1.   

Fit-8 ta’ Diċembru 2025, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	PETRONAS Carigali International Ventures Sdn. Bhd. (“PCIV”), il-Malażja, ikkontrollata minn Petroliam Nasional Berhad (PETRONAS) (“PETRONAS”), il-Malażja;

—	Eni Lasmo Plc (“ELP”), ir-Renju Unit, ikkontrollata minn Eni S.p.A. (“Eni”), l-Italja;

—	Kumpanija ġdida (“Target JV”), ir-Renju Unit.

PCIV u ELP jakkwistaw, skont it-tifsira tal-Artikolu 3(1), il-punt (b) u l-Artikolu 3(4) tar-Regolament dwar l-Għaqdiet, il-kontroll konġunt ta’ Target JV.

Il-konċentrazzjoni titwettaq permezz tax-xiri ta’ ishma f’kumpanija maħluqa ġdida li tikkostitwixxi impriża konġunta.

2.   

L-attivitajiet kummerċjali tal-impriżi kkonċernati huma li ġejjin:

—	PCIV hija attiva fis-settur taż-żejt u l-gass, billi tipprovdi parteċipazzjoni ta’ investiment u servizzi ta’ ġestjoni għal diversi entitajiet fi ħdan il-grupp PETRONAS,

—	L-ELP hija attiva fis-settur taż-żejt u tal-gass, billi tipprovdi parteċipazzjoni ta’ investiment u servizzi ta’ ġestjoni lill-kumpaniji sussidjarji tagħha fi ħdan il-grupp Eni.

3.   

Target JV se tkun attiva fl-esplorazzjoni taż-żejt mhux maħdum u tal-gass naturali, l-iżvilupp, il-produzzjoni, u l-provvista bl-ingrossa upstream taż-żejt mhux maħdum u l-iżvilupp, il-produzzjoni, u l-provvista bl-ingrossa upstream tal-gass naturali fir-reġjun Asja-Paċifiku.

4.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

5.   

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar il-konċentrazzjoni proposta.

Il-kummenti jridu jaslu għand il-Kummissjoni mhux aktar tard minn għaxart (10) ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.12253 — ELP / PCIV / JV

Il-kummenti jistgħu jintbagħtu lill-Kummissjoni bl-email jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz postali:

Il-Kummissjoni Ewropea/European Commission

Id-Direttorat Ġeneral għall-Kompetizzjoni/Directorate-General for Competition

Ir-Reġistru tal-Fużjonijiet/Merger Registry

1049 Bruxelles/Brussel

IL-BELĠJU/BELGIQUE