(1)

Foráiltear le Rialachán (AE) 2015/2283 nach bhféadfar ach bianna núíosacha atá údaraithe agus atá curtha ar liosta an Aontais de bhianna núíosacha a chur ar an margadh laistigh den Aontas.

(2)

De bhun Airteagal 8 de Rialachán (AE) 2015/2283, bunaíodh liosta Aontais de bhianna núíosacha le Rialachán Cur Chun Feidhme (AE) 2017/2470 ón gCoimisiún (2).

(3)

Le Rialachán Cur Chun Feidhme (AE) 2023/52 ón gCoimisiún (3) údaraíodh ‘3-Fúcaishiollachtós arna tháirgeadh le tréithchineál díorthach de Escherichia coli BL21 (DE3)’ a chur ar an margadh lena úsáid i mbainne foirmle do naíonáin, i mbainne foirmle leantach, i mbianna gránachbhunaithe próiseáilte do naíonáin agus do leanaí óga, agus i mbianna do naíonáin agus do leanaí óga, mar a shainmhínítear faoi Rialachán (AE) Uimh. 609/2013 ó Pharlaimint na hEorpa agus ón gComhairle (4), i ndeochanna bainnebhunaithe agus i dtáirgí comhchosúla a cheaptar do leanaí óga agus i mbianna chun críoch speisialta míochaine do naíonáin agus do leanaí óga mar a shainmhínítear faoi Rialachán (AE) Uimh. 609/2013, i mbianna chun críoch speisialta míochaine mar a shainmhínítear faoi Rialachán (AE) Uimh. 609/2013, seachas bianna do naíonáin agus do leanaí óga, agus i bhforbhianna mar a shainmhínítear i dTreoir 2002/46/CE ó Pharlaimint na hEorpa agus ón gComhairle (5), don phobal i gcoitinne, seachas naíonáin agus leanaí óga.

(4)

An 25 Aibreán 2024, chuir an chuideachta Chr. Hansen A/S (‘an t-iarratasóir’) iarratas faoi bhráid an Choimisiúin i gcomhréir le hAirteagal 10(1) de Rialachán (AE) 2015/2283 chun coinníollacha úsáide an bhia núíosaigh ‘3-Fúcaishiollachtós arna tháirgeadh le tréithchineál díorthach de Escherichia coli BL21 (DE3)’ a athrú. D’iarr an t-iarratasóir na huasleibhéil úsáide údaraithe ‘3-Fúcaishiollachtós arna tháirgeadh le tréithchineál díorthach de Escherichia coli BL21 (DE3)’ a mhéadú i mbainne foirmle do naíonáin, i mbainne foirmle leantach agus i mbianna chun críoch speisialta míochaine do naíonáin agus do leanaí óga mar a shainmhínítear i Rialachán (AE) Uimh. 609/2013, ó na leibhéil reatha 0,9 g/L, 0,9 g/L agus 1,2 g/L faoi seach go 1,75 g/L le haghaidh gach ceann de na trí chatagóir bhia. D’iarr an t-iarratasóir freisin uasleibhéal úsáide údaraithe ‘3-Fúcaishiollachtós arna tháirgeadh le tréithchineál díorthach de Escherichia coli BL21 (DE3)’ a mhéadú i bhforbhianna mar a shainmhínítear i dTreoir 2002/46/CE atá ceaptha don phobal i gcoitinne, seachas naíonáin agus leanaí óga, ón leibhéal atá údaraithe faoi láthair, is é sin 3,0 g/lá go 4,0 g/lá.

(5)

I gcomhréir le hAirteagal 10(3) de Rialachán (AE) 2015/2283, chuaigh an Coimisiún i gcomhairle leis an Údarás Eorpach um Shábháilteacht Bia (‘an tÚdarás’) an 24 Meitheamh 2024, agus d’iarr sé air tuairim eolaíoch a sholáthar maidir leis na hathruithe ar choinníollacha úsáide ‘3-Fúcaishiollachtós arna tháirgeadh le tréithchineál díorthach de Escherichia coli BL21 (DE3)’ mar bhia núíosach.

(6)

An 24 Márta 2025 ghlac an tÚdarás tuairim eolaíoch uaidh dar teideal ‘safety of the extension of use of 3-fucosyllactose (3-FL) as a novel food pursuant to Regulation (EU) 2015/2283 [sábháilteacht leathnú úsáide 3-Fúcaishiollachtóis (3-FL) mar bhia núíosach de bhun Rialachán (AE) 2015/2283] (6)’ i gcomhréir le hAirteagal 11 de Rialachán (AE) 2015/2283.

(7)

Sa tuairim eolaíoch uaidh, tháinig an tÚdarás ar an gconclúid go bhfuil an t-athrú atá beartaithe sábháilte faoi na coinníollacha úsáide atá beartaithe, agus dá bhrí sin is iomchuí leasú a dhéanamh ar choinníollacha úsáide ‘3-Fúcaishiollachtós arna tháirgeadh le tréithchineál díorthach de Escherichia coli BL21 (DE3)’.

(8)

Leis an bhfaisnéis a sholáthair an t-iarratasóir agus an fhaisnéis sa tuairim ón Údarás, tá forais leordhóthanacha ann chun a shuí go bhfuil na hathruithe ar choinníollacha úsáide ‘3-Fúcaishiollachtós arna tháirgeadh le tréithchineál díorthach de Escherichia coli BL21 (DE3)’ i gcomhréir le coinníollacha Airteagal 12 de Rialachán (AE) 2015/2283 agus ba cheart iad a fhormheas.

(9)

Dá bhrí sin, ba cheart an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir.

(10)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,