|
21.3.2018 |
MT |
Il-Ġurnal Uffiċjali tal-Unjoni Ewropea |
C 106/16 |
Notifika minn qabel ta’ konċentrazzjoni
(Il-Każ M.8788 — Apple Inc./Shazam Entertainment Limited)
(Test b'rilevanza għaż-ŻEE)
(2018/C 106/10)
|
1. |
Fl-14 ta’ Marzu 2018, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1). Dan l-avviż jikkonċerna l-impriżi li ġejjin:
Apple Inc. takkwista, fis-sens tal-Artikolu 3(1)(b) tar-Regolament dwar l-Għaqdiet il-kontroll ta’ Shazam Entertainment Limited kollha kemm hi. Il-konċentrazzjoni hija mwettqa permezz ta’ xiri ta’ ishma. Il-konċentrazzjoni ġiet irriferuta lill-Kummissjoni mill-Awtorità tal-Kompetizzjoni Federali tal-Awstrija skont l-Artikolu 22(3) tar-Regolament dwar l-Għaqdiet. Ir-referenza kienet suċċessivament konġunta mill-awtoritajiet tal-kompetizzjoni nazzjonali ta’ Franza, l-Italja, Spanja, l-Iżvezja, l-Iżlanda u n-Norveġja. |
|
2. |
L-attivitajiet kummerċjali tal-impriżi kkonċernati huma: — Apple Inc.: id-disinn, il-manifattura u l-bejgħ ta’ apparati tal-komunikazzjoni mobbli u tal-midja, kompjuters personali u l-plejers diġitali portabbli talp-mużika, u l-bejgħ ta’ varjetà ta’ software relatat, servizzi, apparati periferali, soluzzjonijiet ta’ networking u kontenut diġitali u applikazzjonijiet diġitali ta’ terzi persuni, — Shazam Entertainment Limited: l-iżvilupp tal-app Shazam, li bħala l-funzjonalità ċentrali tagħha tippermetti lill-utenti li jagħrfu l-mużika. |
|
3. |
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. |
|
4. |
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata: M.8788 — Apple Inc./Shazam Entertainment Limited Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
|
(1) ĠU L 24, 29.1.2004, p. 1 (ir-“Regolament dwar l-Għaqdiet”).