7.7.2022   

GA

Iris Oifigiúil an Aontais Eorpaigh

C 262/15


Réamhfhógra faoi chomhchruinniú

(Cás M.10772 – TSM / IREPSE)

Cás a d’fhéadfaí a chur faoin nós imeachta simplithe

(Téacs atá ábhartha maidir le LEE)

(2022/C 262/10)

1.   

An 28 Meitheamh 2022, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).

Is leis na gnóthais seo a leanas a bhaineann an fógra sin:

—

Triton Smaller Mid-Cap Fund II (“TSM”, Lucsamburg), faoi rialú ag Triton Group (Lucsamburg),

—

Irepse Oy (“Irepse”, an Fhionlainn).

Gheobhaidh Triton Group urlámhas aonair ar Irepse ina iomláine, de réir bhrí Airteagal 3(1)(b) den Rialachán um Chumaisc.

Is trí cheannach scaireanna atáthar ag déanamh an chomhchruinnithe.

2.   

Is iad seo a leanas gníomhaíochtaí gnó na ngnóthas lena mbaineann:

—

Is ciste infheistíochta é TSM, ciste faoi úinéireacht ag Triton Group, ar cuideachta infheistíochta Eorpach atá i seilbh phríobháideach é a bhainistíonn roinnt cistí agus cuideachtaí infheistíochta neamhspleácha,

—

Is é Irepse máthairchuideachta deiridh an Esperi Group, ar soláthraí seirbhísí cúraim scothaosta, cúraim athshlánúcháin i leith mí-úsáid mheabhrach agus mí-úsáid substaintí agus cúraim do dhaoine faoi mhíchumas san Fhionlainn é.

3.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart faoinar tugadh fógra a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

De bhun an Fhógra ón gCoimisiún maidir le nós imeachta simplithe i ndáil le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara gur cás é seo ab fhéidir a chóireáil faoin nós imeachta a leagtar amach san Fhógra.

4.   

Iarrann an Coimisiún ar thríú páirtithe leasmhara aon bharúil a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta a fhoilsithe seo. Ba cheart an tagairt seo a leanas a lua i gcónaí:

M.10772 – TSM / IREPSE

Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála seo thíos:

R-phost: COMP-MERGER-REGISTRY@ec.europa.eu

Facs +32 22964301

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)  IO L 24, 29.1.2004, lch. 1 (an “Rialachán um Chumaisc”).

(2)  IO C 366, 14.12.2013, lch. 5.