C_202600194MT.000101.fmx.xml

Notifika minn qabel ta’ konċentrazzjoni

(Każ M.12259 — GIM/MGX/ALIGNED)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(C/2026/194)

Fil-11 ta’ Diċembru 2025, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Global Infrastructure Management, LLC (“GIM”, l-Istati Uniti), ikkontrollata minn BlackRock, Inc. (l-Istati Uniti)

—	MGX Fund Management Limited (“MGX”, l-Emirati Għarab Magħquda), ikkontrollata minn Mubadala Investment Company (l-Emirati Għarab Magħquda) u Group 42 holding Ltd, (l-Emirati Għarab Magħquda)

—	Aligned Data Centers, LLC, Aligned Data Centers REIT, LLC, ADC International Latam Investor GIP, Inc. u ADC International Latam Investor, LP (flimkien “Aligned”, l-Istati Uniti), ikkontrollati minn Macquarie Asset Management (l-Awstralja).

GIM u MGX se jakkwistaw, fis-sens tal-Artikolu 3(1)(b) tar-Regolament dwar l-Għaqdiet, il-kontroll konġunt ta’ Aligned kollha kemm hi.

Il-konċentrazzjoni titwettaq permezz tax-xiri ta’ ishma.

L-attivitajiet kummerċjali tal-impriżi kkonċernati huma li ġejjin:

—

GIM hija maniġer ta’ fond tal-infrastruttura globali indipendenti li għandha l-kwartieri ġenerali tagħha fi New York, l-Istati Uniti. Il-fondi ġestiti mill-GIM jinvestu f’investimenti relatati mal-ekwità u mal-ekwità fl-infrastruttura u f’assi relatati mal-infrastruttura fis-setturi tat-trasport, tal-enerġija, tal-ilma u ta’ servizzi pubbliċi oħra,

—

MGX hija kumpanija ta’ investiment fit-teknoloġija ffukata fuq l-aċċellerazzjoni tal-iżvilupp u l-adozzjoni tal-IA u tat-teknoloġiji avvanzati permezz ta’ sħubijiet minn ta’ quddiem nett fl-Emirati Għarab Magħquda u globalment. MGX tinvesti f’setturi fejn l-IA tista’ twassal valur u impatt ekonomiku fuq skala kbira, bħall-infrastruttura; semikondutturi; teknoloġiji u applikazzjonijiet ewlenin tal-IA.

—

Aligned tforni infrastruttura diġitali sostenibbli u adattiva. Aligned tippossjedi, topera u tiżviluppa proprjetajiet ta’ ċentru tad-data bi klassi ta’ intrapriża u multitalent. In-negozju tagħhom jiffoka fuq l-offerta ta’ infrastruttura tad-data, spazju skalabbli, enerġija, u tkessiħ bi skedi ta’ żmien għall-varar rapidu u enfasi fuq is-sostenibbiltà u l-effiċjenza enerġetika. Aligned isservi lill-klijenti tal-cloud, tal-iperskala u tal-intrapriżi fl-Istati Uniti u fl-Amerka Latina.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar il-konċentrazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.12259 — GIM / MGX / ALIGNED

Il-kummenti jistgħu jintbagħtu lill-Kummissjoni permezz tal-posta elettronika jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz Postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (“ir-Regolament dwar l-Għaqdiet”).

(2) ĠU C 160, 5.5.2023, p. 1.