L_202403203MT.000101.fmx.xml

ANNESS

KUNDIZZJONIJIET LI JIRREGOLAW L-ATTIVITAJIET TAS-SAJD MINN BASTIMENTI TAL-UNJONI SKONT IL-PROTOKOLL TAL-IMPLIMENTAZZJONI TAL-FTEHIM TA’ SĦUBIJA DWAR IS-SAJD SOSTENIBBLI BEJN L-UNJONI EWROPEA, MIN-NAĦA WAĦDA, U L-GVERN TA’ GREENLAND U L-GVERN TAD-DANIMARKA, MIN-NAĦA L-OĦRA

KAPITOLU I

DISPOŻIZZJONIJIET ĠENERALI

1. Ħatra ta’ awtorità kompetenti

Għall-finijiet ta’ dan l-Anness u sakemm ma jkunx indikat mod ieħor, “awtorità kompetenti” tfisser:

—	għall-Unjoni: Il-Kummissjoni Ewropea,

—	għal Greenland: il-Ministeru għas-Sajd u l-Kaċċa.

Awtorizzazzjoni tas-sajd tfisser liċenzja maħruġa fir-rigward ta’ bastiment tal-Unjoni li tintitolah iwettaq attivitajiet tas-sajd speċifiċi matul perjodu speċifiku, fiż-Żona Ekonomika Esklużiva ta’ Greenland kif identifikata fil-paragrafu 3.

3. Żona ta’ sajd

3.1.

Is-sajd għandu jsir fiż-ŻEE kif previst fir-Regolament Nru 1020 tal-20 ta’ Ottubru 2004 f’konformità mad-Digriet Irjali Nru 1005 tal-15 ta’ Ottubru 2004 dwar id-Dħul fis-Seħħ tal-Att dwar iż-Żoni Ekonomiċi Esklużivi għal Greenland li jdaħħal fis-seħħ l-Att Nru 411 tat-22 ta’ Mejju 1996 dwar iż-Żoni Ekonomiċi Esklużivi.

3.2.

Is-sajd għandu jsir mill-inqas 12-il mil nawtiku ’l barra mil-linja bażi f’konformità mal-punt 13, it-Taqsima 2 tal-Att Nru 29 tat-23 ta’ Mejju 2024 dwar is-Sajd maħruġ minn Inatsisartut (il-Parlament ta’ Greenland).

3.3.

Il-linja bażi hija ddefinita f’konformità mad-Digriet Irjali Nru 1004 tal-15 ta’ Ottubru 2004 dwar Emenda tad-Digriet Irjali dwar id-Delimitazzjoni tal-Ilmijiet territorjali ta’ Greenland.

KAPITOLU II

APPLIKAZZJONI GĦAL AWTORIZZAZZJONIJIET TAS-SAJD U L-ĦRUĠ TAGĦHOM

1. Kundizzjonijiet biex jinkisbu awtorizzazzjonijiet tas-sajd

1.1.

Awtorizzazzjoni tas-sajd imsemmija fl-Artikolu 2 tal-Ftehim tista’ tingħata biss lis-sidien tal-bastimenti tas-sajd tal-Unjoni li jkunu fir-reġistru tal-bastimenti tas-sajd tal-Unjoni. Sabiex isir sajd taħt l-iskema ta’ flessibbiltà għar-redfish pelaġiku, il-bastimenti jridu jiġu nnotifikati wkoll lill-NEAFC f’konformità mar-regoli tagħha. Barra minn hekk, dawn ma għandhomx ikunu fuq kwalunkwe lista tal-IUU ta’ bastimenti tal-organizzazzjoni reġjonali tal-ġestjoni tas-sajd (RFMO, regional fisheries management organisation).

1.2.

Biex bastiment ikun eliġibbli, la s-sid, la l-kaptan u lanqas il-bastiment innifsu ma għandhom ikunu pprojbiti milli jistadu fiż-żona tas-sajd ta’ Greenland. Huma għandhom ikunu ssodisfaw l-obbligi preċedenti li jirriżultaw mill-Ftehim, inkluż il-kampjunar xjentifiku kif meħtieġ fl-awtorizzazzjonijiet tas-sajd.

2. Applikazzjoni għal awtorizzazzjonijiet tas-sajd

2.1.

L-applikazzjonijiet u l-awtorizzazzjonijiet tas-sajd għandhom jintbagħtu bil-mod li ġej sa ma ż-żewġ Partijiet jimplimentaw sistema ta’ liċenzji elettroniċi b’mod konġunt.

2.2.

L-awtoritajiet kompetenti tal-Unjoni għandhom iressqu, b’mod elettroniku, l-applikazzjoni (kollettiva) għall-awtorizzazzjoni tas-sajd jew għall-awtorizzazzjonijiet tas-sajd għall-bastiment wieħed jew iktar li jkun(u) jixtieq(u) jistad(u) skont il-Ftehim lill-awtorità kompetenti ta’ Greenland. Tali applikazzjoni għandha ssir fuq il-formola pprovduta fl-Appendiċi 1. Għall-bastimenti tal-Unjoni tal-istess sid jew aġent ta’ bastiment, tista’ tiġi ppreżentata applikazzjoni kollettiva għal awtorizzazzjoni tas-sajd dment li dawk il-bastimenti jtajru l-bandiera tal-istess Stat Membru.

2.3.

Kull applikazzjoni għal awtorizzazzjoni tas-sajd għandu jkollha magħha prova li tħallset it-tariffa għall-ispeċijiet u għall-kwantitajiet mitlubin, f’konformità mal-paragrafu 7.

2.4.

Jekk l-awtorità kompetenti ta’ Greenland jidhrilha li xi applikazzjoni ma tkunx kompluta jew li din ma tissodisfax il-kundizzjonijiet mogħtija fil-paragrafi 1, 2.2 u 2.3, din għandha tgħarraf lill-awtorità kompetenti tal-Unjoni malajr kemm jista’ jkun bir-raġunijiet għal dan, u fi kwalunkwe każ fi żmien 7 ijiem tax-xogħol minn meta tirċievi l-applikazzjoni.

3. Ħruġ tal-awtorizzazzjonijiet tas-sajd

3.1.

L-awtorità kompetenti ta’ Greenland għandha tibgħat l-awtorizzazzjoni tas-sajd b’mod elettroniku lill-awtorità kompetenti tal-Unjoni fi żmien 10 ijiem tax-xogħol minn meta titressaq l-applikazzjoni. Dik l-awtorizzazzjoni tas-sajd trażmessa b’mod elettroniku għandu jkollha l-istess valur bħall-oriġinal għall-finijiet tal-Protokoll, dan l-Anness u l-Appendiċijiet tiegħu.

3.2.

Kull awtorizzazzjoni tas-sajd għandha tindika l-kwantità awtorizzata li għandha tinqabad, kif ukoll kwalunkwe limitazzjoni u speċifikazzjoni li tista’ tkun applikabbli, inklużi speċijiet, żoni ġeografiċi jew fond. Awtorizzazzjoni tas-sajd maħruġa taħt applikazzjoni kollettiva għandha tindika l-kwantità totali tal-ispeċijiet li għalihom tkun tħallset it-tariffa għall-awtorizzazzjoni tas-sajd.

3.3.

L-awtorizzazzjoni tas-sajd, jew kopja tagħha, għandha tinżamm abbord il-ħin kollu u għandha tintwera fuq talba tal-awtorità kompetenti ta’ Greenland.

3.4

Awtorizzazzjoni tas-sajd għandha tinħareġ lil sid wieħed ta’ bastiment tas-sajd, u għandha tindika liema bastimenti tas-sajd huma permessi jistadu taħt dik l-awtorizzazzjoni. L-awtorizzazzjonijiet tas-sajd ma għandhomx ikunu trasferibbli.

3.5.

Bastiment jista’ jopera biss bl-awtorizzazzjoni jew l-awtorizzazzjonijiet ta’ sid wieħed ta’ bastiment tas-sajd għal kwalunkwe vjaġġ tas-sajd.

4. Emenda tal-awtorizzazzjonijiet tas-sajd

4.1.

Emenda ta’ kwalunkwe waħda mill-kwantitajiet jew mill-kundizzjonijiet awtorizzati indikati fl-awtorizzazzjoni tas-sajd għandha tkun soġġetta għal applikazzjoni ġdida.

4.2.

Mingħajr preġudizzju għall-paragrafu 4.3, jekk l-emenda ta’ awtorizzazzjoni tas-sajd ikollha x’taqsam ma’ każijiet fejn il-kwantità li tkun inqabdet tkun iktar mill-kwantità diġà awtorizzata, sid il-bastiment għandu jħallas tariffa li tkun tliet darbiet iktar mill-ammont previst fil-paragrafu 7.1 għall-kwantità li tkun inqabdet li tkun iktar mill-kwantità awtorizzata. Ma tinħareġ l-ebda awtorizzazzjoni tas-sajd ġdida għal dak il-bastiment sakemm jitħallsu t-tariffi kollha li jikkorrispondu għall-kwantitajiet żejda.

4.3.

F’każijiet eċċezzjonali fejn l-opportunitajiet tas-sajd tal-Unjoni għall-ispeċijiet rilevanti ma jkunux intużaw, u għall-iskop uniku li tiġi evitata l-interruzzjoni tal-attivitajiet tas-sajd ta’ bastiment tal-Unjoni li jkun qed jistad fiż-ŻEE ta’ Greenland fuq awtorizzazzjoni tas-sajd skont il-Protokoll, jekk dak il-bastiment aktarx ikun se jaqbeż il-kwantità awtorizzata, l-Istat tal-bandiera għandu jinnotifika minnufih lill-awtorità kompetenti ta’ Greenland, b’kopja lill-awtorità kompetenti tal-Unjoni, bl-intenzjoni li jressaq applikazzjoni formali għal awtorizzazzjoni tas-sajd ġdida għal kwantitajiet addizzjonali tal-istess speċi. Il-bastiment għandu jitħalla jkompli jistad sakemm sid il-bastiment jibgħat prova lill-awtorità kompetenti ta’ Greenland li tħallsu t-tariffi rilevanti fi żmien 24 siegħa minn meta l-Istat tal-bandiera jibgħat l-avviż tiegħu, u sakemm l-applikazzjoni korrispondenti għal awtorizzazzjoni ġdida tas-sajd tintbagħat lill-awtorità kompetenti ta’ Greenland fi żmien 5 ijiem tax-xogħol minn meta l-Istat tal-bandiera jibgħat l-avviż tiegħu, f’konformità mal-proċedura mogħtija fil-paragrafu 2. Jekk ma jitħarsux dawn id-dispożizzjonijiet, il-bastiment għandu jiġi soġġett għall-proċedura mogħtija fil-paragrafu 4.2.

4.4.

F’għadd limitat ta’ każijiet, fuq talba tal-awtorità kompetenti tal-Unjoni, l-awtorizzazzjoni tas-sajd ta’ bastiment tista’ tiġi sostitwita b’awtorizzazzjoni tas-sajd ġdida għal bastiment ieħor tal-Unjoni. Is-sostituzzjoni għandha sseħħ abbażi ta’ applikazzjoni mressqa mill-awtorità kompetenti tal-Unjoni. L-awtorizzazzjoni tas-sajd il-ġdida għandu jkollha fuqha l-kwantità awtorizzata li tista’ tinqabad li tikkorrispondi għall-kwantità tal-ispeċijiet li għalihom ikunu diġà tħallsu t-tariffi għall-awtorizzazzjoni tas-sajd u li minnha tkun tnaqqset kwalunkwe qabda li tkun diġà saret mill-ewwel bastiment.

4.5.

Awtorizzazzjoni tas-sajd sostitwita ma għandux jibqa’ jkollha effett fil-jum li fih l-awtorizzazzjoni l-ġdida tinħareġ mill-awtorità kompetenti ta’ Greenland.

5. Perjodu ta’ validità tal-awtorizzazzjonijiet tas-sajd

5.1.

L-awtorizzazzjonijiet tas-sajd għandhom ikunu validi mid-data tal-ħruġ sa tmiem is-sena kalendarja li fiha tkun inħarġet l-awtorizzazzjoni tas-sajd.

5.2.

Għas-sajd għall-kapelin, l-awtorizzazzjonijiet tas-sajd għandhom jinħarġu skont id-dati miftiehma mill-Istati Kostali fl-arranġamenti qafas tagħhom u f’konformità mal-Artikolu 2(2) u 2(3) tal-Protokoll.

5.3.

Jekk il-leġiżlazzjoni tal-Unjoni li tistabbilixxi l-opportunitajiet tas-sajd għal sena partikolari għall-bastimenti tal-Unjoni, f’ilmijiet fejn huma meħtieġa limiti tal-qbid, ma tkunx ġiet adottata sal-bidu tas-sena tas-sajd, il-bastimenti tal-Unjoni awtorizzati jistadu fil-31 ta’ Diċembru tas-sena tas-sajd preċedenti jistgħu jirċievu awtorizzazzjoni fis-sena li għaliha ma tkunx ġiet adottata l-leġiżlazzjoni, dment li l-parir xjentifiku jippermetti dak. Għandu jkun permess użu proviżorju ta’ 1 minn 12 tal-kwota mogħtija fl-awtorizzazzjoni tas-sajd tas-sena ta’ qabel, għal kull xahar, dejjem jekk titħallas it-tariffa għall-awtorizzazzjoni tas-sajd applikabbli għall-kwota. Il-kwota proviżorja tista’ tiġi aġġustata skont il-pariri xjentifiċi u l-kundizzjonijiet speċifiċi tas-sajd.

5.4.

Il-kwantità mhux użata ta’ awtorizzazzjoni tas-sajd għall-gamblu tat-Tramuntana u l-ħalibatt ta’ Greenland tista’ tiġi ttrasferita, fuq talba tal-awtorità kompetenti tal-Unjoni, fil-31 ta’ Diċembru ta’ sena partikolari, għas-sena ta’ wara għal massimu ta’ 25 % tal-kwantità totali allokata għall-awtorizzazzjoni tas-sajd għas-sena partikolari. Dak l-ammont ma jinkludi l-ebda trasferiment mis-sena preċedenti. Il-kwantitajiet ittrasferiti mhux użati għandhom jiġu ttrasferiti lura għas-sena ta’ qabel bħala kwantità tas-sajd mhux utilizzata wara l-31 ta’ Diċembru.

6. Sospensjoni ta’ awtorizzazzjonijiet tas-sajd u l-istabbiliment mill-ġdid tagħhom

L-awtoritajiet ta’ Greenland jistgħu jissospendu l-awtorizzazzjonijiet tas-sajd previsti f’dan l-Anness f’każ li:

(a)	bastiment speċifiku jkun qed jikser b’mod serju l-liġijiet u r-regolamenti ta’ Greenland; jew

(b)	sid ta’ bastiment ma jkunx ħares inġunzjoni maħruġa b’rabta ma’ ksur ta’ bastiment speċifiku; ladarba titħares l-inġunzjoni, għandha terġa’ tiġi stabbilita l-awtorizzazzjoni tas-sajd għall-bastiment għall-perjodu li jkun baqa’ tal-awtorizzazzjoni tas-sajd.

7. It-tariffa għall-awtorizzazzjoni tas-sajd, il-ħlas tagħha u r-rifużjoni

7.1.

Il-bastimenti tal-Unjoni għandhom iħallsu t-tariffi għall-awtorizzazzjonijiet tas-sajd li ġejjin:

Speċijiet	EUR għal kull tunnellata 2025/2026	EUR għal kull tunnellata 2027/2028	EUR għal kull tunnellata 2029/2030
Bakkaljaw	208	225	252
Redfish pelaġiku	136	147	165
Redfish demersali	136	147	165
Ħalibatt ta’ Greenland	321	347	389
Gamblu tat-Tramuntana — fin-naħa tal-Punent	250	270	302
Gamblu tat-Tramuntana — fin-naħa tal-Lvant	188	203	228
Kapelin	23	25	28

7.2.

Qabel ma jibda japplika l-Protokoll, l-awtorità kompetenti ta’ Greenland għandha tibgħat lill-Unjoni d-dettalji tal-kontijiet bankarji tal-Gvern li s-sidien tal-bastimenti għandhom jużaw għall-ħlasijiet kollha għad-durata tal-Protokoll. L-awtorità kompetenti ta’ Greenland għandha tinnotifika lill-awtorità kompetenti tal-Unjoni b’kwalunkwe bidla mill-inqas xahrejn qabel.

7.3.

Il-ħlas tat-tariffa għandu jinkludi l-imposti nazzjonali u lokali kollha marbutin mal-aċċess għall-attivitajiet tas-sajd, kif ukoll l-imposti mitlubin mill-banek għat-trasferimenti tal-flus. Jekk bastiment ma jkunx ħallas l-imposta għat-trasferiment bankarju, dak l-ammont ikollu jitħallas mal-applikazzjoni li jkun imiss għal awtorizzazzjoni tas-sajd għal dak il-bastiment, u dan il-ħlas għandu jkun prerekwiżit għall-ħruġ ta’ awtorizzazzjoni tas-sajd ġdida.

7.4.

Jekk ma tinqabadx il-kwantità awtorizzata, it-tariffa li tikkorrispondi għal dik il-kwantità awtorizzata ma titħallasx lura lil sid ta’ bastiment.

7.5.

Madankollu, jekk jibdew japplikaw jew l-Artikolu 8 jew l-Artikolu 9 tal-Protokoll u b’hekk bastiment ma jkunx jista’ jistad għal kwalunkwe parti mill-qabda awtorizzata għal dik is-sena kalendarja, jew jekk applikazzjoni għall-awtorizzazzjoni tas-sajd ma tiġix aċċettata, l-awtorità kompetenti ta’ Greenland għandha tħallas lura t-tariffa kollha għall-awtorizzazzjoni tas-sajd lis-sid tal-bastiment fi żmien 60 jum kalendarju minn meta jintalab il-ħlas lura.

7.6.

Ma għandha titħallas l-ebda tariffa għall-awtorizzazzjoni tas-sajd għall-qabdiet aċċessorji.

8. Il-prezzijiet ta’ referenza

8.1.

Il-prezzijiet ta’ referenza għall-ispeċijiet huma dawn li ġejjin:

Speċijiet	Il-prezz tal-piż ħaj f’EUR għal kull tunnellata
Bakkaljaw	3 000
Redfish pelaġiku	1 900
Redfish demersali	1 900
Ħalibatt ta’ Greenland	4 960
Gamblu tat-Tramuntana	4 726
Kavalli	PM
Kapelin	400
Grenadier speċi	1 735
Qabdiet Aċċessorji	2 200

8.2.

Il-kontribuzzjoni finanzjarja annwali tal-Unjoni lil Greenland fir-rigward tal-kumpens finanzjarju għall-aċċess għaż-ŻEE ta’ Greenland, hija bbażata fuq ħlas għall-kwoti ta’ 17,5 % tal-prezz ta’ referenza għall-opportunitajiet tas-sajd miftiehma għall-ispeċijiet fil-Protokoll.

KAPITOLU III

MIŻURI TEKNIĊI TA’ KONSERVAZZJONI

Qabel ma jiġi applikat il-Protokoll b’mod proviżorju, l-awtorità kompetenti ta’ Greenland għandha tqiegħed għad-dispożizzjoni tal-awtorità kompetenti tal-Unjoni verżjoni bl-Ingliż tal-leġiżlazzjoni rilevanti ta’ Greenland dwar il-miżuri tekniċi ta’ konservazzjoni, monitoraġġ, kontroll u sorveljanza.

KAPITOLU IV

MONITORAĠĠ, KONTROLL U SORVELJANZA

Taqsima 1

Reġistrazzjoni u rappurtar

L-attivitajiet tal-bastimenti tal-Unjoni meta jkunu qed joperaw fiż-ŻEE ta’ Greenland għandhom ikunu rregolati mil-liġijiet u r-regolamenti applikabbli fi Greenland u fir-Renju tad-Danimarka mingħajr preġudizzju għar-responsabbiltajiet tal-bastimenti tal-Unjoni fir-rigward tal-leġiżlazzjoni tal-Unjoni, sakemm ma jkunx previst mod ieħor skont il-Ftehim, il-Protokoll, dan l-Anness u l-Appendiċijiet tiegħu.

Mingħajr preġudizzju għar-rekwiżiti ta’ rappurtar taċ-Ċentru tal-Monitoraġġ tas-Sajd (ĊMS) tal-Istat tal-bandiera tagħhom, il-bastimenti tal-Unjoni li huma awtorizzati jistadu skont il-Ftehim għandhom jikkomunikaw l-obbligi tagħhom ta’ reġistrazzjoni u rappurtar b’rabta mal-attivitajiet tas-sajd skont dan il-Ftehim lill-awtorità kompetenti ta’ Greenland f’konformità mal-liġi applikabbli ta’ Greenland. Mad-dħul fis-seħħ tas-Sistema Elettronika ta’ Rappurtar (ERS, Electronic Reporting System), dik se tissostitwixxi d-dispożizzjonijiet ta’ rappurtar elettroniku tal-Kapitolu IV, Taqsima 1.

Fuq talba tal-awtorità kompetenti ta’ Greenland, għandhom jingħataw il-ġurnali ta’ abbord bil-miktub rilevanti, skont l-ispeċi fil-mira u l-irkaptu, u dawn għandhom jintbagħtu lir-rappreżentant (lill-aġent) tal-bastiment, kif indikat fil-formola tal-applikazzjoni għal awtorizzazzjoni tas-sajd previsti fl-Appendiċi 1. L-awtorità kompetenti tal-Unjoni u ċ-ĊMS tal-Istat tal-bandiera applikabbli għandhom jingħataw ukoll eżempju ta’ kull tip ta’ ġurnal ta’ abbord.

Sakemm iż-żewġ Partijiet jimplimentaw ERS, għandhom jintużaw il-miżuri eżistenti għall-ġbir u t-trażmissjoni tad-data dwar il-qabdiet. Il-ġurnali ta’ abbord u l-avviżi bil-miktub eżistenti għandhom jimtlew f’konformità mal-liġi ta’ Greenland.

Sistema elettronika ta’ rappurtar

Il-Partijiet jintrabtu li jimplimentaw u jżommu s-sistemi tal-IT meħtieġa biex jiġi żgurat l-iskambju elettroniku tal-informazzjoni kollha relatata mal-implimentazzjoni tal-Ftehim.

L-arranġamenti dettaljati dwar l-implimentazzjoni tad-diversi skambji elettroniċi għandhom jiġu definiti u approvati miż-żewġ Partijiet fil-Kumitat Konġunt, b’mod partikolari għar-rappurtar tal-qabdiet permezz tal-ERS u l-proċeduri f’każ ta’ ħsara.

Il-partijiet jaqblu li l-istandard UN/FLUX (United Nations / Fisheries Language for Universal eXchange) u n-network ta’ skambju FLUX TL huma maħsuba li jiġu implimentati għall-iskambju tal-pożizzjonijiet tal-bastimenti, għall-ġurnal ta’ abbord elettroniku u possibbilment, fil-futur, għall-ġestjoni tal-awtorizzazzjonijiet tas-sajd.

L-ERS għandha tiġi implimentata f’perjodu ta’ żmien definit mill-Kumitat Konġunt abbażi tad-dispożizzjonijiet tekniċi li għandhom jiġu definiti. Il-Partijiet għandhom jipproponu lill-Kumitat Konġunt il-perjodu meħtieġ għat-tranżizzjoni u l-implimentazzjoni tal-ERS, filwaqt li jqisu r-restrizzjonijiet tekniċi possibbli.

Iż-żewġ Partijiet għandhom jiddefinixxu l-perjodu ta’ prova meħtieġ qabel ma tkun tista’ ssir tranżizzjoni għall-użu effettiv tal-istandard FLUX. Ladarba dawk il-provi jitlestew b’suċċess, il-Partijiet għandhom jistabbilixxu, malajr kemm jista’ jkun, id-data effettiva għat-tranżizzjoni lejn l-ERS.

Ladarba s-sistema ERS tkun kompletament funzjonali, bastiment li ma jkunx mgħammar b’sistema ERS ma għandux jiġi awtorizzat li jwettaq attivitajiet tas-sajd skont il-Protokoll.

Greenland u l-Unjoni għandhom jinfurmaw lil xulxin minnufih bi kwalunkwe ħsara fis-sistema tal-IT li tipprevjeni l-komunikazzjoni bejn iċ-ĊMS.

Sakemm iż-żewġ Partijiet jimplimentaw b’mod konġunt l-ERS, fi tmiem kull vjaġġ tas-sajd għandha tintbagħat kopja tal-ġurnal ta’ abbord tas-sajd lill-awtorità kompetenti ta’ Greenland minnufih wara l-wasla fil-port bil-posta jew bl-email.

Ħatt l-art u trażbord

Il-kaptan tal-bastiment għandu jittrażmetti d-data dwar il-ħatt l-art meħtieġa mill-Ftehim permezz tal-ERS lill-awtorità kompetenti ta’ Greenland. Dak għandu jinkludi l-ħatt l-art li jsir f’portijiet barra minn Greenland ta’ qabdiet li jkunu nqabdu taħt awtorizzazzjoni tas-sajd ta’ Greenland. Matul il-perjodu ta’ tranżizzjoni, u sakemm tiġi implimentata s-sistema ERS, il-kaptan għandu jagħmel ħiltu biex jittrażmetti d-data dwar il-ħatt l-art bil-mezzi xierqa kif miftiehem mill-Partijiet.

Taqsima 2

Sistema ta’ monitoraġġ tal-bastimenti (vms) abbażi ta’ satellita

Kwalunkwe bastiment tal-Unjoni awtorizzat skont il-Protokoll għandu jkun mgħammar b’sistema ta’ monitoraġġ tal-bastimenti abbażi ta’ satellita (VMS,vessel monitoring system) installata abbord li tkun kapaċi tittrażmetti b’mod awtomatiku u kontinwu l-pożizzjoni tiegħu lil ĊMS tal-Istat tal-bandiera tiegħu li jkun ibbażat fuq l-art.

Is-sistema tal-VMS tal-bastimenti soġġetti għall-monitoraġġ bis-satellita skont il-Protokoll għandha tittrażmetti awtomatikament il-pożizzjonijiet tal-bastimenti liċ-ĊMS tal-Istat tal-bandiera tagħhom, li għandu jittrażmettihom minnufih liċ-ĊMS ta’ Greenland. Jekk ikun hemm qbil miż-żewġ Partijiet, il-pożizzjonijiet tal-bastimenti għandhom jiġu trażmessi permezz tan-nodu ċentrali tal-Unjoni bl-użu tal-istandard UN/FLUX u n-network ta’ skambju FLUX TL ladarba l-perjodi ta’ prova miftiehma jkunu tlestew b’suċċess.

L-Istat tal-bandiera u l-awtoritajiet ta’ Greenland għandhom jagħżlu korrispondent tal-VMS kull wieħed li għandu jaġixxi bħala l-punt ta’ kuntatt.

Qabel id-data ta’ applikazzjoni tal-Protokoll, iċ-ĊMS tal-Istat tal-bandiera u ta’ Greenland għandhom jikkomunikaw id-dettalji ta’ kuntatt (l-awtorità, l-indirizz, it-telefown, il-posta elettronika) tal-korrispondent tal-VMS rispettiv tagħhom. Kwalunkwe emenda fid-dettalji ta’ kuntatt tal-korrispondent tal-VMS għandha tiġi nnotifikata minnufih.

Il-punti ta’ kuntatt tal-VMS għandhom jiskambjaw l-informazzjoni rilevanti kollha dwar it-tagħmir tal-bastimenti, il-protokolli ta’ trażmissjoni u kwalunkwe funzjoni oħra meħtieġa għall-monitoraġġ bis-satellita.

L-arranġamenti għall-implimentazzjoni tal-VMS u l-proċeduri f’każ ta’ malfunzjonament huma stabbiliti fl-Appendiċi 3.

Taqsima 3

Spezzjoni fuq il-baħar jew fil-port

L-ispezzjonijiet fiż-ŻEE ta’ Greenland jew fil-portijiet tal-bastimenti tal-Unjoni li jkollhom awtorizzazzjoni tas-sajd għandhom jitwettqu minn bastimenti u spetturi ta’ Greenland identifikati b’mod ċar f’konformità mal-konvenzjoni internazzjonali u għandhom jitwettqu f’konformità mal-miżuri tal-FAO u kwalunkwe miżura rilevanti tal-Istat tal-Port tal-RFMOs.

L-awtorità kompetenti ta’ kull parti tista’ tistieden rappreżentant mill-parti l-oħra biex josserva spezzjoni.

L-awtorità kompetenti ta’ kull parti li twettaq spezzjoni internazzjonali fiż-żoni regolatorji tal-NEAFC u tan-NAFO tista’ tistieden spetturi mill-parti l-oħra biex jimbarkaw bastiment ta’ spezzjoni li jkun qed iwettaq spezzjoni internazzjonali.

Taqsima 4

Skema ta’ osservaturi

L-attivitajiet tas-sajd fiż-ŻEE ta’ Greenland huma soġġetti għall-iskema tal-osservaturi skont il-liġi ta’ Greenland. Il-kaptani tal-bastimenti tal-Unjoni li jkollhom awtorizzazzjoni tas-sajd biex jistadu fiż-ŻEE ta’ Greenland għandhom jikkooperaw mal-awtoritajiet kompetenti ta’ Greenland għall-finijiet tat-tlugħ abbord tal-osservaturi.

Is-salarju u l-kontribuzzjonijiet soċjali tal-osservatur għandhom jitħallsu mill-awtoritajiet kompetenti ta’ Greenland.

Meta jkunu abbord, l-osservaturi għandhom:

(a)	jieħdu l-miżuri xierqa kollha sabiex la jinterrompu u lanqas itellfu l-ħidmiet tas-sajd;

(b)	jirrispettaw il-proprjetà u t-tagħmir abbord; u

(c)	jirrispettaw in-natura kunfidenzjali ta’ kull dokument tal-bastiment.

L-osservatur għandu jitla’ abbord f’port jew f’post speċifiku fuq il-baħar miftiehem bejn l-awtorità kompetenti ta’ Greenland u l-kaptan. Jekk l-osservatur ma jasalx għat-tlugħ abbord fi żmien 3 siegħat mid-data u l-ħin stabbiliti, sid il-bastiment għandu jinħeles awtomatikament mill-obbligu tiegħu li jħalli lill-osservatur jitla’ abbord u l-bastiment għandu jkun liberu li jitlaq mill-port u jibda l-operazzjonijiet tas-sajd tiegħu.

5. Rapport tal-osservatur

5.1.

Qabel ma jħalli l-bastiment, l-osservatur għandu jippreżenta rapport tal-osservazzjonijiet magħmula mill-osservatur lill-kaptan tal-bastiment. Il-kaptan tal-bastiment għandu jkollu d-dritt li jagħmel kummenti fir-rapport tal-osservatur. Ir-rapport għandhom jiffirmawh l-osservatur u l-kaptan. Il-kaptan għandu jirċievi kopja elettronika tar-rapport tal-osservatur.

5.2.

Meta tasal talba mill-awtorità kompetenti tal-Unjoni jew mill-Istat Membru tal-bandiera, l-awtorità kompetenti ta’ Greenland għandha tibgħat kopja tar-rapport tal-osservatur fi żmien 8 ijiem tax-xogħol.

Taqsima 5

Ksur

1. Ksur

Meta bastiment tal-Unjoni ma jkunx ikkonforma mal-Protokoll, b’mod partikolari mar-rappurtar tal-qabdiet, jitqies bħala ksur serju kif imsemmi fil-paragrafu 6, il-punt (a), tal-Kapitolu II ta’ dan l-Anness. L-awtorità kompetenti ta’ Greenland hija intitolata tissospendi awtorizzazzjoni tas-sajd eżistenti sakemm jiġu ssodisfati l-obbligi dwar ir-rappurtar tal-qabdiet. Jekk dan ir-reat jerġa jseħħ, l-awtorità kompetenti ta’ Greenland tista’ tirrifjuta li ġġedded l-awtorizzazzjoni tas-sajd tal-bastiment ikkonċernat. L-awtorità kompetenti tal-Unjoni u l-Istat tal-bandiera għandhom jinżammu infurmati kif xieraq u bla ebda dewmien dwar dan.

2. Trattament tal-ksur

2.1.

Kwalunkwe ksur imwettaq fiż-ŻEE ta’ Greenland minn bastiment tas-sajd tal-Unjoni li jkollu awtorizzazzjoni tas-sajd skont il-Ftehim għandu jissemma f’rapport tal-ispezzjoni.

2.2.

L-iffirmar tar-rapport tal-ispezzjoni min-naħa tal-kaptan għandu jkun mingħajr preġudizzju għad-dritt tal-kaptan u ta’ sid tal-bastiment li jiddefendi ruħu mill-akkuża tal-ksur.

2.3.

Għal kwalunkwe ksur imwettaq fiż-ŻEE ta’ Greenland minn bastiment tal-Unjoni li jkollu awtorizzazzjoni tas-sajd skont il-Ftehim, l-avviż tal-ksur iddefinit u s-sanzjonijiet marbutin miegħu imposti fuq il-kaptan jew fuq il-kumpanija tas-sajd għandhom jintbagħtu direttament lis-sidien tal-bastimenti skont il-proċeduri stabbiliti fil-liġi applikabbli ta’ Greenland li hija fis-seħħ.

2.4.

L-awtorità kompetenti ta’ Greenland għandha tibgħat kopja tar-rapport tal-ispezzjoni u tal-avviż tal-ksur lill-awtorità kompetenti tal-Unjoni u lill-awtorità kompetenti tal-Istat tal-bandiera permezz tal-email mill-aktar fis possibbli.

2.5.

Meta s-soluzzjoni għall-ksur tkun tinvolvi proċedimenti legali, qabel jingħata bidu għalihom, u sakemm il-ksur ma jkunx jinvolvi att kriminali, għandu jsir sforz biex jinstab ftehim bonarju għall-ksur allegat fi żmien 4 ijiem minn meta jintbagħat l-avviż tal-ksur. Jekk ma jkunx jista’ jinstab ftehim bonarju bħal dan, għandhom jinbdew il-proċedimenti legali normali.

3. Detenzjoni ta’ bastiment

3.1.

Greenland għandha tinnotifika minnufih lill-awtorità kompetenti tal-Unjoni u lill-Istat tal-bandiera b’kwalunkwe detenzjoni ta’ bastiment tal-Unjoni li jkollu awtorizzazzjoni tas-sajd skont il-Ftehim. F’dak l-avviż għandhom jingħataw ir-raġunijiet għad-detenzjoni u miegħu għandha tintbagħat l-evidenza ddokumentata tal-ksur.

3.2.

Qabel ma tieħu kwalunkwe miżura oħra kontra l-bastiment tal-Unjoni miżmum, il-kaptan, l-ekwipaġġ jew il-merkanzija tiegħu, ħlief il-miżuri maħsuba biex jipproteġu l-evidenza, Greenland għandha taħtar uffiċjal tal-investigazzjoni u torganizza laqgħa ta’ informazzjoni, fuq talba tal-awtorità tal-Unjoni, fi żmien jum tax-xogħol min-notifika tar-raġunijiet għad-detenzjoni tal-bastiment. Rappreżentant tal-Istat tal-bandiera u ta’ sid il-bastiment jista’ jattendi din il-laqgħa.

4. Pieni għall-ksur

4.1.

Il-piena għall-ksur għandha tiġi stabbilita minn Greenland f’konformità mad-dispożizzjonijiet tal-leġiżlazzjoni nazzjonali applikabbli.

4.2.

F’każ li jinstab ftehim bonarju, kwalunkwe piena li għandha titħallas għandha tiġi stabbilita billi wieħed jirreferi għal-leġiżlazzjoni nazzjonali ta’ Greenland applikabbli.

5. Proċediment legali u sigurtà bankarja

5.1.

Jekk ftehim bonarju ma jkunx possibbli u l-ksur jitressaq quddiem il-qorti kompetenti, sid il-bastiment tal-Unjoni li jkun wettaq il-ksur għandu jiddepożita garanzija bankarja f’bank magħżul mill-awtorità kompetenti ta’ Greenland, li l-ammont tagħha, kif stabbilit mill-awtorità kompetenti ta’ Greenland, għandu jkopri l-kostijiet marbuta mad-detenzjoni tal-bastiment tal-Unjoni, il-piena stmata u kwalunkwe kumpens. Il-garanzija bankarja tibqa’ marbuta sakemm jintemmu l-proċedimenti ġuridiċi Madankollu, meta l-proċedimenti legali jkunu ilhom għaddejjin għal aktar minn 4 snin, l-awtorità kompetenti ta’ Greenland għandha taġġorna regolarment lill-awtorità kompetenti tal-Unjoni u lill-Istat tal-bandiera kkonċernat dwar il-passi li jkunu qed jittieħdu biex jiġu konklużi l-proċedimenti legali.

5.2.

Il-garanzija bankarja għandha tiġi rrilaxxata u tingħata lura lil sid tal-bastiment mingħajr dewmien wara li tinqata’ s-sentenza:

(a)	b’mod sħiħ, jekk ma tkun ġiet imposta l-ebda piena;

(b)	sal-bilanċ li jifdal, f’każ li s-sanzjoni twassal għal piena inferjuri għall-garanzija bankarja.

5.3.

Il-proċedimenti legali għandhom jinfetħu malajr kemm jista’ jkun f’konformità mal-liġijiet nazzjonali.

5.4.

L-awtoritajiet ta’ Greenland għandhom jgħarrfu lill-Unjoni bir-riżultat tal-proċedimenti legali fi żmien 14-il jum minn meta tinqata’ s-sentenza.

6. Ir-rilaxx tal-bastiment u tal-ekwipaġġ

6.1.

Il-bastiment tal-Unjoni għandu jiġi awtorizzat iħalli l-port u jkompli jistad ladarba tkun ġiet iddepożitata l-garanzija bankarja, jew ladarba tkun tħallset il-piena jew ikunu ġew issodisfati l-obbligi li joħorġu mill-ftehim bonarju.

KAPITOLU V

IMPRIŻI KONĠUNTI TEMPORANJI

Taqsima 1

Metodu u kriterji għall-valutazzjoni ta’ proġetti għal impriżi konġunti temporanji u għal intrapriżi konġuNTI

L-awtoritajiet ta’ Greenland għandhom jinfurmaw lill-awtorità kompetenti tal-Unjoni minnufih jekk tinqala’ kwalunkwe opportunità għal impriżi konġunti temporanji jew għal intrapriżi konġunti ma’ kumpaniji minn dan il-pajjiż. L-awtorità kompetenti tal-Unjoni għandha tgħarraf lill-Istati Membri kollha tal-Unjonib’dan kif xieraq. Fil-każ li titwaqqaf xi intrapriża konġunta, il-proġetti se jitressqu u jiġu vvalutati f’konformità ma’ dan il-Kapitolu.

B’applikazzjoni tal-Artikolu 12(2), il-punt (e) tal-Ftehim, l-Unjoni għandha tippreżenta lil Greenland mill-aktar fis possibbli u fi kwalunkwe każ mhux aktar tard minn 10 ijiem ta’ xogħol qabel il-laqgħa tal-Kumitat Konġunt dossier tekniku għall-proġetti għal impriżi konġunti temporanji u intrapriżi konġunti li jinvolvu operaturi tal-Unjoni. Il-proġetti għandhom jiġu sottomessi lill-awtorità kompetenti tal-Unjoni mill-awtoritajiet tal-Istati Membri tal-Unjoni kkonċernati.

Bħala prijorità, il-Kumitat Konġunt għandu jinkoraġġixxi l-użu sħiħ tal-kwoti indikattivi għall-ispeċijiet imniżżlin fl-Artikolu 2(1) tal-Protokoll mill-bastimenti tal-Unjoni. Għall-ispeċijiet li għalihom il-Kumitat Konġunt ikun qabel dwar livell iktar baxx ta’ opportunitajiet annwali tas-sajd minn dak indikat fl-Artikolu 2(1) tal-Protokoll, mingħajr ma dan kien iġġustifikat abbażi tal-pariri xjentifiċi, ma għandhomx jitqiesu proġetti għal impriżi konġunti temporanji u għal intrapriżi konġunti għall-istess speċi u għall-istess sena kalendarja.

Il-Kumitat Konġunt għandu jivvaluta l-proġetti f’konformità mal-kriterji li ġejjin:

(a)	l-ispeċijiet fil-mira u ż-żoni tas-sajd;

(b)	il-qagħda tal-istokkijiet abbażi tal-aqwa pariri xjentifiċi disponibbli u tal-approċċ ta’ prekawzjoni;

(c)	id-dettalji tal-bastimenti u t-teknoloġija adattata għall-operazzjonijiet tas-sajd proposti;

(d)	fil-każ ta’ impriżi konġunti temporanji, id-durata totali u dik tal-attivitajiet tas-sajd; u

(e)	l-esperjenza preċedenti li sid il-bastiment u sieħeb sid il-bastiment għandhom fil-qasam tas-sajd.

Il-Kumitat Konġunt għandu joħroġ opinjoni dwar il-proġetti wara li ssir il-valutazzjoni msemmija fil-paragrafu 5.

Għall-ispeċijiet elenkati fl-Artikolu 2(1) tal-Protokoll, il-qabdiet li jsiru mill-bastimenti tal-Unjoni fil-qafas ta’ impriżi konġunti temporanji jew intrapriżi konġunti għandhom ikunu mingħajr preġudizzju għall-arranġamenti eżistenti ta’ kondiviżjoni fost l-Istati Membri tal-Unjoni.

Taqsima 2

Kundizzjonijiet marbutin mal-aċċess fil-qafas tal-impriżi konġunti temporaNJI

1. Awtorizzazzjonijiet tas-sajd

1.1.

Fil-każ ta’ impriżi konġunti temporanji, ladarba proġett ikun irċieva opinjoni favorevoli mill-Kumitat Konġunt, il-bastimenti tal-Unjoni kkonċernati għandhom japplikaw għal awtorizzazzjoni tas-sajd f’konformità mal-Kapitolu II. Fuq l-applikazzjoni għandu jiġi indikat b’mod ċar li hija għandha x’taqsam ma’ impriża konġunta temporanja.

1.2.

L-awtorizzazzjoni tas-sajd għandha tinħareġ għad-durata tal-impriża konġunta temporanja iżda fi kwalunkwe każ, għal durata li ma tkunx itwal mis-sena kalendarja.

1.3.

Fuq l-awtorizzazzjoni tas-sajd għandu jiġi indikat b’mod ċar li l-qabdiet se jsiru abbażi ta’ opportunitajiet tas-sajd allokati mill-awtoritajiet ta’ Greenland fil-limiti tat-TACs ta’ Greenland rispettivi iżda li ma jidħlux fl-opportunitajiet tas-sajd mogħtija skont l-Artikolu 2(1) tal-Protokoll.

2. Sostituzzjoni ta’ bastimenti

Bastiment tal-Unjoni li jkun qed jistad fi ħdan impriża konġunta temporanja jista’ jiġi sostitwit b’bastiment ieħor tal-Unjoni li jkollu kapaċità u speċifikazzjonijiet tekniċi simili għalih biss għal raġunijiet iġġustifikati kif xieraq u bil-qbil tal-Partijiet.

Taqsima 3

Arranġamenti għat-trasferiment tal-kwota tal-gamblu tat-tramuntana bejn id-detenturi tal-awtorizzazzjONI

1. Arranġamenti għat-trasferiment

1.1.

Is-sidien tal-bastimenti minn Greenland u l-Unjoni jistgħu jistabbilixxu, fuq bażi ta’ kumpanija, arranġamenti għall-iskambju ta’ kwoti tal-opportunitajiet tas-sajd għall-gamblu tat-Tramuntana fis-subżoni II, V, XII u XIV tal-ICES ma’opportunitajiet tas-sajd għall-gamblu tat-Tramuntana fis-subżona 1 tan-NAFO.

1.2.

L-awtoritajiet ta’ Greenland għandhom jintrabtu li jiffaċilitaw it-tali arranġamenti hekk kif jirċievu talba mill-awtoritajiet kompetenti tal-Unjoni f’isem l-Istati Membri tal-Unjoni kkonċernati.

1.3.

L-ammont massimu annwali li għandu jiġi ttrasferit għandu jkun ta’ 2 000 tunnellata, dejjem skont il-pariri xjentifiċi.

1.4.

Il-bastimenti tal-Unjoni għandhom jistadu bl-istess kundizzjonijiet bħal dawk previsti fil-każ ta’ awtorizzazzjoni tas-sajd maħruġa lil sid ta’ bastiment minn Greenland, dejjem skont id-dispożizzjonijet tal-Kapitolu II.

KAPITOLU VI

SAJD SPERIMENTALI

B’applikazzjoni tal-Artikolu 11 u tal-Artikolu 12(2), il-punt (f) tal-Ftehim, meta l-awtorità kompetenti tal-Unjoni tkun esprimiet l-interess tagħha lil Greenland li twettaq sajd sperimentali għal speċijiet u stokkijiet li mhumiex imniżżlin fl-Artikolu 2(1) tal-Protokoll:

1.1.

L-awtorità kompetenti tal-Unjoni għandha tibgħat lil Greenland, sa mhux aktar tard minn 15-il jum qabel il-laqgħa tal-Kumitat Konġunt, dossiers tekniċi li jispeċifikaw:

(a)	l-ispeċijiet li għandhom jiġu mmirati;

(b)	proposta għall-parametri tekniċi tal-kampanja (it-teknoloġija li trid tintuża għall-attività, id-durata, iż-żoni tas-sajd eċċ.);

(c)	benefiċċji li mistennija jkun hemm għar-riċerka xjentifika u għall-iżvilupp tal-qasam tas-sajd permezz tal-parteċipazzjoni tal-Unjoni fil-kampanja sperimentali;

(d)	valutazzjoni tal-impatti potenzjali tal-attivitajiet tas-sajd ippjanati tal-bastimenti li juru li attivitajiet bħal dawn aktarx ma jkollhomx impatti negattivi sinifikanti fuq l-ekosistemi vulnerabbli tal-baħar.

1.2.

Greenland għandha tinfurma lill-Kumitat Konġunt dwar:

(a)	id-dettalji u l-kundizzjonijiet tal-kampanji tas-sajd sperimentali rilevanti mwettqin minn bastimenti domestiċi u ta’ pajjiżi terzi;

(b)	ir-riżultati ta’ kwalunkwe kampanja sperimentali preċedenti għall-istess speċi; u

(c)	informazzjoni xjentifika eżistenti u informazzjoni oħra.

Il-Kumitat Konġunt għandu jivvaluta d-dossiers tekniċi filwaqt li jqis kif xieraq l-aqwa pariri xjentifiċi disponibbli u l-approċċ ta’ prekawzjoni.

Wara opinjoni pożittiva mill-Kumitat Konġunt dwar il-parteċipazzjoni tal-Unjoni, il-livell tagħha u l-parametri tekniċi tal-kampanja tas-sajd sperimentali, il-bastimenti tal-Unjoni għandhom iressqu l-applikazzjonijiet għall-awtorizzazzjonijiet tas-sajd f’konformità mad-dispożizzjonijiet tal-Kapitolu II. L-awtorizzazzjonijiet tas-sajd ma għandhomx jaqbżu tmiem is-sena kalendarja.

Id-dispożizzjonijiet kollha tal-Kapitolu IV għandhom japplikaw għall-bastimenti tal-Unjoni li jkunu qed iwettqu sajd sperimentali.

Mingħajr preġudizzju għall-paragrafu 4, matul il-kampanja sperimentali fuq il-baħar, il-bastimenti tal-Unjoni kkonċernati għandhom:

(a)	jinnotifika lill-awtorità kompetenti ta’ Greenland li jkunu bdew il-kampanja u jibagħtulha dikjarazzjoni ta’ kwalunkwe qabda li jkollhom abbord qabel ma jinbeda s-sajd sperimentali;

(b)

jibagħtu, ta’ kull ġimgħa, rapport dwar il-qabdiet li jkunu saru kuljum u għal kull refgħa lill-Istitut tar-Riżorsi Naturali ta’ Greenland, lill-awtorità kompetenti ta’ Greenland u lill-Kummissjoni Ewropea, li jkun jinkludi deskrizzjoni tal-parametri tekniċi tal-kampanja (il-pożizzjoni, il-fond, id-data u l-ħin, il-qabdiet u osservazzjonijiet jew kummenti oħrajn);

(c)

jiżguraw li abbord ikun hemm osservatur wieħed minn Greenland jew osservatur magħżul mill-awtorità kompetenti ta’ Greenland; l-osservatur għandu jiġi ttrattat bħala uffiċjal tal-bastiment, u sid il-bastiment għandu jkopri l-kostijiet tal-għajxien tal-osservatur għal kemm idum abbord il-bastiment; l-awtoritajiet ta’ Greenland għandhom jiddeċiedu dwar iż-żmien li l-osservatur iqatta’ abbord, dwar kemm għandu jdum abbord l-osservatur u dwar il-portijiet tal-imbark u tal-iżbark tiegħu; u

(d)	jinnotifikaw lill-awtorità kompetenti ta’ Greenland li jkunu temmew il-kampanja sperimentali u jissottomettu l-bastimenti għal spezzjoni qabel ma joħorġu miż-ŻEE ta’ Greenland jekk l-awtorità kompententi ta’ Greenland titlob dan.

Il-qabdiet li jkunu konsistenti mal-kampanja sperimentali u li jkunu nkisbu matulha jibqgħu l-proprjetà ta’ sid il-bastiment.

L-awtorità kompetenti ta’ Greenland għandha taħtar persuna ta’ kuntatt li tkun inkarigata tittratta kwalunkwe problema mhux prevista li tista’ tinqala li tista’ ttellef l-iżvilupp tas-sajd sperimentali.

Abbażi tar-rakkomandazzjonijiet tal-entitajiet konsultattivi xjentifiċi rilevanti, Greenland tista’ titlob li jiġu implimentati miżuri ta’ konservazzjoni u ta’ ġestjoni b’rabta mas-sajd sperimentali, inkluż l-għeluq ta’ żoni u ta’ żmien.

Il-bastimenti tal-Unjoni kkonċernati għandhom jippreżentaw liż-żewġ Partijiet, sa mhux aktar tard minn 30 jum wara l-konklużjoni tas-sajd sperimentali, rapport ta’ evalwazzjoni li jindirizza bħala minimu:

(a)	jekk is-sajd ikunx sar skont il-parametri tekniċi proposti; u

(b)	jekk il-benefiċċji mistennija għar-riċerka xjentifika u l-iżviluppi tas-settur tas-sajd kif speċifikat fid-dossiers tekniċi ġewx issodisfati, u, jekk le, għaliex;

(c)	jekk il-bastiment iltaqa’ ma’ problemi mhux previsti, inklużi qabdiet aċċessorji;

(d)	jekk il-bastiment ikunx aderixxa mal-paragrafu 5 u, jekk le, dak irid jiġi ġġustifikat kif xieraq.

10.

Meta l-Partijiet jikkonkludu li sajd sperimentali jkun kiseb riżultati pożittivi u jekk il-Kumitat Konġunt jistabbilixxi opportunitajiet tas-sajd ġodda f’konformità mal-Artikolu 2(2), tal-Artikolu 2(4) u tal-Artikolu 7 tal-Protokoll, l-awtoritajiet ta’ Greenland jistgħu joffru opportunitajiet tas-sajd proporzjonati għall-użu relattiv tal-kwota mill-bastimenti tal-Unjoni li jkunu pparteċipaw fis-sajd sperimentali fil-5 snin preċedenti. Il-kwantità allokata lill-Unjoni ma tistax taqbeż il-50 % sakemm Greenland ma tiddeċidix li toffri aktar. Din id-dispożizzjoni għandha tapplika sakemm jiskadi l-Protokoll.

APPENDIĊIJIET TA’ DAN L-ANNESS

Appendiċi 1 – Formola tal-applikazzjoni għal awtorizzazzjoni għas-sajd

Appendiċi 2 – Dettalji ta’ kuntatt għall-awtoritajiet kompetenti ta’ Greenland

Appendiċi 3 – Proċeduri ta’ implimentazzjoni tal-monitoraġġ abbażi ta’ satellita (sistema ta’ monitoraġġ tal-bastimenti — VMS)

Appendiċi 4 – Format tad-data tal-VMS

Appendiċi 5 – Skema ta’ flessibbiltà fis-sajd għar-redfish pelaġiku bejn l-ilmijiet ta’ Greenland u tal-NEAFC

Appendiċi 6 – Ipproċessar tad-data personali

Appendiċi 1

FORMOLA TAL-APPLIKAZZJONI GĦAL AWTORIZZAZZJONI TAS-SAJD

Formola tal-applikazzjoni għal awtorizzazzjoni tas-sajd fiż-ŻEE ta’ Greenland u dwar il-kwota ta’ Greenland barra miż-ŻEE ta’ Greenland

		O/F/K (obbligatorju/ fakultattiv/kundizzjonali)
Dettalji tal-liċenzja
1	Tip ta’ liċenzja għall-applikazzjoni (speċijiet u żona)	O
2	Kwantità fl-applikazzjoni	O
3	Perjodu taż-żmien għal awtorizzazzjoni tas-sajd	O
4	L-indirizz fejn għandha tintbagħat l-applikazzjoni għall-awtorizzazzjoni tas-sajd		Il-Kummissjoni Ewropea, id-Direttorat Ġenerali għall-Affarijiet Marittimi u s-Sajd, Rue de la Loi 200, B-1049 Brussell, fax + 32 2 2962338 email Mare-licences@ec.europa.eu
Informazzjoni dwar il-bastiment
5	L-Istat tal-bandiera	O
6	Isem tal-bastiment	O
7	Ittri u numru esterni tal-identifikazzjoni	O
8	Sinjal Internazzjonali tas-sejħa bir-radju (IRCS, International Radio call Sign)	O
9	Numru tal-IMO	K	Jekk il-bastiment ikun ġie assenjat numru tal-IMO
10	Numru ta’ referenza intern tal-istat tal-bandiera	F
11	Sena ta’ kostruzzjoni	O
12	Port ta’ reġistrazzjoni	O
13	Tip ta’ bastiment (Kodiċi FAO)	O
14	Tip primarju ta’ rkaptu tas-sajd (Kodiċi FAO)	O
15	L-isem/ismijiet preċedenti (l-Istat tal-bandiera, l-isem, l-IRCS, u d-dati għall-bidla)	K	Jekk teżisti informazzjoni preċedenti
16	Numru tal-inmarsat/numru tal-Iridium (telefown, email)	K	Telefown, email fakultattiv
17	Sidien, indirizz tal-persuna fiżika jew ġuridika, telefown, fax, email	K	Fax fakultattiv
18	Ir-rappreżentant (l-aġent) tal-bastiment, l-isem u l-indirizz	O
19	Potenza tal-magna (kilowatt)	O
20	Tul (L.O.A., Length Overall)	O
21	Tunnellaġġ f’GT	O
22	Kapaċità tal-iffriżar f’tunnellati kuljum	O
23	Kapaċità ta’ tankijiet tal-ilma baħar refriġerati (RSW, Refrigerated Sea Water) jew tankijiet tal-ilma baħar imkessħa (CSW, Chilled SeaWater) f’metri kubi	O
24	Ritratt diġitali bil-kulur tal-bastiment, li jkollu riżoluzzjoni adegwata (mass. 0,5 MB) u li jkun juri l-ġenb tal-bastiment fid-dettall, inkluż l-isem tal-bastiment u n-numru ta’ identifikazzjoni tiegħu li jidhru fuq il-buq.	O

Appendiċi 2

DETTALJI TA’ KUNTATT TAL-AWTORITAJIET KOMPETENTI TA’ GREENLAND

Trażmissjoni tar-rapporti u l-avviżi

Ir-rapporti u l-avviżi li għandhom jingħataw skont il-Kapitolu IV, Taqsima 1, tal-Anness għandhom jintbagħtu bil-Greenlandiż, bid-Daniż jew bl-Ingliż.

L-avviżi għandhom jintbagħtu bir-radju kostali jew bl-email lill-Awtorità ta’ Kontroll tal-Liċenzji tas-Sajd ta’ Greenland (GFLK, Greenland Fishing License Control Authority) u lill-Kmand Konġunt tal-Artiku (AKO, Joint Arctic Command):

GFLK, nru tat-telefown + 299 34 50 00,

Email: GFLK@NANOQ.GL

AKO, nru tat-telefown + 299 364000,

Email: FKO-KTP-A-FIO@FIIN.DK

Il-ġurnali ta’ abbord tas-sajd għandhom jintbagħtu fl-indirizz li ġej:

Greenland Fishing License Control Authority (GFLK)

P.O. Box 501, 3900 Nuuk, Greenland

L-applikazzjoni għall-awtorizzazzjoni tas-sajd u għal permessi oħra għandha tiġi kkomunikata lil:

Il-Ministeru għas-Sajd u l-Kaċċa

Email: APN@NANOQ.GL

Appendiċi 3

PROĊEDURI TA’ IMPLIMENTAZZJONI GĦALL-MONITORAĠĠ ABBAŻI TA’ SATELLITA (SISTEMA TA’ MONITORAĠĠ TAL-BASTIMENTI — VMS)

1. Messaġġi dwar il-pożizzjoni tal-bastimenti – il-VMS

1.1.

Il-bastimenti tal-Unjoni li jkollhom awtorizzazzjoni tas-sajd maħruġa skont il-Ftehim u li jkunu qed jistadu fiż-żona tas-sajd ta’ Greenland jew li jkunu qed jistadu għal kwoti ta’ Greenland fl-ilmijiet taż-żoni tal-NEAFC (kif stabbilit fl-Appendiċi 5) iridu jkunu mgħammra b’apparat ta’ lokalizzazzjoni permezz tas-satellita (sistema għall-monitoraġġ tal-bastimenti — VMS) li jkun qed jiffunzjona għalkollox u li jkun installat abbord il-bastiment u jkun kapaċi jibgħat il-pożizzjoni tagħhom b’mod awtomatiku u kontinwu tal-inqas darba fis-siegħa waqt li jkunu preżenti fiż-żona tas-sajd liċ-ċentru tal-monitoraġġ tas-sajd (ĊMS) tal-Istat tal-bandiera tagħhom li jkun jinsab fuq l-art.

1.2.

Meta bastiment li jkun qed jistad skont il-Ftehim u jkun soġġett għal-lokalizzazzjoni permezz tas-satellita skont il-Protokoll jidħol fiż-żona tas-sajd, ir-rapporti dwar il-pożizzjoni għandhom jiġu kkomunikati immedjatament miċ-ĊMS tal-Istat tal-bandiera liċ-ĊMS ta’ Greenland. Jekk iż-żewġ Partijiet jaqblu, ir-rapporti kollha dwar il-pożizzjoni għandhom jiġu trażmessi permezz tan-nodu ċentrali tal-Unjoni. Ladarba ż-żewġ partijiet ikunu qalbu għal UN/FLUX, il-pożizzjonijiet tal-VMS jiġu trażmessi permezz tal-Istat tal-bandiera u permezz tan-network FLUX TL imħaddem mill-Kummissjoni Ewropea. Dawk il-messaġġi għandhom jintbagħtu kif ġej:

(a)	bl-użu elettroniku ta’ protokoll ta’ skambju sigur;

(b)	meta jidħlu u joħorġu miż-żona tas-sajd

(c)	fil-format indikat fl-Appendiċi 4.

1.3.

Kull messaġġ dwar il-pożizzjoni għandu jinkludi:

(a)	l-identifikazzjoni tal-bastiment;

(b)	il-pożizzjoni ġeografika l-aktar reċenti tal-bastiment b’marġni ta’ errur ta’ inqas minn 500 metru, u b’intervall ta’ kunfidenza ta’ 99 %;

(c)	id-data u l-ħin f’UTC li tiġi rreġistrata l-pożizzjoni;

(d)	il-veloċità u r-rotta istantanja tal-bastiment fil-ħin li tiġi rreġistrata l-pożizzjoni.

1.4.

Iċ-ĊMS tal-Istat tal-bandiera għandu jiżgura l-ipproċessar awtomatiku u t-trażmissjoni elettronika tal-messaġġi dwar il-pożizzjoni. Il-messaġġi dwar il-pożizzjoni għandhom jiġu rreġistrati b’mod sigur u maħżuna f’bażi tad-data għas-sena attwali u għas-sena ta’ qabel. Madankollu, f’każ ta’ restrizzjonijiet tekniċi, dan il-perjodu jista’ jitqassar bi ftehim reċiproku.

1.5.

Il-komponenti tal-hardware u tas-software tal-VMS għandhom ikunu reżistenti għat-tbagħbis, jiġifieri, ma għandhomx jippermettu l-input jew l-output ta’ pożizzjonijiet foloz u ma għandhomx ikunu jistgħu jiġu megħluba manwalment. Is-sistema għandha tkun awtomatika għalkollox u operazzjonali l-ħin kollu, irrispettivament mill-kundizzjonijiet ambjentali. Għandu jiġi pprojbit li wieħed ikisser l-apparat ta’ lokalizzazzjoni permezz tas-satellita, li jagħmillu l-ħsara, li ma jħallihx fi stat operattiv jew li jbagħbsu mod ieħor.

1.6.

Meta jkun mitlub jew meħtieġ, il-Partijiet jaqblu, għal finijiet ta’ monitoraġġ u spezzjoni, li jiskambjaw informazzjoni dwar it-tagħmir użat.

2. Ħsara teknika jew ħsara li jaffettwaw l-apparat ta’ monitoraġġ abbord il-bastiment

2.1.

Fil-każ ta’ kwalunkwe ħsara teknika jew ħsara li taffettwa l-apparat użat għall-monitoraġġ kontinwu bis-satellita installat abbord il-bastiment tas-sajd, l-awtoritajiet ta’ Greenland u tal-Unjoni jridu jkunu infurmati minnufih mill-Istat tal-bandiera.

2.2.

It-tagħmir difettuż irid jiġi sostitwit jew imsewwi mill-ewwel port ta’ waqfa fejn is-servizz ikun disponibbli u mill-inqas fi żmien 30 jum tax-xogħol minn meta l-Istat tal-bandiera jkun għarraf liċ-ĊMS ta’ Greenland. Wara dan il-perjodu, il-bastiment inkwistjoni jrid ikun daħal f’port deżinjat mill-awtoritajiet ta’ Greenland għal segwitu regolatorju u tiswija, jew jitlaq miż-żona sakemm l-Istat tal-bandiera ma jkunx bagħat ir-rapport ta’ spezzjoni dwar l-apparat difettuż liċ-ĊMS ta’ Greenland u infurmah bir-raġunijiet li wasslu għall-ħsara.

2.3.

Sakemm it-tagħmir jissewwa jew jinbidel, il-kaptan tal-bastiment għandu jibgħat rapport tal-pożizzjoni globali manwalment kull 4 siegħat bil-posta elettronika, bir-radju jew bil-fax liċ-ĊMS tal-Istat tal-bandiera, fejn jiddikjara l-pożizzjonijiet irreġistrati mill-kaptan tal-bastiment bil-kundizzjonijiet imsemmija fil-paragrafu 1.2.

2.4.

Messaġġi manwali kif imsemmija fil-paragrafu 2.3 ta’ dan l-Appendii għandhom jiġu rreġistrati immedjatament miċ-ĊPS tal-Istat tal-bandiera fil-bażi tad-data msemmija fil-paragrafu 1.4 ta’ dan l-Appendiċi u trażmessi minnufih miċ-ĊMS tal-Istat tal-bandiera liċ-ĊMS ta’ Greenland, bl-użu tal-istess protokoll u format kif stabbilit fl-Appendiċi 4.

2.5.

Wara l-perjodu msemmi fil-paragrafu 2.2, il-bastiment ma għandux jibqa’ awtorizzat iwettaq attivitajiet tas-sajd fiż-żona tas-sajd ta’ Greenland.

3. Komunikazzjoni sigura tal-messaġġi dwar il-pożizzjoni bejn iċ-ĊMS

3.1.

Iċ-ĊMS tal-Istat tal-bandiera għandu jibgħat b’mod awtomatiku l-messaġġi dwar il-pożizzjoni tal-bastimenti kkonċernati liċ-ĊMS ta’ Greenland.

3.2.

Iċ-ĊMS taż-żewġ Partijiet għandhom jiskambjaw il-koordinati tagħhom, eż. l-indirizzi tal-email, il-fax, it-teleks u t-telefown, u għandhom jgħarrfu minnufih lil xulxin b’kwalunkwe tibdil f’dawn il-koordinati.

3.3.

Mingħajr preġudizzju għall-implimentazzjoni ta’ titjib fil-ġejjieni, it-trażmissjoni tal-messaġġi dwar il-pożizzjoni bejn iċ-ĊMS ikkonċernati u l-Istati tal-bandiera għandha ssir b’mod elettroniku permezz tal-protokoll HTTPS. L-iskambju taċ-ċertifikati għandu jseħħ bejn l-awtoritajiet ta’ Greenland u ċ-ĊMS tal-Istat tal-bandiera rilevanti.

3.4.

Id-data tal-VMS se tintuża skont l-Artikolu 11 tal-Protokoll.

4. Ħsarat fis-sistema tal-komunikazzjoni

4.1.

L-awtorità kompetenti ta’ Greenland u ċ-ĊMS tal-Istati tal-bandiera tal-Unjoni għandhom jiżguraw li t-tagħmir elettroniku tagħhom ikun kompatibbli u għandhom jgħarrfu lil xulxin minnufih b’kwalunkwe funzjonament ħażin fil-komunikazzjoni u l-wasla tal-messaġġi dwar il-pożizzjoni bl-għan li tinstab soluzzjoni teknika mill-aktar fis possibbli.

4.2.

In-nuqqas ta’ komunikazzjoni bejn iċ-ĊMS ma għandux jaffettwa l-operat tal-bastimenti.

4.3.

Il-messaġġi kollha li ma jiġux trażmessi waqt li s-sistema ma tkunx qed taħdem, għandhom jintbagħtu malli terġa’ tiġi stabbilita l-komunikazzjoni bejn iċ-ĊMS ikkonċernati.

5. Manutenzjoni ta’ ĊMS

5.1

Manutenzjoni ppjanata ta’ ĊMS (programm ta’ manutenzjoni) li tista’ taffettwa l-iskambju ta’ data tal-VMS għandha tiġi nnotifikata liċ-ĊMS l-ieħor mill-inqas 72 siegħa qabel, filwaqt li jiġu indikati, fejn possibbli, id-data u t-tul ta’ żmien tal-ħidma ta’ manutenzjoni. Għall-operazzjonijiet ta’ manutenzjoni li ma jkunux ippjanati, din l-informazzjoni għandha tintbagħat liċ-ĊMS l-ieħor mill-aktar fis possibbli.

5.2

Matul il-ħidma ta’ manutenzjoni, id-disponibbiltà tad-data tal-VMS tista’ titpoġġa fi stat ta’ stennija sakemm is-sistema terġa’ ssir operazzjonali. Id-data tal-VMS rilevanti għandha tintbagħat immedjatament wara li jintemm ix-xogħol ta’ manutenzjoni.

5.3

Jekk ix-xogħol ta’ manutenzjoni jieħu aktar minn 24 siegħa, id-data tal-VMS għandha tintbagħat liċ-ĊMS l-ieħor permezz ta’ mezz alternattiv ta’ komunikazzjoni elettronika miftiehem b’mod reċiproku.

5.4

Greenland għandha tavża lill-awtoritajiet kompetenti ta’ monitoraġġ, kontroll u sorveljanza (MCS, monitoring, control and surveillance) tagħha sabiex iċ-ĊMS tagħha ma jqisx li l-bastimenti tal-Unjoni qed jiksru l-obbligi tagħhom minħabba li ma jkunux qed jittrażmettu d-data tal-VMS minħabba operazzjoni ta’ manutenzjoni ta’ ĊMS.

6. Reviżjoni tal-frekwenza tal-messaġġi dwar il-pożizzjoni

6.1

Abbażi ta’ evidenza dokumentata li turi ksur, Greenland tista’ titlob liċ-ĊMS tal-istat tal-bandiera, filwaqt li tibgħat kopja wkoll lill-Unjoni, ħalli tnaqqas l-intervall biex il-bastiment jibgħat il-messaġġi dwar il-pożizzjoni tiegħu għal kull 30 minuta għal perjodu partikolari tal-investigazzjoni. Greenland għandha tibgħat din l-evidenza dokumentata lill-ĊMS tal-Istat tal-bandiera u lill-Unjoni. Iċ-ĊMS tal-Istat tal-bandiera għandu jibgħat minnufih il-messaġġi dwar il-pożizzjoni lil Greenland bil-frekwenza l-ġdida.

6.2

Fi tmiem il-perjodu stabbilit tal-investigazzjoni, Greenland għandha tinforma liċ-ĊMS tal-Istat tal-bandiera u lill-Unjoni b’kwalunkwe segwitu li jista’ jkun meħtieġ.

Appendiċi 4

TAQSIMA 1 — FORMAT NAF VMS (*)

Format tad-data tal-VMS

Format għal komunikazzjoni ta’ messaġġi tal-VMS liċ-ĊMS tal-Parti l-oħra

(1) Messaġġ ta’ “ENTRY” (DĦUL)

Element tad-Data:	Kodiċi tal-Qasam:	Obbligatorji/Fakultattivi:	Osservazzjonijiet:
Bidu tar-Reġistrazzjoni	BR	O	Dettall tas-sistema; tindika l-bidu tar-reġistrazzjoni
Indirizz	IN	O	Dettall tal-messaġġ; Parti destinatarja kodiċi tal-pajjiż ALPHA-3 ISO
Minn	MI	O	Dettall tal-messaġġ; Parti trażmittenti kodiċi tal-pajjiż ALPHA-3 ISO
Numru tar-Reġistrazzjoni	NR	F	Dettall tal-messaġġ; in-numru tas-serje tar-reġistrazzjoni fis-sena rilevanti
Data tar-Reġistrazzjoni	DR	F	Dettall tal-messaġġ; data tat-trażmissjoni
Ħin tar-Reġistrazzjoni	ĦR	F	Dettall tal-messaġġ; ħin tat-trażmissjoni
Tip ta’ Messaġġ	TM	O	Dettall tal-messaġġ; tip ta’ messaġġ, “ENT”
Sinjal tas-Sejħa bir-Radju	SR	O	Dettall tal-bastiment; kodiċi internazzjonali tas-sinjal tas-sejħa bir-radju tal-bastiment
Numru ta’ Referenza Intern	RI	O	Dettall tal-bastiment. In-numru uniku tal-bastiment tal-Parti bħala l-kodiċi tal-pajjiż tal-bandiera ALPHA-3 ISO segwit minn numru
Numru tar-Reġistrazzjoni Estern	RE	F	Dettall tal-bastiment; in-numru tal-ġenb tal-bastiment
Latitudni	LT	O	Dettall tal-pożizzjoni; pożizzjoni ± 99.999 (WGS-84)
Lonġitudni	LĠ	O	Dettall tal-pożizzjoni; pożizzjoni ± 999.999 (WGS-84)
Veloċità	VE	O	Dettall tal-pożizzjoni; Il-veloċità tal-bastiment f’1 minn kull 10 mili nawtiċi
Rotta	RO	O	Dettall tal-pożizzjoni; Rotta tal-bastiment fuq skala ta’ 360o
Data	DA	O	Dettall dwar il-pożizzjoni; Id-data f’UTC tal-pożizzjoni (SSSSXXJJ)
Ħin	ĦI	O	Dettall dwar il-pożizzjoni; Il-ħin f’UTC tal-pożizzjoni (SSMM)
Tmiem tar-Reġistrazzjoni	TR	O	Dettall tas-sistema; jindika tmiem tar-reġistrazzjoni

(2) Messaġġ/rapport dwar il-“POSITION” (POŻIZZJONI)

Element tad-Data:	Kodiċi tal-Qasam:	Obbligatorji/Fakultattivi:	Osservazzjonijiet:
Bidu tar-Reġistrazzjoni	BR	O	Dettall tas-sistema; tindika l-bidu tar-reġistrazzjoni
Indirizz	IN	O	Dettall tal-messaġġ; Parti destinatarja kodiċi tal-pajjiż ALPHA-3 ISO
Minn	MI	O	Dettall tal-messaġġ; Parti trażmittenti kodiċi tal-pajjiż ALPHA-3 ISO
Numru tar-Reġistrazzjoni	NR	F	Dettall tal-messaġġ; in-numru tas-serje tar-reġistrazzjoni fis-sena rilevanti
Data tar-Reġistrazzjoni	DR	F	Dettall tal-messaġġ; data tat-trażmissjoni
Ħin tar-Reġistrazzjoni	ĦR	F	Dettall tal-messaġġ; ħin tat-trażmissjoni
Tip ta’ Messaġġ	TM	O	Dettall tal-messaġġ; it-tip ta’ messaġġ, “POS” (1)
Sinjal tas-Sejħa bir-Radju	SR	O	Dettall tal-bastiment; kodiċi internazzjonali tas-sinjal tas-sejħa bir-radju tal-bastiment
Numru ta’ Referenza Intern	RI	O	Dettall tal-bastiment. In-numru uniku tal-bastiment tal-Parti bħala l-kodiċi tal-pajjiż tal-bandiera ALPHA-3 ISO segwit minn numru
Numru tar-Reġistrazzjoni Estern	RE	F	Dettall tal-bastiment; in-numru tal-ġenb tal-bastiment
Latitudni	LT	O	Dettall dwar il-pożizzjoni; pożizzjoni ± 99.999 (WGS-84)
Lonġitudni	LĠ	O	Dettall dwar il-pożizzjoni; pożizzjoni ± 999.999 (WGS-84)
Attività	AT	O (2)	Dettall tal-pożizzjoni; “ANC” li tindika mod ta’ rapportar imnaqqas
Veloċità	VE	O	Dettall tal-pożizzjoni; Il-veloċità tal-bastiment f’1 minn kull 10 mili nawtiċi
Rotta	RO	O	Dettall tal-pożizzjoni; Rotta tal-bastiment fuq skala ta’ 360o
Data	DA	O	Dettall tal-pożizzjoni; Id-data f’UTC tal-pożizzjoni (SSSSXXJJ)
Ħin	ĦI	O	Dettall tal-pożizzjoni; Il-ħin f’UTC tal-pożizzjoni (SSMM)
Tmiem tar-Reġistrazzjoni	TR	O	Dettall tas-sistema; jindika tmiem tar-reġistrazzjoni

(3) Messaġġ ta’ “EXIT” (ĦRUĠ)

Element tad-Data:	Kodiċi tal-Qasam:	Obbligatorji/Fakultattivi:	Osservazzjonijiet:
Bidu tar-Reġistrazzjoni	BR	O	Dettall tas-sistema; tindika l-bidu tar-reġistrazzjoni
Indirizz	IN	O	Dettall tal-messaġġ; Parti destinatarja kodiċi tal-pajjiż ALPHA-3 ISO
Minn	MI	O	Dettall tal-messaġġ; Parti trażmittenti kodiċi tal-pajjiż ALPHA-3 ISO
Numru tar-Reġistrazzjoni	NR	F	Dettall tal-messaġġ; in-numru tas-serje tar-reġistrazjoni fis-sena rilevanti
Data tar-Reġistrazzjoni	DR	F	Dettall tal-messaġġ; data tat-trażmissjoni
Ħin tar-Reġistrazzjoni	ĦR	F	Dettall tal-messaġġ; ħin tat-trażmissjoni
Tip ta’ Messaġġ	TM	O	Dettall tal-messaġġ; tip ta’ messaġġ, “EXI”
Sinjal tas-Sejħa bir-Radju	SR	O	Dettall tal-bastiment; kodiċi internazzjonali tas-sinjal tas-sejħa bir-radju tal-bastiment
Numru ta’ Referenza Intern	RI	O	Dettall tal-bastiment. In-numru uniku tal-bastiment tal-Parti bħala l-kodiċi tal-pajjiż tal-bandiera ALPHA-3 ISO segwit minn numru
Numru tar-Reġistrazzjoni Estern	RE	F	Dettall tal-bastiment; in-numru tal-ġenb tal-bastiment
Data	DA	O	Dettall tal-pożizzjoni; Id-data f’UTC tal-pożizzjoni (SSSSXXJJ)
Ħin	ĦI	O	Dettall tal-pożizzjoni; Il-ħin f’UTC tal-pożizzjoni (SSMM)
Tmiem tar-Reġistrazzjoni	TR	O	Dettall tas-sistema; jindika tmiem tar-reġistrazzjoni

(4) Dettalji tal-format

Kull messaġġ fi trażmissjoni tad-data huwa strutturat kif ġej:

—	żbarra doppja (//) u l-kodiċi BR jindikaw il-bidu ta’ messaġġ,

—	żbarra doppja (//) u l-kodiċi tal-qasam jindikaw il-bidu ta’ element tad-data;

—	żbarra waħda (/) tissepara l-kodiċi tal-qasam mid-data,

—	pari tad-data huma mifrudin minn spazju,

—	il-karattri “TR” u żbarra doppja (//) jindikaw it-tmiem tar-reġistrazzjoni.

Il-kodiċijiet tal-qasam kollha mogħtija f’dan l-Anness huma fil-Format tal-Atlantiku tat-Tramuntana, kif deskritt fl-Iskema ta’ Kontroll u Infurzar tal-NEAFC.

TAQSIMA 2 – FORMAT TAL-VMS UN/FLUX

Format UN/FLUX: data obbligatorja li għandha tiġi trażmessa f’rapporti ta’ pożizzjoni

Data	Obbligatorja/fakultattiva	Kummenti
Destinatarju	O	Dettall dwar il-messaġġ — Il-kodiċi Alfa-3 tal-pajjiż destinatarju (ISO-3166) Nota: Parti mill-pakkett FLUX TL
Minn	O	Dettall dwar il-messaġġ — Il-kodiċi Alfa-3 tal-pajjiż speditur (ISO-3166)
Identifikatur uniku tal-messaġġ	O	UUID skont l-RFC 4122 definit mill-IETF
Data u ħin tat-trażmissjoni	O	Id-data u l-ħin meta nħoloq il-messaġġ f’UTC skont l-ISO 8601, bl-użu tal-format SSSS-XX-JJThh:mm:ss[.000000]Z (1)
L-Istat tal-Bandiera	O	Dettalji tal-messaġġ — Bandiera tal-Istat tal-bandiera, Kodiċi tal-pajjiż Alpha-3 (ISO-3166)
Tip ta’ messaġġ	O	Dettalji dwar il-messaġġ — Tip ta’ messaġġ Il-kodiċijiet li ġejjin għandhom jintużaw: ENTRY: l-ewwel pożizzjoni rreġistrata wara d-dħul fiż-żona tas-sajd) EXIT: l-ewwel messaġġ irreġistrat wara l-ħruġ miż-żona tas-sajd POS: pożizzjonijiet trażmessi waqt li jkunu fiż-żona tas-sajd) MANUAL: pożizzjoni trażmessa manwalment
Is-sinjal tas-sejħa bir-radju:	O	Dettall tal-bastiment — Is-sinjal internazzjonali tas-sejħa bir-radju tal-bastiment (l-IRCS)
In-numru ta’ referenza intern tal-Parti Kontraenti	F	Dettall tal-bastiment — In-numru uniku tal-bastiment tal-parti kontraenti
Identifikatur Uniku tal-Bastiment (UVI, Unique Vessel Identifier)	F	Dettall tal-bastiment — in-numru tal-IMO
Numru tar-Reġistrazzjoni Estern	F	Dettall tal-bastiment — Numru fuq il-ġenb tal-bastiment (ISO 8859.1)
Latitudni	O	Dettall dwar il-pożizzjoni tal-bastiment — il-pożizzjoni fi gradi u fi gradi deċimali +/– GGG.ggg (WGS-84) Koordinati pożittivi għal pożizzjonijiet fit-Tramuntana tal-Ekwatur; Koordinati negattivi għal pożizzjonijiet fin-Nofsinhar tal-Ekwatur.
Lonġitudni	O	Dettall tal-pożizzjoni tal-bastiment — pożizzjoni fi gradi u gradi deċimali DD.ddd (WGS-84). Koordinati pożittivi fil-Lvant tal-meridjan ta’ Greenwich; Koordinati negattivi fil-Punent tal-meridjan ta’ Greenwich.
Rotta	O	Rotta tal-bastiment fuq skala ta’ 360o
Veloċità	O	Veloċità tal-bastiment f’mili nawtiċi
Data u ħin	O	Dettalji dwar il-pożizzjoni tal-bastiment — data u ħin tar-reġistrazzjoni tal-pożizzjoni f’UTC skont l-istandard ISO 8601, fil-format SSSS-XX-DDThh:mm:ss[.000000]Z (2)

It-trażmissjoni tad-data fil-format UN/FLUX għandha tkun strutturata bil-mod stabbilit fid-dokument tekniku ta’ implimentazzjoni separat li għandu jiġi żviluppat u miftiehem mill-Partijiet qabel ma sseħħ il-bidla għall-UN/FLUX.

(*) Kif iddikjarat fil-Kapitolu IV, it-Taqsima 1, tal-Anness, l-istandard UN/FLUX (United Nations/Fisheries Language for Universal eXchange) u n-network ta’ skambju FLUX TL huma maħsuba li jiġu implimentati għall-iskambju ta’ pożizzjonijiet tal-bastimenti ladarba l-perjodi ta’ prova miftiehma jkunu tlestew b’suċċess u ż-żewġ partijiet ikunu lesti. Konsegwentement, ladarba jintuża l-format UN/FLUX, l-ispeċifikazzjonijiet relatati mal-format NAF ta’ hawn fuq għall-iskambju ta’ pożizzjonijiet tal-VMS għandhom jiġu sostitwiti bil-format VMS UN/FLUX stabbilit fit-Taqsima 2 ta’ dan l-Appendiċi.

(1) it-tip ta’ messaġġ għandu jkun “MAN” għar-rapporti kkomunikati minn bastimenti b’apparat ta’ monitoraġġ bis-satellita difettuż.

(2) Applikabbli biss jekk il-bastiment ikun qed jittrażmetti messaġġi POS bi frekwenza mnaqqsa.

(1) SSSS=sena; XX= ix-xahar, inkluż iż-0 ta’ quddiem fejn in-numru tax-xahar huwa inqas minn 10; JJ= il-jum tax-xahar inkluż dak iż-0 ta’ quddiem fejn in-numru tal-jum ikun inqas minn 10; Ħ= l-ittra Ħ biex tindika l-parti tat-taqsima tal-ħin; H24= sigħat tal-ġurnata espressi b’żewġ ċifri bl-użu tan-notazzjoni ta’ 24 siegħa; MI= minuti espressi bħala żewġ ċifri; SS= sekondi espressi bħala żewġ ċifri; [.000000] = jistgħu jiġu inklużi frazzjonijiet ta’ sekondi b’mod fakultattiv, mingħajr ma jiġu inklużi l-parentesi; Ż = iż-żona tal-ħin, li trid tkun Ż (jiġifieri UTC)

(2) SSSS= sena; XX= ix-xahar, inkluż iż-0 ta’ quddiem fejn in-numru tax-xahar huwa inqas minn 10; JJ= il-jum tax-xahar inkluż dak iż-0 ta’ quddiem fejn in-numru tal-jum ikun inqas minn 10; Ħ= l-ittra Ħ biex tindika l-parti tat-taqsima tal-ħin; H24= sigħat tal-ġurnata espressi b’żewġ ċifri bl-użu tan-notazzjoni ta’ 24 siegħa; MI= minuti espressi bħala żewġ ċifri; SS= sekondi espressi bħala żewġ ċifri; [.000000] = jistgħu jiġu inklużi frazzjonijiet ta’ sekondi b’mod fakultattiv, mingħajr ma jiġu inklużi l-parentesi; Ż= iż-żona tal-ħin, li għandha tkun Ż (jiġifieri. UTC)

Appendiċi 5

SKEMA TA’ FLESSIBBILTÀ FIS-SAJD GĦAR-REDFISH PELAĠIKU BEJN L-ILMIJIET TA’ GREENLAND U TAL-NEAFC

Biex bastiment tal-Unjoni jistad skont l-iskema ta’ flessibbiltà fis-sajd għar-redfish pelaġiku bejn l-ilmijiet ta’ Greenland u dawk tal-NEAFC, għandu jkollu awtorizzazzjoni tas-sajd maħruġa minn Greenland f’konformità mal-Kapitolu II tal-Anness tal-Protokoll. L-applikazzjoni u l-awtorizzazzjoni tas-sajd se jirreferu biċ-ċar għall-attivitajiet ’il barra miż-ŻEE ta’ Greenland.

Fiż-żona regolatorja tal-NEAFC għandhom jitħarsu l-miżuri kollha adottati mill-NEAFC b’rabta ma’ dak it-tip ta’ sajd.

Bastiment tal-Unjoni jista’ jistad biss il-kwota tiegħu għar-redfish ta’ Greenland ladarba jkun eżawrixxa s-sehem tiegħu tal-kwota tar-redfish tal-NEAFC tal-Unjoni allokata mill-Istat tal-Bandiera tiegħu.

Bastiment jista’ jistad il-kwota tiegħu ta’ Greenland fl-istess żona tal-NEAFC, fejn tkun inqabdet il-kwota tal-NEAFC, suġġett għall-paragrafu 5.

Bastiment tal-Unjoni jista’ jistad il-kwota tiegħu ta’ Greenland fiż-żona ta’ konservazzjoni tar-redfish (RCA) bil-kundizzjonijiet stabbiliti fir-rakkomandazzjoni tal-NEAFC dwar il-ġestjoni tar-redfish fil-baħar Irminger u fl-ilmijiet tal-madwar, iżda bl-esklużjoni ta’ kwalunkwe parti li tinsab fiż-żona tas-sajd tal-Iżlanda.

Bastiment tal-Unjoni li jwettaq attivitajiet tas-sajd fiż-Żona Regolatorja tal-NEAFC għandu jibgħat rapport dwar il-pożizzjoni tal-VMS lill-NEAFC permezz taċ-ĊMS tal-Istat tal-bandiera tiegħu f’konformità mar-rekwiżiti regolatorji. Waqt li bastiment ikun qed jistad għall-ħut fiż-żona ta’ konservazzjoni tar-redfish tal-NEAFC fil-qafas tal-kwota ta’ Greenland, iċ-ĊMS tal-Istat tal-bandiera għandu jirranġa b’mod speċifiku biex ir-riżultati tat-teħid tar-rapport tal-VMS dwar il-pożizzjoni tal-bastiment ta’ kull siegħa jintbagħtu liċ-ĊMS ta’ Greenland kważi f’ħin reali.

Il-kaptan tal-bastiment għandu jiżgura li meta jkun qed jibgħat ir-rapporti lill-NEAFC u lill-awtoritajiet ta’ Greenland, il-qabdiet tar-redfish li jkunu nqabdu fiż-żona regolatorja tal-NEAFC abbażi tal-iskema ta’ flessibbiltà ta’ Greenland jiġu identifikati biċ-ċar bħala qabdiet li saru abbażi tal-awtorizzazzjoni tas-sajd ta’ Greenland maħruġa fil-qafas tal-iskema ta’ flessibbiltà.

Qabel ma bastiment jibda jistad abbażi tal-awtorizzazzjoni tas-sajd ta’ Greenland tiegħu, huwa għandu jibgħat rapport ta’ AVVIŻ TA’ AZZJONI.

Meta bastiment ikun qed jistad abbażi ta’ awtorizzazzjoni tas-sajd ta’ Greenland, huwa għandu jibgħat ta’ kuljum rapport TAL-QABDIET TA’ KULJUM sa mhux aktar tard minn 23:59 UTC.

Malli bastiment jieqaf mill-attivitajiet tas-sajd tiegħu marbutin mal-kwota ta’ Greenland, huwa għandu jibgħat rapport TA’ TMIEM L-AZZJONI.

Ir-Rapport TA’ AVVIŻ TA’ AZZJONI, ir-Rapport TAL-QABDIET TA’ KULJUM u r-Rapport TA’ TMIEM L-AZZJONI għandhom isiru f’konformità mal-Kapitolu IV, it-Taqsima 2, tal-Anness.

Sabiex jitħarsu iktar iż-żoni ta’ estrużjoni tal-larva, l-attivitajiet tas-sajd ma għandhomx jibdew qabel id-data stipulata fir-rakkomandazzjoni tal-NEAFC dwar il-ġestjoni tar-redfish fil-baħar Irminger u fl-ilmijiet ta’ madwaru.

L-Istat tal-bandiera għandu jibgħat rapporti dwar il-qabdiet li jkunu saru abbażi tal-kwota ta’ Greenland fl-ilmijiet ta’ Greenland u fiż-żona regolatorja tal-NEAFC lill-awtoritajiet tal-Unjoni. Dawk għandhom jinkludu l-qabdiet kollha li jkunu saru fil-qafas tal-iskema ta’ flessibbiltà u għandhom jidentifikaw biċ-ċar il-qabdiet u l-awtorizzazzjonijiet tas-sajd korrispondenti.

10.

Fi tmiem l-istaġun tas-sajd kull ĊMS ta’ Stat tal-bandiera għandu jibgħat lill-awtoritajiet ta’ Greenland l-istatistika dwar il-qabdiet marbuta mas-sajd għar-redfish pelaġiku li jkun sar skont din l-iskema ta’ flessibbiltà.

Appendiċi 6

PROĊESSAR TA’ DATA PERSONALI

1. Id-definizzjonijiet u l-kamp ta’ applikazzjoni

1.1. Definizzjonijiet

Għall-finijiet ta’ dan l-Appendiċi, għandhom japplikaw id-definizzjonijiet stabbiliti fl-Artikolu 2 tal-Ftehim u d-definizzjonijiet li ġejjin:

(a)

“data personali” tfisser kwalunkwe informazzjoni relatata ma’ persuna fiżika identifikata jew identifikabbli (“suġġett tad-data”); persuna fiżika identifikabbli hija persuna li tista’ tiġi identifikata, direttament jew indirettament, b’mod partikolari b’referenza għal identifikatur bħal isem, numru ta’ identifikazzjoni, jew data ta’ lokalizzazzjoni;

(b)

“ipproċessar” tfisser kwalunkwe operazzjoni jew sett ta’ operazzjonijiet imwettqa fuq data personali jew fuq settijiet ta’ data personali, kemm jekk b’mezzi awtomatizzati kif ukoll jekk le, bħall-ġbir, ir-reġistrazzjoni, l-organizzazzjoni, l-istrutturar, il-ħżin, l-adattament jew it-tibdil, l-irkupru, il-konsultazzjoni, l-użu, l-iżvelar bi trażmissjoni, it-tixrid jew it-tqegħid għad-dispożizzjoni b’xi mod ieħor, l-allinjament jew il-kombinazzjoni, ir-restrizzjoni, it-tħassir jew il-qerda;

(c)	“awtorità trasferenti” tfisser awtorità pubblika li tibgħat data personali;

(d)	“awtorità riċeventi” tfisser awtorità pubblika li lilha tiġi żvelata data personali;

(e)	“ksur tad-data” tfisser ksur tas-sigurtà li jwassal għall-qerda aċċidentali jew illegali, it-telf, l-alterazzjoni, l-iżvelar mhux awtorizzat tad-data personali trażmessa, maħżuna jew ipproċessata b’xi mod ieħor, jew l-aċċess għaliha;

(f)	“trasferiment ulterjuri” tfisser it-trasferiment ta’ data personali minn parti riċeventi lil entità li mhijiex firmatarja ta’ dan il-Protokoll (“parti terza”);

(g)	“awtorità superviżorja” tfisser awtorità pubblika indipendenti responsabbli għall-monitoraġġ tal-applikazzjoni ta’ dan l-Appendiċi sabiex tipproteġi d-drittijiet u l-libertajiet fundamentali ta’ persuni fiżiċi fir-rigward tal-ipproċessar ta’ data personali.

1.2. Kamp ta’ Applikazzjoni

Il-persuni kkonċernati mill-Protokoll huma, b’mod partikolari, persuni fiżiċi li huma sidien ta’ bastimenti tas-sajd, ir-rappreżentanti tagħhom, il-kaptan u l-ekwipaġġ li jservu abbord bastimenti tas-sajd li joperaw skont dan il-Protokoll.

Fir-rigward tal-implimentazzjoni tal-Protokoll, b’mod partikolari fir-rigward tal-applikazzjonijiet għall-għotjiet, il-monitoraġġ tal-attivitajiet tas-sajd u l-ġlieda kontra s-sajd illegali, id-data li ġejja tista’ tiġi skambjata u pproċessata ulterjorment:

—	l-identifikazzjoni u d-dettalji ta’ kuntatt tal-bastiment;

—	l-attivitajiet ta’ bastiment jew relatati ma’ bastiment, il-pożizzjoni u l-movimenti tiegħu, l-attività tas-sajd tiegħu jew l-attività relatata mas-sajd, miġbura permezz ta’ kontrolli, spezzjonijiet jew osservaturi;

—	data relatata mas-sidien tal-bastiment jew ir-rappreżentant tiegħu, bħall-isem, in-nazzjonalità, id-dettalji ta’ kuntatt tan-negozju u l-kont bankarju tan-negozju;

—	data relatata mal-aġent lokali, bħall-isem, in-nazzjonalità u d-dettalji ta’ kuntatt tan-negozju;

—	data relatata mal-kaptani tal-bastiment u l-membri tal-ekwipaġġ, bħall-ismijiet, in-nazzjonalità, il-funzjoni u, fil-każ tal-kaptan, id-dettalji ta’ kuntatt tiegħu jew tagħha;

—	data relatata mas-sajjieda abbord, bħall-isem, id-dettalji ta’ kuntatt, it-taħriġ u ċ-ċertifikat tas-saħħa.

1.3. Awtoritajiet responsabbli

L-awtoritajiet responsabbli għall-ipproċessar tad-data huma l-Kummissjoni Ewropea u l-awtorità tal-Istat Membru tal-bandiera, għall-Unjoni, u l-awtorità ta’ Greenland.

2. Salvagwardji għall-protezzjoni tad-data personali

2.1. Limitazzjoni tal-iskop u l-minimizzazzjoni tad-data

Id-data personali mitluba u ttrasferita skont il-Protokoll għandha tkun adegwata, rilevanti u limitata għal dak li huwa meħtieġ għall-implimentazzjoni tal-Protokoll, jiġifieri għall-ipproċessar tal-awtorizzazzjonijiet tas-sajd u għall-kontroll u l-monitoraġġ tal-attivitajiet tal-bastimenti tal-Unjoni. Il-partijiet għandhom jiskambjaw data personali skont il-Protokoll biss għall-finijiet speċifiċi stabbiliti fil-Protokoll.

Id-data riċevuta ma għandhiex tiġi pproċessata għal finijiet oħra għajr dawk imsemmija fl-ewwel subparagrafu, jew inkella għandha tiġi anonimizzata.

Fuq talba, l-awtorità riċeventi għandha tinforma lill-awtorità trasferenti mingħajr dewmien dwar kif tintuża d-data pprovduta.

2.2. Akkuratezza

Il-partijiet għandhom jiżguraw li d-data personali trasferita skont il-Protokoll tkun preċiża, aġġornata u, fejn xieraq, aġġornata regolarment abbażi tal-għarfien tal-awtorità trasferenti. Jekk waħda mill-Partijiet issib li d-data personali trasferita jew riċevuta mhijiex preċiża, hija għandha tinforma lill-Parti l-oħra mingħajr dewmien u għandha tikkoreġiha u taġġornaha kif meħtieġ.

2.3. Limitazzjoni tal-ħżin

Id-data personali ma għandhiex tinżamm għal aktar żmien milli jkun meħtieġ għall-iskop li għalih tkun ġiet skambjata. Dawn għandhom jitħassru mhux aktar tard minn sena wara l-iskadenza tal-Protokoll, sakemm ma jkunux meħtieġa biex jikkonformaw mal-obbligi skont il-Kapitolu 12 tal-Att dwar is-Sajd ta’ Greenland (l-Att Nru 29 tat-23 ta’ Mejju 2024 dwar is-Sajd) jew biex isegwu ksur, spezzjoni jew proċedimenti ġudizzjarji jew amministrattivi. Fil-każ tal-aħħar, id-data tista’ tinżamm sakemm ikun meħtieġ biex il-ksur jew l-ispezzjoni jkunu jistgħu jiġu segwiti jew sakemm il-proċedimenti ġudizzjarji jew amministrattivi jkunu ngħalqu b’mod definittiv. Fir-rigward tad-data personali meħtieġa għall-konformità mal-obbligi skont il-Kapitolu 12 tal-Att dwar is-Sajd ta’ Greenland (l-Att Nru 29 tat-23 ta’ Mejju 2024 dwar is-Sajd), id-data għandha titħassar mhux aktar tard minn 5 snin wara li tkun inkisbet id-data skont il-Protokoll.

Jekk id-data personali tinħażen għal perjodu itwal, din għandha tiġi anonimizzata.

2.4. Sigurtà u kunfidenzjalità

Id-data personali għandha tiġi pproċessata b’tali mod li jiġi żgurat li tkun sigura kif xieraq, filwaqt li jitqiesu r-riskji speċifiċi tal-ipproċessar, inkluża l-protezzjoni kontra l-ipproċessar mhux awtorizzat jew illegali u kontra t-telf, il-qerda jew il-ħsara aċċidentali. L-awtoritajiet responsabbli għall-ipproċessar għandhom jindirizzaw kwalunkwe ksur tad-data u jieħdu l-miżuri kollha meħtieġa biex jirrimedjaw jew jimmitigaw kwalunkwe effett negattiv ta’ ksur ta’ data personali. L-awtorità riċeventi għandha tinnotifika tali ksur lill-awtorità trasferenti malajr kemm jista’ jkun, u ż-żewġ awtoritajiet għandhom jikkooperaw ma’ xulxin fil-ħin kif meħtieġ biex kull waħda tikkonforma mal-obbligi tagħha li jirriżultaw minn ksur tad-data personali skont il-qafas legali nazzjonali tagħha.

Il-Partijiet jimpenjaw ruħhom li jistabbilixxu miżuri tekniċi u organizzattivi xierqa biex jiżguraw li l-ipproċessar ikun konformi mal-Protokoll.

2.5. Rettifika jew tħassir

Iż-żewġ Partijiet għandhom jiżguraw li l-awtoritajiet trasferenti u riċeventi jieħdu l-passi raġonevoli kollha biex jiżguraw li d-data personali tiġi, kif xieraq, rettifikata jew imħassra mingħajr dewmien jekk l-ipproċessar ma jkunx konformi mal-Protokoll, b’mod partikolari minħabba li d-data ma tkunx adegwata, rilevanti jew preċiża jew tkun eċċessiva fir-rigward tal-iskop tal-ipproċessar.

Iż-żewġ Partijiet għandhom jinnotifikaw lil xulxin b’kull rettifika jew tħassir.

2.6. Trasparenza

Il-partijiet għandhom jiżguraw li s-suġġetti tad-data jiġu infurmati, permezz ta’ notifika individwali u pubblikazzjoni tal-Ftehim fuq is-siti web tagħhom, dwar il-kategoriji ta’ data trasferita u pproċessata ulterjorment, il-mod li bih tiġi pproċessata d-data personali, l-għodda rilevanti użata għat-trasferiment, l-iskop tal-ipproċessar, il-partijiet terzi jew il-kategoriji ta’ partijiet terzi li lilhom l-informazzjoni tista’ tiġi ttrasferita ulterjorment, id-drittijiet individwali u l-mekkaniżmi disponibbli għalihom biex jeżerċitaw id-drittijiet tagħhom u jiksbu rimedju, u dettalji dwar fejn jistgħu jressqu proċedimenti jew iressqu lmenti.

2.7 Trasferiment ulterjuri

L-awtorità riċeventi għandha tittrasferixxi data personali riċevuta skont il-Protokoll lil parti terza stabbilita f’pajjiż li mhuwiex l-Istat Membru tal-bandiera biss jekk dan ikun iġġustifikat minn objettiv importanti ta’ interess pubbliku li huwa rikonoxxut ukoll fil-leġiżlazzjoni applikabbli għall-awtorità trasferenti u jekk jiġu ssodisfati r-rekwiżiti l-oħra stabbiliti f’dan l-Appendiċi (b’mod partikolari fir-rigward tal-limitazzjoni tal-iskop u l-minimizzazzjoni tad-data), u

(a)

jekk il-Kummissjoni Ewropea tkun adottat deċiżjoni ta’ adegwatezza skont l-Artikolu 45 tar-Regolament (UE) 2016/679 tal-Parlament Ewropew u tal-Kunsill (1) fir-rigward tal-pajjiż fejn tinsab il-parti terza jew fejn tinsab l-organizzazzjoni internazzjonali, u dik id-deċiżjoni tkopri t-trasferiment ulterjuri; jew

(b)	f’każijiet speċifiċi, fejn tali trasferiment ikun meħtieġ biex l-awtorità trasferenti tissodisfa l-obbligi tagħha lejn organizzazzjonijiet reġjonali tal-ġestjoni tas-sajd jew organizzazzjonijiet reġjonali tas-sajd; jew

(c)	f’każijiet eċċezzjonali u fejn jitqies meħtieġ, dment li l-parti terza timpenja ruħha li tipproċessa d-data biss għall-iskopijiet speċifiċi li għalihom tkun ġiet ittrasferita ulterjorment u li tħassarha hekk kif l-ipproċessar ma jibqax meħtieġ għal dak l-għan.

3. Id-drittijiet tas-suġġetti tad-data

3.1. Aċċess għad-data personali

Fuq talba ta’ suġġett tad-data, l-awtorità riċeventi għandha:

(a)	tikkonferma lis-suġġett tad-data jekk id-data personali relatata mas-suġġett tad-data hijiex qed tiġi pproċessata jew le;

(b)	tipprovdi informazzjoni dwar l-iskop tal-ipproċessar, il-kategoriji ta’ data personali, il-perjodu ta’ ħżin (jekk possibbli), id-dritt li titlob rettifika/tħassir, id-dritt li jitressaq ilment, eċċ.;

(c)	tipprovdi kopja tad-data personali;

(d)	tipprovdi informazzjoni ġenerali dwar is-salvagwardji applikabbli.

3.2. Korrezzjoni ta’ data personali

Fuq talba ta’ suġġett tad-data, l-awtorità riċeventi għandha tirrettifika kwalunkwe data personali tas-suġġett tad-data li ma tkunx kompluta, ma tkunx preċiża jew ma tkunx valida.

3.3. Tħassir ta’ data personali

Fuq talba ta’ suġġett tad-data, l-awtorità riċeventi għandha:

(a)	tħassar kwalunkwe data personali relatata mas-suġġett tad-data li tkun ġiet ipproċessata b’mod li ma jkunx konformi mas-salvagwardji stabbiliti fil-Protokoll;

(b)	tħassar kwalunkwe data personali relatata mas-suġġett tad-data li ma għadhiex meħtieġa għall-finijiet li għalihom kienet ipproċessata legalment;

(c)	twaqqaf l-ipproċessar tad-data personali jekk is-suġġett tad-data joġġezzjona għal raġunijiet relatati mas-sitwazzjoni partikolari tiegħu, sakemm ma jkunx hemm raġunijiet leġittimi konvinċenti għall-ipproċessar li jegħlbu l-interessi, id-drittijiet u l-libertajiet tas-suġġett tad-data.

3.4. Arranġamenti dettaljati

L-awtorità riċeventi għandha twieġeb minnufih, f’perjodu ta’ żmien raġonevoli u fi kwalunkwe każ fi żmien xahar mit-talba, għal talbiet mis-suġġetti tad-data dwar l-aċċess għad-data personali tagħhom, jew ir-rettifika jew it-tħassir tagħha. L-awtorità riċeventi tista’ tieħu passi xierqa, bħall-impożizzjoni ta’ tariffi raġonevoli biex tkopri l-kostijiet amministrattivi jew ir-rifjut li taġixxi fuq talba li tkun manifestament infondata jew eċċessiva.

Jekk it-talba tas-suġġett tad-data tiġi rrifjutata, l-awtorità riċeventi għandha tinforma lis-suġġett tad-data bir-raġunijiet għar-rifjut.

3.5. Restrizzjonijiet

Id-drittijiet skont dan l-Appendiċi jistgħu jiġu ristretti jekk tali restrizzjoni tkun stabbilita fil-liġi u tkun meħtieġa u proporzjonata f’soċjetà demokratika għall-prevenzjoni, l-investigazzjoni, is-sejbien u l-prosekuzzjoni ta’ reati kriminali.

Dawk id-drittijiet jistgħu jiġu ristretti wkoll biex tiġi ssalvagwardjata funzjoni ta’ monitoraġġ, spezzjoni jew regolatorja marbuta, anki jekk kultant, mal-eżerċizzju tal-awtorità uffiċjali.

Jistgħu jkunu ristretti wkoll, taħt l-istess kundizzjonijiet, għall-protezzjoni tas-suġġett tad-data jew tad-drittijiet u l-libertajiet ta’ oħrajn.

4. Rimedju u superviżjoni indipendenti

4.1. Superviżjoni indipendenti

Il-konformità tal-ipproċessar tad-data personali ma’ dan il-Protokoll għandha tkun soġġetta għal superviżjoni indipendenti minn korp estern jew intern li jeżerċita superviżjoni indipendenti u li jkollu setgħat investigattivi u ta’ rimedju.

4.2. Awtoritajiet ta’ sorveljanza

Għall-Unjoni, tali superviżjoni għandha tiġi eżerċitata mill-Kontrollur Ewropew għall-Protezzjoni tad-Data, meta l-ipproċessar jaqa’ taħt il-kompetenza tal-Kummissjoni Ewropea, jew mill-awtoritajiet superviżorji nazzjonali għall-protezzjoni tad-data, meta jaqa’ taħt il-kompetenza tal-Istat Membru tal-bandiera.

Għal Greenland, l-Aġenzija Daniża għall-Protezzjoni tad-Data (Datatilsynet) għandha tkun kompetenti.

L-awtoritajiet imsemmija hawn fuq għandhom jittrattaw u jsolvu l-ilmenti mis-suġġetti tad-data relatati mal-ipproċessar tad-data personali tagħhom skont il-Protokoll b’mod effettiv u f’waqtu.

4.3. Dritt għal rimedju

Kull Parti għandha tiżgura li, fis-sistema legali tagħha, suġġett tad-data li jemmen li awtorità tkun naqset milli tikkonforma mas-salvagwardji stabbiliti fl-Artikolu 11 tal-Protokoll u f’dan l-Appendiċi, jew li jemmen li d-data personali tiegħu kienet soġġetta għal ksur, jista’ jfittex kumpens minn dik l-awtorità sa fejn ikun permess mil-leġiżlazzjoni applikabbli quddiem qorti tal-ġustizzja jew korp ekwivalenti.

B’mod partikolari, kwalunkwe lment kontra kwalunkwe awtorità jista’ jiġi indirizzat lill-Kontrollur Ewropew għall-Protezzjoni tad-Data, fil-każ tal-Kummissjoni Ewropea, u lill-Aġenzija Daniża għall-Protezzjoni tad-Data, fil-każ ta’ Greenland. Barra minn hekk, ċerti lmenti kontra kwalunkwe awtorità jistgħu jitressqu quddiem il-Qorti tal-Ġustizzja tal-Unjoni Ewropea, fil-każ tal-Kummissjoni Ewropea, u quddiem il-Qrati ta’ Greenland, fil-każ ta’ Greenland.

Fil-każ ta’ tilwima jew ilment imressaq minn suġġett tad-data b’rabta mal-ipproċessar tad-data personali tiegħu kontra l-awtorità trasferenti, l-awtorità riċeventi jew iż-żewġ awtoritajiet, l-awtoritajiet għandhom jinfurmaw lil xulxin b’dan u jagħmlu kull sforz biex isolvu t-tilwima jew l-ilment b’mod amikevoli mill-aktar fis possibbli.

4.4. Skambju tal-informazzjoni

Il-partijiet għandhom iżommu lil xulxin infurmati dwar kwalunkwe lment li jirċievu dwar l-ipproċessar ta’ data personali skont il-Protokoll u dwar ir-riżoluzzjoni tagħhom.

5. Rieżami

Jekk ikun meħtieġ, il-Partijiet jistgħu jaqblu li jirrieżaminaw il-politiki u l-proċeduri tal-ipproċessar tad-data personali tagħhom biex jivverifikaw u jikkonfermaw li s-salvagwardji stabbiliti fl-Artikolu 11 tal-Protokoll u dan l-Appendiċi jiġu implimentati b’mod effettiv fil-Kumitat Konġunt.

6. Sospensjoni tat-trasferiment

Meta l-Partijiet ma jkunux jistgħu jsolvu b’mod amikevoli tilwim dwar l-ipproċessar tad-data personali f’konformità ma’ dan l-Appendiċi, il-Parti trasferenti tista’ tissospendi jew ittemm it-trasferiment ta’ data personali sakemm tqis li l-kwistjoni tkun ġiet solvuta b’mod sodisfaċenti mill-Parti riċeventi. Id-data diġà trasferita għandha tkompli tiġi pproċessata f’konformità ma’ dan l-Appendiċi.

(1) Ir-Regolament (UE) 2016/679 tal-Parlament Ewropew u tal-Kunsill tas-27 ta' April 2016 dwar il-protezzjoni ta’ persuni fiżiċi fir-rigward tal-ipproċessar ta’ data personali u dwar il-moviment liberu ta' dik id-data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1, ELI: http://data.europa.eu/eli/reg/2016/679/oj).

L-ispeċijiet u ż-żoni rispettivi ta’ ġestjoni fiż-ŻEE ta’ Greenland ’il barra minn 12-il mil nawtiku mil-linja bażi	Opportunitajiet indikattivi
Bakkaljaw fis-subżoni II, V, XII, XIV tal-ICES	2 050
Redfish pelaġiku (REB) fis-subżoni XII u XIV tal-ICES u fid-diviżjoni 1F tan-NAFO, sakemm din it-tip ta’ ħuta ma jsirx sajd għaliha skont l-iskema ta’ flessibbiltà għar-redfish pelaġiku stabbilita fl-Appendiċi 5 tal-Anness	0 (2)
Redfish demersali (RED) (3) fis-subżoni II, V, XII, XIV tal-ICES	2 100
Ħalibatt ta’ Greenland fis-subżona 1 tan-NAFO — fin-nofsinhar ta’ 68o fit-Tramuntana	1 900
Ħalibatt ta’ Greenland fis-subżoni II, V, XII u XIV tal-ICES (4)	4 775
Gamblu tat-Tramuntana fis-subżona 1 tan-NAFO	2 431
Gamblu tat-Tramuntana fis-subżoni II, V, XII, XIV tal-ICES	4 150
Kapelin fis-subżoni II, V, XII, XIV tal-ICES (5)	13 000
Kavalli fis-subżoni II, V, XII, XIV tal-ICES	0
Grenadier speċi fis-subżoni II, V, XII, XIV tal-ICES (6)	100
Grenadier speċi fis-subżona 1 tan-NAFO	100
Qabdiet aċċessorji	300