>). Fil-fatt, kif tenfasizza l-Kummissjoni, huwa diffiċli li tiġi kkonċepita, f’dan il-każ, l-eżistenza ta’ “irregolarità” min-naħa ta’ ANAS talli ma eskludietx lill-offerent inkwistjoni mill-proċedura ta’ kuntratt, minħabba nuqqas serju fil-qasam professjonali li ġie individwat ferm wara l-għoti tal-kuntratt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44.</p>
</td>
<td valign="top">
<p class="normal">Madankollu, infakkar li, skont ġurisprudenza stabbilita, id-domandi dwar l-interpretazzjoni tad-dritt tal-Unjoni magħmula mill-qorti nazzjonali fil-kuntest leġiżlattiv u fattwali ddefinit minnha u taħt ir-responsabbiltà tagħha, kuntest li ma huwiex il-kompitu tal-Qorti tal-Ġustizzja li tevalwa l-eżattezza tiegħu, jibbenefikaw minn preżunzjoni ta’ rilevanza  (<span class="note footnote notemarker">
<a id="c-40" href="#t-40">40</a>
</span>) u li, f’dan il-każ, ma jidhirx b’mod manifest li l-interpretazzjoni mitluba tad-dispożizzjoni tad-dritt tal-Unjoni inkwistjoni ma għandha ebda rabta mar-realtà jew mas-suġġett tal-kawża prinċipali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45.</p>
</td>
<td valign="top">
<p class="normal">Bħala konklużjoni, nipproponi li r-risposta għat-tieni domanda preliminari għandha tkun li l-punt (d) tal-ewwel subparagrafu tal-Artikolu 45(2) tad-Direttiva 2004/18 għandu jiġi interpretat fis-sens li ma jipprekludix, bħala prinċipju u fid-dawl tal-obbligu li d-dritt nazzjonali jiġi interpretat konformement mal-għanijiet ta’ din id-dispożizzjoni, leġiżlazzjoni nazzjonali li teskludi mill-parteċipazzjoni fil-proċeduri għall-għoti ta’ konċessjonijiet u ta’ kuntratti pubbliċi għal xogħlijiet, għal provvisti u għal servizzi lil kull persuna li tkun wettqet żball serju fit-twettiq tal-attività professjonali tagħha, ikkonstatat bi kwalunkwe mezz ta’ prova mill-awtorità kontraenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it-tielet u r-raba’ domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46.</p>
</td>
<td valign="top">
<p class="normal">Permezz tat-tielet u tar-raba domanda preliminari, li għandhom jiġu ttrattati flimkien, il-qorti tar-rinviju tistaqsi, essenzjalment, jekk, fil-każ ta’ “irregolarità”, id-dispożizzjonijiet imsemmija fl-ewwel u t-tieni domanda għandhomx jiġu interpretati fis-sens li dejjem jimponu fuq l-Istat Membru li japplika rata ta’ korrezzjoni finanzjarja ta’ 100 % u, fil-każ ta’ risposta negattiva, liema huma l-kriterji sabiex tiġi ddeterminata din ir-rata ta’ korrezzjoni, fid-dawl ta’ dawn ir-regoli u tal-prinċipju ta’ proporzjonalità.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47.</p>
</td>
<td valign="top">
<p class="normal">B’mod iktar partikolari, dik il-qorti tiddubita mill-kompatibbiltà tal-applikazzjoni ta’ rata ta’ korrezzjoni finanzjarja ta’ 100 % mar-regoli u mal-prinċipju ċċitati, peress li l-kontribuzzjonijiet inkwistjoni ntużaw għal xogħlijiet eliġibbli għall-finanzjament Ewropew u mwettqa. Hija tistaqsi jekk huwiex il-każ li din il-korrezzjoni finanzjarja ma għandhiex pjuttost tiġi ddeterminata billi jittieħed inkunsiderazzjoni l-preġudizzju ekonomiku kkawżat lill-baġit ġenerali tal-Unjoni u jekk l-implikazzjonijiet finanzjarji tal-insuffiċjenzi kkonstatati  (<span class="note footnote notemarker">
<a id="c-41" href="#t-41">41</a>
</span>) jistgħux jiġu stabbiliti skont rata fissa, b’applikazzjoni tal-kriterji msemmija fit-tabella li tinsab taħt it-Titolu 2 tal-Linji gwida tal‑2013  (<span class="note footnote notemarker">
<a id="c-42" href="#t-42">42</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48.</p>
</td>
<td valign="top">
<p class="normal">Skont l-Artikolu 98(1) u (2) tar-Regolament Nru 1083/2006, meta tiġi kkonstatata irregolarità, l-Istati Membri għandhom iwettqu l-korrezzjonijiet finanzjarji neċessarji, li jikkonsistu fil-kanċellament sħiħ jew parzjali tal-parteċipazzjoni pubblika għall-programm operattiv, u għandhom jiddeterminaw l-ammont tal-korrezzjoni li għandha tiġi applikata billi jieħdu inkunsiderazzjoni tliet kriterji, jiġifieri n-natura tal-irregolarità kkonstatata, il-gravità tagħha u t-telf finanzjarju li jirriżulta minnha għall-Fond ikkonċernat. Barra minn hekk, meta tkun kwistjoni ta’ irregolarità okkażjonali, u mhux sistemika, dan ir-rekwiżit tal-aħħar jimplika neċessarjament eżami każ b’każ, billi jittieħdu inkunsiderazzjoni ċ-ċirkustanzi kollha ta’ kull każ rilevanti fid-dawl ta’ kull wieħed minn dawn it-tliet kriterji  (<span class="note footnote notemarker">
<a id="c-43" href="#t-43">43</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49.</p>
</td>
<td valign="top">
<p class="normal">F’dak li jirrigwarda, fl-ewwel lok, il-kwistjoni jekk kwalunkwe irregolarità tiskattax l-obbligu li tiġi applikata rata ta’ korrezzjoni finanzjarja ta’ 100 %, jidhirli li tali interpretazzjoni tmur kjarament kontra l-prinċipji u l-ġurisprudenza ċċitata fil-punt preċedenti, li jeżiġu li l-Istati Membri, meta jimponu korrezzjoni finanzjarja konsegwentement għal irregolarità, jieħdu inkunsiderazzjoni ċ-ċirkustanzi kollha tal-każ, inklużi l-konsegwenzi tal-irregolarità fuq l-użu tal-kontribuzzjonijiet u t-twettiq tax-xogħlijiet eliġibbli għall-finanzjament  (<span class="note footnote notemarker">
<a id="c-44" href="#t-44">44</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50.</p>
</td>
<td valign="top">
<p class="normal">Madankollu, fil-fehma tiegħi, din il-konklużjoni ma tinvolvix l-obbligu li l-korrezzjoni finanzjarja tkun ristretta f’kull ċirkustanza għat-telf finanzjarju mġarrab mill-Fond inkwistjoni. Fil-fatt, jeżistu sitwazzjonijiet li fihom ir-riskju li, fil-każ li jiġu kkonstatati irregolaritajiet, jiġġarrab telf limitat għas-sehem li għalih tirreferi l-irregolarità ma jipproduċix effett dissważiv. F’sitwazzjonijiet bħal dawn, ir-revoka totali tal-finanzjament tista’ tkun ta’ natura proporzjonata, indipendentement minn kwalunkwe prova tal-eżistenza ta’ telf korrispondenti min-naħa tal-Fond ikkonċernat  (<span class="note footnote notemarker">
<a id="c-45" href="#t-45">45</a>
</span>) u mingħajr ma l-fatt li l-proġett issussidjat fl-aħħar mill-aħħar twettaq ikun deċiżiv f’dan ir-rigward  (<span class="note footnote notemarker">
<a id="c-46" href="#t-46">46</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51.</p>
</td>
<td valign="top">
<p class="normal">F’dan il-każ, jidhirli li atti jew tentattivi ta’ korruzzjoni li jinvolvu membri tal-kummissjoni tas-sejħa għal offerti jistgħu jikkostitwixxu ksur partikolarment serju u li għandu jiġi kkundannat  (<span class="note footnote notemarker">
<a id="c-47" href="#t-47">47</a>
</span>), indipendentement mill-istabbiliment tal-prova tar-riperkussjonijiet ekonomiċi tagħhom fuq il-baġit tal-Unjoni, b’mod li tali aġir jista’, bħala prinċipju, jiskatta korrezzjoni ta’ 100 % tal-kontribuzzjoni, ħaġa li hija l-amministrazzjoni nazzjonali kompetenti, suġġett għall-istħarrig mill-qorti tar-rinviju, li għandha tevalwa u timmotiva, fid-dawl taċ-ċirkustanzi tal-każ u b’osservanza tal-prinċipju ta’ proporzjonalità.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52.</p>
</td>
<td valign="top">
<p class="normal">F’dak li jirrigwarda, fit-tieni lok, il-kalkolu tal-ammont tal-korrezzjoni finanzjarja, infakkar li l-Linji gwida tal‑2013, imsemmija mill-qorti tar-rinviju, sa fejn jirrigwardaw id-determinazzjoni tal-korrezzjonijiet finanzjarji li tapplika l-Kummissjoni għall-infiq iffinanzjat mill-Unjoni fil-kuntest tal-ġestjoni kondiviża fil-każ ta’ nuqqas ta’ osservanza tar-regoli fil-qasam tal-kuntratti pubbliċi, jistgħu wkoll jagħtu indikazzjonijiet meta l-Istati Membri stess jikkorreġu irregolaritajiet, minkejja li ma humiex vinkolanti għal dawn tal-aħħar  (<span class="note footnote notemarker">
<a id="c-48" href="#t-48">48</a>
</span>). B’mod partikolari, il-punt 1.3 ta’ dawn il-linji gwida, li jirrigwarda l-kriterji dwar ir-rati ta’ korrezzjoni li għandhom jiġu applikati, isemmi, fl-ewwel subparagrafu, serje ta’ korrezzjonijiet (ta’ 5 %, 10 %, 25 % u 100 %) applikati għall-infiq marbut ma’ kuntratt skont il-gravità tal-irregolarità u l-prinċipju ta’ proporzjonalità, meta ma jkunx possibbli li jiġu kkwantifikati preċiżament l-effetti finanzjarji għall-kuntratt ikkonċernat. Fit-tieni subparagrafu ta’ dan il-punt huwa ppreċiżat li l-gravità ta’ irregolarità u l-effett finanzjarju għall-baġit tal-Unjoni huma evalwati billi jittieħdu inkunsiderazzjoni l-livell tal-kompetizzjoni, it-trasparenza u l-ugwaljanza fit-trattament, filwaqt li l-irregolarità titqies li hija serja meta n-nuqqas ta’ osservanza inkwistjoni jkollu effett dissważiv fuq l-offerenti potenzjali jew iwassal għall-għoti ta’ kuntratt lil offerent differenti minn dak li messu kiseb il-kuntratt. Dejjem fl-istess punt, huwa previst iktar ’il quddiem, b’mod partikolari, li ebda korrezzjoni ma sejra tiġi imposta meta l-irregolarità tkun biss ta’ natura formali, mingħajr ebda effett finanzjarju reali jew potenzjali (it-tielet subparagrafu), filwaqt li korrezzjoni finanzjarja ta’ 100 % tista’ tiġi applikata fl-iktar każijiet serji, meta l-irregolarità tiffavorixxi offerent jew kandidat wieħed jew iktar jew meta l-irregolarità tkun relatata ma’ frodi, kif stabbilit minn awtorità ġudizzjarja jew amministrattiva kompetenti (is-sitt subparagrafu).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53.</p>
</td>
<td valign="top">
<p class="normal">Dawn il-linji gwida għalhekk jipprovdu lill-qorti tar-rinviju kriterji rilevanti, fil-kalkolu tal-ammont tal-korrezzjoni finanzjarja, sabiex din tiġi ddeterminata billi jittieħed inkunsiderazzjoni t-telf finanzjarju kkawżat lill-baġit ġenerali tal-Unjoni, fis-sens tal-Artikolu 98(2) tar-Regolament Nru 1083/2006  (<span class="note footnote notemarker">
<a id="c-49" href="#t-49">49</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54.</p>
</td>
<td valign="top">
<p class="normal">Bħala konklużjoni, nipproponi li r-risposta għat-tielet u raba’ domanda preliminari għandha tkun li l-Artikolu 98 tar-Regolament Nru 1083/2006 għandu jiġi interpretat fis-sens li għalkemm l-eżistenza ta’ irregolarità, fis-sens tal-punt 7 tal-Artikolu 2 ta’ dan ir-regolament Nru 1083/2006, timponi sistematikament fuq l-awtoritajiet nazzjonali kompetenti li jwettqu korrezzjoni finanzjarja, l-ammont tal-korrezzjoni applikabbli għandu jiġi ddeterminat, b’osservanza tal-prinċipju ta’ proporzjonalità, billi jittieħdu inkunsiderazzjoni ċ-ċirkustanzi konkreti kollha li jkunu rilevanti, jiġifieri n-natura u l-gravità tal-irregolarità kkonstatata, kif ukoll it-telf finanzjarju li jirriżulta minnha għall-Fond ikkonċernat, mingħajr madankollu ma dawn l-awtoritajiet ikunu obbligati jillimitaw il-korrezzjoni finanzjarja f’kull ċirkustanza għat-telf finanzjarju mġarrab minn dan il-Fond, b’mod li ksur partikolarment serju u li għandu jiġi kkundannat jista’, bħala prinċipju, jiskatta korrezzjoni ta’ 100 % tal-kontribuzzjoni, indipendentement mill-istabbiliment tal-prova ta’ kwalunkwe riperkussjoni ekonomika fuq il-baġit tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Konklużjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55.</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, nipproponi li l-Qorti tal-Ġustizzja tirrispondi għad-domandi preliminari magħmula mit-Tribunale amministrativo per il Lazio (il-Qorti Amministrattiva Reġjonali ta’ Lazio, l-Italja) kif ġej:</p>
</td>
</tr>
</table>
    <p class="C09Marge0avecretrait" id="para-104" title="page-21">
      1) Il-punt 7 tal-Artikolu 2 u l-Artikolu 70(1)(b) tar-Regolament tal-Kunsill (KE) Nru 1083/2006 tal‑11 ta’ Lulju 2006 li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta’ Koeżjoni u li jħassar ir-Regolament (KE) Nru 1260/1999,
    </p>
    <p class="C10Marge1" id="para-105" title="page-21">
      għandhom jiġu interpretati fis-sens li:
    </p>
    <p class="C10Marge1" id="para-106" title="page-21">
      aġir li, skont l-evalwazzjoni tal-awtoritajiet kompetenti, jirriżulta li jista’ jiffavorixxi lil operatur ekonomiku matul proċedura ta’ għoti jaqa’ taħt il-kunċett ta’ “irregolarità” u jwassal, bħala regola ġenerali, għar-revoka tal-vantaġġ miksub indebitament, sa fejn il-possibbiltà li dan l-aġir kellu effett fuq il-baġit tal-Fond ikkonċernat ma tistax tiġi eskluża.
    </p>
    <p class="C09Marge0avecretrait" id="para-107" title="page-21">
      2) Il-punt (d) tal-ewwel subparagrafu tal-Artikolu 45(2) tad-Direttiva 2004/18/KE tal-Parlament u tal-Kunsill tal‑31 ta’ Marzu 2004 fuq kordinazzjoni ta’ proċeduri għall-għoti ta’ kuntratti għal xogħlijiet pubbliċi, kuntratti għal provvisti pubbliċi u kuntratti għal servizzi pubbliċi [kuntratti pubbliċi għal xogħlijiet, għal provvisti u għal servizzi],
    </p>
    <p class="C10Marge1" id="para-108" title="page-21">
      għandu jiġi interpretat fis-sens li:
    </p>
    <p class="C10Marge1" id="para-109" title="page-21">
      ma jipprekludix, bħala prinċipju u fid-dawl tal-obbligu li d-dritt nazzjonali jiġi interpretat konformement mal-għanijiet ta’ din id-dispożizzjoni, leġiżlazzjoni nazzjonali li teskludi mill-parteċipazzjoni fil-proċeduri għall-għoti ta’ konċessjonijiet u ta’ kuntratti pubbliċi għal xogħlijiet, għal provvisti u għal servizzi lil kull persuna li tkun wettqet żball serju fit-twettiq tal-attività professjonali tagħha, ikkonstatat bi kwalunkwe mezz ta’ prova mill-awtorità kontraenti.
    </p>
    <p class="C09Marge0avecretrait" id="para-110" title="page-21">
      3) L-Artikolu 98 tar-Regolament Nru 1083/2006
    </p>
    <p class="C10Marge1" id="para-111" title="page-21">
      għandu jiġi interpretat fis-sens li:
    </p>
    <p class="C10Marge1" id="para-112" title="page-22">
      għalkemm l-eżistenza ta’ “irregolarità”, fis-sens tal-punt 7 tal-Artikolu 2 tar-Regolament Nru 1083/2006, timponi sistematikament fuq l-awtoritajiet nazzjonali kompetenti li jwettqu korrezzjoni finanzjarja, l-ammont tal-korrezzjoni applikabbli għandu jiġi ddeterminat, b’osservanza tal-prinċipju ta’ proporzjonalità, billi jittieħdu inkunsiderazzjoni ċ-ċirkustanzi konkreti kollha li jkunu rilevanti, jiġifieri n-natura u l-gravità tal-irregolarità kkonstatata, kif ukoll it-telf finanzjarju li jirriżulta minnha għall-fond ikkonċernat, mingħajr madankollu ma dawn l-awtoritajiet ikunu obbligati jillimitaw il-korrezzjoni finanzjarja f’kull ċirkustanza għat-telf finanzjarju mġarrab minn dan il-fond, b’mod li ksur partikolarment serju u li għandu jiġi kkundannat jista’, bħala prinċipju, jiskatta korrezzjoni ta’ 100 % tal-kontribuzzjoni, indipendentement mill-istabbiliment tal-prova ta’ kwalunkwe riperkussjoni ekonomika fuq il-baġit tal-Unjoni.
    </p>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">1</a>
</span>) Lingwa oriġinali: il-Franċiż.</p>
<p class="note footnote">(<span class="note footnote notemarker">
<a id="t-2" href="#c-2">2</a>
</span>) Regolament tal-Kunsill tal‑11 ta’ Lulju 2006 li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta’ Koeżjoni u li jħassar ir-Regolament (KE) Nru 1260/1999 (ĠU 2006, L 210, p. 25, rettifiki fil-ĠU 2006, L 239, p. 248, fil-ĠU 2007, L 145, p. 38, fil-ĠU 2007, L 164, p. 36 u fil-ĠU 2008, L 301, p. 40).</p>
<p class="note footnote">(<span class="note footnote notemarker">
<a id="t-3" href="#c-3">3</a>
</span>) Direttiva tal-Parlament Ewropew u tal-Kunsill tal‑31 ta’ Marzu 2004 fuq kordinazzjoni ta’ proċeduri għall-għoti ta’ kuntratti għal xogħlijiet pubbliċi, kuntratti għal provvisti pubbliċi u kuntratti għal servizzi pubbliċi [kuntratti pubbliċi għal xogħlijiet, għal provvisti u għal servizzi] (ĠU Edizzjoni Speċjali bil-Malti, Kapitolu 6, Vol. 7, p. 132).</p>
<p class="note footnote">(<span class="note footnote notemarker">
<a id="t-4" href="#c-4">4</a>
</span>) Regolament (KE) Nru 1080/2006 tal-Parlament Ewropew u tal-Kunsill tal‑5 ta’ Lulju 2006 dwar il-Fond Ewropew għall-Iżvilupp Reġjonali u li jħassar ir-Regolament (KE) Nru 1783/1999 (ĠU 2006 L 210, p. 1).</p>
<p class="note footnote">(<span class="note footnote notemarker">
<a id="t-5" href="#c-5">5</a>
</span>) Regolament (KE) Nru 1081/2006 tal-Parlament Ewropew u tal-Kunsill tal‑5 ta’ Lulju 2006 dwar il-Fond Soċjali Ewropew u li jħassar ir-Regolament (KE) Nru 1784/1999 (ĠU 2006, L 210, p. 12).</p>
<p class="note footnote">(<span class="note footnote notemarker">
<a id="t-6" href="#c-6">6</a>
</span>) Regolament (KE) Nru 1084/2006 tal-Kunsill tal‑11 ta’ Lulju 2006 li jistabbilixxi Fond ta’ Koeżjoni u li jħassar ir-Regolament (KE) Nru 1164/94 (ĠU 2006, L 210, p. 79).</p>
<p class="note footnote">(<span class="note footnote notemarker">
<a id="t-7" href="#c-7">7</a>
</span>) Suppliment ordinarju għall-GURI Nru 100, tat‑2 ta’ Mejju 2006, p. 1, iktar ’il quddiem id-“Digriet Leġiżlattiv Nru 163/2006”. Dan id-digriet, li huwa applikabbli fil-kawża prinċipali, tħassar bid-decreto legislativo n. 50 – Codice dei contratti pubblici (id-Digriet Leġiżlattiv Nru 50, il-Kodiċi tal-Kuntratti Pubbliċi), tat‑18 ta’ April 2016 (Suppliment ordinarju għall-GURI Nru 91 tad‑19 ta’ April 2016).</p>
<p class="note footnote">(<span class="note footnote notemarker">
<a id="t-8" href="#c-8">8</a>
</span>) Fil-kuntest ta’ din l-investigazzjoni, uffiċjal ta’ ANAS ġie kkundannat għal korruzzjoni b’applikazzjoni ta’ proċedura nnegozjata, filwaqt li l-proċeduri kriminali kienu pendenti fil-mument tar-rinviju fir-rigward tal-persuni l-oħra involuti. B’mod iktar partikolari, ċerti uffiċjali ta’ ANAS ġew akkużati li aċċettaw pagamenti min-naħa tal-impriża li ngħatat il-kuntratt sabiex jiffavorixxu l-għoti tal-kuntratt.</p>
<p class="note footnote">(<span class="note footnote notemarker">
<a id="t-9" href="#c-9">9</a>
</span>) Regolament tal-Kunsill (KE, EURATOM) Nru 2988/95 tat‑18 Diċembru 1995 dwar il-protezzjoni tal-interessi finanzjarji tal-Komunità Ewropea (ĠU Edizzjoni Speċjali bil-Malti, Kapitolu 1, Vol. 1, p. 340).</p>
<p class="note footnote">(<span class="note footnote notemarker">
<a id="t-10" href="#c-10">10</a>
</span>) Barra minn hekk, ANAS issostni li s-sentenza li permezz tagħha wieħed mill-uffiċjali tagħha ġie kkundannat għal korruzzjoni ma għandhiex effett ta’ natura mhux kriminali, peress li ġiet adottata b’applikazzjoni ta’ proċedura nnegozjata.</p>
<p class="note footnote">(<span class="note footnote notemarker">
<a id="t-11" href="#c-11">11</a>
</span>) Regolament tal-Kummissjoni tat‑8 ta’ Diċembru 2006 li jistabbilixxi r-regoli għall-implimentazzjoni tar-Regolament tal-Kunsill (KE) Nru 1083/2006 li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta’ Koeżjoni u tar-Regolament (KE) Nru 1080/2006 tal-Parlament Ewropew u tal-Kunsill dwar il-Fond Ewropew għall-Iżvilupp Reġjonali (ĠU 2006, L 371, p. 1, rettifika fil-ĠU 2007, L 45, p. 3).</p>
<p class="note footnote">(<span class="note footnote notemarker">
<a id="t-12" href="#c-12">12</a>
</span>) ĠU Edizzjoni Speċjali bil-Malti, Kapitolu 19, Vol. 8, p. 57 (iktar ’il quddiem il-“Konvenzjoni PIF”).</p>
<p class="note footnote">(<span class="note footnote notemarker">
<a id="t-13" href="#c-13">13</a>
</span>) Direttiva (UE) 2017/1371 tal-Parlament Ewropew u tal-Kunsill tal‑5 ta’ Lulju 2017 dwar il-ġlieda kontra l-frodi tal-interessi finanzjarji tal-Unjoni permezz tal-liġi kriminali (ĠU 2017 L 198, p. 29).</p>
<p class="note footnote">(<span class="note footnote notemarker">
<a id="t-14" href="#c-14">14</a>
</span>) Bi żball il-qorti tar-rinviju tiċċita l-Artikolu 98(3) ta’ dan ir-regolament. Ara wkoll in-nota ta’ qiegħ il-paġna 41 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-15" href="#c-15">15</a>
</span>) Deċiżjoni tal-Kummissjoni tad‑19 ta’ Diċembru 2013 dwar l-istabbiliment u l-approvazzjoni tal-linji gwida għad-determinazzjoni tal-korrezzjonijiet finanzjarji li għandhom jitwettqu mill-Kummissjoni rigward in-nefqa ffinanzjata mill-Unjoni taħt ġestjoni kondiviża, għal nuqqas ta’ konformità mar-regoli dwar l-akkwist pubbliku.</p>
<p class="note footnote">(<span class="note footnote notemarker">
<a id="t-16" href="#c-16">16</a>
</span>) Fil-fatt, jidhirli li l-kunċett ta’ “irregolarità” jinkludi kull xorta ta’ ksur tar-regoli tal-Unjoni u nazzjonali (ara l-punt 21 ta’ dawn il-konklużjonijiet), inklużi dawk li jirregolaw il-kunċett ta’ “frodi”. Barra minn hekk, dan il-kunċett tal-aħħar jeżiġi n-natura intenzjonali tal-att jew tal-ommissjoni u jirrikjedi konstatazzjoni ġudizzjarja ta’ natura kriminali, elementi li ma jirriżultawx mill-fatti ta’ dan il-każ, kif ippreżentati mill-qorti tar-rinviju.</p>
<p class="note footnote">(<span class="note footnote notemarker">
<a id="t-17" href="#c-17">17</a>
</span>) Għall-kuntrarju, id-dispożizzjonijiet l-oħra msemmija mill-qorti tar-rinviju, jiġifieri l-Artikolu 27(c) tar-Regolament Nru 1828/2006, l-Artikolu 1 tal-Konvenzjoni PIF u l-Artikolu 3(2)(b) tad-Direttiva 2017/1371, ma humiex rilevanti f’dan ir-rigward għaliex jirrigwardaw biss il-kunċett ta’ “frodi”.</p>
<p class="note footnote">(<span class="note footnote notemarker">
<a id="t-18" href="#c-18">18</a>
</span>) Ara, f’dan ir-rigward, is-sentenza tal‑1 ta’ Ottubru 2020, Elme Messer Metalurgs (C‑743/18, EU:C:2020:767, punt 46 u l-ġurisprudenza ċċitata). Il-premessa 65 tar-Regolament Nru 1083/2006 tispeċifika li l-Istati Membri għandu jkollhom ir-responsabbiltà ewlenija għall-implimentazzjoni u għall-kontroll tal-interventi, skont il-prinċipji ta’ sussidjarjetà u ta’ proporzjonalità.</p>
<p class="note footnote">(<span class="note footnote notemarker">
<a id="t-19" href="#c-19">19</a>
</span>) B’mod simili, l-Artikolu 1(2) tar-Regolament Nru 2988/95 jistabbilixxi, essenzjalment, li irregolarità tikkonsisti fi kwalunkwe ksur ta’ dispożizzjoni tad-dritt tal-Unjoni li jirriżulta minn att jew minn ommissjoni ta’ operatur ekonomiku li għandhom jew li kien ikollhom l-effett li jippreġudikaw il-baġit ġenerali tal-Unjoni jew baġits iġġestiti minn din tal-aħħar, jew permezz tat-tnaqqis jew tat-tħassir ta’ dħul li joriġina mir-riżorsi proprji miġbura direttament f’isem l-Unjoni, jew permezz ta’ nefqa indebita. Għandu jiġi speċifikat li, kif jirriżulta mill-ġurisprudenza tal-Qorti tal-Ġustizzja, kulma jagħmel ir-Regolament Nru 2988/95 huwa li jistabbilixxi regoli ġenerali ta’ verifika u ta’ sanzjonijiet bil-għan ta’ protezzjoni tal-interessi finanzjarji tal-Unjoni u li rkupru ta’ fondi li ntużaw ħażin għandu jsir fuq il-bażi ta’ dispożizzjonijiet settorjali (ara, f’dan is-sens, is-sentenza tas‑26 ta’ Mejju 2016, Județul Neamț u Județul Bacău, C‑260/14 u C‑261/14, EU:C:2016:360, punt 32 kif ukoll il-ġurisprudenza ċċitata). Għaldaqstant, minkejja li l-kunċett ta’ “irregolarità”, fis-sens tal-punt 7 tal-Artikolu 2 tar-Regolament Nru 1083/2006 u tal-Artikolu 1(2) tar-Regolament Nru 2988/95, jitlob interpretazzjoni uniformi, peress li ż-żewġ regolamenti inkwistjoni jagħmlu parti mill-istess dispożittiv li jiggarantixxi l-ġestjoni tajba tal-fondi tal-Unjoni u l-protezzjoni tal-interessi finanzjarji ta’ din tal-aħħar (ara, f’dan is-sens, is-sentenza tas‑26 ta’ Mejju 2016, Județul Neamț u Județul Bacău, C‑260/14 u C‑261/14, EU:C:2016:360, punt 34), f’dan il-każ dan il-kunċett għandu jiġi interpretat prinċipalment fid-dawl tar-Regolament Nru 1083/2006.</p>
<p class="note footnote">(<span class="note footnote notemarker">
<a id="t-20" href="#c-20">20</a>
</span>) Ara s-sentenza tal‑1 ta’ Ottubru 2020, Elme Messer Metalurgs (C‑743/18, EU:C:2020:767, punt 51).</p>
<p class="note footnote">(<span class="note footnote notemarker">
<a id="t-21" href="#c-21">21</a>
</span>) Ara s-sentenza tas‑6 ta’ Diċembru 2017, Compania Naţională de Administrare a Infrastructurii Rutiere (C‑408/16, EU:C:2017:940, punt 57 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-22" href="#c-22">22</a>
</span>) Ara s-sentenza tal‑1 ta’ Ottubru 2020, Elme Messer Metalurgs (C‑743/18, EU:C:2020:767, punt 52 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-23" href="#c-23">23</a>
</span>) Ara s-sentenza tad‑29 ta’ April 2004, Il‑Kummissjoni vs CAS Succhi di Frutta (C‑496/99 P, EU:C:2004:236, punt 108 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-24" href="#c-24">24</a>
</span>) Ara l-Artikolu 2 tad-Direttiva 2004/18, intitolat “Prinċipji ta’ assenjar ta’ kuntratti”, li skontu l-awtoritajiet kontraenti għandhom jittrattaw lill-operaturi ekonomiċi bl-istess mod, b’mod nondiskriminatorju u jaġixxu b’mod trasparenti, kif ukoll il-ġurisprudenza li skontha l-awtorità kontraenti hija obbligata tosserva l-prinċipju ta’ ugwaljanza fit-trattament tal-offerenti (ara, b’mod partikolari, is-sentenza tad‑29 ta’ April 2004, Il‑Kummissjoni vs CAS Succhi di Frutta, C‑496/99 P, EU:C:2004:236, punt 108 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-25" href="#c-25">25</a>
</span>) Barra minn hekk, nirrileva, b’mod antiċipat, li l-prova ta’ kwalunkwe intenzjoni jew negliġenza min-naħa tal-benefiċjarju ma hijiex neċessarja għall-finijiet tal-eżistenza ta’ “irregolarità”, fis-sens tal-punt 7 tal-Artikolu 2 tar-Regolament Nru 1083/2006, peress li huwa possibbli li tiġi attribwita lil ANAS responsabbiltà “oġġettiva”, ibbażata fuq ir-responsabbiltajiet tal-uffiċjali tagħha, kif ser nispjega fil-punt 30 u fin-nota ta’ qiegħ il-paġna 32 ta’ dawn il-konklużjonijiet.</p>
<p class="note footnote">(<span class="note footnote notemarker">
<a id="t-26" href="#c-26">26</a>
</span>) Sa fejn l-Artikolu 38(1)(f) tad-Digriet Leġiżlattiv Nru 163/2006 huwa applikabbli f’dan il-każ, ħaġa li ma jidhirlix li hija evidenti (f’dan ir-rigward, ara l-analiżi tat-tieni domanda preliminari).</p>
<p class="note footnote">(<span class="note footnote notemarker">
<a id="t-27" href="#c-27">27</a>
</span>) Ara, b’analoġija, is-sentenza tat‑22 ta’ Novembru 2012, Cuadrench Moré (C‑139/11, EU:C:2012:741, punt 25 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-28" href="#c-28">28</a>
</span>) Fil-fatt, kif diġà indikajt fin-nota ta’ qiegħ il-paġna 26 ta’ dawn il-konklużjonijiet, niddubita kemm din id-dispożizzjoni (jew iktar speċifikament id-dispożizzjoni nazzjonali ta’ traspożizzjoni, jiġifieri l-Artikolu 38(1)(f) tad-Digriet Leġiżlattiv Nru 163/2006) tapplika f’dan il-każ.</p>
<p class="note footnote">(<span class="note footnote notemarker">
<a id="t-29" href="#c-29">29</a>
</span>) F’dan ir-rigward, il-Qorti tal-Ġustizzja speċifikat li l-konstatazzjoni ta’ nuqqas professjonali fis-sens tal-punt (d) tal-ewwel subparagrafu tal-Artikolu 45(2) tad-Direttiva 2004/18 ma teħtieġx sentenza li għandha awtorità ta’ res judicata (ara, f’dan is-sens, is-sentenzi tat‑13 ta’ Diċembru 2012, Forposta u ABC Direct Contact (C‑465/11, EU:C:2012:801, punt 28), u tal‑20 ta’ Diċembru 2017, Impresa di Costruzioni Ing. E. Mantovani u Guerrato (C‑178/16, EU:C:2017:1000, punt 44)).</p>
<p class="note footnote">(<span class="note footnote notemarker">
<a id="t-30" href="#c-30">30</a>
</span>) Ara s-sentenza tal‑20 ta’ Diċembru 2017, Impresa di Costruzioni Ing. E. Mantovani u Guerrato (C‑178/16, EU:C:2017:1000, punt 47).</p>
<p class="note footnote">(<span class="note footnote notemarker">
<a id="t-31" href="#c-31">31</a>
</span>) Fil-fatt, l-Artikolu 27(a) tar-Regolament Nru 1828/2006 jiddefinixxi bħala “operatur ekonomiku” kwalunkwe persuna fiżika jew ġuridika jew entità oħra li tieħu sehem fl-implimentazzjoni ta’ għajnuna mill-Fondi, ħlief għal Stat Membru fl-eżerċizzju tal-prerogattivi tiegħu bħala awtorità pubblika.</p>
<p class="note footnote">(<span class="note footnote notemarker">
<a id="t-32" href="#c-32">32</a>
</span>) Ara, f’dan is-sens, is-sentenza tal‑1 ta’ Ottubru 2020, Elme Messer Metalurgs (C‑743/18, EU:C:2020:767), li fiha, wara, minn naħa, interpretazzjoni kuntestwali tal-punt 7 tal-Artikolu 2 tar-Regolament Nru 1083/2006 (punti 59 sa 62) u, min-naħa l-oħra, interpretazzjoni teleoloġika ta’ dan ir-regolament (punt 63), u filwaqt li speċifikat li l-obbligu tal-ħlas lura ta’ vantaġġ irċevut indebitament permezz ta’ irregolarità ma jikkostitwixxix sanzjoni, iżda huwa sempliċement konsegwenza tal-konstatazzjoni li l-kundizzjonijiet meħtieġa għall-ksib tal-vantaġġ li jirriżulta mil-leġiżlazzjoni tal-Unjoni ma ġewx osservati, fatt li jirrendi indebitu l-vantaġġ irċevut (punt 64, kif ukoll il-ġurisprudenza ċċitata), il-Qorti tal-Ġustizzja kkonkludiet, essenzjalment, li l-prova ta’ kwalunkwe intenzjoni jew negliġenza min-naħa tal-benefiċjarju ma hijiex neċessarja għall-finijiet ta’ “irregolarità” fis-sens tal-punt 7 tal-Artikolu 2 tar-Regolament Nru 1083/2006 (punt 65). Barra minn hekk, f’dak li jirrigwarda l-eventwali attribuzzjoni lil ANAS ta’ responsabbiltà “oġġettiva”, ibbażata fuq ir-responsabbiltajiet tal-uffiċjali tagħha, il-Qorti tal-Ġustizzja speċifikat ukoll li d-dritt tal-Unjoni jitlaq mill-premessa li l-persuni ġuridiċi jaġixxu permezz tar-rappreżentanti tagħhom u li, fost oħrajn, aġir li jmur kontra l-etika professjonali ta’ dawn tal-aħħar jista’ jikkostitwixxi fattur rilevanti għall-evalwazzjoni tal-kondotta professjonali ta’ impriża (ara s-sentenza tal‑20 ta’ Diċembru 2017, Impresa di Costruzioni Ing. E. Mantovani u Guerrato, C‑178/16, EU:C:2017:1000, punt 34).</p>
<p class="note footnote">(<span class="note footnote notemarker">
<a id="t-33" href="#c-33">33</a>
</span>) Ara, f’dan is-sens, is-sentenzi tal‑14 ta’ Lulju 2016, Wrocław - Miasto na prawach powiatu (C‑406/14, EU:C:2016:562, punti 44 u 45 kif ukoll il-ġurisprudenza ċċitata); tas‑6 ta’ Diċembru 2017, Compania Naţională de Administrare a Infrastructurii Rutiere (C‑408/16, EU:C:2017:940, punti 60 u 61); u tal‑1 ta’ Ottubru 2020, Elme Messer Metalurgs (C‑743/18, EU:C:2020:767, punt 67).</p>
<p class="note footnote">(<span class="note footnote notemarker">
<a id="t-34" href="#c-34">34</a>
</span>) Il-Kummissjoni hija tal-fehma li l-ġurisprudenza tal-Consiglio di Stato (il-Kunsill tal-Istat, l-Italja) iċċitata mill-qorti tar-rinviju (sentenza Nru 5704 tal‑4 ta’ Diċembru 2017) ma twassalx għall-konklużjoni pprospettata minn din tal-aħħar. Insostenn tal-interpretazzjoni tiegħu, il-Gvern Taljan jiċċita ġurisprudenza oħra tal-Consiglio di Stato (il-Kunsill tal-Istat) (sentenza Nru 5299 tal‑20 ta’ Novembru 2015), kif ukoll deċiżjoni u linji gwida tal-awtorità nazzjonali kontra l-korruzzjoni li jipprekludu l-interpretazzjoni proposta mill-qorti tar-rinviju.</p>
<p class="note footnote">(<span class="note footnote notemarker">
<a id="t-35" href="#c-35">35</a>
</span>) Fil-fatt, skont din il-ġurisprudenza, il-punt (d) tal-ewwel subparagrafu tal-Artikolu 45(2) tad-Direttiva 2004/18 ma jipprevedix uniformità fl-applikazzjoni tal-kawżi ta’ esklużjoni indikati fih fuq livell tal-Unjoni, sa fejn l-Istati Membri għandhom il-possibbiltà li ma japplikawx dawn il-kawżi ta’ esklużjoni, jew inkella li jintegrawhom fil-leġiżlazzjoni nazzjonali b’livell ta’ rigorożità li jista’ jvarja każ b’każ, skont kunsiderazzjonijiet ta’ natura legali, ekonomika jew soċjali li jipprevalu fuq livell nazzjonali (ara s-sentenza tal‑14 ta’ Diċembru 2016, Connexxion Taxi Services, C‑171/15, EU:C:2016:948, punt 29 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-36" href="#c-36">36</a>
</span>) Nirrimarka li l-Artikolu 38(1)(f) tad-Digriet Leġiżlattiv Nru 163/2006 jirriproduċi l-istess terminu (“żball serju”) użat fil-verżjoni Taljana tal-punt (d) tal-ewwel subparagrafu tal-Artikolu 45(2) tad-Direttiva 2004/18, filwaqt li din l-istess dispożizzjoni, f’verżjonijiet lingwistiċi oħra, tuża terminu differenti, li jirreferi għall-kunċett ta’ “nuqqas” (pereżempju, “faute grave” fil-verżjoni Franċiża jew “grave professional misconduct” fil-verżjoni Ingliża).</p>
<p class="note footnote">(<span class="note footnote notemarker">
<a id="t-37" href="#c-37">37</a>
</span>) Fil-fatt, ir-rekwiżit ta’ interpretazzjoni konformi tad-dritt nazzjonali, li japplika fil-limiti ta’ interpretazzjoni contra legem tad-dritt nazzjonali (ara, b’mod partikolari, f’dan is-sens, is-sentenza tat‑28 ta’ April 2022, Phoenix Contact, C‑44/21, EU:C:2022:309, punt 50 u l-ġurisprudenza ċċitata), jinkludi wkoll l-obbligu, għall-qrati nazzjonali, li jemendaw, jekk ikun il-każ, ġurisprudenza stabbilita jekk din tkun ibbażata fuq interpretazzjoni tad-dritt nazzjonali inkompatibbli mal-għanijiet ta’ direttiva (ara, f’dan is-sens, is-sentenza tat‑28 ta’ April 2022, Phoenix Contact, C‑44/21, EU:C:2022:309, punt 52 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-38" href="#c-38">38</a>
</span>) Din il-kunsiderazzjoni hija bla ħsara għall-prinċipju li l-portata ta’ dispożizzjoni tad-dritt nazzjonali għandha tiġi ddeterminata fid-dawl tal-interpretazzjoni mogħtija lilha mill-qrati nazzjonali (ara, b’mod partikolari, f’dan is-sens, is-sentenza tat‑12 ta’ Novembru 2009, Il‑Kummissjoni vs Spanja, C‑154/08, mhux ippubblikata, EU:C:2009:695, punt 125), ħaġa li hija l-qorti tar-rinviju li għandha tivverifika, fid-dawl tal-ġurisprudenza ċċitata fin-nota ta’ qiegħ il-paġna preċedenti. F’dan ir-rigward, il-Qorti tal-Ġustizzja madankollu speċifikat, essenzjalment, li ma għandhomx jittieħdu inkunsiderazzjoni deċiżjonijiet ġudizzjarji iżolati jew sinjifikattivament minoritarji f’kuntest ġurisprudenzjali kkaratterizzat minn orjentazzjoni oħra, jew interpretazzjoni kontradetta mill-qorti suprema nazzjonali, filwaqt li għandha tittieħed inkunsiderazzjoni interpretazzjoni ġurisprudenzjali sinjifikattiva mhux kontradetta mill-imsemmija qorti suprema, jew saħansitra kkonfermata minnha (ara, f’dan is-sens, is-sentenza tad‑9 ta’ Diċembru 2003, Il‑Kummissjoni vs L-Italja, C‑129/00, EU:C:2003:656, punti 31 u 32).</p>
<p class="note footnote">(<span class="note footnote notemarker">
<a id="t-39" href="#c-39">39</a>
</span>) Jidher, għall-kuntrarju, li tali irregolarità pjuttost tirrigwarda l-ksur tal-prinċipji ta’ ugwaljanza fit-trattament u ta’ trasparenza (ara l-punti 21 sa 24 ta’ dawn il-konklużjonijiet).</p>
<p class="note footnote">(<span class="note footnote notemarker">
<a id="t-40" href="#c-40">40</a>
</span>) Ara, b’mod partikolari, is-sentenza tal‑1 ta’ Awwissu 2022, Vyriausioji tarnybinės etikos komisija (C‑184/20, EU:C:2022:601, punt 48 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-41" href="#c-41">41</a>
</span>) Fl-interess tal-preċiżjoni, nirrimarka li l-imsemmija qorti, filwaqt li tiċċita l-Artikolu 98 tar-Regolament Nru 1083/2006, li jirrigwarda l-korrezzjonijiet finanzjarji applikati mill-Istati Membri, tirreferi għall-“implikazzjonijiet finanzjarji tan-nuqqasijiet li jkunu nstabu fil-programm operattiv konċernat” imsemmija fil-paragrafu 3 tal-Artikolu 99 ta’ dan ir-regolament, li jirrigwarda l-korrezzjonijiet finanzjarji applikati mill-Kummissjoni, filwaqt li l-Artikolu 98 iċċitat iktar ’il fuq isemmi fil-paragrafu 2 tiegħu, it-“telf finanzjarju għall-Fond”.</p>
<p class="note footnote">(<span class="note footnote notemarker">
<a id="t-42" href="#c-42">42</a>
</span>) Kif jispeċifika l-Artikolu 1 tagħha, id-Deċiżjoni C(2013) 9527 tistabbilixxi fl-Anness tagħha l-linji gwida għad-determinazzjoni tal-korrezzjonijiet finanzjarji li għandhom jiġu applikati, fil-każ ta’ nuqqas ta’ osservanza tar-regoli fil-qasam tal-kuntratti pubbliċi, għall-infiq iffinanzjat mill-Unjoni fil-kuntest tal-ġestjoni kondiviża għall-perijodi ta’ programmazzjoni 2007‑2013 u 2014‑2020. L-Artikolu 2 tagħha jżid li l-Kummissjoni għandha tapplika dawn il-linji gwida, li jissostitwixxu l-linji gwida preċedenti li jirrigwardaw il-perijodi ta’ programmazzjoni 2000‑2006 u 2007‑2013, meta din twettaq korrezzjonijiet finanzjarji marbuta mal-irregolaritajiet individwati wara d-data ta’ adozzjoni tal-imsemmija deċiżjoni.</p>
<p class="note footnote">(<span class="note footnote notemarker">
<a id="t-43" href="#c-43">43</a>
</span>) Ara, f’dan is-sens, is-sentenza tal‑14 ta’ Lulju 2016, Wrocław - Miasto na prawach powiatu (C‑406/14, EU:C:2016:562, punt 48).</p>
<p class="note footnote">(<span class="note footnote notemarker">
<a id="t-44" href="#c-44">44</a>
</span>) Barra minn hekk, tali obbligu li titwettaq ir-revoka “awtomatika” tal-kontribuzzjoni sħiħa jopera, de facto, bħala sanzjoni, ħaġa li tmur kontra l-ġurisprudenza ċċitata fin-nota ta’ qiegħ il-paġna 32 ta’ dawn il-konklużjonijiet, li skontha l-obbligu tal-ħlas lura ta’ vantaġġ irċevut indebitament permezz ta’ irregolarità ma huwiex sanzjoni.</p>
<p class="note footnote">(<span class="note footnote notemarker">
<a id="t-45" href="#c-45">45</a>
</span>) Bħala eżempju, f’kawża dwar finanzjament relatat ma’ investiment fil-kuntest tal-Fond Agrikolu Ewropew ta’ Gwida u Garanzija (FAEGG), li fiha parti biss (jiġifieri 28 %) mill-investiment kienet ivvizzjata b’irregolarità marbuta ma’ informazzjoni falza, il-Qorti tal-Ġustizzja kkonkludiet li kienet biss il-possibbiltà li irregolarità tiġi ssanzjonata mhux bit-tnaqqis tal-għajnuna b’ammont li jikkorrispondi għal din l-irregolarità iżda bit-tneħħija sħiħa tal-għajnuna li setgħet tipproduċi l-effett dissważiv neċessarju għall-ġestjoni tajba tar-riżorsi tal-FAEGG (ara s-sentenza tal‑24 ta’ Jannar 2002, Conserve Italia vs Il‑Kummissjoni, C‑500/99 P, EU:C:2002:45, punt 101). Fl-istess kawża, l-Avukat Ġenerali speċifika li, kieku l-benefiċjarju li jaġixxi b’mod illegali kellu jinkorri biss ir-riskju li jitlef l-għajnuna sa fejn din tkun ibbażata fuq l-aġir illegali tiegħu, dan ikun jirrappreżenta stedina għall-frodi (konklużjonijiet tal-Avukat Ġenerali Alber fil-kawża Conserve Italia vs Il‑Kummissjoni (C‑500/99 P, EU:C:2001:415, punti 94 u 97).</p>
<p class="note footnote">(<span class="note footnote notemarker">
<a id="t-46" href="#c-46">46</a>
</span>) Fil-fatt, kif jirriżulta mill-ġurisprudenza tal-Qorti Ġenerali, il-fatt li l-benefiċjarju ta’ finanzjament ma josservax l-obbligi kollha tiegħu jiġġustifika, b’mod ġenerali, ir-reviżjoni tal-kontribuzzjoni tal-Unjoni, mingħajr ma s-sempliċi fatt li l-proġett twettaq ikun suffiċjenti sabiex jiġġustifika l-ħlas ta’ din il-kontribuzzjoni (f’dan ir-rigward, ara s-sentenza tat‑13 ta’ Lulju 2011, Il-Greċja vs Il‑Kummissjoni, T‑81/09, mhux ippubblikata, EU:T:2011:366, punt 68 u l-ġurisprudenza ċċitata, ikkonfermata permezz ta’ digriet tal‑10 ta’ Ottubru 2012, Il-Greċja vs Il‑Kummissjoni, C‑497/11 P, mhux ippubblikat, EU:C:2012:625).</p>
<p class="note footnote">(<span class="note footnote notemarker">
<a id="t-47" href="#c-47">47</a>
</span>) Fil-fatt, il-fatt li fondi Ewropej ikunu ġew irċevuti u jkunu ntużaw minn operatur ekonomiku li jkun ġie indebitament iffavorit iwassal għal preġudizzju serju għall-interessi finanzjarji tal-Unjoni, sa fejn jikkomprometti l-prinċipji ta’ kompetizzjoni libera u ta’ ugwaljanza fit-trattament fl-għoti ta’ kuntratt.</p>
<p class="note footnote">(<span class="note footnote notemarker">
<a id="t-48" href="#c-48">48</a>
</span>) L-aħħar subparagrafu tal-punt 1.1 tal-Linji gwida tal‑2013 jirrakkomanda lill-awtoritajiet kompetenti tal-Istati Membri li josservaw l-istess kriterji u rati meta jikkorreġu irregolaritajiet individwati mid-dipartimenti tagħhom stess, sakemm ma japplikawx standards iktar stretti.</p>
<p class="note footnote">(<span class="note footnote notemarker">
<a id="t-49" href="#c-49">49</a>
</span>) Il-qorti tar-rinviju bi żball tiċċita l-Artikolu 98(3) ta’ dan ir-regolament.</p>
</body>
</html>
