|
3.7.2013 |
MT |
Il-Ġurnal Uffiċjali tal-Unjoni Ewropea |
L 184/5 |
DEĊIŻJONI TAR-RAPPREŻENTANTI TAL-GVERNIJIET TAL-ISTATI MEMBRI
tal-1 ta’ Lulju 2013
li taħtar Imħallef fil-Qorti Ġenerali
(2013/348/UE)
IR-RAPPREŻENTANTI TAL-GVERNIJIET TAL-ISTATI MEMBRI TAL-UNJONI EWROPEA,
Wara li kkunsidraw it-Trattat dwar l-Unjoni Ewropea, u b'mod partikolari l-Artikolu 19 tiegħu,
Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikoli 254 u 255 tiegħu,
Wara li kkunsidraw it-Trattat li jistabbilixxi l-Komunità Ewropea tal-Enerġija Atomika, u b'mod partikolari l-Artikolu 106a(1) tiegħu,
Wara li kkunsidraw l-Att ta' Adeżjoni tal-Kroazja, u b'mod partikolari l-Artikolu 22(1) tiegħu,
Billi:
|
(1) |
L-artikolu 22(1) tal-Att ta' Adeżjoni tal-Kroazja jipprevedi l-ħatra ta' mħallef Kroat fil-Qorti Ġenerali għal perijodu mill-1 ta' Lulju 2013 sal- 31 ta' Awwissu 2013. |
|
(2) |
Is-Sinjura Vesna TOMLJENOVIĆ ġiet innominata biex tinħatar bħala mħallef fil-Qorti Ġenerali. |
|
(3) |
Il-Kumitat stabbilit permezz tal-Artikolu 255 tat-Trattat dwar il-Funzjonament tal-Unjoni Ewropea ta l-opinjoni tiegħu dwar l-idoneità tas-Sinjura Vesna TOMLJENOVIĆ għall-qadi tal-funzjonijiet ta' mħallef fil-Qorti Ġenerali, |
ADOTTAW DIN ID-DEĊIŻJONI:
Artikolu 1
Is-Sinjura Vesna TOMLJENOVIĆ hija maħtura bħala mħallef fil-Qorti Ġenerali għall-perijodu mill- 1 ta' Lulju 2013 sal- 31 ta' Awwissu 2013.
Artikolu 2
Din id-Deċiżjoni għandha tidħol fis-seħħ fl-1 ta' Lulju 2013.
Magħmul fi Brussell, l-1 ta’ Lulju 2013.
Għall-Kunsill
Il-President
L. LINKEVIČIUS