(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú agus a mhodhnú.

(2)

Údaraíodh aigéad naonánóch ar feadh 10 mbliana mar bhreiseán beathaithe le haghaidh gach speicis ainmhíoch le Rialachán Cur Chun Feidhme (AE) 2017/53 ón gCoimisiún (2).

(3)

I gcomhréir le hAirteagal 13(1) de Rialachán (CE) Uimh. 1831/2003, d’iarr an Coimisiún ar an Údarás Eorpach um Shábháilteacht Bia (‘an tÚdarás’) tuairim a eisiúint i dtaobh an gcomhlíonfadh údarú aigéad naonánóch mar bhreiseán beathaithe fós na coinníollacha a leagtar síos in Airteagal 5 de Rialachán (CE) Uimh. 1831/2003 dá ndéanfaí modhnú ar théarmaí an údaraithe sin. Baineann an modhnú le méadú ar an uaschion a mholtar i mbreiseán beathaithe ina bhfuil aigéad naonánóch. Bhí na sonraí tacaíochta ábhartha ag gabháil leis an iarraidh.

(4)

Tháinig an tÚdarás ar an gconclúid sa tuairim uaidh an 1 Feabhra 2024 (3) go bhfuil aigéad naonánóch sábháilte le haghaidh gach éanlaithe clóis lena ramhrú, le haghaidh gach éanlaithe clóis a thógtar le bheith ina mbéaróga nó le haghaidh pórúcháin, le haghaidh gach Suidae lena ramhrú agus le haghaidh bainbh diúil agus bainbh scoite de gach Suidae ag 100 mg/kg de bheatha. Ina theannta sin, tháinig sé ar an gconclúid nach ndéanfadh an modhnú ar an údarú atá ann cheana don bhreiseán modhnú ar na conclúidí maidir le sábháilteacht an tomhaltóra agus an chomhshaoil ar thángthas orthu sa tuairim uaidh an 5 Aibreán 2013 (4). Ina theannta sin, ós rud é go bhfuil aigéad naonánóch aitheanta mar bhlastán bia agus go mbeadh an fheidhm chéanna aige i mbeatha, go bunúsach, agus atá aige i mbia, tháinig an tÚdarás ar an gconclúid nach bhfuil gá le haon léiriú éifeachtúlachta breise. Ní raibh an tÚdarás in ann conclúid a tharraingt maidir le greannachas an bhreiseáin don chraiceann agus do na súile ná maidir leis an íogrú deirmeach agus riospráide a d’fhéadfadh sé a dhéanamh.

(5)

I bhfianaise an mhéid thuas, measann an Coimisiún go gcomhlíonann údarú na hullmhóide d’aigéad naonánóch mar bhreiseán beathaithe fós na coinníollacha dá bhforáiltear in Airteagal 5 de Rialachán (CE) Uimh. 1831/2003 agus méadú á dhéanamh ar an uasleibhéal cuimsithe de bhreiseán beathaithe ina bhfuil aigéad naonánóch ó 5 go 100 mg/kg d’ábhar beatha iomlán le haghaidh gach éanlaithe clóis lena ramhrú, le haghaidh gach éanlaithe clóis a thógtar le bheith ina bhéaróg nó le haghaidh pórúcháin, le haghaidh gach Suidae lena ramhrú, agus le haghaidh bainbh diúil agus bainbh scoite de gach Suidae.

(6)

Ba cheart Rialachán Cur Chun Feidhme (AE) 2017/53 a leasú dá réir sin.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

—

100 mg le haghaidh gach speicis d’éanlaith chlóis lena ramhrú;

—

100 mg le haghaidh gach speicis d’éanlaith chlóis a thógtar le bheith ina mbéaróga nó le haghaidh pórúcháin;

—

100 mg le haghaidh bainbh uile Suidae (bainbh diúil agus scoite);

—

100 mg le haghaidh gach Suidae lena ramhrú;

—

5 mg le haghaidh speicis agus catagóirí eile ainmhithe.’