|
11.11.2010 |
MT |
Il-Ġurnal Uffiċjali tal-Unjoni Ewropea |
L 293/41 |
REGOLAMENT TAL-KUMMISSJONI (UE) Nru 1017/2010
tal-10 ta’ Novembru 2010
li jistabbilixxi sejħiet permanenti għal offerti għall-bejgħ fis-suq intern taċ-ċereali miżmuma mill-aġenziji tal-intervent tal-Istati Membri
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament Waħdieni dwar l-OKS) (1), u partikolarment l-Artikolu 43, il-punt f) tiegħu, flimkien mal-Artikolu 4 tiegħu,
Billi:
|
(1) |
Ir-Regolament tal-Kummissjoni (UE) Nru 1272/2009 tal-11 ta' Diċembru 2009 li jistabbilixxi regoli komuni dettaljati għall-implimentazzjoni tar-Regolament tal-Kunsill (KE) Nru 1234/2007 f'dak li għandu x'jaqsam max-xiri u l-bejgħ ta' prodotti agrikoli taħt intervent pubbliku (2), jistipula li l-bejgħ taċ-ċereali miżmuma mill-aġenziji tal-intervent isir b'sejħa għall-offerti. |
|
(2) |
L-Istati Membri għandhom ħażniet ta' intervent tal-qamħ komuni u tax-xgħir. Sabiex jinqdew il-ħtiġijiet tas-swieq, jixraq illi dawn il-ħażniet ta' ċereali tal-Istati Membri jsiru disponibbli fis-suq intern. Għal dan il-għan, jeħtieġ li jiġu stabbiliti sejħiet permanenti għal offerti għall-bejgħ mill-ġdid fis-suq intern taċ-ċereali miżmuma mill-aġenziji tal-intervent tal-Istati Membri. Kull waħda mis-sejħiet għal offerti għandha titqies bħala sejħa għaliha. |
|
(3) |
Biex tkun ikkunsidrata s-sitwazzjoni tas-suq intern, jixraq li jkun stipulat li s-sejħa għal offerti titmexxa mill-Kummissjoni. Barra minn hekk, għandu jkun hemm dispożizzjoni għal koeffiċjent ta’ allokazzjoni għal dawk l-offerti li jinsabu fil-livell tal-prezz minimu tal-bejgħ. |
|
(4) |
Bil-għan li s-sistema titmexxa b’mod effiċjenti, jeħtieġ li jkunu stipulati l-kundizzjonijiet li bihom għandha ssir it-trażmissjoni tal-informazzjoni mitluba mill-Kummissjoni, kif ukoll l-iskadenza. |
|
(5) |
Il-miżuri stipulati f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
L-ambitu
Il-proċedura ta' sejħa għall-offerti għall-bejgħ mill-ġdid tal-istokkijiet ta' intervent taċ-ċereali fis-suq intern hija miftuħa, f'konformità mad-dispożizzjonijiet tat-Titolu III tar-Regolament (UE) Nru 1272/2009.
Il-kwantitajiet massimi disponibbli għal kull Stat Membru jidhru fl-Anness għal dan ir-Regolament.
Artikolu 2
Dati għat-tressiq tal-offerti tal-prezzijiet
1. L-iskadenza għat-tressiq tal-offerti tal-prezzijiet għall-ewwel sejħa parzjali hija l-24 ta' Novembru 2010 fil-11:00 (ħin ta' Brussell).
L-iskadenzi għat-tressiq tal-offerti tal-prezzijiet għas-sejħiet parzjali li ġejjin jagħlqu fil-jiem ta' wara fil-11:00, (ħin ta' Brussell),
|
— |
it-8 u l-15 ta' Diċembru 2010, |
|
— |
it-12 u s-26 ta' Jannar 2011, |
|
— |
id-9 u t-23 ta' Frar 2011, |
|
— |
id-9 u t-23 ta' Marzu 2011, |
|
— |
it-13 u s-27 ta' April 2011, |
|
— |
il-11 u l-25 ta' Mejju 2011, |
|
— |
il-15 u d-29 ta' Ġunju 2011. |
2. L-offerti jitressqu quddiem l-aġenziji tal-intervent approvati mill-Istati Membri, li l-lista tagħhom hija ppubblikata fuq l-internet (3).
Artikolu 3
Notifika lill-Kummissjoni
In-notifika stipulata fl-Artikolu 45 tar-Regolament (UE) Nru 1272/2009 għandha ssir sal-16:00 (ħin ta' Brussell) fid-data tal-għeluq għat-tressiq tal-offerti tal-prezzijiet imsemmija fl-Artikolu 2 ta' dan ir-Regolament.
Artikolu 4
Deċiżjonijiet abbażi tal-offerti tal-prezzijiet
Skont il-proċedura stipulata fl-Artikolu 195(2), tar-Regolament (KE) Nru 1234/2007, il-Kummissjoni għandha tiffissa, għal kull ċereal konċernat u għall kull Stat Membru, il-prezz minimu għall-bejgħ, jew tiddeċiedi li ma tiħux azzjoni għall-offerti li rċeviet, skont l-Artikolu 46 tar-Regolament (UE) Nru 1272/2009.
Artikolu 5
Dħul fis-seħħ
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-10 ta’ Novembru 2010.
Għall-Kummissjoni, f'isem il-President,
Dacian CIOLOŞ
Membru tal-Kummissjoni
(1) ĠU L 299, 16.11.2007, p 1.
(2) ĠU L 349, 29.12.2009, p 1.
(3) L-indirizzi tal-aġenziji tal-intervent huma disponibbli fuq is-sit tal-Kummissjoni Ewropea CIRCA (http://circa.europa.eu/Public/irc/agri/cereals/library?l=/publicsdomain/cereals/intervention_agencies&vm=detailed&sb=Title).
ANNESS
Lista tas-sejħiet għall-offerti
|
(tunnellati) |
|||
|
Stat Membru |
Kwantitajiet disponibbli għall-bejgħ fis-suq intern |
||
|
|
Qamħ komuni |
Xgħir |
Qamħirrum |
|
Kodiċi tan-NM |
1001 90 |
1003 00 |
1005 90 00 |
|
Belgique/België |
— |
0 |
— |
|
България |
0 |
0 |
— |
|
Česká republika |
60 937 |
136 395 |
— |
|
Danmark |
— |
59 550 |
— |
|
Deutschland |
— |
1 100 935 |
— |
|
Eesti |
— |
40 060 |
— |
|
Eire/Ireland |
— |
— |
— |
|
Elláda |
— |
— |
— |
|
España |
— |
— |
— |
|
France |
— |
70 385 |
— |
|
Italia |
— |
— |
— |
|
Kypros |
— |
— |
— |
|
Latvija |
— |
0 |
— |
|
Lietuva |
0 |
91 377 |
— |
|
Luxembourg |
— |
— |
— |
|
Magyarország |
4 418 |
30 258 |
0 |
|
Malta |
— |
— |
— |
|
Nederland |
— |
— |
— |
|
Österreich |
— |
20 541 |
— |
|
Polska |
0 |
0 |
— |
|
Portugal |
— |
— |
— |
|
România |
— |
0 |
— |
|
Slovenija |
— |
— |
— |
|
Slovensko |
0 |
80 112 |
— |
|
Suomi/Finland |
22 757 |
784 136 |
— |
|
Sverige |
— |
148 260 |
— |
|
United Kingdom |
— |
151 136 |
— |
|
Is-simbolu “—” ifisser li ma hemm l-ebda ħażna ta' intervent għal dan iċ-ċereal f'dan l-Istat Membru. |
|||