|
20.5.2021 |
MT |
Il-Ġurnal Uffiċjali tal-Unjoni Ewropea |
C 193/6 |
Avviż minn qabel ta’ konċentrazzjoni
(Il-Każ M.10204 — Total Produce/Dole Food Company)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2021/C 193/05)
1.
Fl-10 ta’ Mejju 2021, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
Total Produce plc (“Total Produce”, ir-Repubblika tal-Irlanda) |
|
— |
DFC Holdings LLC (“DFC Holdings”, l-Istati Uniti tal-Amerka) |
Total Produce tidħol f’amalgamazzjoni sħiħa, fis-sens tal-Artikolu 3(1)(a) tar-Regolament dwar l-Għaqdiet, ma’ DFC Holdings u s-sussidjarja proprjetà kollha tagħha, Dole Food Company Inc (“Dole Food Company”). DFC Holdings u Dole Food Company flimkien jissejħu “Dole”).
2.
L-attivitajiet kummerċjali tal-impriżi kkonċernati huma:|
— |
Total Produce: l-importazzjoni u d-distribuzzjoni ta’ firxa wiesgħa ta’ frott u ħaxix frisk, inklużi l-banana u l-ananas. Total Produce tħaddem ukoll ċentri ta’ maturazzjoni tal-banana u hija attiva madwar id-dinja, b’enfasi fuq l-Ewropa. |
|
— |
Dole: il-produzzjoni, il-bejgħ u d-distribuzzjoni ta’ frott u ħaxix frisk, inklużi l-banana u l-ananas, fl-Amerka ta’ Fuq, fl-Ewropa, fl-Amerka Latina, fl-Afrika t’Isfel u f’Dubai, b’enfasi ewlenija fuq l-Amerka ta’ Fuq. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.10204 —Total Produce/Dole Food Company
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles / Brussel |
|
BELGIQUE / BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).