(1)

Le Rialachán (AE) 2024/1143 ó Pharlaimint na hEorpa agus ón gComhairle (2), bunaítear aon chreat coiteann amháin de chuid an Aontais chun tásca geografacha a chlárú agus a chosaint sna trí earnáil talmhaíochta (fíon, deochanna biotáilleacha agus táirgí talmhaíochta). Chun na críche sin, leasaítear nó aisghairtear leis, a mhéid is gá, Rialacháin, lena ndearnadh foráil roimhe maidir le creataí ar leithligh sna hearnálacha sin: Leasaíodh Rialachán (AE) Uimh. 1308/2013 ó Pharlaimint na hEorpa agus ón gComhairle (3) a mhéid a bhaineann le tásca geografacha in earnáil an fhíona, leasaíodh Rialachán (AE) 2019/787 a mhéid a bhaineann le tásca geografacha in earnáil na ndeochanna biotáilleacha, agus aisghaireadh Rialachán (AE) Uimh. 1151/2012 ó Pharlaimint na hEorpa agus ón gComhairle (4) a bhaineann le tásca geografacha in earnáil na dtáirgí talmhaíochta agus na mbia-earraí.

(2)

Le Rialachán (AE) 2024/1143, tugtar de chumhacht don Choimisiún rialacháin tharmligthe agus cur chun feidhme a ghlacadh lena leagtar amach nós imeachta aonfhoirmeach chun tásca geografacha a chlárú le haghaidh earnálacha talmhaíochta an fhíona, na ndeochanna biotáilleacha agus na dtáirgí talmhaíochta. Mar thoradh air sin, gníomhartha tarmligthe agus cur chun feidhme a glacadh roimhe seo ar bhonn na gcumhachtuithe a tugadh sna rialacháin earnála, ní mór iad a leasú nó a aisghairm, a mhéid is gá chun iad a thabhairt i gcomhréir le Rialachán (AE) 2024/1143 agus lena reachtaíocht thánaisteach.

(3)

Le Rialachán Tarmligthe (AE) 2021/1235 ón gCoimisiún (5), forlíontar Rialachán (AE) 2019/787 le, i measc rialacha eile, rialacha a bhaineann le hiarratais ar chlárú tásc geografach deochanna biotáilleacha, le leasuithe ar shonraíochtaí táirgí, le cealú an chláraithe agus leis an gclár. I gcreat nua an Aontais le haghaidh tásca geografacha a bunaíodh le Rialachán (AE) 2024/1143, lena gcumhdaítear trí earnáil talmhaíochta (fíon, deochanna biotáilleacha agus táirgí talmhaíochta), tríd síos, cuirtear forálacha áirithe a áirítear i Rialachán (AE) 2024/1143 in ionad na rialacha a áirítear i Rialachán Tarmligthe (AE) 2021/1235, i bpáirt, agus den pháirt eile, cuirtear in ionad na rialacha sin na forálacha a áirítear i Rialachán Tarmligthe (AE) 2025/27 ón gCoimisiún (6), lena bhforlíontar Rialachán (AE) 2024/1143 le rialacha a bhaineann le, i measc nósanna imeachta eile, na nósanna imeachta le haghaidh leasuithe ar leibhéal an Aontais, agus chun leasuithe caighdeánacha agus sealadacha a fhormheas agus a chur in iúl. Dá bhrí sin, a mhéid a bhaineann le hearnáil na ndeochanna biotáilleacha, chuaigh Rialachán Tarmligthe (AE) 2021/1235 i léig, agus ba cheart é a aisghairm mar gheall go mbeadh a fhorálacha i gcoimhlint leis na forálacha a glacadh i Rialachán (AE) 2024/1143 nó i Rialachán Tarmligthe (AE) 2025/27, a bhfuil feidhm acu maidir le hearnáil na ndeochanna biotáilleacha chomh maith,