1.   

Fl-24 ta’ Mejju 2022, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—	Montagu Private Equity LLP (“Montagu”, ir-Renju Unit),

—	Hg Capital LLP (“Hg”, ir-Renju Unit),

—	Sigma Luxco 2 S.à r.l. (flimkien mas-sussidjarji tagħha “Waystone”, l-Irlanda),

—	King TopCo Limited (flimkien mas-sussidjarji tagħha “KB Associates”, l-Irlanda).

Montagu u Hg se jakkwistaw kontroll bi sħab ta’ Waystone (Tranżazzjoni1) u KB Associates (permezz ta’ Waystone, Tranżazzjoni 2) fis-sens tal-Artikolu 3(1)(b).

Il-konċentrazzjoni hija mwettqa permezz tax-xiri ta’ ishma.

2.   

L-attivitajiet kummerċjali tal-impriżi kkonċernati huma:

—	Montagu hija kumpanija ta’ ekwità privata u maniġer ta’ fondi attivi madwar id-dinja;

—	Hg hija kumpanija ta’ ekwità privata attiva madwar id-dinja;

—	Waystone hija fornitur ta’ kumpanija maniġerjali (“ManCo”) u servizzi anċillari (2), li tiffoka fuq is-settur tal-fondi ta’ investiment Irlandiżi;

—	KB Associates huwa fornitur ta’ servizzi ta’ konsulenza u ManCo, li jiffoka fuq is-settur tal-fondi ta’ investiment.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni sa mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja tiġi speċifikata dejjem:

M.10660 – MONTAGU / HG / WAYSTONE / KB ASSOCIATES

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË